Inatufundisha kwamba ufisadi ndo dili. Ukiiba kuku au ukikwapua simu unapigwa na wananchi wenye hasira kisha unavishwa tairi shingoni, unamwagiwa mafuta ya taa halafu unapigwa kiberiti. Lakini ukiwa kingunge wa ufisadi na mpiga madili aliyekubuhu basi unaonwa kama shujaa wa jamii na kupendwa sana.
Bado tuna safari ndefu sana ya kwenda ili kufikia mapinduzi ya kifikra. Siku ambayo fisadi moja litakamatwa laivu kisha kutiwa kiberiti mbele ya kandamnasi ndiyo nitajua kuwa safari yetu ya kwenda Kanaani ya kifikra imeanza. Mapenzi mahaba haya hayatatufikisha popote haya!