Nifah
JF-Expert Member
- Feb 12, 2014
- 32,112
- 67,973
Ni Joe Kusaga tena…
Waswahili husema mwenye nacho huongezwa, sio sahihi. Mwenye nacho hujiongeza ndipo huongezwa.
Mfanyabiashara na mwekezaji mkubwa nchini aliyejikita zaidi kwenye tasnia ya burudani, Joseph 'Joe' Kusaga yuko mbioni kuja na App itakayokuwa katika mtindo unaoshabihiana na App maarufu ulimwenguni, Netflix.
Ni App ya burudani…
Maudhui makubwa yatakayopatikana ndani ya App hiyo ni burudani. Zikiwemo series na movies za kibongo, habari za michezo na kutakuwemo pia na vipindi vya matukio ya wanamuziki wa Bongo Flava kama vile matukio wakati wa kuchukua video za nyimbo zao (behind the scenes)
Ni uwekezaji mkubwa!
Taarifa zinasema Joe Kusaga amefanya uwekezaji mkubwa sana katika App hiyo, kuanzia ununuzi wa vifaa vya kisasa vinavyosemekana kuwa na uwezo sawa na App nyingine kubwa za kimataifa kama Prime Video, Hulu, Netflix n.k
Pia itakuwa inapatikana kwenye TV za Smart na Android kama zilivyo hizo App nyingine.
Ni mradi wake binafsi.
Huu ni mradi binafsi wa Joe Kusaga nje ya miradi ya familia yake ambayo wanamiliki miradi mingi kwa pamoja ukiwemo Clouds Media Group.
Pia ni mradi wake bila ya ushirika kama ilivyo Wasafi n.k
Kuzinduliwa June mwaka huu
Mpango wa awali wa uzinduzi ulikuwa tarehe 9 June ambayo ni siku ya kuzaliwa ya Joe Kusaga, lakini kuna mambo yalitokea yakapelekea uzinduzi kusogezwa mbele.
Licha ya changamoto hizo zilizojitokeza, bado uzinduzi utafanyika tarehe yoyote ndani ya mwezi huohuo (June).
Kupitia chanzo changu nyeti,
Nifah.
UPDATES KUELEKEA UZINDUZI WA APP
Joseph Kusaga amewasilisha ombi rasmi kwa Rais kuwa mgeni rasmi kwenye uzinduzi wa App yake, pia akipendekeza Rais awe mtu wa kwanza kulipia App hiyo.
APP ITAITWA AFROBOX
Jina rasmi la App limeshapitishwa, ni Afrobox.
PAMBANO LA HARMONIZE NA MWAKINYO LIVE…
Upo uwezekano mkubwa wa pambano la ngumi kati ya bondia Hassan Mwakinyo na Harmonze kuruka moja kwa moja kupitia App hiyo ya Afrobox, mratibu akiwa Joseph Kusaga.
Uptades kutoka kwa chanzo changu, tusubiri uzinduzi.
Nifah