Mwakilishi wa bunge la Kongresi kutoka jimbo la Texas nchini Marekani amekosoa vikali matamshi ya Rais Donald Trump aliyoyatoa kuhusiana na madhara waliyoyapata askari wa Kimarekani katika shambulio la makombora la Jamhuri ya Kiislamu ya Iran kwenye kambi ya kijeshi ya Ain Al-Assad na kuyataja kuwa 'mabaya sana.'
Sheila Jackson Lee ameyasema hayo katika ujumbe wake alioutuma kwenye mtandao wa kijamii wa Twitter na kuongeza kuwa, madhara ya ubongo hayafai kufanyiwa mzaha au kuchukuliwa kwa wepesi hivyo. Shambulio la makombora la Iran liliwafanya askari wengi wa Kimarekani kujeruhiwa katika uwanja wa vita lakini matamshi ya Trump kuhusiana na majeraha hayo yalikuwa mabaya na yasiyo ya uwajibikaji. Mwakilishi huyo wa jimbo la Texas katika bunge la Kongresi amefafanua katika ujumbe wake huo kwamba, "Kuficha ukweli wa majeraha" waliyoyapata askari wa Marekani ni kitendo kibaya, kama ambavyo amemtaka rais huyo kuwapongeza askari hao. Wiki iliyopita Trump akizungumza na waandishi wa habari kuhusiana na madhara ya ubongo walioyapata askari wa Kimarekani katika shambulizi la makombora la Iran, alisema: "Nimesikia kwamba wana maumivu ya kichwa na walikuwa na maradhi mengine, niliwaona na majeraha ambayo hayakuwa makubwa."
Hii ni katika hali ambayo wawakilishi wengi nchini Marekani wamemtuhumu rais huyo wa Marekani kwa kuzipotosha fikra za walio wengi kupitia kuficha hali ya majeraha waliyoyapata askari wa Kimarekani nchini Iraq wakati ambao Wizara ya Ulinzi ya Marekani (Pentagon) imeendelea kutoa taarifa za majeraha ya idadi kubwa ya askari wa nchi hiyo. Katika uwanja huo tarehe 24 ya mwezi huu wizara hiyo ya Ulinzi ya Marekani ilikiri kupitia taarifa yake kwamba: "Hadi sasa askari wengine 34 wa Kimarekani walipatwa na matatizo ya ubongo katika shambulio la Iran dhidi ya kambi ya jeshi la Ain Al-Assad."
Sheila Jackson lee sio ilhan umar huyu[emoji12][emoji14]
Sent using
Jamii Forums mobile app