Hivi daftari la kudumu la makazi lilienda wapi?

[Jenym]

Wanajamvi naomba kuwasilisha yafuatayo:- Kwani nakumbuka miaka ya 1990 kurudi nyuma kulikuwa na Daftari la kudumu la Makazi kwa kila Kijiji na Mitaa kwa nchi ya Tanzania. Utaratibu huu ulisaidia sana kuwatambua wageni wote waliokua wakifika sehemu hizo kwa kujiorodhesha majina yao kwa balozi wa nyumba kumi. Hii ilisaidia kutambua kwa haraka tukio lolote liwe baya au zuri kama limetendwa na mgeni au mwenyeji. Chakushangaza utaratibu huo hata sijui uliishia wapi. Nadhani ni wakati muafaka kwa serikali kuhimiza daftari hilo lirudishwe ili kuepuka yaliyotokea kwa ndugu zetu wa Kenya na kuzuia uhamiaji haramu hivyo kudhibiti matendo ya Kigaidi, Ujambazi, Biashara ya madawa ya kulevya, Magendo n.k.

Miaka hiyo ya 1990 kurudi nyuma jukumu la Ulinzi katika eneo husika lilikua ni kwa kila Mtanzania lakini kwa sasa Jukumu hili limeachiwa kwa Idara za Ulinzi na Usalama peke yake, tukumbuke kuwa madhara yatokanayo na kutokua na Ulinzi wa kutosha yanaathiri Taifa kwa ujumla na sio kikundi cha watu fulani, nijukumu letu kwa pamoja kuhimiza Daftari hili la Makazi lirudishwe kwa kuikumbusha Serikali kupitia Wizara ya TAMISEMI.

Nawasilisha tafadhali.

 

[fungamesa]

Nafikiri ni wakati muafaka wa kulinda watu na mali zetu. Moja ilikuwa rahisi kumtambua mgeni yoyote bila kikwazo. Pili matukio ya ujambazi na ugaidi hayakuwepo kwa sababu ya Intelijensia ilianzia kwenye kaya hadi Taifa. Tatu hili suala la Uhuru wa kila mtu kufanya anayotaka ni rahisi balozi wa nyumba kumi kumi kununuliwa bila kutanguliza uzalendo kwanza kwa Taifa lake

 

[msapwat]

nadhani utaratibu huu ukirudishwa itasaidia sana, maana nakumbuka miaka ya 1988 akija mgeni kwako lazima umpe taarifa mjumbe.

 

[Money Stunna]

Ayo mambo yamepitwa na wakati,nilishakaa tz kwa miaka kazaa ata jirani yangu sikumjua kila mtu yuko bize na mambo yake,Ayo mambo ya kufatiliana mitaani yapo uswahilini sababu ya unemployment

 

[Inanambo]

Waachieni NIDA

 

[morphine]

Kwa miaka ya sasa hivi ni ngumu kuendelea na huo utaratibu lazma ifike sehemu tukubali mambo yamebadilika na tuende kwa mfumo mpya.