Historia ya Vimbweta

[Page 94]

Salaam WanaJukwaa.

Kama wewe ni Mwanafunzi au umepata nafasi ya Kuingia Chuo, bila shaka msamiati wa neno "Kimbwete au Vimbwete" haukupigi Chenga.
Naam, usishangae sana na kudhani nimekosea kuandika. Wengi wamebadilisha jina halisi na kulipachika jina jipya la Kimbweta au Vimbweta. Je, umewahi kujiuliza asili ya jina lenyewe na maana yake? Basi twende pamoja ukapate kulifahamu vema.

Miaka ya Nyuma huko, kulikua na wizi, upotevu na uhamishaji wa viti katika Chuo Kikuu cha Dar es Salaam (UDSM). Viti vingi vilikua vinahamishwa katika eneo ambalo vilipaswa viwepo wakati mwingine hata kuibiwa na kuleta Usumbufu wa hali ya juu.

Baada ya kuwa ni jambo lenye Usumbufu mno chuoni hapo, Uongozi wa Chuo ulifanya namna mbalimbali katika kutatua tatizo lenyewe. Tatizo lilikuwa kubwa hasa kiasi cha kufikirisha vichwa vya Wahadhiri na Wanafunzi kwa ujumla.
Katika utoaji wa Mapendekezo, aliyekuwa Mhadhiri Chuoni hapo Prof Tolly Mbwete alitoa pendekezo kuwa yajengwe madawati ya saruji yaani Cement. Wazo au pendekezo lake hilo lilifanyiwa kazi na lilizaa mafanikio makubwa. Lilitoa ufumbuzi wa tatizo husika.


Wazo hilo la Prof Mbwete,lilipunguza kwa kiasi kikubwa kama siyo kumaliza kabisa tatizo husika. Alipongezwa sana kwa wazo hilo na alipandishwa ngazi kutoka Lecturer mpaka Senior Lecturer.

Hiyo ni moja kati ya kazi ya Kitaaluma ya Prof Mbwete. Baadae, alisema hayo madawati yaliyojengwa kwa Saruji, ikiwa kimoja iitwe "KIMBWETE" na vikiwa Vingi viitwe "VIMBWETE". Jina lake likiwa limehusishwa. Prof Mbwete baadae alikuja kuwa Vice Chancellor wa Chuo Kikuu Huria Tanzania (Open University of Tanzania) mpaka alipostaafu.

Baadae vyuo vingi hapa nchini, viliiga kazi hiyo na kuanza kutumika karibia vyuo vyote hapa nchini. Na hakika imekua msaada mkubwa sana kwa Wanafunzi huko vyuoni.

Naam, hiyo ndiyo historia ya Vimbwete hapa nchini na siyo Vimbweta kama wengi wanavyolitamka.

Nawaomba wanafunzi walioko vyuoni,waanze kutamka kisahihi kulitumia ilivyo sawa ili kuenzi kazi kubwa aliyofanya Prof Mbwete.

Nawasilisha.

 

[Benjamini Netanyahu]

Asante mkuu

 

[Kataa Rushwa]

ok kumbe vimbwete na sio vimbweta kama vijulikanavyo must mbeya

 

[client3]

Wow, nzuri,sikujua,Ahsante. na tulizoea kuviita vimbweta

 

[Page 94]

ok kumbe vimbwete na sio vimbweta kama vijulikanavyo must mbeya

Naam Mkuu. Waambie na wenzako waache kuviita hivyo na badaka yake ni Vimbwete.

 

[Page 94]

Wow, nzuri,sikujua,Ahsante. na tulizoea kuviita vimbweta

Sijui haya mazoea yanatokea wapi, watu hujikuta tu wanaviita hivyo lakini jina halisi ni Vimbwete.

 

[Kaveli]

Ahsante sana mkuu kwa historia hiyo. Nikifika chuoni nitakuwa natamka kwa usahihi "vimbwete".

-Kaveli-

 

[Page 94]

Ahsante sana mkuu kwa historia hiyo. Nikifika chuoni nitakuwa natamka kwa usahihi "vimbwete".

-Kaveli-

Sawa Mkuu Kaveli. Kwani nawe bado ni Mwanafunzi?

 

[Bilionea Asigwa]

Ni kweli mkuu.

Professor Mbwete nimewahi kusoma na kijana wake UDSM pale, ni watu wenye jina kubwa sana lakini very humble.

Anastahili sana kupewa heshima huyu mzee wa kuja na wazo hili.

Hata Project ya kujenga shopping center kubwa ya Mlimani City ililetwa na muhadhiri mmoja na ikapingwa sana na Serikali miaka hiyo, ikabidi chuo kijenge kwa fedha zake, ajabu ilivyoleta mafanikio Serikali imepakumbatia kama pao na jamaa aliyeleta wazo hili na kulipigania kasahaulika kabisa.

Napendekeza watu wanaofanya mambo mazuri na ideas nzuri kama hizi kwa taifa wakumbukwe angalau hata kwa kuenz majina yao kama ilivyofanyika kwa Profesor Mbwete.

 

[Namge]

Katika taaluma Ya lugha na isimu yake...anayetamka kimbwete na anayetamka kimbweta wote wako sahihi... Na Pengine kimbweta ni sahihi zaidi Kwan watumiaji wengi wa lugha wamelipendekeza.. Na lugha huamuliwa na watumiaji... Kwa kuzingatia lugha ni nasibu..

 

[Page 94]

Katika taaluma Ya lugha na isimu yake...anayetamka kimbwete na anayetamka kimbweta wote wako sahihi... Na Pengine kimbweta ni sahihi zaidi Kwan watumiaji wengi wa lugha wamelipendekeza.. Na lugha huamuliwa na watumiaji... Kwa kuzingatia lugha ni nasibu..

Hapa hatuzingatii matumizi ya Lugha. Hii ni academic work ya Prof Mbwete. Jina aliloamua kuliita yeye kama mfumbuzi wa jambo husika linabidi liheshimiwe.

 

[GREGO]

Mkuu hata mi nilijua ni Vimbweta..........kumbe tulikua tukiingia chaka, Ahsate kwa historia ya kimbwete

 

[smartj]

Alicho kifanya ni copy maana ata vyuo vya nje ya nchi ivyo vibweta vipo na vilikuwepo kabla ya ivyo.

 

[Kaveli]

Sawa Mkuu Kaveli. Kwani nawe bado ni Mwanafunzi?

Natarajia kuwa mwanafunzi wa chuo for bachelor level. Hopefully later this year kama mipango yangu ikienda vyema.

Mkuu Compact umefanya vizuri sana kudondosha hii siredi. Ama kweli HISTORY has no erase code.

-Kaveli-

 

[Namge]

Hapa hatuzingatii matumizi ya Lugha. Hii ni academic work ya Prof Mbwete. Jina aliloamua kuliita yeye kama mfumbuzi wa jambo husika linabidi liheshimiwe.

Kwahiyo aliyegundua computer... C tukaita tarakilishi.. Tumemvunjia heshima..

 

[Page 94]

Kwahiyo aliyegundua computer... C tukaita tarakilishi.. Tumemvunjia heshima..

Hapo umeitafsiri kutoka lugha moja kwenda nyingine. Haina uhusiano na hilo hapo juu Mkuu

 

[Page 94]

Natarajia kuwa mwanafunzi wa chuo for bachelor level. Hopefully later this year kama mipango yangu ikienda vyema.

Mkuu Compact umefanya vizuri sana kudondosha hii siredi. Ama kweli HISTORY has no erase code.

-Kaveli-

Kila la kheri Mkuu. Piga kitabu. Ujichukulie watoto warembo pia... Hahah!

 

[mhuri25]

Daaah... Hata Mimi mwanzo nilizani typing error Kumbe Ndio vimbwete... Ila ajabu Nipo Hapa Chuo kikubwa afrika mashariki na kati sijaona kimbwete Hata kimo.ja Aseeeh....

 

[Namge]

Hapo umeitafsiri kutoka lugha moja kwenda nyingine. Haina uhusiano na hilo hapo juu Mkuu

Kwahiyo kimbwete ni Kiswahili...

 

[Page 94]

Daaah... Hata Mimi mwanzo nilizani typing error Kumbe Ndio vimbwete... Ila ajabu Nipo Hapa Chuo kikubwa afrika mashariki na kati sijaona kimbwete Hata kimo.ja Aseeeh....

Mkuu upo UDOM? Bado hawajaanza kujenga? Labda huenda ni kwa sababu bado kuna sehemu za kutosha za kusomea. Baadae vitajengwa.