Mjadala wa kisiasa uligeuka kuwa vita vya maneno baada ya Mbunge wa Naivasha Jayne Kihara na Mwakilishi wa Wanawake Nairobi Esther Passaris kukwaruzana vikali mubashara runingani.
Wabunge hao walikuwa kwenye kipindi cha TV47 Alhamisi, Agosti 20, 2026, wakijadili uchochezi wa kisiasa kuelekea Uchaguzi Mkuu wa 2027, kabla ya mjadala kuhamia kwenye ghasia za baada ya uchaguzi wa 2007/08.
Mvutano ulianza baada ya Passaris kumhusisha Kihara na matukio ya ghasia yaliyotokea Naivasha mwaka 2007/08, akidai kuwa alikuwa miongoni mwa watu waliochunguzwa kuhusiana na matukio hayo.
Kihara alikanusha madai hayo vikali na kumtaka Passaris kueleza alichokuwa amefanya na kile alichodaiwa kuchunguzwa nacho. Mazungumzo yalizidi kuwa makali huku wawili hao wakikatizana.
Passaris alipodai kuwa Kihara alikuwa akionyesha aina ileile ya uchochezi waliokuwa wakijadili, Kihara alimjibu, “Don’t be silly!” kabla ya majibizano hayo kuwa ya kibinafsi zaidi. Wakati mmoja Kihara alirusha gazeti mezani na kusema angeweza kumpiga Passaris, kauli iliyoongeza taharuki ndani ya studio.
Hali hiyo ililazimu msimamizi wa kipindi kuingilia kati na wakati fulani kuzima vipaza sauti ili kurejesha utulivu.
Tukio hilo limezua mjadala mpana kuhusu lugha inayotumiwa na viongozi wa kisiasa, hasa wakati Kenya inapoanza kuingia katika joto la kisiasa kuelekea uchaguzi wa 2027.
Wabunge hao walikuwa kwenye kipindi cha TV47 Alhamisi, Agosti 20, 2026, wakijadili uchochezi wa kisiasa kuelekea Uchaguzi Mkuu wa 2027, kabla ya mjadala kuhamia kwenye ghasia za baada ya uchaguzi wa 2007/08.
Mvutano ulianza baada ya Passaris kumhusisha Kihara na matukio ya ghasia yaliyotokea Naivasha mwaka 2007/08, akidai kuwa alikuwa miongoni mwa watu waliochunguzwa kuhusiana na matukio hayo.
Kihara alikanusha madai hayo vikali na kumtaka Passaris kueleza alichokuwa amefanya na kile alichodaiwa kuchunguzwa nacho. Mazungumzo yalizidi kuwa makali huku wawili hao wakikatizana.
Passaris alipodai kuwa Kihara alikuwa akionyesha aina ileile ya uchochezi waliokuwa wakijadili, Kihara alimjibu, “Don’t be silly!” kabla ya majibizano hayo kuwa ya kibinafsi zaidi. Wakati mmoja Kihara alirusha gazeti mezani na kusema angeweza kumpiga Passaris, kauli iliyoongeza taharuki ndani ya studio.
Hali hiyo ililazimu msimamizi wa kipindi kuingilia kati na wakati fulani kuzima vipaza sauti ili kurejesha utulivu.
Tukio hilo limezua mjadala mpana kuhusu lugha inayotumiwa na viongozi wa kisiasa, hasa wakati Kenya inapoanza kuingia katika joto la kisiasa kuelekea uchaguzi wa 2027.
