Hadithi:uchawi wa kurithi

[Dr. Wansegamila]

UCHAWI WA KURITHI 1:

Huruma alikuwa ni binti aliyeishi na wazazi wake, katika maisha yake ya huku na kule akaanzisha mahusiano na kijana Kisu.
Wakawa katika mahusiano, mwisho wa siku Huruma akapata ujauzito.
Kwao wakamwambia apeleke mwanaume aliyempa ile mimba. Kisu akaambiwa akagoma, ikabidi Huruma aende mwenyewe kukaa kwa kisu.
Siku zikasonga na kupita, na ile mimba ikazidi kukua na kukua, miezi ya kujifungua ikapitiliza na uoga ukamjaa Huruma kuwa mbona hajifungui, akataka kwenda hospital kujua sababu mumewe akamkataza.
Ikabidi awataarifu kwao, nao wakamuhurumia kwakweli ikabidi wakamchukue na kumpeleka hospital.
Huruma akafanyiwa operesheni na kujifungua mtoto wa kike.
Mumewe alipoenda ilionyesha wazi hakufurahishwa na kitendo cha Huruma kufanyiwa operesheni, ila akajigeresha na kumpa pole. Kutoka pale wazazi wa huruma wakamchukua na kumrudisha nyumbani, wakamkanya kuhusu swala la kurudi kwa Kisu. Ila ni kama walipiga kelele tu kwani mtoto wao alishapenda.
Mtoto wa Huruma alipofikisha miezi sita na kuonekana mwenye afya kabisa, Huruma akatoroka kwao na kurudi tena kwa Kisu, hakujali kutokuwajua ndugu zake na Kisu alichojali ni mapenzi yake.

Baada ya kufika kwa Kisu, Kisu alifurahi sana na kumwambia,
KISU: Nilijua tu kama utarudi Huruma.
HURUMA: Ulijuaje?
KISU: Aaah wewe, mi siwezi kukimbiwa na mwanamke wewe.
HURUMA: Hamna Kisu, kwasababu tu nakupenda.
KISU: Lazima unipende wewe, mimi ndio Kisu bhana. Haya na mwanangu mmempa jina gani?
HURUMA: Nimemuita Faraja.
KISU: Hapana hilo jina haliwezi kukubalika kwetu.
HURUMA: Kwani linatatizo gani?
KISU: Kwetu mtoto wa kwanza huwa anapewa jina na wazazi.
HURUMA: Mmh!! Basi waambie wazazi wako watutajie jina la kumpa.
KISU: Kwetu hakuna ni lazima aonekane mtoto mwenyewe na hapo ndipo hupewa jina.
HURUMA: Sasa itakuwaje?
KISU: Itabidi twende kwetu.

Huruma akajipanga kwa safari asiyojua watakapoelekea kwani hakumjua hata ndugu mmoja wa Kisu.
Safari ikapangwa na siku ya siku wakaondoka.
Huku nyuma wazazi wa Huruma walifanikiwa kufika nyumbani kwa Kisu lakini hawakumkuta binti yao.
Kwahiyo wakangoja siku atakayorudi ili waende tena.

Huruma na mumewe wakatumia siku mbili kufika kwenye kijiji cha mumewe.
Walipofika tu wakapokelewa mtoto, Huruma akajua ndio utaratibu wao.
Kisu akaitwa na mama yake.
MAMA KISU: Mwanangu nadhani unatambua kwamba mtoto wa kwanza ni halali ya wazazi?
KISU: Ndio natambua mama.
MAMA KISU: Na mbona ajifungulie hospitali?
KISU: Nilimkataza ila ni ubishi wa huyo mwanamke mama.
MAMA KISU: Na pia si unatambua kama mwanamke aliyejifungulia hospitali mtoto wa kwanza ni halali ya yetu?
KISU: Naelewa mama ndiomana nikamleta.
MAMA KISU: Basi sawa mwanangu.

Huruma alishangaa yuko pale ila mtoto wake harudishwi hata kunyonya, zikapita siku tatu bila ya kumuona mwanae. Ikabidi aulize, akamuuliza wifi yake.
HURUMA: Eti wifi mwanangu yuko wapi?
WIFI: Pole sana wifi, nadhani umekuja sehemu ambayo huitambui vizuri.
HURUMA: Kivipi?
WIFI: Kwa kawaida ya huku mtoto wa kwanza ni halali ya wazazi, na mara nyingi huuwawa.
HURUMA: Heeeee!! Inamaana mwanangu amekufa?
WIFI: Mwanao hajafa, amekuwa ni mtoto pekee mwenye bahati ili atakapotoka hapo hutaweza tena kuishi nae.
HURUMA: Kivipi?
WIFI: Ningekuwa mimi ni wewe ningejiondokea, huku si pazuri wifi utakufa.
Kusikia hivyo Huruma alijihisi kutetemeka.
HURUMA: Niambie namna ya kuondoka.
WIFI: Wewe ondoka tu, kwanza muda wako umeisha.
HURUMA: Kivipi?
WIFI: Angalia kule uone.
Huruma akatetemeka sana, ni kundi kubwa la watu likawa linakuja.
Huruma akabaki kutetemeka na kuhamaki tu.
WIFI: Usiwe mjinga wewe, kutetemeka hakuwezi kukuokoa chukua maamuzi ya haraka sasa.
HURUMA: Nitafanyaje?
WIFI: Zunguka chukua chungu jifanye waenda kisimani ila wakikukuta njiani usijionyeshe kutetemeka hivyo.
Huruma hata hakujielewa alijikuta tumbo likimuunguruma tu, hata hakujua ni wapi atakapotokea.
Akajitahidi na kuinuka ili aweze kutoka, kabla hajafika popote lile kundi lilishamsogele.
Wakafika na kumbeba juu juu akapiga kelele zisizokuwa na maana kwao, akajikuta kelele zake zikiishia kwenye pipa linalochemka maji, alitumbukizwa humo na kutokota kama nyama na huo ukawa mwisho wa Huruma.
Baada ya kuchemka vya kutosha wakamtoa na kumgawa vipande vipande, na kila mmoja alijinyakulia kipande kimoja.
Wifi yake na Huruma, roho ilimuuma sana kwani Huruma hakuweza kuikimbia adhabu ile.
Baada ya kumaliza kuila ile nyama, ikabidi wamuite huyo wifi ambaye ndio akawa shangazi wa mtoto.
Wakamwomba atoe jina kwaajili ya yule mtoto.
Shangazi akabeba mtoto na kumuinua juu na kusema,
"Huyu mtoto ataitwa Nyuta".
Wakafurahi sana kwani wao huwa wanapenda majina ya kujiropokea tu kwa mtoto wa kwanza.
Hakuna aliyejua maana ya yule kumuita mtoto Nyuta, maana yake alibakiwa nayo moyoni mwake.

Mtoto yule akakabidhiwa yeye amlee na kumfundisha vitu mbalimbali.
Maana ya jina Nyuta aliijua yeye na nafsi yake na maana hiyo alihakikisha itakuwa kama alivyotaka yeye.
Alimuita vile akimaanisha nyufa au ufa, yaani kitu kinachotaka kubomoka au kinachoweza kubomoka wakati wowote.

Nyuta alipendwa sana na bibi yake, alifundishwa mambo mengi ya huko.
Alipokuwa na umri wa miaka mitano, aliweza kusafirishwa kichawi na kupelekwa kwa mashetani, kitendo kilichofanya aonekane amekufa kwa maisha halisi.
Wakamuweka na kumfungia kwenye chumba cha peke yake, alikaa siku tano bila kula wala kunywa akiwa amekufa kichawi.
Siku ya tano alipozinduka alikuwa ni mtoto mwenye sauti ya kusikilizwa kuliko watoto wengine wote, wakamtoa kwenye kundi la watoto na kuwa kwenye kundi la watu wazima wenye uwezo mkubwa. Hapo kijijini akafahamika sana.

Alipofikisha miaka kumi, Kisu akaenda kijijini kwao na kumchukua Nyuta ili aende nae mjini akawapooze wazazi wa Huruma kuwa ingawa mtoto wao amekufa ila wanaemjukuu mwenye mfano wa mama yake na kweli kabisa Nyuta alifanana sana na mama yake aliyekuwa marehemu kwa muda huo.
Akaondoka na baba yake na kwenda nae mjini.

Kufika huko akamkuta baba yake ana mke na watoto wawili,
kwakweli Nyuta aliumbiwa roho mbaya.
Shangazi yake alishamwambia kisa kizima cha kuuwawa kwa mama yake, kisa hicho kikamfanya Nyuta azidi kuwa na roho mbaya, aliwaona watu wote si kitu mbele yake.
Baba yake akampeleka Nyuta nyumbani kwa wazazi wa Huruma, ingawa waliumia kwa kifo cha mtoto wao ila wakafarijika japo kumuona mjukuu wao.

Siku zikaenda, mule ndani hawakumuelewa Nyuta ni mtu wa aina gani, alikuwa akifanya mambo ya ajabu ajabu.
Nyuta aliweza kuwatengenezea watu magonjwa kiuchawi, kuna waliojikuta wanaumwa na wakakosa kuhudumiwa hadi kufa.

Alipofikisha miaka kumi na tano alikuwa ni binti aliyeiva vizuri kwenye uchawi, wakaamua wampe uongozi kwenye chama cha wachawi, yeye akawa ni mwenyekiti wao.
Katika majaribio yake ya kumaliza watu na kuwatunza misukule, alianza na mtoto wa kwanza wa baba yake kwa mama wa kambo, na mtoto huyo akamtunza msukule kwenye nyumba ya bibi yake mzaa mama.
Wakawa wanamshangaa Nyuta kwani hakuwa binti mwenye huruma hata kidogo, kwa sura alifanana na mama yake ila roho ilikuwa ni yake peke yake.
Jaribio la pili la kuweka msukule alilifanya kwa mama yake mdogo ambaye alikuwa ni mdogo wa Huruma.
Kama kuzaa hapa kwakweli Huruma alizaa shetani.
Nyuta alikuwa na uwezo wa kujiacha ndani na kusafiri kichawi hadi kwa bibi yake wa kwenye kile kijiji.
Aliweza kufanya mauaji ya kichawi popote pale na ikawa ni ngumu kumgundua kama ni yeye ndiye anayefanya mambo ya ajabu.

Alipofikisha miaka kumi na nane, kuna kijana akatokea naye akampenda sana ila kijana huyo akaonyesha kutokumpenda Nyuta.
Akaamua kusafiri kichawi na kwenda kuomba ushauri kwa bibi yake.

Itaendelea...!!!
Je! Pendo ataweza kupambana na bibi huyu aliyeshiba uchawi?? Na atatumia mbinu gani??
Kama umeipenda like.

 

[Dr. Wansegamila]

UCHAWI WA KURITHI 2:

Nyuta akaenda kijijini kwa bibi yake ili akapate ushauri kuhusu kijana anayempenda.
BIBI: Hata usijari mjukuu wangu huyo kijana atakupenda.
NYUTA: Nataka anipende tena anipende sana.
BIBI: Kuna dawa tutafanya, nakwambia atakuona wewe tu kuwa ni mwanamke mzuri dunia nzima na atakupenda sana.
NYUTA: Nakukubali sana bibi yangu.
Basi Nyuta na bibi yake wakafanya dawa ya kumvutia kijana huyo aliyejulikana kwa jina la Yusuphu.
Pia alipata dawa ya kumvutia mwanaume yeyote aliyemtaka mbele yake. Ila akataka kuanza na huyu Yusuphu, mwanaume aliyempenda ila alionyesha kumpenda mwanamke mwingine aliyeitwa Maria.

Kesho yake Nyuta akaipaka ile dawa usoni na mikononi, akaenda kukatisha maeneo ambayo Yusuphu hupenda kuonekana.
Na kweli Yusuphu alipomuona Nyuta ikawa kama vile chuma kimeona sumaku maana kinavutwa tu, akajikuta akimfata nyuma nyuma huku akimuita.
YUSUPHU: mrembo, mrembo.
NYUTA: (akasimama na kumuuliza), Inamaana leo jina langu hulijui au?
YUSUPHU: Hapana Nyuta leo umependeza sana hadi nimechanganyikiwa.
NYUTA: (Huku akicheka, na kutaka kujaribu kama dawa yake imefanya kazi vizuri), sasa nilichopendeza ni kitu gani?
YUSUPHU: Umependeza sana Nyuta, naapa sijawahi kumuona mwanamke mrembo kama wewe.
NYUTA: (Akacheka tena), kwahiyo leo nimekuwa ni mrembo kushinda yule mwanamke uliyepanga kumtolea posa?
YUSUPHU: Yule hakufikii hata kidogo, na kuanzia leo naghairi kumtolea posa nakutaka wewe Nyuta.
NYUTA: (Akafurahi sana moyoni na kujipongeza kwa ushindi wa dawa yake), kwahiyo humtaki kabisa leo unanitaka mimi?
YUSUPHU: Ndio Nyuta nakuhitaji wewe.
NYUTA: Ila siku za nyuma si uliniponda sana wewe?
YUSUPHU: Tuache yaliyopita Nyuta, na kuanzia leo naenda kuachana na yule mwanamke.
Nyuta akaondoka pale akiwa na ushindi mkubwa moyoni mwake.

Akaanza kuitumia ile dawa kwa wanaume mbali mbali ili kusambaratisha mapenzi yao na wanawake wengine kwani mwanamke aliyeonekana akawa ni yeye tu kwenye mtaa wote.
Nyuta akaitumia dawa ile ile kusambaratisha ndoa ya mama yake mdogo iliyokuwa iko njiani, kwani alimvuta baba yake mdogo na kujikuta anapendwa yeye.
Bibi yake mzaa mama alichukizwa sana kwa vitendo vya Nyuta kwani mtaa mzima kilio kilikuwa juu yake kuwa Nyuta anaharibu mapenzi ya watu, anavunja ndoa za watu.
Mama yake mdogo aitwae Rehema akaamua kumuomba mama yao ili wamrudishe Nyuta kwa baba yake.
REHEMA: Mama huyu mjukuu wako hafai kabisa, mtaa mzima wanalia juu yake. Ona alivyosambaratisha penzi la mdogo wangu! Mama tumrudishe kwa baba yake kwani hata mimi nimeanza kuwa na wasiwasi na ndoa yangu.
MAMA HURUMA: Mwanangu, hata mimi namshangaa huyu mjukuu kwakweli kwanza ana vitabia vya ajabu ajabu sijawahi kuona. Hata huwa simuelewi jamani. Kwanza najiuliza hao wanaume wanamgombea kwa lipi? Anawagonganisha hata watano ila bado wote wanamgombea yeye, hapa kuna namna mwanangu.
Mara Nyuta mwenyewe akawafatia,
NYUTA: Sipendi kujadiliwa, tena nawaambia kuwa sipendi. Kama mnajifanya mnajua sana kujadili watu endeleeni kunijadili. Hapa ni nyumbani kwao na mama yangu kwahiyo siondoki hadi pale nitakapoolewa.
Ikabidi mama Huruma na mwanae Rehema wakae kimya.

Wazazi wa Yusuphu wakaanza kupatwa na mashaka juu ya kijana wao.
MAMA: Jamani Yusuphu mwanangu, majuzi tu hapa ulituambia tujiandae tukatoe posa kwakina Maria uoe, vipi leo hutaki hata kumuona?
YUSUPHU: Simpendi Maria mama.
MAMA: Heeee, mwanangu hapa sio bure jamani. Yaani wewe ulivyokuwa unampenda Maria leo unasema humpendi??
YUSUPHU: Nielewe mama, mimi nampenda Nyuta na huyo ndiye nitamtolea posa.
MAMA: Hapana mwanangu, bora hata ungemtaja mwanamke mwingine, huyo Nyuta kila siku anavuruga ndoa za watu na sisi hatumtaki.
YUSUPHU: Mkimtaka nitamuoa na msipomtaka nitamuoa tu.
MAMA: Hapa tunamtaka Maria tu na wala si mwingine.
Yusuphu akaamua kumueleza Nyuta kuhusu msimamo wa wazazi wake kuwa wanamtaka Maria ambaye ndiye mwanamke aliyetangaza kumtolea posa.
Nyuta akawaza upesi upesi na kujisemea kuwa Maria hawezi kukwamisha hata kidogo.

Siku hiyo Maria akiwa anatoka sokoni, njiani akiwa anatembea akaona kitu kinang'aa sana mfano wa dhahabu au almasi kipo mbele yake, na kilizidi kung'aa kila alipokikaribia. Alipokifikia akainama ili akiokote ni hapo hapo akaanguka pale njiani na kupoteza fahamu, watu wakamuokota na kumrudisha kwao. Alipozinduka hakuweza kuongea tena, alitamani kusema chochote lakini alishindwa alijikuta akilia tu.
Baada ya siku chache Maria akafa, kila mtu alisikitika sana kwani Maria alikuwa binti pekee mpole na mcheshi pale mtaani.
Ila haikuchukua muda Maria kuzikwa na kusahaulika kabisa kama kulikuwa na mtu kama huyo duniani.

Nyuta akawa mtu wa tofauti sana, baada ya Maria kufa Yusuphu akaenda na kutangaza nia ya kumposa Nyuta.
Kwakweli bibi yake na mama yake mdogo walikuwa na maswali mengi sana ya kujiuliza,
REHEMA: Mama bado nina mashaka na huyu Nyuta.
MAMA HURUMA: Hata mimi mwanangu.
REHEMA: Mama unajua huwa namuona Maria mara kwa mara ndotoni akiniomba nimsaidie?
MAMA HURUMA: Wee Rehema mwanangu, Maria huyo si alishakufa?
REHEMA: Ila mimi nina mashaka na kifo chake mama.
MAMA HURUMA: Sasa utafanyaje mwanangu?
REHEMA: Kwanza kifo cha yule mdogo wangu kilinipa mashaka sana, na sasa ni kifo cha Maria. Mama, lazima niende kwa mganga nikaague nini tatizo.
Nyuta hakupendezewa na maongezi ya bibi yake na mama mdogo wake huyo.

Siku moja Rehema akiwa anafua ili ajiandae kwenda kwa mganga, akashangaa kichwa kikianza kumuuma na mbele yake alimuona Nyuta akicheka sana, Rehema akajikuta akianguka chini. Wakaja majirani na kumsaidia, Rehema hakuweza kufanya chochote na baada ya siku mbili akafa.
Nyuta wala hakuonekana kushtushwa na kifo hicho cha msingi na muhimu kwake ni kuwa hataki mtu amfatilie tu.
Nyuta akawa ndio yule sasa wa kutoa misukule hakuwa na tatizo kuua mtu aliona ni kawaida kabisa.

Nyuta alipoona wazazi wa Yusuphu wanakawia kumtolea posa ikabidi afanye dawa ya kuwavutia na wao. Baada ya muda mfupi Yusuphu na familia yake wakaenda kumtolea posa Nyuta, kwahiyo baba yake na Nyuta akawakubalia mtoto wao amuoe binti yake.

Siku ya harusi ya Nyuta na Yusuphu lilitokea tukio la kustaajabisha sana, kila mtu aliyehudhuria alikuwa akishangaa tukio lile.

Itaendelea jioni...!!!
Kama umeipenda like. Hapo sasa tuone penzi la dawa je linadumu???

 

[Dr. Wansegamila]

UCHAWI WA KURITHI 3:

Siku ya harusi ya Nyuta na Yusuphu, likatokea tukio ambalo lilistaajabisha sana, kila mmoja alikuwa akishangaa.
Alitokea kunguru aliyekuwa ni mweupe kote, kila mmoja wa hapo alishangaa kwani kwa kule kwao hawakuzoea kumuona kunguru mweupe.
Kunguru yule alikuwa amefungwa kitambaa chekundu shingoni, Nyuta alionyesha kuchukizwa sana na tukio lile ambalo hakuritarajia na akajua tu lazima kuna mtu anafatilia mambo yake.
Nyuta akafanya kitu cha kushtukiza sana kwani alitoweka pale ndani na kuacha mwili wake ukiwa kama mtu aliyezimia, kitendo hicho kikafanya wote waliokuwepo kwenye sherehe ile waache kushughulika na yule kunguru wa ajabu na kuanza kushughulika na Nyuta waliyedhani amezimia.
Ikawa kufumba na kufumbua, yule kunguru akatoweka.

Nyuta alipofika kwenye dawa zake akagundua ni baba mdogo wa Yusuphu ndie ambaye alikuwa akimfatilia.
Akafanya dawa zake na yeye ili amuhadhirishe baba mdogo huyo.

Baba mdogo wa Yusuphu alienda kwa mganga baada ya kupatwa na mashaka ya ndoa ya Yusuphu na Nyuta, alitaka kujua ni kwanini Yusuphu alichukua uamuzi wa gafla na kumuacha Maria. Ndipo huko alipopewa dawa na kuifanya wakati wa harusi hiyo, kwani aliambia akifanya hiyo dawa, mtu mbaya atajitokeza mwenyewe.
Bila ya kujua kama mtu mbaya anayemtafiti ni zaidi ya mbaya kama anavyofikiri. Ni zaidi ya katili, ni zaidi ya ubaya wote aujuao yeye.
Akiwa kwenye shughuli hiyo ndipo akafanya hiyo dawa na kutokea kunguru mweupe, hata yeye mwenyewe hakudhania kama itakuwa kama ilivyokuwa.

Wakiwa wanahangaika na cha kufanya ili wamzindue Nyuta mara akazinduka mwenyewe na kujifanya hakuna anachoelewa.
Akainuka pale alipokuwa na kumfata baba mdogo wa Yusuphu, akamshika bega na yule baba akajikuta amepoteza uelekeo kabisa.
Mara akaondoka eneo lile, hakuna aliyejua alipoelekea na shughuli ya ndoa ikaendelea.

Baada ya ndoa, Yusuphu na mkewe ikawabidi waende kwenye nyumba waliyoandaliwa ilikuwa ni nyumbani kwakina Yusuphu.
Nyuta hakutaka kuelekea hapo ila kwakuwa walimlazimisha ikabidi aende kuishi alipoambiwa. Nia yake kubwa ni kuishi kwenye nyumba ya bibi yake mzaa mama ambako ametunza misukule yake.
Ingawa alikubali kuishi kwakina Yusuphu, ila chumba alichokuwa anaishi kwa bibi yake alikifunga kabisa na hakutaka mtu yoyote aingie zaidi yake.

Hata hivyo baada ya harusi ikasemekana kuwa baba mdogo wa Yusuphu amepotea, na baada ya siku mbili wakakuta amejinyonga.
Hakuna aliyejua chanzo cha kujinyonga kwa baba huyo, kila mtu akasema sababu anayoijua yeye ila siri kamili ilibaki kwa Nyuta.
Baada ya kifo hicho Nyuta akajisifu kwa uwezo alionao wa kumfanya mtu ajulikane amejiua mwenyewe.
Akajisikia raha na ushindi mkubwa moyoni mwake.
YUSUPHU: Mbona hata hujaonyesha kushtuka na kifo cha bamdogo?
NYUTA: Nishtuke nini sasa?? Duniani wote tunapita.
YUSUPHU: Ila inategemea tunapitaje, kifo cha bamdogo ni cha kushangaza.
NYUTA: Cha ajabu ni nini kwa mtu aliyeamua kujiua?? Itakuwa maisha yamemshinda maana kila siku watu wanaimba wimbo wa maisha magumu.
YUSUPHU: Mbona wewe Nyuta ni mtu wa ajabu sana?
NYUTA: Uajabu wangu ni nini? Ulitaka nilie na kujigalagaza kwa mtu aliyejiua? Kwanza amekufa kidhambi.
YUSUPHU: Kidhambi?
NYUTA: Ndio kidhambi, si amejiua mwenyewe!! Yule ni moja kwa moja kwenye moto, hata ninawashangaa mnavyokazana alazwe pema peponi.
Mdogo wake na Yusuphu ambaye aliitwa Nina aliwasikia wakiongea na kuamua kudakia,
NINA: Wifi mbona una roho ngumu hivyo? Mmh kama mchawi.
NYUTA: Hivi Nina, mchawi ukimuona utamjua?
NINA: Hapana.
NYUTA: Basi chunga kauli yako.
NINA: Nilikuwa natania tu wifi yangu, ila ulinishangaza ambavyo hujashtushwa na kifo cha bamdogo.
NYUTA: Sitaki kutenda dhambi ya kusikitika kwa mtu aliyejiua, maana ni yeye aliyejichagulia kifo.
NINA: Mmmh!!
Yusuphu akajihisi ni mtu wa ajabu sana kuishi na Nyuta, kwani alikuwa ni mwanamke asiyeeleweka hata kidogo.
Yusuphu akajikuta akitamani kujua kwanini baba mdogo wake alijiua ila hakuweza kupata sababu na wala hakujua ni kwanini.

Siku moja Nyuta na Nina walienda sokoni, kufika njiani.
NINA: (Huku akimuonyeshea mahali Nyuta), pale ndipo alipoanguka wifi yangu Maria. Na hakuchukua siku nyingi akafa.
NYUTA: Ulisikitika sana eeh!
NINA: Ndio nilisikitika kwani nilimpenda sana.
NYUTA: Mimi je hunipendi?
NINA: Nakupenda wifi yangu.
NYUTA: Ila sio kama ulivyompenda Maria?
NINA: Hapana nakupenda wifi.
NYUTA: Sawa nikajua hunipendi.
Nina nae akaanza kuonyesha uoga kwakuwa na huyu wifi yake, alijikuta na uoga uliopitiliza kila alipoongea nae.
Mara kuna mtu akaja kuwataarifu kuwa mama mdogo wa Nyuta ni mjamzito.
Nina akashtushwa gafla na kauli aliyoitoa Nyuta,
"tuone kama atajifungua huyo mtoto"
Na baada ya wiki wakapata taarifa kuwa mimba ya huyo mamdogo wa Nyuta imetoka.
Hapo ndipo Nyuta akazidi kujipongeza kwa kazi anayofanya, alijiona kuwa ni mtu mwenye uwezo mkubwa sana wa kiuchawi.

Nyuta akapata ujauzito na ujauzito huo akaunenea kuwa lazima mtoto atakayemzaa amuweke kwenye uchawi.
Mawazo yake makubwa yalikuwa ni kwenye uchawi tu na kutunza misukule.

Pale kwa bibi yake mzaa mama wakajawa na mashaka na chumba alichofunga Nyuta na kuwakataza watu kuingia kwenye chumba hicho.
Yule mamdogo wake aliyemtoa mimba kichawi, akataka kujua ni kitu gani ambacho Nyuta ameweka humo ndani na kwanini awakataze kuingia.
Ni hapo alipoenda kutafuta fundi wa kuvunja mlango huo.
Wakiwa katika harakati hiyo, mara ikatokea kama tetemeko pale walipokuwa.

Itaendelea kesho...!!!
Kama umeipenda like.

 

[Dr. Wansegamila]

UCHAWI WA KURITHI 4:

Mama mdogo wa Nyuta aliyejulikana kwa jina la Sifa, akiwa pale mlangoni na fundi wake kukatokea tetemeko kitu kilichofanya wasiweze tena kuvunja ule mlango, kwani baada ya hapo fundi akagoma kuendelea na ile kazi na kujiondokea.
Mamdogo huyo akachukia sana, akaamua kumfata mama yake.
SIFA: Mama sielewi kabisa, kwanini inakuwa hivi?
MAMA: Hata mimi sielewi mwanangu.
SIFA: Hivi mama huyu Nyuta ndio yule Faraja aliyezaliwa na dada Huruma kweli?
MAMA: Mwanangu, mimi na wewe tupo gizani kabisa. Mimi kama mzazi nina uchungu sana kwani mwanangu Huruma amefia ugenini nimeletewa taarifa tu na kupewa mjukuu, kukaa kidogo mwanangu mwingine akafa. Na hivi karibuni mwanangu Rehema nae kafa, yani mimi nipo nipo tu maana hapa nimebakiwa na wewe na wale kaka zako wawili tu basi. Familia inakwisha hii mwanangu.
SIFA: Kweli mama familia inaisha, yatupasa tufungue macho tuone. Nilikuwa napendana sana na mume wangu ila gafla kaniacha. Mama ninamashaka sana na huyu mtoto wa dada.
MAMA: Mwanangu, huyo ni damu yenu kwahiyo hakuna cha kufanya Sifa.
SIFA: Mama nitajua cha kufanya, lazima nimchunguze ili nijue kisa mkasa.
Sifa akajiwekea nia ya kumchunguza Nyuta ili ajue mienendo yake. Bila ya kutambua kama Nyuta hachunguziki kirahisi kama anavyofikiri.
Sifa akawa na harakati za kumchunguza Nyuta, nae Nyuta hakumtaka Sifa kwenye misukule yake kwa wakati huo kwani Sifa alikuwa ni mwanamke mzembe, ila akampa ugonjwa wa kupooza.
Sifa alijikuta gafla hawezi kusogea hadi asogezwe, alikuwa hawezi kufanya chochote bila kufanyiwa. Na hapo Nyuta akazidi kujipongeza kwa ushindi.

Familia ya Yusuphu nayo ikawa inaweka mashaka kwa Nyuta.
Siku moja mama Yusuphu akamuuliza mwanae,
MAMA YUSUPHU: Mwanangu, unamuonaje mkeo?
YUSUPHU: Mbona yupo kawaida tu mama.
MAMA YUSUPHU: Ila mimi namuona kama tofauti?
YUSUPHU: Itakuwa sababu ya mimba tu ila yupo kawaida.
MAMA YUSUPHU: Hivi huwa humkumbuki Maria kabisa mwanangu?
YUSUPHU: Huwa namkumbuka mama ila ndo hivyo Maria alishakufa.
MAMA YUSUPHU: Kwakweli kama familia tungefurahi sana kama ungemuoa Maria.
YUSUPHU: Hata mimi ningefurahi mama, mara nyingine najishangaa kuwa ilikuwaje hadi nikamchukia Maria. Ila Maria ndio alikuwa nimpendae kwakweli.
MAMA YUSUPHU: sote tunatambua hilo mwanangu ila ndio basi tena.

Ujauzito wa Nyuta ukazidi kukua huku Yusuphu nae akijishangaa maana mara nyingine anakuwa na mashaka na mkewe ila mara nyingine anamuona ni wa kawaida.
Upendo wa Yusuphu kwa Nyuta ukaanza kupungua, Nyuta kuona vile ikabidi afanye dawa upesi.
Siku hiyo Yusuphu akiwa kalala, Nxuta akaenda na kumpaka dawa iliyomfanya Yusuphu asijitambue kwa muda huo. Halafu akapaa nae hadi kule kwa bibi yake kijijini, kufika kule Yusuphu akafanyiwa kila aina ya dawa bila kujijua, nyingine alinyweshwa na nyingine akapakwa, halafu akarudi nae hadi wanapoishi.
Ila dawa nyingine alitakiwa amuwekee kwenye maji ya kuoga na kwenye chakula muda akiwa na ufahamu wake.
Yusuphu alipozinduka pale hakujua ni kitu gani kimeendelea, alikuta tu mkewe amemuandalia maji akaoge, na yeye bila kujua kilichomo akaoga na aliporudi akapewa chakula akala, hapo dawa ya Nyuta ikawa imekamilika.
Hakuna tena aliyeongea kitu kuhusu Nyuta Yusuphu akaelewa hakuna kabisa, Yusuphu hakuweza kumuelewa mtu yeyote yule zaidi ya Nyuta tu.

Siku ikafika, uchungu ukampata Nyuta nae akaenda kujifungua. Hatimaye mchawi ameshajifungua ili kuendelezaa kazi ya uchawi na kuongeza idadi yao.
Akajifungua mtoto mzuri wa kiume, mtoto aliyemnenea kuwa lazima amrithishe uchawi.
Mtoto wake akapendwa sana, baba yake na Yusuphu akatoa jina la mtoto huyo na Yusuphu nae akalikubali kwa kishindo, walikubaliana kuwa mtoto huyo aitwe Mussa, jina la bamdogo wa Yusuphu aliyekufa ili iwe kama kumbukumbu kwani alipotea siku ya ndoa ya Yusuphu na Nyuta. Kwakweli Nyuta alichukizwa sana na jina hilo, hakupendezewa mwanae aitwe Mussa hakupendezewa kabisa.
Akawaza kuwa pengine dawa aliyomfanyia Yusuphu haikufanya kazi vilivyo, ila hata yeye mwenyewe alipoulizwa kuwa kwanini analikataa jina hilo la Mussa hakuwa na sababu, na pia walipomwambia apendekeze jina analotaka yeye bado hakuona jina la kumfaa mwanae kwani yeye alitaka yule bibi wa kijijini ndio ampe jina yule mtoto.

Mussa alipofikisha miezi mitatu, yule bibi wa kijijini wa Nyuta akaja mjini kuwasalimia.
Alifikia kwa mwanae Kisu na kesho yake wakampeleka kwa mjukuu wake Nyuta.
Alipofika alimshika mtoto na kumuangalia sana halafu akawaambia kuwa yule mtoto anapaswa kuitwa jina la babu yake yaani baba yake na Nyuta, alitaka yule mtoto aitwe Kisu.
Mama Yusuphu akakataa kabisa akasema jina hilo hilo la Mussa limemtosha mtoto na limempendeza, yule bibi akachukia sana hakupendezewa kabisa na itikadi za wale watu ila mwisho wa siku akakubaliana nao ili kuepusha marumbano.
Alimshika sana yule mtoto na akapata muda wa kumchora alama za uchawi ili mchawi yoyote akimuona yule mtoto ajue kabisa ni mwenzake.
Baada ya siku mbili yule bibi akaaga na kuondoka.

Ikawa ni tatizo kwenye nyumba yakina Yusuphu kwani yule mtoto alikuwa akilia sana usiku na hata mchana mara nyingine alikuwa analia sana, mtoto kula kwa pinde. Hataki kitu ni kulia tu kumbe analia kwa kazi ya uchawi aliyopewa, hata watoto nao hukosa raha kwa kazi hiyo sema huwapa uzoefu na ndio wakikua wanakuwa moto wa kuotea mbali kama alivyo Nyuta aliyepoteza fahamu siku tano kiuchawi.
Mama Yusuphu akapatwa na mashaka sana kuhusu mjukuu wake, hakujua ni nini kimempata mtoto huyo aliye mzuri na wa kupendeza.
Hata mwili wa mtoto yule ulianza kunyorodoka hakuwa kama watoto wengine.

Mtoto yule alipofikisha miaka miwili, alikuwa ni mtoto wa ajabu sana. Alikuwa akifanya mambo ya ajabu mambo ya kushinda umri wake, mara nyingine ukimuangalia anakuwa kama mtu mzima kwani sura imekomaa kumbe imekomazwa kwa uchawi aliopewa.
Bibi yake akazidi kupatwa na mashaka. Akaamua kutafuta watu wa karibu ili apate ushauri ila napo ikawa kama inashindikana.
Siku moja mama Yusuphu akatoka na mjukuu wake kwenda kumsalimia rafiki yake, kufika huko kwa rafiki yake huyo aliyeitwa Fatuma.
Fatuma akashtuka sana alipomuona Mussa. Akaamua kuzungumza kikubwa na mama Yusuphu,
FATUMA: Ndugu yangu, huyu mjukuu wako si mzima.
MAMA YUSUPHU: Ana tatizo gani kwani?
FATUMA: Ana alama za uchawi.
MAMA YUSUPHU: Kivipi na umezionea wapi?
FATUMA: Huwezi kuona kama wewe si mchawi.
MAMA YUSUPHU: Kwa maana hiyo wewe ni mchawi ndomana umeziona?
FATUMA: Hapana mimi si mchawi ila nilichanjwa dawa ya kuweza kuwagundua wachawi.
MAMA YUSUPHU: Kwamaana hiyo mjukuu wangu ni mchawi?
FATUMA: ndio ni mchawi ndomana anazo hizo alama.
MAMA YUSUPHU: Kwetu hakuna mchawi, sasa nani kampa uchawi? Na tutamtoaje?
FATUMA: Kutakuwa na mtu wenu wa karibu tu ndio kampa uchawi. Huyu ni mtoto mdogo kumtoa sio tatizo, nitakupeleka kwa mtaalam ataenda kumtoa.
MAMA YUSUPHU: Twende sasa Fatuma, sitaki mjukuu wangu apotee.

Wakaianza safari ya kwenda kwa mganga wa kienyeji ili wakamtoe Mussa uchawi, walipofika kwa huyo mtaalamu kwanza alishtuka sana na kuwaambia.
MTAALAM: Kazi mliyoniletea ni kubwa sana, kwani huyu mtoto ameandaliwa kuwa kiongozi mkubwa wa wachawi hapo badae.
FATUMA: Tafadhari baba tusaidie.
MTAALAM: Nitawasaidia ila mkae mkijua kwamba mnaniingiza kwenye matatizo.
Mganga yule akaanza kwa kumfuta Mussa alama za kichawi.
Wakati akiendelea mara wingu zito likatanda eneo lile na kuwafanya wote walio kwenye kibanda cha mganga kuanza kuogopa.

Itaendelea kesho...!!!
Kama umeipenda like.

 

[Dr. Wansegamila]

UCHAWI WA KURITHI 5:

Baada ya mganga yule kumfuta Mussa alama za kichawi, wingu zito likatanda pale kwenye kibanda cha mganga na kuwafanya wote washangae, mara mvua kubwa ikaanza kunyesha huku maradi yakipiga kama vile yanapasua anga.
Mganga akamgeukia Fatuma na kumwambia.
MTAALAM: Umeona ilivyokuwa ni kazi ngumu?
FATUMA: (Huku akitetemeka), nimeona. Sasa itakuwaje?
MTAALAM: Itabidi tusaidiane kuita mizimu ili ije kutusaidia.
FATUMA: Wewe tuambie tu cha kufanya, sie tutafanya.
MTAALAM: Itabidi tuimbe nyimbo za kuwaita, maana huyu mtoto ni hatari.
Mama Yusuphu alikuwa akishangaa tu, hata asijielewe kabisa kwa mambo yaliyokuwa yakiendelea.
Wakaambiwa waanze kuimba nyimbo za kuita mizimu, waliimba sana na mvua nayo ikawa inakakazana kunyesha.
Likapiga radi moja lililofanya wote wanyamaze ilikuwa kama dunia imepasuka, wote wakawa wakitetemeka, mara mti wa nje ya kibanda hicho ukaanza kuwaka moto, kila mmoja alistaajabu kwani moto uliwaka na mvua nayo ikazidi kunyesha.
Zikatoka cheche kama mbili kwenye ule mti, na zikaangukia mlangoni kwenye kile kibanda cha mganga, mara zile cheche zikabadilika na kuwa joka kubwa mithili ya chatu. Kwakweli mama Yusuphu alistaajabu sana, lile joka likaenda moja kwa moja kwa mtoto Mussa na kumviringisha hadi juu. Wote mule ndani mwa kibanda wakawa wanashangaa sana na kutetemeka.
Baada ya muda kidogo, lile joka likajitoa kwa mtoto Mussa na kuanza kumlambalamba, halafu likatema chini vitu viwili vigumu vyenye mng'ao kama wa almasi.
Lile joka likaanza kujisogeza na kurudi mlangoni kufika pale likageuka zile cheche mara zikapotea. Wote wakawa wanashangaa sana, na mara gafla ile mvua ikakatika na kukawa kweupe kabisa kama vile mvua haijanyesha.
Yule mganga na watu wake mule ndani wakiwa kama hawaelewi yaliyotokea.
MTAALAM: Fatuma, umeelewa nini hapa?
FATUMA: Sielewi chochote naona mauzauza tu.
MTAALAM: Ni bora mizimu imekuja kutusaidia maana hali ilikuwa ni mbaya.
FATUMA: Kwahiyo tungekufa humu?
MTAALAM: Ndio tungekufa, yatupasa tuishukuru sana mizimu.
Yule mganga akachukua vile vilivyotemwa na Joka, akavitwanga na kumchanja mtoto Mussa na kumpaka.
MTAALAM: Inawapasa kuwa makini sana maana adui anawazunguka.
MAMA YUSUPHU: Mtaje basi ni nani?
MTAALAM: Mama, hata mimi najipenda pia. Sitaki mapambano hapa kwangu, cha msingi muwe makini tu.
FATUMA: Vipi kuhusu huyu mtoto sasa?
MTAALAM: Huyu mtoto tumefanikiwa kumtoa uchawi ila cha msingi ni kuwa makini maana adui amechukia sana.
MAMA YUSUPHU: Ila tungemjua ingekuwa rahisi kujiepusha nae.
MTAALAM: Mtamjua tu wenyewe huko, mimi vitu vingine sihusiki.
Baada ya yote Fatuma, mama Yusuphu na Mussa wakaanza safari ya kurudi.

Wakiwa njiani Mussa akawa anamshikilia bibi yake kwa nguvu huku akidai kuwa afichwe kuna watu wanamtisha. Fatuma na mama Yusuphu hawakuelewa chochote ila hata wao walipatwa na uoga.
FATUMA: Unadhani ni nani anatenda haya?
MAMA YUSUPHU: Kwakweli sijui chochote ndugu yangu.
FATUMA: Mmh kazi ipo jamani.
MAMA YUSUPHU: Tena kazi kubwa ndugu yangu.
Walipofika njiani wakaagana na mama Yusuphu akarudi nyumbani kwake bila ya kujua kuwa mtu mbaya wanae ndani.

Nyuta alichukizwa sana na kitendo alichofanya mkwe wake.
Mussa na bibi yake wakiwa wanaingia ndani, wakamkuta Nyuta amekaa mlangoni tena amejawa na hasira kupita maelezo.
NYUTA: (Akiuliza kwa ukali), mlikuwa wapi?
MAMA YUSUPHU: Kheee wee mtoto, hata salamu?
NYUTA: Mtoto ni yule anayenyonya na sio mimi.
MAMA YUSUPHU: Mbona una kauli chafu sana wee binti?
NYUTA: Kauli chafu?? Zisafishe basi ziwe safi.
MAMA YUSUPHU: kuwa na adabu wewe, Mimi ni mkweo ni sawa kabisa na mamako mzazi.
NYUTA: Sina mama mie.
MAMA YUSUPHU: Kwahiyo umezaliwa na kibwengo?
NYUTA: Nadhani hunijui vizuri wewe mmama, ila utanifahamu hivi karibuni.
Mama Yusuphu alibaki akimshangaa Nyuta na kauli zake, mara Nyuta akamvuta mtoto Mussa na kuanza kumpiga, tena alimpiga kama vile sio mtoto mdogo, ikabidi mama Yusuphu aingilie kati. Ikawa kama vile mama yusuphu kanunua ugomvi kwani likazuka bonge la varangati hadi watoto wa mama Yusuphu ikabidi waingilie kati na kila mmoja hakuelewa Nyuta alikuwa amechukizwa na kitu gani.
Mara Nyuta akaingia chumbani na kujifungia, hakutoka kabisa siku nzima na hakuongea na mtu yeyote.
Kesho yake akatoka na kumfata mama mkwe wake.
NYUTA: Mama samahani kwa yote yaliyotokea jana.
MAMA YUSUPHU: Kama umetambua kosa haina tatizo mwanangu.
NYUTA: Sawa mama, si unajua nilimkumbuka mwanangu.
MAMA YUSUPHU: Sawa usijari.
Ingawa mama Yusuphu, aliitikia lakini hakufurahishwa kabisa na tabia iliyoonyeshwa na Nyuta.
Nyuta akabadilika na kuwa mtu mpole na mzuri mule ndani.

Mtoto mmoja wapo wa mama Yusuphu hakufurahishwa kabisa na kitendo cha mama yake kumsamehe Nyuta kwani aliona kuwa Nyuta alichofanya siku ya jana yake hakikuwa sahihi kabisa.
Mtoto huyu akawa anamchunguza Nyuta mambo anayoyafanya na kujiuliza kuwa kwanini anajihamini sana.

Hakuna mtu aliyejua Nyuta ana mpango gani kwenye akili yake.
Kumbe Nyuta akili yake ilikuwa inapambana na mtu yule aitwaye Fatuma kwani ndio chanzo cha mwanae kwenda kupelekwa kwa mganga na kutolewa uchawi.
Alitamani amjue Fatuma kwa undani zaidi.
Akajaribu kupeleleza, akajua taarifa fupi za kumuhusu Fatuma, akatamani Fatuma awe ni mmoja wapo wa misukule wake kwani alimuona ni mwanamke mwenye nguvu ila pia alitamani amuingize kwenye uchawi ili awe msaidizi wake.
Ila pia Nyuta alikuwa anachukizwa na tabia za kaka mmoja wa Yusuphu, tabia ya kumfatilia mambo yake. Kwahiyo akapanga kumkomesha mkaka huyo aliyeitwa Solo.
Siku moja akiwa kwenye mazungumzo na huyo Solo.
SOLO: Hivi wewe Nyuta unajiamini na nini? Hivi kweli wewe ni wa kupigana na mama yetu?
NYUTA: Hivi na wewe unajiamini nini kunifatilia mimi?
SOLO: Sikia wewe, mi huwa sigombani na wanawake wewe!
NYUTA: mimi ndio huwa sigombani na wanaume wala wanawake, kwahiyo kazi ni kwako.
SOLO: Yani wewe mwanamke wewe, hata sijui kwanini Yusuphu alikuoa wewe.
Nyuta akawa kimya na wala Solo hakujua Nyuta alikuwa na maana gani.
Safari hii Nyuta akaamua kufanya mambo kwa kujikamilisha kabisa ila hata kama wakiamua kwenda kwa waganga wao wazidi kukosa majibu kuwa yeye ndiye muhusika wa majanga yote.

Kutokana na hasira ambayo Nyuta alikuwa nayo akaamua kwenda kummaliza kabisa yule mamake mdogo aitwae Sifa, aliyempa ugonjwa wa kupooza.
Ikawa kama mshtukizo kwani Sifa alianza kutapika damu, mamake alihangaika nae huku na kule ila mwisho wa siku akafa. Kwakweli yule mama yao hakuona furaha ya kuendelea kuishi kwenye nyumba yake kwani watoto wake walizidi kupukutika.
Baada ya msiba bibi huyo akafunga nyumba na kwenda kuishi kwa ndugu zake, na hiyo ikawa ni furaha kwa Nyuta kwani aliifanya nyumba ile kama danguro lake la kuwekea misukule.

Wiki moja baada ya kifo cha Sifa, ikaelekea zamu ya Solo, akiwa amelala usiku akamuona mtu kama Nyuta akija mbele yake na kumkaba, alihangaika na kufurukuta lakini hakupata msaada, mara akahisi kuna wadudu wanamng'atang'ata sehemu za siri. Akapiga kelele ikashindikana.
Kesho yake, wakamkuta Solo akiwa chumbani amejifia, hakuna aliyeelewa kitu kilichomuua Solo. Kila mtu alishangazwa na kifo chake, na ubaya zaidi wakakuta anavuja damu sehemu za siri, kumuangalia wakakuta kuwa sehemu za siri za Solo zimenyofolewa, kila mtu alishtuka tena walishtuka sana kwa kifo kile cha ajabu.
Hawakuelewa ni kitu gani kinachoweza kunyofoa sehemu za siri.
Yote hayo yalimfanya Nyuta abaki na ushindi moyoni mwake.

Mama Yusuphu akaumia sana kumpoteza mtoto wake Solo, hakuna aliyetegemea kuwa Solo amekufa kwa namna ile.
Wakiwa katika msiba ule, mara gafla likatokea joka kubwa lenye vichwa viwili. Hakuna aliyejua joka lile limetokea wapi na linaelekea wapi ila lilikuwa na macho makali yanayowaka kama taa.

Itaendelea kesho...!!!
Kama umeipenda like.

 

[Dr. Wansegamila]

UCHAWI WA KURITHI 6:

Lile joka la ajabu lenye vichwa viwili likawa kinawasogelea Mussa na bibi yake, wote wa pale hawakuelewa kwa haraka kuwa lile joka linamaanisha nini.
Ila watu wakaanza kupiga kelele kuwa "nyoka nyoka"
mara lile joka likatoweka na hakuna aliyejua limeelekea wapi, ila wakashangaa Nyuta akitoka ndani na kuhamisha vitu vyake, yaani akawa anahama. Watu wakamshangaa anahama vipi wakati pale kuna msiba, ikabidi Nina amfate na kumuuliza.
NINA: Wifi, mbona unafanya vitu vya ajabu?
NYUTA: (Akijibu kwa ukali), vitu gani?
NINA: Utahama vipi wakati kuna msiba?
NYUTA: Nami nikuulize swali?
NINA: Niulize.
NYUTA: Aliyekufa ni ndugu yenu au ndugu yangu?
NINA: (akawaza kuwa akimwambia ni ndugu yake atamjibu inakuuma nini kama nimeamua kuacha msiba wa ndugu yangu na akisema ni ndugu yao atamwambia kuwa msiba haumuhusu), Swali gani hilo wifi?
NYUTA: Kama umeshindwa kunijibu hilo swali basi usiniulize chochote.
Nyuta akazidi kuhamisha vitu vyake, hadi wanaenda kuzika Nyuta hakuwa kwenye nyumba hiyo.
Kila mtu alistaajabu mambo aliyoyafanya Nyuta kwenye msiba wa shemeji yake.
Lile joka likawa kama ndio limemfukuza Nyuta mahali pale.

Wakiwa ndani baada ya matanga kuisha Nina akawa anaongea na mama yake.
NINA: Unajua mama toka kaka Yusuphu kamuoa huyu Nyuta, familia yetu imekuwa ikipatwa na mabalaa.
MAMA YUSUPHU: Tena na maajabu pia, kwanza unamkumbuka yule kunguru mweupe kwenye ndoa yao?
NINA: Nakumbuka mama, na je lile joka kwenye msiba wa kaka?
MAMA YUSUPHU: Mwanangu hadi sasa sielewi ila nahisi kuna nguvu za giza hapa.
NINA: Kweli mama tutafute namna ya kutatua tatizo.
MAMA YUSUPHU: Mwanangu natamani kwenda kwa mganga nikajue tatizo ila mabalaa yaliyotupata mmh!!
NINA: Mlienda kufanya nini mama?
Ikabidi mama Yusuphu amueleze binti yake Nina hali halisi ilivyokuwa.
NINA: Makubwa hayo mama, sasa unahisi Mussa alipewa uchawi na nani?
MAMA YUSUPHU: Sijui chochote mwanangu.
NINA: Mama nina mashaka na wifi Nyuta inawezekana ni mchawi.
MAMA YUSUPHU: Heeee mwanangu kama ni hivyo basi tumekwisha.

Nyuta akiwa kwenye nyumba ya bibi yake mzaa mama kwasasa, alijisikia amani sana ingawa alikuwa akiishi mwenyewe. Maana bibi yake alifunga nyumba na kuondoka, hivyo Nyuta akaenda alipohamia bibi yake na kuchukua funguo na kurudi kuishi yeye.
Alijiona kuwa atakuwa huru zaidi na mumewe aliyekuwa anapelekeshwa kama boya. Kwakweli Yusuphu hakujielewa kabisa kwa kipindi hiko, alijikuta tu akitenda vitu tofauti. Ingawa kwao walisema sana kuwa amerogwa ila ikawa kama wanapiga kelele tu.
Nyuta alikuwa akijipongeza kwa ushindi na ni hapo alipojigundua kuwa ni mjamzito tena, akawa anawaza sasa jinsi gani amrithishe huyo ambaye bado hajazaliwa.

Yusuphu alikuwa ni mtu pekee anayemtetea Nyuta, madawa aliyopewa yalifanya amuone Nyuta kuwa ni mtu mzuri sana.
Hata Yusuphu akienda kwao lazima amtetee Nyuta hata pale alipokosea.
MAMA YUSUPHU: Hivi kitendo cha mkeo kuhama wakati wa msiba umekiona sawa kabisa?
YUSUPHU: Mama, Nyuta ni mjamzito kwa sasa ndiomana anafanya mambo ya ajabu.
MAMA YUSUPHU: Hivi umesikia ujauzito ndo unamfanya mtu kufanya kama alivyofanya Nyuta? Kwakweli namchukia mkeo, kwanza anatuongezea wachawi tu duniani.
YUSUPHU: Mama, Nyuta si mchawi ila hamumuelewi tu.
MAMA YUSUPHU: Najua wewe umeshatekwa kwahiyo hapa ni kama nampigia mbuzi gitaa. Najua upo gizani mwanangu ila ipo siku utapata mwanga.
YUSUPHU: Aah mama na wewe maneno yako!!
MAMA YUSUPHU: Hunielewi baba, ila mkeo hafai.

Nyuta akiwa na mimba ya miezi sita akaamua kusafiri kichawi ili akawasiliane na bibi yake kuhusu mtoto wake wa tumboni.
BIBI: Hukuwa makini mjukuu wangu, na lile jina walilompa mtoto limeharibu mambo yote.
NYUTA: Sasa itakuwaje na huyu?
BIBI: Ungechelewa ningekufata, huyo inabidi tumchukue kabla hajazaliwa kwahiyo ijulikane kuwa mimba imetoka.
NYUTA: (Na yeye akaingiwa na huruma), bibi inamaana mwanangu hatayaonja kabisa maisha ya duniani?
BIBI: Itabidi iwe hivyo mjukuu wangu, ona wa kwanza tumemkosa. Na huyu tukimkosa wenzetu watachukia sana.
NYUTA: Jamani bibi, nihurumie huyu japo akae duniani. Mwingine ndio tumfanyie hivyo bibi.
BIBI: Nyuta, nakujua wewe ni shupavu sana. Usitake kumlilia mtoto aliye tumboni ambaye hata sura yake huijui.
Wachawi wana vyama vyao na kila chama kinakuwa na masharti yake na kawaida ya wachawi ni roho mbaya ndiomana mtu akionyesha roho mbaya kupitiliza huwa mara nyingi tunawafananisha na wachawi.
Nyuta akarudi huku amesononeka sana, kesho yake walipoamka hadi Yusuphu alimshangaa Nyuta hali aliyokuwa nayo.
YUSUPHU: Vipi mke wangu?
NYUTA: Hamna kitu nipo salama kabisa.
YUSUPHU: Unaonekana huna raha jamani Nyuta.
NYUTA: Najua ningejifungua mtoto wa kike, tena ningeona raha sana kumpa jina la mama yangu Huruma.
YUSUPHU: Kwani tatizo liko wapi jamani? Utajifungua tu mke wangu si bado muda.
Nyuta mwenye roho ngumu kama jiwe akajikuta akilengwalengwa na machozi.

Ile mimba ya Nyuta ilipofika miezi saba, bibi yake akawa ameshafanya mambo yake. Nyuta akaumwa na tumbo sana na mwisho wa siku walipompeleka hospitali ikajulikana mimba imetoka ila hata madokta walishangaa kwani mimba ya miezi saba ni mtoto kabisa aliyekamili ila Nyuta alitoa mapande ya damu kama vile ana mimba ya miezi miwili au mitatu.
Baada ya hapo, Nyuta alijikuta akiwa na hasira na chuki za wazi wazi.
Kila amuonapo mama mjamzito anajikuta akimchukia na kvamani kumfanyia jambo baya.
YUSUPHU: Pole mke wangu, haikuwa ridhiki yetu.
NYUTA: Nimeumia sana ila nitajua cha kufanya.
Yusuphu hakuwa akiyaelewa maneno ya Nyuta kwani siku zote aliongea kama mtu mwenye kisasi na watu fulani.
Akiwa bado na machungu yake akagundua kuwa mdogo wake Yusuphu yaani yule Nina ni mjamzito, akaona kuwa ile itakuwa sehemu moja wapo ya kupunguza machungu yake.

Nyuta akaamua kwenda kuwatembelea mama mkwe wake na Nina, akaongea mambo mengi na Nina bila ya Nina kuelewa kuwa wifi yake huyo ana lengo gani na yeye.
Mimba ya Nina ikiwa na miezi minne, akiwa amelala alijihisi kama mtu anamkata tumboni kwa mkasi au kisu. Alipatwa na maumivu makubwa sana, damu zikaanza kumtoka.
Mwisho wa siku akaambiwa kuwa mimba imetoka.
Nina akaumia sana moyoni na wala hakuelewa kwanini mimba yake imetoka.
Nyuta akajipa ushindi moyoni kwani hawakujua kama ni yeye amefanya vile, wakaanza kuhisi kuwa kuna watu wanaofatilia familia yake, mama Yusuphu akawaza sana kuwa mkwe wake mimba imetoka tena ya kutatanisha, na sasa ni binti yake Nina. Akajihisi vibaya mama huyu bila kujua kuwa mbaya yupo nae karibu.

Mama Yusuphu akajitoa muhanga na kuanza kutafiti juu ya mtu anayeifatilia familia yake, kuna siku akakutana na bibi wa Nyuta mzaa mama ambaye ndio mama Huruma. Akaamua kumsimulia yote yanayowapata.
MAMA HURUMA: pole mwenzangu ila mwenzio nimekimbia na nyumba nimemuacha akae mwenyewe huyo Nyuta.
MAMA YUSUPHU: Hivi yule mjukuu wako ana nini jamani? Maana tangu ameingia kwenye familia yangu mambo yote yameharibika.
MAMA HURUMA: Kwakweli sijui, yaani yule mjukuu ni wangu ila mara nyingine nilitamani kumfukuza kwani ameleta mkosi mtupu kwenye familia yangu.
MAMA YUSUPHU: Hata mimi kwangu amekuwa ni mkosi mkubwa kabisa.
Wakati wakiendelea kuzungumza hayo wakiwa pale njiani wamesimama, kikaja kimbunga cha ajabu na kuwasomba.

Itaendelea kesho...!!!
Kama umeipenda like.

 

[Dr. Wansegamila]

UCHAWI WA KURITHI 7:

Wakiwa pale njiani, kukatokea kimbunga cha ajabu na kuwasomba mama Yusuphu na mama Huruma. Ilikuwa ni tukio la kushtukiza sana na hakuna aliyejiandaa nalo kwakweli.
Wakabebwa juu juu na kile kimbunga na Wakaenda kutupwa mtoni, na walipozinduka hapo walikuwa ni watu wasiojielewa. Na ndio hapo wakaanza uchizi wa kuokota makopo na kufanya mambo yote wafanyayo machizi.
Nyuta alipopata habari hiyo akajipongeza sana, kwani kwake ilikuwa ni habari ya ushindi.

Nina alipoona kimya cha muda, akaanza kumtafuta mama yake. Akamtafuta sana bila mafanikio yoyote, uoga ukamtanda na hofu ikamshika. Ni hapo alipoamua moja, kuikimbia nyumba yao.
Akaamua kwenda kuishi nyumbani kwa dada yao mkubwa aliyeitwa Yusta. Akamueleza matukio yote yaliyotukia kabla na baada ya msiba wa Solo.
NINA: Dada hali ni mbaya, mambo ya ajabu yanatokea nyumbani na hata mama amepotea.
YUSTA: Sasa Nina jamani, unawezaje kuikimbia nyumba yetu jamani?
NINA: Dada, siwezi kabisa. Mimba yangu imetoka katika hali ya kutatanisha na mchumba aliyepanga kunioa ameghairi yani kila siku matukio halafu niendelee kukaa nyumbani?? Siwezi dada.
YUSTA: Kwahiyo unadhani hili ni suluhisho la wewe kukimbilia kwangu?
NINA: Dada, nitaenda kuishi popote ila nyumbani sirudi.
YUSTA: Hebu acha ujinga wako, mimi nitaenda kumtafuta mama. Haya na huyo mtoto wa kaka umekuja nae kwa ruhusa ya nani?
NINA: Dada hakuna wa kumuachia, na siwezi kumpeleka kwa mama yake wakati najua ataangamia. Huyu mtoto nitaishi nae popote na nitakula nae chochote.
YUSTA: Unamaanisha wifi Nyuta ndio mbaya?
NINA: Nahisi hivyo dada, maana mambo anayoyafanya ni ya ajabu sana.
YUSTA: Yani Nina umekimbia wakati mbaya ushamjua? Mie nitamfata kumpa maneno yake.
NINA: Dada usithubutu, Nyuta anaonekana ni mtu hatari sana.
YUSTA: Usinitishe bhana, nitamfata tu.

Nyuta akiwa amekaa na Yusuphu nje ya nyumba wanayoishi, wakamuona Kuna mgeni anakuja. Nyuta akaanza kumuuliza Yusuphu.
NYUTA: Nani yule anakuja?
YUSUPHU: Namuona kama dada yangu Yusta.
NYUTA: Anataka nini?
YUSUPHU: Labda anakuja kutusalimia.
Yusta akawa amewafikia kabisa, hata angekuwa mtu wa aina gani lazima angeweka shaka kwa Nyuta. Yani mgeni amefika, hata kumkaribisa hakuna. Alichofanya ni kuinuka na kuanza kuongea nae kama kuna shari vile.
NYUTA: Unataka nini?
YUSTA: Kheee, wifi hata salamu??
NYUTA: Kwani nikikusalimia utanenepa au utakonda?
Yusta alipatwa na wakati mgumu sana kwani alishindwa kumuelewa kaka yake aliyekuwa kama hamuoni vile, yani Yusuphu nae alikuwa kama vile hakuna mgeni aliyefika.
Yusta akaamua kumfata pale chini alipokaa,
YUSTA: Kaka, inamaana hunioni au ni nini?
YUSUPHU: Nakuona ila nakushangaa unagombana nini na wifi yako?
NYUTA: (Akadakia), wewe Yusta hujaja kwa kheri. Sasa kwavile umekuja kwa shari na shari yako utaipata.
YUSTA: Usinibabaishe bhana, kwanza wewe mwanamke ni mwanga.
NYUTA: Nani mwanga? (huku hasira zikimpanda).
YUSTA: Wewe apo ni mwanga.
NYUTA: Mimi mwanga eeh!! Ngoja utauona uwanga wangu sasa hivi.
Baada ya kuimaliza hiyo kauli, Yusta akashtukia amepatwa na tumbo la gafla akawa anagalagala chini na hakuna anayemsaidia, hata kaka yake Yusuphu alikuwa akimuangalia tu dada yake anavyohangaika.
Yusta akateseka sana na lile tumbo, baada ya muda kidogo likatulia. Nyuta akamfata Yusta na kumwambia,
NYUTA: Umeuona uwanga wangu sasa?
Yusta akawa analia tu na kujilaumu kwanini ameenda.
NYUTA: Kilichokuleta ndio kinachokutesa, eeh mdogo wako kaenda wapi na mwanangu?
YUSTA: Hilo sio tatizo ila unanitesha bila hatia.
NYUTA: Asilimia kubwa ya wanaoteseka hawana hatia kama hujui.
Yusta akazidi kulia tu pale huku akimsihi Nyuta aache kumtesa.
NYUTA: Chagua moja, nikutumie kwenye mambo yangu au nifanye nitakacho juu yako?
YUSTA: Nitumie kwenye mambo yako.
Yusta alikuwa akilia na Nyuta alikuwa akicheka.
Nyuta akafanya dawa na kumuingiza Yusta ndani kwake kimazingara.

Nina akiwa nyumbani kwa Yusta, akaona kimya kimezidi na mwenye nyumba harudi. Hapo hata hakutaka kujiuliza zaidi, alichoamua ni kumchukua tena mtoto Mussa na kutokomea nae kwenye vijiji vya mbali.
Ni huko alipoenda kumlea na kumkuza Mussa akiwa kama mwanae.

Nyuta akawa anamtumia Yusta katika mambo mbalimbali, alimfanya Yusta kuwa msukule mwenye uwezo wa kuongea na kufanya mengine ila alimnyima tu uwezo wa kutoroka kwenye himaya hiyo ya misukule.
Nyuta akazidi kumtuliza Yusuphu na madawa aliyokuwa akimfanyia.
Yusuphu hakuwa na kauli yoyote kwa Nyuta.

Mtaa wanaoishi ukawa na mashaka na Nyuta kwani mambo mengi ya ajabu yalikuwa yakiwapata na ni mtu mmoja tu ambaye alikuwa hashtushwi na jambo lolote, nae ni Nyuta.
Nyuta alifuga misukule, anaposhindwa kuilisha huwa anaifungulia inaenda kuparamia mashamba ya watu na kula mahindi.
Mwanadamu akishakuwa msukule ile akili ya binadamu wa kawaida inapotea huwa anafanya mambo ya tofauti kabisa.
Basi ndio hiyo misukule, kwa kawaida hawaonekani labda mtu awe amepakwa dawa.
Nyuta alijisikia amani kabisa kuishi na misukule ila roho ilimuuma juu ya mwanae Mussa kwani hakuweza kabisa, kufahamu alipo.
Makombola yake yakahamia kwa mama yake wa kambo, Nyuta bila huruma aliua wadogo zake wawili hadi akagombana na baba yake kwani Kisu alielewa kama mchezo ule unafanywa na binti yake mwenyewe Nyuta. Yule mama nae akashindwa kuvumilia kuishi na kisu kwa mauzauza kwahiyo akaamua kuikimbia nyumba. Na huo kwa Nyuta ni ushindi mkubwa sana.

Nyuta akafanikiwa kupata watoto wawili, wakike akamuita Huruma jina la mama yake na wakiume akamuita Kisu jina la baba yake. Watoto hawa aliwafuzu vilivyo kiuchawi, watoto hao wakawa wanaogopewa mtaa mzima, watoto hao ndio waliokuwa wanaenda kuwaua watoto wa wanawake wanaoenda kujifungua.
Nyuta akapatwa na furaha kubwa kwa kuongeza jeshi lake la uchawi ila uchungu bado ulimpata kwa Mussa kwani angekuwa jeshi kubwa zaidi ukizingatia, alikuwa ndio mtoto wa kwanza.
Uchawi wa hao watoto ulikuwa ni hatari, waliloga na kuchawika kila mahari.

Kila jambo na wakati wake, Yusuphu akiwa kazungukwa na wachawi tupu ndani na mtu wa kawaida akiwa peke yake sasa akaweza kugundua tofauti yake na wao. Akaweza kufunguka macho na kuona, akagundua wazi kuwa hakumpenda Nyuta hata akawa anajishangaa aliwezaje kumuoa na kuishi nae mwanamke ambaye hakumpenda.
Yusuphu akafunguka ufahamu, akaona pale hapamfai. Wakati akitafakari hayo, akaiona sura ya Maria ikumuangalia kwa upole, akatamani amvute Maria ili awe nae. Alikuwa Maria yule yule aliyemjua ila pale alikuwa kabadilika na kupauka sana.

Itaendelea kesho...!!!
Kama umeipenda like

 

[Dr. Wansegamila]

UCHAWI WA KURITHI 8:

Maria aliyemuona Yusuphu alikuwa ni maria yule yule mchumba wake wa kipindi kile ila alikuwa amepauka sana, Yusuphu akajawa na moyo wa huruma, akainuka na kumsogelea ili amkumbatie, ile anataka kumkumbatia tu Maria akatoweka. Kitendo hicho kilimshtua sana Yusuphu, akawaza mambo mengi sana.
Yusuphu alijiona wazi kutokumpenda Nyuta na alizidi kujishangaa kuwa ilikuwaje hadi akamuoa huyo Nyuta.
Baada ya kutafakari kwa muda, Yusuphu akaona kuwa pale hapamfai, akaanza kufikiria mambo mengi ndugu zake, mama yake na hata mtoto wake Mussa, hakujua walipo sasa. Akaamua kufanya mpango wa kumtoroka Nyuta, hakutaka kumuaga kwakweli. Alitaka afanye mambo kimya kimya.

Akili ya Yusuphu ikafanya kazi haraka, ingawa aliwapenda pia wale watoto wake wengine ila hakutaka awashirikishe kwenye mpango wake kwani aliwaona hao watoto wakiwa na dalili zote za tabia za mama yao, walikuwa na roho za kikatili na kinyama.
Mpango wake ulipokamilika, akaamua kuondoka kimya kimya bila ya kumuaga mtu yoyote.
Yusuphu akaamua kukimbilia mbali na kwenda kuanzisha maisha yake peke yake. Hakutaka tena kuishi utumwani tena ni vitu hata visivyoeleweka ndani.

Nyuta na wanae waliporudi nyumbani hawakumkuta Yusuphu, ikabidi Nyuta amuulize yule msukule aliyemuweka kama msaidizi wake ambaye ni Yusta kwani alimfanya kuwa kama mlinzi wake, naye akajibu kuwa hajui, Nyuta akachukia sana.
Akawageukia wanae na kuwaambia,
NYUTA: Baba yenu hanijui vizuri naona, ila namwacha tu sina shida naye mie.
HURUMA: Ila baba kafanya vibaya, yani hata kutuaga dah!!
NYUTA: Msijali wanangu.
Nyuta alikuwa na chuki za waziwazi, na bila huruma akawa anawatokomeza hadi jirani zake na kuwafanya misukule.
Nyuta alijisikia furaha kujaza misukule ndani na wala hakuona kama ni tatizo kwa yeye kuwafanya vile wanadamu wenzie.
Misukule hiyo iliishi kama wanyama tu wasio na akili yoyote. Ilifanya mambo ambayo mwanadamu na akili zake hawezi kuyafanya kabisa.

Ingawa watoto hawa wa Nyuta walikuwa na roho mbaya sana ila hata wao hawakujua sababu ya mama yao kufuga misukule mingi kiasi kile.
Kutokana na roho mbaya aliyokuwa nayo Nyuta ilimfanya mtaa mzima umchukie. Hakuna aliyempenda Nyuta hata mmoja, kila mtu alimchukia Nyuta. Hakuwa na rafiki wala wale majirani wa ukaribu nae, hakuna aliyependezwa na vitendo vya ushirikina alivyovifanya Nyuta.
Baada ya kuona jamii iliyomzunguka karibia yote imemtenga, Nyuta akaanza kujifanya kuwa anabadilika, akaanza kujifanya ni mcha Mungu na mwana maombi.
Akaona hiyo haifai, akaamua kuhama na mtaa.
Akatafuta nyumba sehemu nyingine na kwenda kuishi na wanae, kwahiyo kama kawaida nyumba ile akaiacha kuwa nyumba ya misukule.
Mtaa aliohamia Nyuta, wengi hawakuzijua tabia zake za ushirikina, wengi walimuita mwana maombi au mcha Mungu.
Nyuta alijifanya kubadilika na wengi wakamuamini kwa staili hiyo.
Hadi majirani aliokuwa anakaa nao mtaa mmoja mwanzo wakawa wanamshangaa.
JIRANI: Halafu mitaa mingine ni wazushi sana, yani mimi zamani nilikuwa nakuogopa kweli.
NYUTA: Ndio wanadamu walivyo ndugu yangu, hawana jema hata kidogo.
JIRANI: Nafurahi sasa tumekuwa majirani wema.
Nyuta alifurahi moyoni, na kujisemea kuwa kwa sasa atafanya mambo kimyakimya ili wanaomzunguka wasimuwekee mashaka tena.

Mussa akakua na kuwa kijana mkubwa, akapata mchumba aliyeitwa Mariam, akaamua kumchumbia ili amuoe. Shangazi yake ambaye ni Nina akampa baraka zote za kumuoa binti yule. Na hakika akamuoa kwani ndiye aliyemchagua.
Wakiwa ndani ya ndoa, Mussa akatamani kuwaona wazazi wake. Alijua kuwa wanaishi pamoja kumbe baba yake alishatoroka kitambo sana.
Nina bila kinyongo akamuelekeza Mussa wanapoishi wazazi wake.
Mussa akapanga safari na mkewe Mariam aliyekuwa na ujauzito wa miezi mitatu, shida yao ilikuwa ni kupata baraka zao.

Wakiwa njiani kuelekea kwa wazazi wao, wakajishangaa miyoyo yao ikiwa mizito sana ila wakajipa imani tu.
Wakauliza kwa watu, wakaonyeshwa nyumba waliyoelekezwa. Walikutana na kijana mmoja aliyeitwa Moze, yeye ndiye aliwaelekeza hadi kwenye ile nyumba aliyokuwa akiishi Nyuta.
MOZE: Nyumba yenyewe ile pale ila kuna wakati tunapenda kuiita nyumba ya maajabu.
MUSSA: Kwanini?
MOZE: Wenyewe humo wamehama ila ukiwa karibu na nyumba hiyo unahisi kabisa kuwa kuna watu wapo ndani.
MUSSA: Kivipi? Na wenyewe wamehamia wapi?
MOZE: Walipohamia sijui ila hapo kwenye nyumba hiyo ni noma, mara nyingine ukipita kama unaitwa vile ila ukigeuka nyuma hakuna mtu.
MUSSA: Mbona unatutisha wewe? Unauhakika ndio hiyo nyumba aliyokuwa akiishi mtu aliyeitwa Nyuta?
MOZE: Nina uhakika, na mara nyingine huwa anakuja kuicheki.
MARIUM: (Huku akijivutavuta), ila Mussa mie nimechoka kwakweli. Tujaribu kupumzika kidogo, halafu tutafute watu watuelekeze huko kwingine.
Kwavile ile nyumba ilikuwa na ubalaza mzuri wa kupumzikia, Mussa akamvuta Mariam hadi kwenye kile kibaraza wakakaa hapo na Moze akawaaga kwa kuwaambia kuwa anaenda kuwaulizia kwa watu wengine ili wawaelekeze alipo hamia Nyuta kwa sasa.

Mariam na Mussa wakiwa pale kibarazani, mara Mariam akaanza kupatwa na maumivu ya tumbo, akaanza kuhangaika na kugalagala pale kibarazani.
Akawa akilalamika tumbo na huku akitapika damu.

Itaendelea kesho...!!!
Kama umeipenda like

 

[Dr. Wansegamila]

UCHAWI WA KURITHI 9:

Marium alizidiwa sana na maumivu ya tumbo yaliyomfanya agalegale na kutapika damu, Mussa alihisi kuchanganyikiwa kwani hakujua cha kufanya muda huo na mke wake.
Akiwa anawaza hiki na kile mara Moze akawa amerudi mahali pale, hata yeye alishangazwa na hali ya Marium,
MOZE: Si niliwaambia!! Hapa pabaya ila nyie ubishi wenu tu.
YUSUPHU: Acha maneno basi, cha msingi tuelekeze hospitali tuweze kwenda kutibiwa.
MOZE: Mambo kama hayo si ya hospitali kaka, cha msingi nishaelekezwa anapoishi bi mkubwa wako, twendeni niwapeleke huko na yeye ndio atawapeleka hospitali.
YUSUPHU: Kwani wewe kutupeleka hospitali kuna nini?
MOZE: Hospitali ziko mbali bhana kaka mkubwa.
Yusuphu akambeba Marium mgongoni kwani alishindwa hata kutembea.
Safari ikaanza ya kuelekea kwa Nyuta.

Wakiwa njiani wakakutana na mwanamke mmoja ambaye Mussa aliweza kumtambua kwa haraka kuwa anaitwa Fatuma, hata walipotambuana Fatuma akamshangaa Mussa kuweza kumtambua yeye wakati aliondoka akiwa mdogo sana.
Baada ya kumueleza Fatuma tatizo lililomkumba Marium, Fatuma hakuafikiana kuhusu swala la kumpeleka kwa Nyuta badala yake akaamua awapeleke kwa mganga wa jadi.
Kufika huko mganga yule akawaambia kuwa Mariam amekutana na upepo mbaya na ilikuwa bado kidogo angepoteza ule ujauzito wake.
Yule mganga akawapa mitishamba ya kwenda kutumia, na hapo Mussa akaghairi kwenda kwa wazazi wake na kupanga kwenda siku nyingine.

Mussa akaenda kumueleza shangazi yake Nina kuhusu lile tukio la mkewe.
NINA: Ila Mussa usipende sana kwenda kule.
MUSSA: Kwanini shangazi wakati kule ni kwa wazazi wangu?
NINA: Hakuna sababu ila ule mtaa sio mzuri kabisa mwanangu.
MUSSA: Sawa shangazi, lakini mimi nikienda kule itakuwa ni kwaajili ya kuwasalimia tu na si mambo ya mtaa wao.
Nina hakutaka kumuweka wazi Mussa kuwa mama yake ni mchawi kwani anajua wazi kuwa Mussa hawezi kuamini hiyo kauli.

Mussa akaendelea kuishi na mkewe huko mjini huku akipanga siku ya kwenda kuwasalimia wazazi wake.

Katika pitapita za hapa na pale, Nina akabahatika kukutana na kaka yake kipenzi Yusuphu na alifurahi sana kukutana nae na wakaongea mambo mengi hadi ya kuhusu mtoto Mussa.
Yusuphu alifurahi sana alipoambiwa kuwa sasa Mussa ameoa na ana watoto, hiyo ilikuwa ni furaha kubwa sana kwa Yusuphu.
Nina akapanga siku ya kumpeleka kaka yake huko kwa Yusuphu.
Na siku ilipowadia akampeleka huko.
Yusuphu alifurahi sana kumuona mwanae na wajukuu zake.
Na yeye akamsisitiza mwanae Mussa kuwa asipende kwenda kumsalimia mama yake, kwavile walikuwa hawamuelezi kikamilifu Mussa aliona kama wanampigia kelele na akajisemea kuwa lazima aende kumsalimia mama yake.

Ingawa Nyuta alikuwa akijifanya kuwa kabadilika ila kuna mtu aliyemfanya Nyuta awe na chuki nae, mtu huyo ni yule Fatuma. Nyuta alijikuta akimchukia Fatuma na kumlaumu kuwa amemuingilia mambo yake mengi sana haswa lile la kwenda kumtoa uchawi na sasa ni hili la kuikimbiza mimba ya Marium ambayo ingekuwa ni halali yake. Alikuwa akijisemea, "yule alikuwa mtoto wa kwanza yani ni halali yangu kabisa."
Yani Nyuta aliyajua yote yaliyotendeka pale kwake wakati yupo Mussa na mkewe.
Nyuta akapanga mkakati wa kumkomesha Fatuma.

Siku moja binti wa Fatuma aliyeitwa Husna akiwa anatoka kuchota maji na ndoo yake kichwani, akafika mahali ikawa kama mtu kamsukuma basi ile ndoo ikaanguka na kupasuka.
Husna akarudi kwao mbio huku analia, Fatuma akamuhoji na kujua kuwa Husna amepasua ndoo, wazo lililomjia Fatuma kichwani ni kuwa Husna alikuwa anacheza njiani ndiomana kapasua ndoo.
Fatuma bila kufikiria mara mbili akachukua kiboko na kumshika Husna ili amcharaze asije akarudia siku nyingine.

Fimbo mbili tu ziliweza kuzima sauti ya Husna, kwani Husna alianguka chini na kufa hapo hapo. Kwakweli Fatuma alihisi kupagawa na hakuamini macho yake kama imetokea vile ilivyotokea, alishangaa sana hakujua kama kuna wakati unapomuadhibu mtoto na mtu mbaya anapitia hapo.
Fatuma alijutia kitendo chake cha kumcharaza mwanae hadi kufa.
Fatuma alikosa raha, alitamani siku zirudishwe nyuma ili matukio yaweze kubadilika lakini ndio ilikuwa hivyo kwamba Husna ameshakufa.
Fatuma alilia sana tena aliomboleza kupita kawaida, alikuwa na mtu mwenye majonzi muda wote.

Baada ya mazishi, Fatuma alizidi kujipa lawama juu ya kifo cha binti yake, hakuamini kwamba kupasuka kwa ndoo moja ndio kumemsababishia mwanae hadi amekufa.
Fatuma alijipa lawama zote, hakutamani kuishi tena na bila kufikiri akakoroga sumu na kunywa ili ajiue.

Itaendelea kesho...!!!
Kama umeipenda like

 

[Dr. Wansegamila]

UCHAWI WA KURITHI 10:

Fatuma akajipa lawama zote na bila kufikiri zaidi akakoroga sumu akanywa ili afe na kuikimbia fadhaa ya moyo wake.
Taarifa zikatapakaa kuwa Fatuma kajiua kwa kunywa sumu. Nyuta akajipongeza sana kwa kazi aliyofanya, akajiona kuwa yupo juu sana, akajisikia raha na amani kwa matukio hayo.
Watu katika jamii ile hawakudhani kama yale matukio yamefanywa kichawi, wakati uchawi ndio uliocheza katika matukio yale ya Fatuma na mwanae.

Nyuta akazidi kujiona mshindi, ingawa alikosa kuonana na mwanae Mussa ila akajipa matumaini kuwa kuna muda lazima Mussa atarudi tena kumuona mama yake tu.
Pale kijijini napo hawakumuelewa Nyuta kabisa kwani mambo mengi aliyafanya kwa tofauti, kuna kipindi akawa anawapa magonjwa watu wa pale mtaani halafu anajifanya kuwa anawaombea wanapona kwahiyo kuna baadhi yao wakaanza kuiamini ile janja ya Nyuta.

Jirani mmoja wa Nyuta alikuwa na mashaka na Nyuta hakuweza kumuamini Nyuta hata kidogo, jirani huyo alikuwa ni mama wa watoto wawili mapacha, watu walipenda sana kumuita mama Doto kwakuwa mwanae Doto ndiye aliyezoeleka sana mahali hapo na hata hivyo Kulwa alikuwa ameshakufa tena na yeye aliuliwa na michezo michafu ya Nyuta.
Mama Doto aliwahi kugombana na Nyuta kuhusu mipaka ya shamba na vilevile waliwahi kugombana kuhusu watoto pindi Huruma na Kulwa walipopigana na hiyo ndio ikawa sababu pia ya Kulwa kutoweshwa kichawi na hakuna aliyejua alipo Kulwa kabisa ndiomana wakasema kuwa alishakufa.
Mama Doto alikuwa ni mwanamke mbabe wa maneno asiye na mume, ila mpinzani wake alikuwa ni mwanamke shujaa wa uchawi naye hana mume.
Imani ya mama Doto kwa Nyuta ilikuwa ndogo sana, na mama Doto aliweza kuwaambia watu wengi kuwa Nyuta ni mchawi.
Nyuta alipanga namna ya kufunga mdomo wa mama Doto dhidi yake.

Siku hiyo Doto na mama yake wakiwa wanatoka kwenye safari zao, mama Doto akamwambia mwanae kuwa yeye anapita gengeni mara moja kwahiyo Doto atafute mahali amsubiri.
Doto akiwa hajui hili wala lile akasimama chini ya mti wa mwembe kumngoja mama yake.
Mara akili ikamtuma kuwa aangalie juu ya mti, naye akainua macho yake juu lahaula akamuona nyoka juu ya mti, haikuchukua hata sekunde yule nyoka akamtemea mate Doto machoni, Doto akaanza kupiga makelele kwani macho yalikuwa yanamuwasha sana, mama yake naye aliporudi akastaajabu watu wamemzungukia mwanae ikabidi wamsaidie Doto kwa kumpa huduma ya kwanza, walimuosha uso.
Haikusaidia chochote, Doto akapelekwa hospitali nao wakafanya vile wanavyojua wao, mwisho wa siku Doto akarudishwa nyumbani akiwa na hali mbaya sana kwani macho yalivimba na hakuweza kuona tena.
Kila siku Doto akawa analia tu, hakuona raha ya maisha kabisa.
Mama Doto akawa anahangaika na mwanae huku na kule.

Mama Doto akaenda kumtafutia dawa mwanae, hakuwa na kimbilio akaamua kwenya kwa Nyuta. Nyuta akamcheka sana mama Doto.
NYUTA: Wapi ubabe wako wa maneno?
MAMA DOTO: Nisaidie jirani, nakuomba Nyuta.
NYUTA: Ooh Nyuta mchawi, sijui nini na nini, vipi unataka dawa kwa mchawi?
MAMA DOTO: Naomba tusahau yaliyopita, nisamehe jirani.
NYUTA: Nadhani unataka kumjua jirani yako wewe?
MAMA DOTO: Kivipi?
NYUTA: Nenda kwako utamkuta.
Mama Doto akiwa haelewi chochote na wala haelewi kuhusu huyo jirani aliyeambiwa ametangulia ni nani.
Mama Doto akafika kwake mara gafla akapatwa na baridi kali, kizunguzungu kikamshika na kumuangusha chini.
Aliposhtuka pale alijikuta ametutumkwa na vipele mwili mzima yani utadhani ni mtu mwenye ukimwi, kwakweli mama Doto alijishangaa sana kwani kilikuwa kitendo cha muda mfupi.
Baada ya hapo, siku zinazofuata mtaa mzima wakatangaza kuwa mama Doto ni muathirika, wengi wakamtenga. Mama Doto na mwanae Doto hawakuwa na msaada kabisa, mwisho wa siku walikutwa wote wawili wakiwa wamekufa mule ndani ya nyumba yao.
Huo ukawa mwisho wa mama Doto mbabe.
Nyuta akajisifu sana kama kawaida yake.

Mussa na familia yake yani mkewe na watoto wakapanga waende kumtembelea Nyuta.
Na safari ikaiva na ikawa tayari kabisa.

Siku ikafika nao wakajiandaa vizuri kwenda huko kwa Nyuta, wakiwa wameshafika karibia na kwa Nyuta mara watoto wao wote wakapatwa na ugonjwa wa kutapika na kuharisha kwa muda huo huo wakawa kama wagonjawa wa kipindupindu.

Itaendelea kesho..!!!
Kama umeipenda like

 

[Dr. Wansegamila]

UCHAWI WA KURITHI 11:

Mussa na familia yake wakiwa wanaenda kwa Nyuta, njiani watoto wao wote watatu wakapatwa na ugonjwa wa kuharisha na kutapika wakawa kama wagonjwa wa kipindupindu .
Mussa na mkewe wakawa wanashangaa na bila ya kuelewa chochote wakabaki wanajiuliza tu kuwa mbona wakiwa wanaenda kule ndio wanakutana na maswaibu ya ajabu ajabu.
Wakiwa bado wanayatafakari yale, mara akatokea Kisu mtoto wa mwisho wa Nyuta, akawa kama anawashangaa mahali pale.
KISU: Tatizo ni nini hapa?
MUSSA: Wanangu hapo kama uwaonavyo wamezidiwa.
KISU: Dah! Poleni ila msijari twendeni kwa mama yangu huwa anaombea wagonjwa na wanapona.
Mussa na familia yake wakaanza kumfata Kisu anapowapeleka.

Walipofika, Mussa akashangaa kuwa huyo mtu anayeitwa mama na Kisu ndio huyohuyo mama yake na yeye, akafurahi sana na kujitambulisha kwao.
Nyuta akampokea mwanae na familia yake, kutokana na wale watoto kuwa wagonjwa, Nyuta akaingia nao kwenye chumba chake cha maombi baada ya muda mfupi akatoka nao wakiwa wazima kabisa.
Mussa alifurahi sana na alifurahia zaidi kugundua kuwa mama yake ni mwanamaombi, akawa anajisemea kimoyomoyo
"mi nilijua tu kuwa wanamsingizia mama yangu kuhusu huo uchawi."
Mussa akatambulishwa kwa wadogo zake nao wakafurahi sana kumfahamu kaka yao.

Wakakaa vizuri sana ila Nyuta alijikuta akimchukia sana Marium ila hakutaka kuweka hisia wazi hadi wagundue kuwa anamchukia.
NYUTA: Hivi ulijisikiaje kuishi na mwanaume ambaye hata huijui familia yake?
MARIUM: Kwakweli sikujisikia vizuri ila shangazi yake nilimfahamu kabla.
NYUTA: Shangazi na wazazi nani zaidi?
MARIUM: Wazazi ni zaidi mama.
NYUTA: Yani wewe unazaa watoto kimya kimya, hujui kama kila ukoo unatamaduni zake katika kulea mtoto?
MARIUM: Mama nisamehe kwa hilo ila mimi nilikuwa sijui.
NYUTA: Si unaona hapo umezaa watoto watatu hakuna hata mtoto mmoja aliyefanyiwa mila na hakuna hata uliyemrithisha jina, hata sijui hayo majina uliyowapa umeyatoa wapi!
MARIUM: Mama mbona ni majina ya kawaida tu.
NYUTA: Ila si utamaduni huo. Maana kati ya watoto watatu hakuna hata mmoja mwenye jina langu!
MARIUM: Mama tusamehe tu.
Yaani Nyuta alijikuta tu akimchukia Marium labda sababu jina lake limefanana na Maria yule aliyetaka kuolewa na Yusuphu mwanzoni.

Katika wale wajukuu zake watatu, Nyuta alivutiwa sana na yule mjukuu wake mdogo kabisa aliyeitwa Pendo.
Nyuta alipendezwa na ujanja alionao Pendo ila alikigundua kitu kimoja kwa Pendo kuwa ni mdadisi. Alipojaribu kuongea nae ndipo alipogundua udadisi alionao Pendo.
PENDO: Bibi mbona wakati tunakuja kwako, tulipokaribia tu ndio tukaanza kuumwa?
NYUTA: Kwasababu ugonjwa hauna hodi, popote pale unaweza kukupata mjukuu wangu.
PENDO: Na mbona wewe ulipotuombea tu tukapona?
NYUTA: Kwasababu nimepewa kipawa cha kuombea na kuponya.
PENDO: Umepewa na nani?
NYUTA: Nimepewa na mwenyezi Mungu.
PENDO: Na mbona ukaenda tukuombea kwenye chumba cha peke yako?
NYUTA: (Alijihisi kuchukizwa na maswali ya mtoto huyu), kwani tatizo ni nini?? Mwisho wa maswali.
Nyuta akajiuliza mambo mengi kuhusu huyu binti, na pia akaamua kumfatilia ajue udadisi wake unakwamia sehemu gani.

Bibi huyu hakuwa na shaka yoyote kwa Abra na Amina ingawa kati ya watoto wa Mussa alimtamani sana huyu Abra na kujisemea moyoni kuwa mtoto huyo alikuwa halali yake toka yupo tumboni ila kutokana na kiherehere cha Fatuma kikamfanya amkose mtoto huyo kwa kipindi kile ila kwa hapo alijileta mwenyewe.
Nyuta hakutaka kuwashtukiza wajukuu zake.
Akamuangalia Amina, alionekana ni binti mwenye uoga mwingi na mwenye Huruma, akajua kwamba akimuingiza kwenye uchawi atampa shida kama binti yake aliyenae ndani ambaye ana Huruma kama jina lake.
Akaona tayari ameshakuwa na tatizo kwa kuwa na yule binti Huruma hadi huwa anashindwa kumwambia mipango yake mingine, na kama akimuingiza Amina ndani yake litakuwa tatizo zaidi. Akawaza sana kuhusu mjukuu atakayerithi mikoba yake kati ya wale watatu Abra, Amina na Pendo.
Nyuta hakuacha kumpa lawama Marium.
NYUTA: Na mbona umekuwa na watoto wachache sana, yani watatu tu?
MARIUM: Mama maisha yanabadilika, watoto wanatakiwa wapate elimu ndiomana tunakuwa na wachache tunaoweza kuwatunza.
NYUTA: Mbona mimi nina wachache na hawajasoma, inamaana siwezi kuwatunza?
MARIUM: Hapana mama sina maana hiyo.
Nyuta alipanga vitu vingi sana vya kumfanyia Marium.
Na bado alipanga kitu cha kufanya kwa mtoto Pendo ili kupima kikomo cha udadisi wake.

Walikaa pale kwa Nyuta ndani ya wiki moja na safari ya kurudi mjini ikafatia. Nyuta alitaka kujua mengi kuhusu maisha anayoishi mwanae kwa sasa kwahiyo akawapa kijana Kisu aambatane nao hadi mjini.
Hawakujua kuwa Kisu anaenda kuchora vizuri mazingira wanayoishi, walichojua ni kwamba wanaenda nae tu kumbe kisu alikuwa na kazi ya ziada kule nyumbani kwa Mussa na familia yake.

Walipofika walikuta hali shwari kabisa kama walivyopaacha na wakaingia kuanza maisha huku Kisu akiwa pamoja nao.

Marium alikuwa ni mfanya biashara wa mifugo mzuri sana, alikuwa akifuga ng'ombe, kuku na mbuzi.
Kwahiyo Kisu alipofika mjini alifurahi sana kufanya kazi ya kuhudumia mifugo hiyo.

Siku moja Marium alipoamka asubuhi ili akawahudumie kuku wake hao wa mayai, alikuta kuku wote wamekufa mule bandani.
Hakuwa na mtu wa kumuuliza kwani ni yeye mwenyewe aliwahudumia usiku wa jana yake.
Akaenda kumuamsha Kisu na wakasaidiana kwenda kuwasomba wale kuku na kuwazika, huzuni ilimtanda sana Marium hakutegemea hasara kubwa kiasi hicho, maskini Marium hakujua kama mtu mbaya anaye ndani ya nyumba yake.
Akiwa anatafakari juu ya kuku wake hao, akamsikia kijana wa ng'ombe akimuita, muda huo Kisu hakuwepo nyumbani.
Marium kufika kwa kijana wa ng'ombe naye akastaajabu kwa alichokiona kwa ng'ombe wake.

Itaendelea kesho...!!!
Kama umeipenda like

 

[Dr. Wansegamila]

UCHAWI WA KURITHI 12:

Marium kufika kwa yule kijana wa ng'ombe wake naye akastaajabu alichokiona.
Akakuta ng'ombe wale wakikamuliwa badala ya kutoka maziwa inatoka damu. Ni kitu cha kushangaza kwa ng'ombe anayekamuliwa kila siku kutoa damu badala ya maziwa.
Ikabidi Marium atafute daktari wa mifugo.
Daktari wa kwanza hadi wa mwisho wote wakashindwa kugundua matatizo ya ng'ombe wale, wakawapa dawa za kila aina ila tatizo bado liliendelea na ubaya zaidi hata walipokuwa wakijisaidia ng'ombe walikuwa wakipiga kelele kama wamekabwa. Mwisho wa siku ng'ombe wale ambao walikuwa watatu wa maziwa wakafa na kuacha ndama mmoja kwani ndama wengine alishawauza ili kupata namna ya kuwatibu ng'ombe hao.
Marium alihuzunika sana, aliona sasa umaskini unanukia, alikosa raha na furaha. Tegemeo lake likabaki kwenye mbuzi.

Baada ya kama wiki kupita, Marium akakuta mbuzi wake wamebabuka ngozi. Akaanza kujiuliza ni ugonjwa gani umeipata mifugo yake napo hakupata jibu. Kuuliza watu wakamwambia labda mbuzi wake wamekula majani ya sumu. Kwakweli Marium alishindwa kujielewa kabisa, na mbuzi hao hawakuchukua muda wakafa, yule ndama nae wakamkuta chini amekufa. Marium akaona haya sasa majanga.
Pesa akaishiwa akawa na hali ngumu sana akawa anakopa vyakula madukani, watoto nao wakarudishwa nyumbani sababu ya ada. Marium alihisi kuchanganyikiwa bila ya kujua adui mkubwa ni yule shemeji yake Kisu.
Hali ya maisha ilivyozidi kuwa mbaya Kisu akawaaga kuwa anaenda kuishi maisha yake mwenyewe.

Kisu alishapapenda mjini, aliona raha kuwa mjini kuliko kule kijijini.
Alijitengenezea chuma ulete yani hirizi iliyomnufaisha yeye na kuwaumiza wengine, hirizi iliyongoja wengine wafanye kazi ila pesa apate yeye, hiziri hiyo inamaana kuwa mtu mwingine anahangaika kusaka pesa ile yeye anakaa na pesa inakuja yenyewe toka kwa huyo aliyeisaka. Alijisikia fahari sana kuwa mchawi, aliona mambo yake yakimnyookea kwa wepesi na bila ya kutumia jasho.
Akatafuta nyumba mjini hapo na kuanza maisha yake.
Hakukuwa na mwanamke aliyeonekana kuvutiwa na Kisu, ila kutokana na uchawi aliorithi toka kwa mama yake, Kisu aliweza kumvuta mwanamke yeyote amtakaye.

Mussa alipoona hali ya maisha nyumbani kwake inazidi kuwa mbaya, akaamua kufunga safari na kwenda kwa mama yake ili kupata ushauri.
Alipofika akamkuta mama yake, na wakaongea mengi ikiwemo na lile la familia yake na hali ya uchumi nyumbani kwake kwasasa.
NYUTA: Tatizo watoto wetu huwa mnajiamulia kuoa tu bila kujaribu kushirikisha wazazi wenu wote wawili haswaa mama.
MUSSA: Ila mama sidhani kama kuna tatizo kwa mke wangu.
NYUTA: Tatizo lipo mwanangu, mkeo ana mkosi wengine wanaita gundu hata hakufai.
MUSSA: Mama, nimeishi na Mariam kwa muda mrefu sasa na yeye ni kila kitu kwenye maisha yangu nashindwa kukuelewa huo mkosi unakuwa vipi?
NYUTA: Tatizo umetawaliwa na mapenzi, na umejikuta ukimuamini huyo Marium kupitiliza ila kwa kifupi hakufai.
MUSSA: Mama nishauri jinsi ya kupambana na haya maisha ila si kuhusu Marium mama, nampenda sana naye ananipenda pia.
NYUTA: Huwezi kunielewa hadi pale maisha yatakapokushinda, hapo ndio utaelewa kuwa huyo unayesema ni kila kitu kwenye maisha yako hakufai. Unashindwa hata kuthamini mawazo ya mama yako sababu ya mwanamke!!
MUSSA: Sio kiivyo mama.
NYUTA: Ila Marium hakufai, utakumbuka maneno haya siku moja. Mtu mzima dawa.
Mussa hakuelewa kabisa ushauri anaopewa na mama yake ikabidi afunge safari hadi kwa baba yake na kumweleza yote yaliyojiri.
YUSUPHU: Mussa mwanangu maisha yako yapo mikononi mwangu, shika kile unachoshikilia na amini kile unachoamini, ukitetereka kidogo tu basi yule adui atakushambulia kwa haraka sana.
MUSSA: Baba mbona nashindwa kukuelewa hapo?
YUSUPHU: Jaribu kuelewa kile unachoelewa, fanya maamuzi sahihi kulingana na moyo wako unavyokutuma.
MUSSA: Baba unaongea kwa mafumbo sana hata nashindwa nianzie wapi kutafakari.
YUSUPHU: Mambo mengine hata ukiyaweka wazi ni kazi bure kwani unaweza usiaminike ndiomana nakwambia kwa mafumbo ili akili kichwani mwako ikae sawa.
Siku zote Yusuphu hakuweza kusahau vibweka alivyoona akiwa kwa Nyuta hali hiyo imemfanya kugundua vitu vingi afanyavyo Nyuta ila vilevile alishindwa kuweka wazi mambo hayo.

Maisha kwa Marium na familia yake yakawa magumu sana, ndipo hapo walipogombana na familia ya mama John baada ya kukopakopa sana.
MAMA JOHN: Mmezidi sasa, natamani niwachore nembo mgongoni kila mtu awajue kama nyie ni ombaomba.
MARIUM: Usinitusi hivyo, sikupanga hali hii initokee.
MAMA JOHN: Nenda mwanakwenda usinijazie nzi hapa loh!! Maskini wee, nenda zako wewe.
Marium hakuwa na amani pale mtaani alijikuta akigombana sana na hao watu kulingana na kubadilika kwa hali yake ya maisha.
Kitu kilichomuuma sana ni watoto wake ambao hawakuweza tena kwenda shule zaidi ya kukaa nyumbani kwani hakukuwa na pesa ya kuwalipia ada.
MUSSA: Maisha haya hadi lini mke wangu?
MARIUM: Hata sijui mume wangu.
MUSSA: Kazi nimefukuzwa na biashara nazo zimekufa, na wewe kazi huna tena. Hivi itakuwaje kwa watoto wetu?
MARIUM: Sijui ila tunahitaji mtu wa kutushauri kwa karibu sana.
MUSSA: Kweli kabisa Marium.
Maisha yakazidi kuwa magumu, hawakuwa na la kufanya na pia hawakujua wafanye kitu gani.

Wakiwa wamelala usiku wa manane, wakasikia mtu anagonga mlango. Kila mmoja akajiuliza ni nani anayegonga mlango usiku ule wakati wote wapo ndani wamelala.

Itaendelea kesho...!!!
Kama umeipenda like

 

[Dr. Wansegamila]

UCHAWI WA KURITHI 13:

Wakiwa wamelala usiku wa manane gafla wakashtushwa na hodi, wakajiuliza ni nani agongaye muda huo. Kila mmoja aliogopa kwenda kufungua.
Mgongaji hakuchoka, bado aliendelea kugonga tu.
Hakuna aliyeweza kutoka, na mlango nao ulizidi kugongwa, mwisho wa siku ikabidi Marium aende na mumewe wakafungue ila walipofika mlangoni kila mmoja aliogopa ikabidi waulize kuwa yule mgongaji ni nani.
Wakauliza mara ya kwanza, kimya. Wakauliza mara ya pili mara sauti ya kike ikaitikia "mimi" wakamwambia ataje jina lake ila akakaa kimya, wakaogopa kumfungulia. Wakajaribu kuchungulia dirishani ili waone huyo mtu lakini hawakuona chochote.
Maswali mengi wakajiuliza kwa ni nani awezaye kugonga mlango kwa kiasi kile.
Ikabidi warudi tena kulala ila kila mmoja hakuelewa kuwa mgongaji yule alikuwa ni nani.

Kesho yake wakawa wanajiuliza juu ya mtu aliyekuwa anagonga mlango usiku uliopita ila wote wakakosa jibu juu ya mgongaji huyo.
MUSSA: Unadhani alikuwa ni nani?
MARIUM: Kwakweli sielewi, na je alikuwa anataka nini?
MUSSA: Hata na mimi sielewi.
Watoto wao wakaamua kwenda kwa babu yao mzee Yusuphu ili wakakae huko japo kwa siku mbili au tatu.

Kisu aliendelea kufanya atakacho na kuendelea kuwavuta mabinti warembo ili awe nao.
Ilikuwa ngumu kwa wao kugundua mapema kuwa wanavutwa tu ila walijikuta wakiwa kwenye mahusiano na Kisu.
Pia hakuacha kuangalia ili ajue cha kufanya tena kwenye familia ya kaka yake.
Kuna mwanamke aliyempenda sana na akatamani awe nae, Kisu akajisemea kuwa atafanya chochote ili ampate mwanamke huyo na awe wa kwake.

Huruma alimuhurumia kaka yake na familia yake, usiku ule mtu aliyekuwa anawagongea alikuwa Huruma ila wangeelewa vipi kama ni yeye wakati hakujitaja? Hata yeye mwenyewe Huruma akatambua ni kwanini walishindwa kumfungulia mlango.
Alienda pale kiuchawi ila akataka kuingia ndani kwa njia ya kawaida.
Aliporudi kwao aligombana sana na mama yake kwani hakufanya kile alichotumwa na Nyuta.
NYUTA: Mbona umekuwa hivyo Huruma? Nimekutuma nini nawe umefanya nini?
HURUMA: Mama, kaka ameshateseka vya kutosha. Sasa inatosha, muhurumie tafadhari.
NYUTA: Kwani nikimuhurumia mimi na yeye atanihurumia?
HURUMA: Mama kumbuka ni damu yako lakini?
NYUTA: Kama na yeye analitambua hilo basi anapaswa afanye lile ninalomwambia, nilimwambia amuache Marium ila hataki.
HURUMA: Mama usitake kumuachanisha kwa maslahi yako binafsi, angalia maisha yao kwanza.
Huruma alielewa ni kwanini mama yao alikuwa akimchukia Marium ambaye hajawahi kumkosea hata mara moja, na mara nyingi chuki za Nyuta hufanya amuue mtu kwa kumtoa msukule, hili jambo hata Huruma lilimshangaza ingawa na yeye alikuwa na roho mbaya ila mama yake ilikuwa mbaya kupitiliza.

Marium hakuchoka kutafuta msaada kwa familia yake, roho ilimuuma sana kuona ameshindwa kuwalipia wanae ada. Akaamua kwenda kwa Shangazi ambaye ni Nina ili kupata ushauri,
NINA: Mara nyingine unaweza kukaa na adui na wala usijue kama ni adui.
MARIUM: Unamaana gani shangazi?
NINA: Na pia msaada wako unaweza kuwa karibu ila usijue huo msaada utakusaidia vipi.
MARIUM: Nashindwa kukuelewa shangazi?
NINA: Wengine tuna ukaribu sana na wakwe zetu na tuna uwezo wa kuwaeleza chochote wakatuelewa lakini wewe sikushauri ufanye hivyo.
MARIUM: Bado sikuelewi.
NINA: Hata mimi sikuelewa kaka alipoamua kuoa haraka haraka, sikuelewa ni kwa mapenzi yake au ya kusukumwa na sikuelewa kama wifi huyo ataleta maafa makubwa sana kwenye familia yetu.
MARIUM: Unamuongelea nani shangazi?
NINA: Maneno hayasaidii ila vitendo vyake vitakufanya umgundue mwenyewe.
MARIUM: Jamani shangazi unaniacha njia panda!!
NINA: Sina mengi ya kusema ila Funga safari, nenda kwa bibi yako ukazungumze nae.

Ni kweli Marium hakumuelewa Nina kuwa alikuwa na maana gani ila hakutaka kupoteza muda akaamua kusafiri na kwenda kwa bibi yake.
BIBI: Umekuja Marium, pole sana.
MARIUM: Asante bibi, kwakweli matatizo yameniandama.
BIBI: Usijari Marium, kila chenye mwanzo hakikosi kuwa na mwisho ila nitakuwa nawe mjukuu wangu bega kwa bega kukusaidia.
MARIUM: Asante bibi.
BIBI: Tena nashukuru umekuja kabla wakati haujanichukua na tumeweza kuonana kwa kawaida.
Marium alikuwa ni mtu wa kustaajabu mambo mengi yanayomtokea kwa kipindi hicho.
Kipindi cha shida ndio utamjua rafiki wa kweli na mnafki, kwani ukiwa na raha wengi watakuwa upande wako ila ukitetereka kidogo tu wengi watakukumbia, ndivyo ilivyokuwa hata kwa Marium na familia yake kwani kipindi hiko cha dhiki wengi wakamkimbia hata wale marafiki zake wa karibu.

Baada ya yote, Marium akaamua kurudi nyumbani kwake na kutafakari mambo mengi aliyoweza kuongea na bibi yake.
Wakati akitafakari hayo, mara akahisi kuna kitu akili yake inamwambia kufanya. Akapata wazo la nini cha kufanya ili aweze kuikomboa familia yake ambayo ilikuwa inatetereka kwasasa.
Akapata wazo la kwenda kuchukua mkopo na kuanzisha biashara ila biashara hiyo iwe mbali na wanapoishi kwani alitambua kuwa adui yupo karibu ila ubaya ni kwamba hakumjua adui huyo ni nani na dhumuni kubwa la adui huyo ni nini.
Marium alikuwa ni mwanamke mwenye bahati sana katika maswala ya biashara hata yeye mwenyewe alishangaa kuona ameyumba kiasi kile kwenye mifugo yake aliyoitegemea sana. Tatizo hakumjua adui ila kama angemjua ingekuwa rahisi kwake kuelewa cha kufanya kwa haraka dhidi ya adui wake.
Na hata kama akimgundua atamfanya nini wakati adui ni mama mkwe wake?
Bado Marium alikuwa na wakati mgumu sana wa kutafakari.

Kisu akaenda kuwatembelea huku amebeba ndizi za kuiva mkononi, baada ya salamu Kisu akamkabidhi Marium zile ndizi. Kutokana na njaa kumshambulia Marium akaona hana budi zaidi ya kufakamia zile ndizi, wakati huo watoto wake walikuwa nyumbani kwa babu yao.
Alipomaliza kula zile ndizi mara akaona mwanga mkali ukimulika tumbo lake gafla akaanza kuumwa na tumbo.

Itaendelea kesho...!!!
Kama umeipenda like

 

[Dr. Wansegamila]

UCHAWI WA KURITHI 14:

Marium alipomaliza kula zile ndizi mara kuna mwanga ukamulika tumbo lake na gafla tumbo likaanza kumuuma.
Akajikuta akigalagala chini na mara kisu huyo akaondoka.
Marium akaugulia sana matatizo ya lile tumbo na mara Mussa akafika na kumkuta Marium akiugulia, ikabidi amuwahishe hospitali baada ya vipimo Marium akaambiwa kuwa ana uvimbe tumboni.
Marium akashindwa kuelewa kwakweli, imekuwaje hadi huo uvimbe ujitokeze au ucharuke baada ya kula ndizi za kuiva!! Akashindwa kuelewa mahusiano ya zile ndizi na ule uvimbe.
Daktari akamwambia Marium kuwa anapaswa afanyiwe upasuaji ili kutoa uvimbe huo, Marium na Mussa wakahisi kuchanganyikiwa kwakweli kwani hawakuwa na uwezo wa kufanyiwa operesheni kwa kipindi hiko.
Ikabidi wachukue tu dawa za kutuliza na kurudi nyumbani.
MARIUM: Asante mume wangu, ila pesa ya kunihudumia hospital umeitoa wapi Mussa??
MUSSA: Leo ndio nimeamini ule usemi unaosema kuwa ng'ombe wa maskini hazai na akizaa ni dume na dume lenyewe ni shoga.
MARIUM: Kwanini umesema hivyo mume wangu??
MUSSA: Leo katika shughuli zangu nilibahatika kupata pesa na nikafurahi sana ila cha kushangaza nafika tu hapa nyumbani nakukuta wewe ni mgonjwa, na ndio hivyo pesa yote imeishia hospitali.
MARIUM: Dah mume wangu sijui hata ni ibilisi gani aliyetuingilia kwenye maisha yetu.
MUSSA: Hata na mimi sijui kwakweli.
Wakajikuta wakisononeka na kukosa raha kabisa.

Baada ya siku chache, Marium alijikuta yale maumivu hayapo tena. Alijihisi kupona kabisa ila hakujua ni kitu gani kilichomponya.
Marium akafanya kama mawazo ya moyo wake yanavyomtuma, akaenda kukopa pesa na kuanza biashara nje kidogo ya familia yake, aliogopa kushirikisha watu mpango wake zaidi ya mumewe bwana Mussa na akamuomba swala hilo wafanye siri kwani walikuwa wanazungukwa na adui wasiyemjua.
Marium alishaanza kumuwekea mashaka Kisu ila hakudhania kama mama mkwe wake ndio mbaya zaidi.
Wakafanya siri kubwa, maisha nayo yakaendelea na Mussa nae akarudishwa kazini, wakaona sasa maisha ya dhiki yanakaribia kuwatupa mkono.
Maisha yakaenda taratibu na mwisho wa siku wakawarudisha watoto wao shuleni na wao wakaendelea na kutengeneza maisha yao.

Kisu akawa anaendelea na mchezo wake wa madawa ili avute chochote anachotaka kuwa nacho.
Ila binti aliyemtaka kwa sasa alimpa tabu kidogo kwani dawa zake nyingi zilionekana kugonga mwamba, ikabidi atumie mbinu ya ziada kumpata.
Ikabidi amshirikishe mama yake juu ya kumpata huyo binti.
Na kwa kushirikiana na mama yake akafanikiwa kumpata huyo msichana.
Huruma aliwaonea sana imani watu wote wanaoteswa na familia yake.
HURUMA: Ila kaka, mapenzi ya dawa si mapenzi kabisa.
KISU: Kwani wewe Huruma unatakaje?
HURUMA: Kwanza ona hata mama kakimbiwa na baba sababu ya mapenzi yake ya dawa. Kila siku unagombanisha wapenzi ili umpate mwanamke umtakaye sasa mbona wanawake wenyewe ni wengi?
KISU: Kila mmoja na starehe yake hapa duniani.
HURUMA: Kwahiyo starehe yako ni uchawi na wanawake?
KISU: (Huku akiwa amechukia), halafu sitaki tugombane kijinga Huruma.
Kisu hakupenda kuambia ukweli, na alizidi kutenda ubaya na hali hiyo ilizidi kumuumiza Huruma na ndiomana Kisu alipoweka ugonjwa kwa Marium ni Huruma aliyekwenda kuutoa kwani alishajua nia ya kaka yake ni nini, alitaka kuwafilisi zaidi ya zaidi hadi waone dunia chungu. Kweli mchawi hana akili, yani mtu anaamua tu kumtesa ndugu yake bila sababu za msingi.

Siku zote Nyuta alifanya vitu kwa kudhamiria na alijisikia amani sana anagofanya vitu vya ajabu na vya kusikitisha.
Alishapanga kumjaribu mtoto Pendo ili kupima udadisi alionao juu yake.
Nyuta hakuwa na huruma kwa mtu yeyote, yeye alichojua ni kufanya roho mbaya tu hakuona umuhimu wa kumuhurumia mtu yeyote.
Tabia ya Huruma ilimkera sana Nyuta kiasi kwamba akafikiria hata kumuua kama asingekuwa amempa uchawi pia kwani Huruma alikuwa ni mchawi wa ajabu wakati siku zote wachawi wanakuwa na roho mbaya na ya kikatili kama roho ya Nyuta. Mchawi huwa hapendi mwenzie afanikiwe, alikuwa hapendi mtu aendelee kimaisha.
Apendacho yeye ni kuona mtu akididimia siku zote.
Kulikuwa na jirani wa Nyuta aliyeitwa mama Salome, mama huyu alikuwa na binti yake huyo Salome aliyekuwa akipenda sana shule na akaahidi kusoma sana ili kuleta maendeleo kijijini kwao, wanakijiji wengi walimpenda Salome kwa juhudi zake bila ya kujua kwamba kuna mtu mmoja wanae pale kijijini akiwa ni kungwi wa wachawi na kila mahali alipofika lazima apewe uwenyekiti wa uchawi.
Nyuta akafanya taratibu kwanza kabisa kuizorotesha familia ya Salome.
Siku hiyo Salome akiwa anaenda shule, akakutana na nyoka mkubwa jamii ya chatu njiani, Salome akaogopa na kukimbia kwao, alipowaambia nao wakaenda ili kushuhudia nyoka huyo ila hawakuona chochote.
Gafla Salome akajikuta akipatwa na uoga wa kwenda tena shule, kila muda aliposhtuliwa alikuwa akisema "nyoka"
Wote wakamshangaa Salome kwani mwisho wa siku akawa kama mtu aliyechanganyikiwa, hakuna neno lolote atamkalo zaidi ya nyoka kila mmoja aliogopa jambo hilo. Ila mama Salome akakumbuka kwamba kuna muombeaji mashuhuri pale kijijini ambaye ni Nyuta, ama kweli mchawi mpe mtoto akulelee.
Mama Salome akamchukua Salome hadi kwa Nyuta na kumuomba amuombee mwanae.
Nyuta atafanyaje na wakati anataka kuwadhihirishia watu kuwa yeye anatumiwa na Mungu.
Ikambidi amchukue Salome na kwenda kumuombea kwenye chumba chake cha maombi, baada ya muda kidogo Salome alirudishwa akiwa mzima kabisa.
Mama Salome akafurahi sana na hakutaka kupoteza muda tena, akampeleka mwanae kijiji cha mbali ili akasome huko na yeye akawa anarudi kupambana na maisha ya pale kijijini.
Nyuta alichukizwa sana kwa kitendo cha kumrudisha mtu aliyemroga ili awe katika hali ya kawaida kwa njia tofauti.
Alichukizwa na mama Salome akaamua nae kumuweka katika mlolongo wake, tena yeye akaamua kumfanyia upesi kabla hajarudi tena na kusema aombewe.
Mama Salome akiwa njiani anarudi, mara akatokea nyoka na kumgonga mguuni. Mama Salome hakuweza hata kusogea ikawa hapohapo akaanguka chini na kufa.
Sasa hiyo ikawa ni furaha kubwa sana katika moyo mbaya wa Nyuta.

Miaka ikapita na siku zikapita, ikawa ni afadhari kwao Marium na familia yake. Wakajua kidogo majanga yamepungua kumbe adui akiwa kimya ujue anajipanga kwa mashambulizi kwahiyo unapokuwa vitani lazima ujikamilishe muda wote ule ili adui asiweze kukushambulia.
Marium aliendelea na maisha huku akijiwekea tahadhari kubwa sana baada ya kuambiwa kuwa adui wanaye karibu sana, hakutaka kutetereka kwa kipindi alichopata tena, hakutaka ile dhiki ya mwanzo impate tena.
MARIUM: Kwakweli sasa hizi tuna amani.
MUSSA: Kweli kabisa, sasa hivi ni amani.
MARIUM: Hivi ule uvimbe nilioambiwa uko tumboni ulipoteaje?
MUSSA: Labda mama yangu alikuombea ndiomana ukapotea.
MARIUM: Mmh labda.
Ingawa Mussa alimwambia hivyo Marium ila alijua wazi chuki aliyonayo mama yake dhidi ya Marium, kwani Nyuta hitaji lake kubwa ni kuwa Mussa aachane na Marium.
Adui anapopumzika ujue mashambulizi yamehamia kwingine au anajipanga kwa mashambulizi ya zaidi. Ila Marium hakujua adui yake yupo kwenye mpango gani kwa sasa, na wala hakufikiria kama mama mkwe wake ndio adui yao mkubwa pale walipo yeye na mumewe.

Pendo sasa akiwa sekondari, siku hiyo akiwa anatoka darasani kwenda bwenini, njiani akakumbuka na upepo mkali sana hadi akaanza kuogopa kwani alikuwa peke yake.
Kesho yake akajikuta ametokwa na vipele vingi usoni na mapajani.
Pendo hakujielewa kabisa, mara akaanza kuvimba mwili mzima na baadhi ya sehemu za mwili wake zikawa zinatoa povu.

Itaendelea kesho...!!!
Kama umeipenda like.

 

[Dr. Wansegamila]

UCHAWI WA KURITHI 15:

Pendo akaanza kutokwa vipele usoni na mapajani, mara akaanza kuvimba mwili mzima na baadhi ya sehemu za mwili wake zikawa zinatoa povu.
Kila mmoja pale shuleni aliushangaa ugonjwa anaougua Pendo ilikuwa ni ajabu sana, sura ya Pendo ilitisha kwani ilibadilika na kuwa kama sura ya mnyama, walimpeleka Pendo hospital lakini haikuwasaidia chochote kwani kila siku hali yake ilizidi kuwa mbaya, walimu wakaona sasa watampoteza mtoto wa watu akiwa mikononi mwao, wakaamua kumsafirisha na kumrudisha kwao ili kama hata akifa afie mikononi mwa wazazi wake.
Pendo alitisha sana hakuonekana kama ni binadamu wa kawaida.

Nyuta nae akawa ameenda mjini kumtembelea mwanae Mussa na alijua tu kwa tatizo lile lazima Pendo atarudishwa nyumbani.
Na kweli wakiwa pale nyumbani, wakawaona walimu wa Pendo wakija na mtoto wao pale nyumbani, hawakutaka kuamini kama yule ndio Pendo kwajinsi alivyoharibika.
Marium alijikuta akilia sana kumuona mwanae akiwa kwenye hali ya namna ile. Walimu ndio walio waambia kama yule ni Pendo.
MWALIMU: Tumeona hali yake inazidi kuwa mbaya ndiomana tumeamua kumrudisha nyumbani ili apatiwe uangalizi wa karibu zaidi.
MUSSA: Asanteni walimu kwa kumrudisha mtoto wetu.
Nyumba nzima ilitawaliwa na kilio kasoro Nyuta pekee kwani alikuwa anajua alichokifanya kwa mtoto Pendo.
Walimu walipomkabidhi Pendo pale nyumbani, wakaaga na kuondoka.
Pendo alikuwa na hali mbaya sana hata ilikuwa ni ngumu kumtazama jinsi alivyokuwa.

Nyuta alitulia tu kuona kama atapewa jukumu la kuombea ama vipi, mara akamsikia Marium akiwa na ujasiri na kuanza kumuombea mwenyewe mtoto wake.
Nyuta akachukia na kuamua kufanya mambo ya haraka pale, akampigisha mweleka Marium na kuanguka chini, na kitendo cha gafla kikatokea mahali pale kwani Marium alipoinuka alijikuta amepatwa na kidonda kwenye mguu wake, mwanzoni ile sehemu ilikuwa na kipele cha kung'atwa na mbu ila sasa iligeuka na kuwa kidonda, Mussa aliweza kuyaona hayo ikabidi akamfate mama yake aliyekuwa amekaa nje na kumuomba.
MUSSA: Mama najua wewe ni muombaji mzuri sana, tafadhari njoo uiombee familia yangu mama.
Kwanza Nyuta alijisikia raha sana kwa kupewa hiyo heshima, lengo lake lilikuwa ni kumuombea Pendo hadi aonekane amepona kabisa.
Basi akaingia ndani, akawaambia wamwache Pendo ili aende nae chumbani kumuombea, huko akakaa nae kama nusu saa.
Baada ya kurudi kutoka huko akawaomba wampashie maji ili akamuogeshe mwenyewe, wakafanya hivyo na kumpa hayo maji. Akayafanyia dawa zake maji hayo na kuanza kumuogesha Pendo, uchafu wote ukatoka na kuondoka kabisa. Nyuta na Pendo walipotoka bafuni kila mmoja alistaajabu muonekano wa Pendo kwani alikuwa ni mzima kabisa kama sio yule aliyeletwa hoihoi na walimu wake.
PENDO: Asante bibi kwa maombi yako na kuokoa maisha yangu.
NYUTA: Mjukuu wangu wanadamu wabaya sana, hawakutaka usome jamani.
PENDO: Bibi inamaana nilirogwa?
NYUTA: Hapana mjukuu wangu, kwanza napenda kukwambia kuwa usipende sana kuamini habari za uchawi na ushirikina mjukuu wangu.
PENDO: Hata serikali yetu haiamini hayo mambo bibi ila inasemekana yapo.
NYUTA: Ushawahi kuona uchawi Pendo?
PENDO: Sijawahi.
NYUTA: Sasa unasemaje kuwa uchawi upo wakati hujawahi kuuona? (Nyuta alikuwa akiendelea kupeleleza uelewa mdogo wa Pendo).
PENDO: Bibi sasa kama mimi ugonjwa niliokuwa nao ulikuwa ni ugonjwa gani?
NYUTA: Ile ni aleji ndomana ukavimba mwili inaonyesha ulikula kitu kisichofaa.
PENDO: Bibi kumbe wewe ni msomi eeh!! Hata hospitali walinambia ni aleji.
NYUTA: Mimi ni msomi ndio wa kipindi kile cha mkoloni, na sifa kubwa ya wasomi huwa hatuamini uchawi kama upo.
PENDO: Sawa bibi, na mimi kuanzia leo natoa kabisa imani kwamba kuna uchawi duniani.
Nyuta akafurahi sana kwa kuweza kuiteka vilivyo akili ya Pendo kwani kati ya watoto wa Mussa, ni Pendo ndio alimsumbua akili yake kwa sana.
Nyuta hakujishughulisha kabisa na kile kidonda alichompatia Marium kwani alikuwa hampendi kabisa Marium.
Baada ya wiki Nyuta akaaga na kuondoka akarudi nyumbani kwani baada ya kukamilisha kazi yake iliyompeleka mjini.

Kisu aliendelea na mambo yake ya uchawi na ushirikina, mtaa aliokaa alimjaribu kila mtu mgeni aliyefika na kuishi eneo lile, wengine wakaona mtaa ule mbaya wakahama, wenye makazi yao ya kudumu wakashindwa cha kufanya, kuna wengine wakawa kila leo kwa waganga kutafuta dawa ili wajinusuru kwani mbaya wao hawakumjua.
Kisu yeye alikuwa akimuua mtu basi anamtoa kuwa nyama ya wachawi tofauti na mama yake ambaye kazi yake ilikuwa ni kutunza misukule ambapo alijisikia fahari sana kuwa na misukule mingi atakavyo.
Kisu kama ambavyo alisaidiwa na mama yake aliyekuwa na nguvu ya ziada kumpata yule msichana aliyempenda wakati yule msichana hakumtaka yeye.
Yule msichana alionekana kuwa na kitu kilichofanya asirogeke kirahisi, binti huyo aliitwa Gina. Huyu ndio binti aliyemsumbua sana kisu katika kumvuta kwenye himaya yake, na alipompata tu akaamua kumpa ujauzito ili asifurukute tena kwenye himaya yake.
Kama ilivyo kwa Gina, kuna baadhi ya watu pia wamejikamilisha katika maisha yao na hawarogeki kirahisi kama afanyavyo Kisu.
Kukawa na mmama mmoja wa kitanga, akahamia mtaa anaokaa Kisu, mama huyu alijulikana kwa jina la mama Grace.
Kama kawaida ya Kisu akaenda kumroga yule mama, badala yake ni yeye Kisu akarudi na ugonjwa nyumbani kwake. Akavimba tumbo likawa kubwa kama mama mwenye mimba ya miezi tisa, akababuka mwili la kila mtu akamshangaa Kisu jinsi alivyobadilika.
GINA: Kwani unatatizo gani?
KISU: Sijui hata nimepatwa na nini, nadhani ni upepo mchafu umenipitia.
GINA: Pole sana Kisu, sasa itakuwaje maana kila siku hutaki kwenda hospitali.
KISU: Usijari nitaenda kwa mama ataniombea kwani ni mwanamaombi.
GINA: Pole sana, itabidi tufanye hima uende huko ukapate kupona jamani.
Kisu alijilaumu sana kwa kitendo cha kwenda kumroga mama Grace kwani ndio kitu kinachomtesa kwa wakati huo.

Kidonda cha Marium kilizidi kuwa kikubwa na pia kikawa kinavuja maji.
Marium hakuelewa kuwa aende wapi ili akapate tiba ya kidonda chake.
MUSSA: Pole sana mke wangu, hata sikufikiria kama kile kidonda ndio kingekuwa kikubwa kiasi hicho.
MARIUM: Hata na mie kinanishangaza kila siku kinavyozidi kuwa kikubwa, kama sindano nimeshachoma hadi basi lakini bado hali mbaya.
MUSSA: Labda tukajaribu na dawa za mitishamba mke wangu.
MARIUM: Labda kwani kidonda hiki kinanipa maumivu makubwa na ya ajabu ambayo sijawahi kupata kwakweli.
MUSSA: Pole sana.
Kwakweli kidonda kile kilimtesa sana Marium na ubaya zaidi ni kuwa hakujua kama kile kilikuwa ni kidonda cha kutumiwa, kumbe siku aliporudi Pendo na kutaka kumuombea yeye, Nyuta alichukia na kuuchukua ugonjwa wote wa Pendo na kuuelekeza kwenye kidonda kile, kwani wachawi hupenda kutumia kitu kidogo kwenye mwili wako wanakikuza halafu kinakuwa ni mateso maishani mwako.

Siku hiyo wakiwa wamelala, ile kushtuka Marium alishangaa kuona funza wakitoka kwenye kile kidonda chake.

Itaendelea kesho...!!!
Kama umeipenda like.

 

[Dr. Wansegamila]

UCHAWI WA KURITHI 16:

Wakiwa wamelala, ile kushtuka Marium akashangaa kuona funza wakitoka kwenye kile kidonda chake.
Marium akamshtua mumewe, naye akamwangalia mkewe kwenye kile kidonda akastaajabishwa na wale funza waliokuwa wanene sana wakitoka kwenye kile kidonda. Marium akapata maumivu makubwa, mumewe akamshauri Marium kuwa waende hospital ila Marium aliona kuwa kwa hali hiyo hata huko hospitali pasingesaidia kitu.
Marium alijisikia vibaya na alipatwa na maumivu sana pale kwenye kidonda.
Kufika asubuhi kile kidonda kikawa kinatoa usaha na wale funza. Marium akachukua upande wa khanga na kujifunga kwenye kidonda chake, akamuaga mumewe kuwa anaenda kwa bibi yake na anatumaini huko atapata dawa za kienyeji za kumtibu.

Marium akiwa njiani kuelekea kwa bibi yake, bus walilopanda likapata pancha ikabidi lianze kutengenezwa.
Mguu wa Marium ulikuwa hautamaniki kwani nzi wengi waliufata na ulikuwa unatoa harufu kali sana kama samaki waliooza.
Gari ilipotengemaa, wenye gari wakagoma kuendelea na safari, ni hapo Marium alipowaza kuwa kama angekuwa na usafiri wake basi yote hayo yasingewatokea.
Ikabidi wasubirie usafiri mwingine.
Hawakupata usafiri mwingine kwa siku hiyo ikabidi walale njiani, kesho yake likaja gari lingine na kuwabeba wale abiria na safari ikaendelea.
Hadi Marium alipofika kwa bibi yake alifurahi sana ingawa alikuwa akiburuza ule mguu wake.
Alipofika akamweleza yote yaliyomtukia bibi yake.
BIBI: Pole sana Marium, safari yako ina vikwazo vingi.
MARIUM: Kweli kabisa bibi, vikwazo ni vingi sana.
BIBI: Adui amekuzingira, hataki uendelee kamwe.
MARIUM: Ndio hivyo bibi, ona ninavyoteseka na huu mguu.
Bibi yule akampondea dawa Marium na kumpaka kwenye kile kidonda chake.
Akapatwa na maumivu makali sana ila baada ya siku mbili akiwa kule kwa bibi yake, kile kidonda kikaanza kukauka na yule bibi hakuacha kumpaka dawa Marium mwisho wa siku kikakauka kabisa.
Bibi akafurahi na kuamua kumpa dawa ya kunywa Marium na kumwambia hakuna mtu atakayeutesa mwili wa Marium tena.
Marium akawa huru na mzima kabisa.
MARIUM: Ila bibi si ungenitajia mbaya wangu tu.
BIBI: Ipo siku utamjua mbaya wako ila sio sasa.
Marium akashukuru kwavile alikuwa ameshapona kabisa.

Marium alirudi nyumbani kwake akiwa mzima wa afya na akiwa na nguvu mpya na kasi mpya.
Kila alichokifanya kipindi hiko kilifanikiwa, ndio hapo alipoamua kumpeleka mwanae Abra akasome nchi nyingine. Na watoto wake wengine wakaendelea na masomo vizuri.
Maisha ya Marium na familia yake yalitengemaa sana na walikuwa na furaha ya kupitiliza.
Marium alijua mambo yote yamekwisha bila kuelewa kwamba kimya cha adui siku zote ni kujipanga kwa mashambulizi zaidi.
MUSSA: Mke wangu, angalau sasa tuna furaha na amani.
MARIUM: Kweli mume wangu, sasa nadhani adui ameshindwa na hana uwezo tena wa kutudhuru.
Ilikuwa ni furaha kwa upande wao, ila mara nyingi upande mmoja ukifurahi jua mwingine umeumia.
Kilikuwa ni kipindi chema kwa Marium na familia yake.

Kisu alizidi kuumwa na tumbo na pia lilizidi kuvimba.
Ikabidi Kisu amwambie ukweli mkewe Gina kilichopelekea mpaka yeye akawa vile, kwanza Gina alishangaa kuwa kipindi chote hiko alikuwa anaishi na mwanaume mchawi sana.
Ikabidi Gina aende kwa mama Grace akamuombe amuachie mumewe.
GINA: Nakuomba mama, muhurumie mume wangu.
MAMA GRACE: Nataka iwe fundisho kwake na wachawi wengine wote kuwa si kila mtu wamuonaye basi anafaa kurogwa.
GINA: Jamani kuwa na huruma basi.
MAMA GRACE: Wapo wa kuwahurumia ila siwezi kumuhurumia mchawi.
Mama Grace alishikilia msimamo wake hadi mwisho kuwa hawezi kumuhurumia mtu mchawi.
Hali ya Kisu ilizidi kuwa mbaya, ikabidi asafiri na kurudi kwa mama yake.
Nyuta alimuhurumia sana mwanae ila pia hata yeye mwenyewe hakuweza kupata muelekeo unaofaa wa mwanae hakujua ampe nini ili apate kupona.
Ila Kisu alizidi kuumwa kila siku hakupatwa na unafuu hata kidogo.
Siku hiyo Kisu alihisi tumbo linataka kupasuka, akapiga kelele sana na mwisho wa siku akafa.
Msiba ule ulipotokea Gina alikuwa bado yupo kwake.
Akaenda kuangalia vitu vya mumewe ndani, ile kufungua kabati akakumbana na paka mweusi sana na mwenye macho makali hapohapo Gina nae akazimia.
Majirani hawakuelewa kinachoendelea hadi pale waliposhindwa kumuona na kuamua kumfata ndani, wakashangaa kumkuta amezimia.
Wakamchukua na kumtoa nje kwenye hewa.
Wakiwa wanashangaa gafla wakamuona Nyuta akiwa mahali pale, nia yake ni kwenda kuchukua vitu vya kichawi alivyoacha mwanae ndani ya nyumba hiyo.
Nyuta aliingia ndani na kuchukua vya kuchukua akatoka bila ya kuaga wala kumsemesha mtu yeyote akaondoka, kwakweli walishindwa kumuelewa kabisa mama huyo.
Nyuta aliumia sana kumpoteza kijana wake, roho ilimuua ile kupitiliza. Nyuta akasema kuwa anajipanga kwa mashambulizi kwani hawezi kukubaliana na hali hiyo hata kidogo.
Nyuta akamvizia yule mtoto atakayezaliwa na Gina ili amuweke rasmi kwenye kazi yake.
Watu wakamuonya Gina nae akasikia maonyo yale akaamua kukimbia na kwenda kuishi mbali ili awe salama na mtoto wake.

Nyuta alikuwa na hasira ya kupitiliza, sasa roho mbaya yake ilizidi kwa ile ya mwanzo. Hakumuhurumia mkubwa au mdogo, kila aliyechomoza mbele yake akawa adui yake.
Alikuwa ni mchawi wa kuogofya kwa kipindi hiko, hakuwa na masihara na mtu yeyote.
Ingawa Gina alimkimbia Nyuta lakini ilikuwa kazi bure, Nyuta akatumia uchawi wake kuiharibu mimba ya Gina na kukivuta kiumbe ambacho kilikuwa bado hakija timiza siku za kutoka kwenye uso wa dunia.
Nyuta alikuwa zaidi ya mnyama hata mwanae Huruma aliamua kumuhama mama yake pale kwenye nyumba yao kwani hakupendezewa na unyama alionao mama yake kwa kipindi hiko.

Baada ya miaka kama miwili kupita, Marium na mumewe wakiwa wamepumzika ndani kwao wakapatwa na taarifa ya kusikitisha sana, Marium hakuamini kabisa alichoambiwa.

Itaendelea kesho...!!!
Kama umeipenda like.

 

[sverige]

Mmmhhj

 

[Samaya]

mkuu mbona kmy tupe ladha hzo

 

[lolypop]

ulipotelea wapi?

 

[lolypop]

UCHAWI WA KURITHI 1:

Huruma alikuwa ni binti aliyeishi na wazazi wake, katika maisha yake ya huku na kule akaanzisha mahusiano na kijana Kisu.
Wakawa katika mahusiano, mwisho wa siku Huruma akapata ujauzito.
Kwao wakamwambia apeleke mwanaume aliyempa ile mimba. Kisu akaambiwa akagoma, ikabidi Huruma aende mwenyewe kukaa kwa kisu.
Siku zikasonga na kupita, na ile mimba ikazidi kukua na kukua, miezi ya kujifungua ikapitiliza na uoga ukamjaa Huruma kuwa mbona hajifungui, akataka kwenda hospital kujua sababu mumewe akamkataza.
Ikabidi awataarifu kwao, nao wakamuhurumia kwakweli ikabidi wakamchukue na kumpeleka hospital.
Huruma akafanyiwa operesheni na kujifungua mtoto wa kike.
Mumewe alipoenda ilionyesha wazi hakufurahishwa na kitendo cha Huruma kufanyiwa operesheni, ila akajigeresha na kumpa pole. Kutoka pale wazazi wa huruma wakamchukua na kumrudisha nyumbani, wakamkanya kuhusu swala la kurudi kwa Kisu. Ila ni kama walipiga kelele tu kwani mtoto wao alishapenda.
Mtoto wa Huruma alipofikisha miezi sita na kuonekana mwenye afya kabisa, Huruma akatoroka kwao na kurudi tena kwa Kisu, hakujali kutokuwajua ndugu zake na Kisu alichojali ni mapenzi yake.

Baada ya kufika kwa Kisu, Kisu alifurahi sana na kumwambia,
KISU: Nilijua tu kama utarudi Huruma.
HURUMA: Ulijuaje?
KISU: Aaah wewe, mi siwezi kukimbiwa na mwanamke wewe.
HURUMA: Hamna Kisu, kwasababu tu nakupenda.
KISU: Lazima unipende wewe, mimi ndio Kisu bhana. Haya na mwanangu mmempa jina gani?
HURUMA: Nimemuita Faraja.
KISU: Hapana hilo jina haliwezi kukubalika kwetu.
HURUMA: Kwani linatatizo gani?
KISU: Kwetu mtoto wa kwanza huwa anapewa jina na wazazi.
HURUMA: Mmh!! Basi waambie wazazi wako watutajie jina la kumpa.
KISU: Kwetu hakuna ni lazima aonekane mtoto mwenyewe na hapo ndipo hupewa jina.
HURUMA: Sasa itakuwaje?
KISU: Itabidi twende kwetu.

Huruma akajipanga kwa safari asiyojua watakapoelekea kwani hakumjua hata ndugu mmoja wa Kisu.
Safari ikapangwa na siku ya siku wakaondoka.
Huku nyuma wazazi wa Huruma walifanikiwa kufika nyumbani kwa Kisu lakini hawakumkuta binti yao.
Kwahiyo wakangoja siku atakayorudi ili waende tena.

Huruma na mumewe wakatumia siku mbili kufika kwenye kijiji cha mumewe.
Walipofika tu wakapokelewa mtoto, Huruma akajua ndio utaratibu wao.
Kisu akaitwa na mama yake.
MAMA KISU: Mwanangu nadhani unatambua kwamba mtoto wa kwanza ni halali ya wazazi?
KISU: Ndio natambua mama.
MAMA KISU: Na mbona ajifungulie hospitali?
KISU: Nilimkataza ila ni ubishi wa huyo mwanamke mama.
MAMA KISU: Na pia si unatambua kama mwanamke aliyejifungulia hospitali mtoto wa kwanza ni halali ya yetu?
KISU: Naelewa mama ndiomana nikamleta.
MAMA KISU: Basi sawa mwanangu.

Huruma alishangaa yuko pale ila mtoto wake harudishwi hata kunyonya, zikapita siku tatu bila ya kumuona mwanae. Ikabidi aulize, akamuuliza wifi yake.
HURUMA: Eti wifi mwanangu yuko wapi?
WIFI: Pole sana wifi, nadhani umekuja sehemu ambayo huitambui vizuri.
HURUMA: Kivipi?
WIFI: Kwa kawaida ya huku mtoto wa kwanza ni halali ya wazazi, na mara nyingi huuwawa.
HURUMA: Heeeee!! Inamaana mwanangu amekufa?
WIFI: Mwanao hajafa, amekuwa ni mtoto pekee mwenye bahati ili atakapotoka hapo hutaweza tena kuishi nae.
HURUMA: Kivipi?
WIFI: Ningekuwa mimi ni wewe ningejiondokea, huku si pazuri wifi utakufa.
Kusikia hivyo Huruma alijihisi kutetemeka.
HURUMA: Niambie namna ya kuondoka.
WIFI: Wewe ondoka tu, kwanza muda wako umeisha.
HURUMA: Kivipi?
WIFI: Angalia kule uone.
Huruma akatetemeka sana, ni kundi kubwa la watu likawa linakuja.
Huruma akabaki kutetemeka na kuhamaki tu.
WIFI: Usiwe mjinga wewe, kutetemeka hakuwezi kukuokoa chukua maamuzi ya haraka sasa.
HURUMA: Nitafanyaje?
WIFI: Zunguka chukua chungu jifanye waenda kisimani ila wakikukuta njiani usijionyeshe kutetemeka hivyo.
Huruma hata hakujielewa alijikuta tumbo likimuunguruma tu, hata hakujua ni wapi atakapotokea.
Akajitahidi na kuinuka ili aweze kutoka, kabla hajafika popote lile kundi lilishamsogele.
Wakafika na kumbeba juu juu akapiga kelele zisizokuwa na maana kwao, akajikuta kelele zake zikiishia kwenye pipa linalochemka maji, alitumbukizwa humo na kutokota kama nyama na huo ukawa mwisho wa Huruma.
Baada ya kuchemka vya kutosha wakamtoa na kumgawa vipande vipande, na kila mmoja alijinyakulia kipande kimoja.
Wifi yake na Huruma, roho ilimuuma sana kwani Huruma hakuweza kuikimbia adhabu ile.
Baada ya kumaliza kuila ile nyama, ikabidi wamuite huyo wifi ambaye ndio akawa shangazi wa mtoto.
Wakamwomba atoe jina kwaajili ya yule mtoto.
Shangazi akabeba mtoto na kumuinua juu na kusema,
"Huyu mtoto ataitwa Nyuta".
Wakafurahi sana kwani wao huwa wanapenda majina ya kujiropokea tu kwa mtoto wa kwanza.
Hakuna aliyejua maana ya yule kumuita mtoto Nyuta, maana yake alibakiwa nayo moyoni mwake.

Mtoto yule akakabidhiwa yeye amlee na kumfundisha vitu mbalimbali.
Maana ya jina Nyuta aliijua yeye na nafsi yake na maana hiyo alihakikisha itakuwa kama alivyotaka yeye.
Alimuita vile akimaanisha nyufa au ufa, yaani kitu kinachotaka kubomoka au kinachoweza kubomoka wakati wowote.

Nyuta alipendwa sana na bibi yake, alifundishwa mambo mengi ya huko.
Alipokuwa na umri wa miaka mitano, aliweza kusafirishwa kichawi na kupelekwa kwa mashetani, kitendo kilichofanya aonekane amekufa kwa maisha halisi.
Wakamuweka na kumfungia kwenye chumba cha peke yake, alikaa siku tano bila kula wala kunywa akiwa amekufa kichawi.
Siku ya tano alipozinduka alikuwa ni mtoto mwenye sauti ya kusikilizwa kuliko watoto wengine wote, wakamtoa kwenye kundi la watoto na kuwa kwenye kundi la watu wazima wenye uwezo mkubwa. Hapo kijijini akafahamika sana.

Alipofikisha miaka kumi, Kisu akaenda kijijini kwao na kumchukua Nyuta ili aende nae mjini akawapooze wazazi wa Huruma kuwa ingawa mtoto wao amekufa ila wanaemjukuu mwenye mfano wa mama yake na kweli kabisa Nyuta alifanana sana na mama yake aliyekuwa marehemu kwa muda huo.
Akaondoka na baba yake na kwenda nae mjini.

Kufika huko akamkuta baba yake ana mke na watoto wawili,
kwakweli Nyuta aliumbiwa roho mbaya.
Shangazi yake alishamwambia kisa kizima cha kuuwawa kwa mama yake, kisa hicho kikamfanya Nyuta azidi kuwa na roho mbaya, aliwaona watu wote si kitu mbele yake.
Baba yake akampeleka Nyuta nyumbani kwa wazazi wa Huruma, ingawa waliumia kwa kifo cha mtoto wao ila wakafarijika japo kumuona mjukuu wao.

Siku zikaenda, mule ndani hawakumuelewa Nyuta ni mtu wa aina gani, alikuwa akifanya mambo ya ajabu ajabu.
Nyuta aliweza kuwatengenezea watu magonjwa kiuchawi, kuna waliojikuta wanaumwa na wakakosa kuhudumiwa hadi kufa.

Alipofikisha miaka kumi na tano alikuwa ni binti aliyeiva vizuri kwenye uchawi, wakaamua wampe uongozi kwenye chama cha wachawi, yeye akawa ni mwenyekiti wao.
Katika majaribio yake ya kumaliza watu na kuwatunza misukule, alianza na mtoto wa kwanza wa baba yake kwa mama wa kambo, na mtoto huyo akamtunza msukule kwenye nyumba ya bibi yake mzaa mama.
Wakawa wanamshangaa Nyuta kwani hakuwa binti mwenye huruma hata kidogo, kwa sura alifanana na mama yake ila roho ilikuwa ni yake peke yake.
Jaribio la pili la kuweka msukule alilifanya kwa mama yake mdogo ambaye alikuwa ni mdogo wa Huruma.
Kama kuzaa hapa kwakweli Huruma alizaa shetani.
Nyuta alikuwa na uwezo wa kujiacha ndani na kusafiri kichawi hadi kwa bibi yake wa kwenye kile kijiji.
Aliweza kufanya mauaji ya kichawi popote pale na ikawa ni ngumu kumgundua kama ni yeye ndiye anayefanya mambo ya ajabu.

Alipofikisha miaka kumi na nane, kuna kijana akatokea naye akampenda sana ila kijana huyo akaonyesha kutokumpenda Nyuta.
Akaamua kusafiri kichawi na kwenda kuomba ushauri kwa bibi yake.

Itaendelea...!!!
Je! Pendo ataweza kupambana na bibi huyu aliyeshiba uchawi?? Na atatumia mbinu gani??
Kama umeipenda like.

mkuu ulipotelea wapi?