Mheshimiwa rais,
Kila mzalendo mwenye kupenda taifa hili,amefarijika sana na hotuba yako ya jana ulyoitoa katika kambi ya Kaboya,pale wilayani Muleba,karibu kabisa na kijijini kwetu.Umeonesha na kuudhihirisha ulimwengu kuwa pengine kimya kingi kina mshind😵nyo lako limepeleka ujumbe kwa nchi maadui na rafiki ya kwamba nchi hii iko imara na iko tayari kujilinda na kamwe mtu asidhubutu kutuchezea.
Kama raia mwema,ningependa kutoa ushauri ufuatao ili agizo na karipio lako liwe na mashiko.
1.Kuunda tume ya kijeshi au ya majaji kupitia mfumo mzima wa ajira katika majeshi yetu.Zipo tuhuma kuwa na ni ukweli ulio wazi kuwa nchii hii ina idadi ya wanajeshi,maaskari na maafisa wa ngazi za juu wa Usalama wa taifa, ambao si raia wa nchi hii.Katika hili,waraka wa Mtikila unaodai nchi jirani kupenyeza raia wa nchi zao na kuingia katika vyombo vya usalama,utakusaidia sana
2.Kuzifanyia kazi tuhuma juu ya chama chako,watendaji wako na ikiwezekana kuwafuta kazi mara moja watendaji wa ngazi za juu wa majeshi yetu ambao wamekuwa na tuhuma lukuki.
3.Kumfuta kazi mara moja Waziri wa sasa wa Ulinzi na jeshi la kujenga taifa,ambaye zipo tuhuma za wazi juu ya PHD yake.Ni aibu kwa jeshi kuongozwa na mtu ambaye ni mwongo.Kwa uwezo wake wa namna hiyo siyo kwamba uwepo wake waweza kuwa unachochea roho na moyo wa uasi dhidi ya wanajeshi wetu wapendwa?
4.Kujenga heshima ya Ikulu hasa katika mfumo mzima wa utendaji na utoaji wa matamko.Mtamko yanayotolewa na nyumba yetu pale Magogoni,yamekuwa yakiacha maswali mengi juu ya umakini na mfumo mzima wa utendaji katika nyumba yetu takatifu.Efficiency starts from WITHIN not from WITHOUT.
5.Kujiondoa mara moja katika shrikisho la Afrika Mashariki na kubakia na SADC pamoja na mashirika mengine ya kimataifa ambayo yana lengo la kutunufaisha.Kwa sasa hali ilivyo,kutokana na udhaifu wa watendaji tulionao katika wizara zetu,Wakenya na Waganda,hasa Wakenya,wamelitumia vizuri shirikisho hilo kujichukulia ardhi,kujipatia kazi,kufungua makampuni utitiri bila kufuata kanuni na taratibu za uwekezaji.Hii inapunguza usalama.
6.Kutopuuza kabisa,narudia kutopuuza kabisa malalamiko yanayotolewa na wanajeshi wetu dhidi ya maisha duni na stahili nyingine.Uzoefu unaonesha kuwa,mapinduzi katika nchi nyingi yamefanywa na wanajeshi wa kawaida na wala siyo mabrigedia,makanali wala majenerali.
7.Kuunda Wizara ya vijana peke yao,bila kuichanganya na wizara nyingine.Unda vijiji vya vijana,tunayo mapori mengi nchi hii,yatenge mapori tuliyo nayo,wape zana za kisasa vijana,wazazalishe chakula na uzalendo katika vijiji hivyo.Uangalizi wao uwe chini ya watu wenye upeo na maadili.Wasiwasi wangu ni kuwa kwa hali inavyokwenda,wimbi la vijana wanaohitimu mafunzo ya JKT,wanaofukuzwa toka CCP,wanaomaliza vyuo na shule ni BOMU kama alivyosema mshirika wako Edward.
8.Mwisho kabisa,ikitokea nchi hii iakenda vitani,ni raia wa nchi hii ambao watapigana kuikomboa,ni raia wa nchii hii watakaotoa senti yao ya mwisho ili nchi iwe salama.Jeshi haliwezi kupigana peke yake bila kuungwa mkono na raia.Hivyo basi,kwa hali ilivyo sasa,mahusiano ya majeshi yetu na raia lazima yaangaliwe kwa umakini mkubwa.Matukio ya polisi na wanajeshi wetu katika siku za karibuni,yanazidi kujenga usugu wa chuki miongoni mwa raia.Mshauri Waziri wako Mkuu aombe radhi kwa kauli yake kwa wananchi na azuie vyombo vya usalama kupiga raia.Hii itasaidia kuungwa mkono ikiwa mambo yatakwenda mrama.
Ni ushauri tu Mzee wa Magogoni.