PostGE2025 Jenifa Omolo na Dkt. Mapana wateuliwa kuwa makatibu Ofisi ya Rais, Maendeleo ya Vijana

[President of China]

Dodoma, 20 Novemba 2025 – Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan, amefanya uteuzi wa viongozi wawili wapya katika Ofisi ya Rais, Maendeleo ya Vijana. Uteuzi huo umetangazwa rasmi kupitia taarifa ya Katibu Mkuu Kiongozi, Balozi Dkt. Moses Kusiluka, na kusainiwa na Mkurugenzi wa Mawasiliano ya Rais-Ikulu, Bw. Bakari S. Machumu.
Katika taarifa hiyo, viongozi walioteuliwa ni:

1. Jenifa Christian Omolo – Katibu Mkuu, Ofisi ya Rais, Maendeleo ya Vijana​

Bi. Jenifa Omolo ameteuliwa kushika wadhifa wa Katibu Mkuu katika Ofisi ya Rais, Maendeleo ya Vijana. Kabla ya uteuzi huu, alikuwa Naibu Katibu Mkuu katika Wizara ya Fedha. Uteuzi wake unachukuliwa kama hatua muhimu katika kuimarisha uongozi wa masuala ya vijana nchini, hususan katika kipindi ambacho serikali imeweka msukumo katika kujenga uchumi shindani unaowapa vijana fursa zaidi.

2. Dkt. Kedmon Elisha Mapana – Naibu Katibu Mkuu, Ofisi ya Rais, Maendeleo ya Vijana​

Kwa upande mwingine, Dkt. Kedmon Mapana ameteuliwa kuwa Naibu Katibu Mkuu katika ofisi hiyo. Kabla ya uteuzi, Dkt. Mapana alikuwa Katibu Mtendaji wa Baraza la Sanaa la Taifa (BASATA). Anafahamika kwa mchango wake mkubwa katika kuimarisha sekta ya sanaa, sera za ubunifu, na usimamizi wa vipaji nchini – uzoefu ambao unatarajiwa kuongeza thamani katika wizara hii mpya yenye jukumu kubwa kwa vijana.

 

[mrangi]

Vichekesho show

Ova

 

[Mtanzania2020]

 

[Logikos]

Kama pesa zitakuwa ngumu kupatikana si tungeanzia kwenye kupunguza Matumizi ? Hau hawa wataeuliwa wanafanya kazi ya kujitolea ?!!

 

[Sappire]

9/12/2025 tuna jambo letu la kukomboa nchi.tunaenda kuwatimua wote hao

 

[Munch wa Annabelle]

Watu wale unatoka winga ya kushoto unaenda winga ya kulia

 

[boniuso]

Au nimesahau, si alisema wizara itakuwa chin ya rais na haina makamu waziri mkuu????.

 

[MlimaSayuni]

Kama pesa zitakuwa ngumu kupatikana si tungeanzia kwenye kupunguza Matumizi ? Hau hawa wataeuliwa wanafanya kazi ya kujitolea ?!!

Katoeni Pesa zenu benki