Dira ya Mtanzania yapewa siku 7 kuomba radhi

[singidadodoma]

SERIKALI imetoa siku saba kwa gazeti la Dira ya Mtanzania kumuomba radhi Katibu Mkuu Kiongozi Balozi Ombeni Sefue na serikali baada ya kuchapisha taarifa ya uongo na uzushi katika gazeti lao toleo namba 404 la Februari 29.

Gazeti hilo lilichapisha taarifa yenye kichwa cha habari kisemacho “Uchafu wa Ombeni Sefue Ikulu” ambayo ni muendelezo wa makala nyingine kwenye toleo la gazeti hilo la wiki iliyopita.

Akizungumza na waandishi wa habari jana jijini Dar es Salaam Msemaji wa Serikali Assah Mwambene alisema, endapo gazeti hilo lina ushahidi wa uchafu huo wapeleke kwenye vyombo vinavyohusika ikiwemo Sekretarieti ya Maadili na Taasisi ya Kuzuia na Kupambana na Rushwa (TAKUKURU) vinginevyo hatua zitachukuliwa dhidi yao ikiwemo kuwapeleka Mahakamani, kufungiwa au kusimamishwa kuchapisha kwa muda usiofahamika.

Alisema taarifa hiyo ilimtuhumu Katibu Mkuu Kiongozi Ombeni Sefue kuwa alishawishi juu ya uteuzi wa Mkurugenzi Mkuu MSD pamoja na kampuni za CRJE na UGG kupewa zabuni ya kujenga Chuo Kikuu cha Dodoma, Daraja la Kigamboni na Reli ya Dar es Salaam kwenda Kigali.

Aliongeza kuwa Sefue hakuhusika kwa namna yoyote kushawishi uteuzi huo kwani ulitekelezwa kwa kufuata kanuni na taratibu zilizowekwa.

“Nafasi hiyo ilitangazwa na bodi Novemba 2013 usaili ulifanywa na kampuni huru iliyopewa jukumu na bodi na majina matatu yalipelekwa kwa Rais na Waziri wa Afya hivyo Sefue alikuwa hamjui aliyeteuliwa na wala hakuwahi kuwa na uhusiano naye alichokifanya yeye ni kutangaza uteuzi baada ya Rais kuteua, “alisema Mwambene.

Mwambene aliongeza kuwa gazeti hilo pia liliandika uwongo kuwa MSD haijawahi kuongozwa na Mkurugenzi Mkuu aliye Mfamasia.

“Tangu MSD ianzishwe mwaka 1993 hadi sasa ni Mkurugenzi Mkuu mmoja tu ndiye aliyewahi kuwa mfamasia sasa mnaona ni jinsi gani wameandika taarifa ambayo sio ya kweli,” aliongeza.

Aidha alisema taarifa hiyo pia ilimhusisha Sefue na kampuni ya CRJE lakini suala hilo ni uzushi na uongo kwani wakati kampuni hiyo inapewa zabuni ya kujenga Chuo cha Dodoma, Sefue hakuwa Katibu Mkuu Kiongozi alikuwa Balozi wa Tanzania nchini Marekani.

Pia wakati wa mchakato wa kumpata mkandarasi wa daraja la Kigamboni ulipoanza mwezi Machi 2011 Balozi Sefue hakuwa Katibu Mkuu alikuwa Balozi wa Tanzania, Umoja wa Mataifa, New York, hata mkataba wa ujenzi wa daraja hilo kusainiwa Januari 2012 alikuwa ana wiki moja tu katika nafasi ya Katibu Mkuu Kiongozi.

“Kampuni iliyoshinda tenda (zabuni) wala sio CRJE kama ilivyoandikwa na gazeti hilo bali ni China Major Bridges Engineering Company (BCEC) kwa kishirikiana na kampuni ya China Railway Construction (CRCEG)” aliongeza Mwambene.

Habari Leo

 

[MKWEPA KODI]

Hilo gazeti bado halijafutwa tu

 

[kakison Alfred]

wanatafuta kic ya kumsafisha tu,hapa hakuna jipya,hakuna aliye safi na salama ndani ya serikali hii dhalimu,kama mkuu wa kaya ana kashifa ya kugawa nyumba za serikali tena kwa vimada,uyu anashindwaje kuusika na izo kashifa?

 

[SaidSabke]

wanatafuta kic ya kumsafisha tu,hapa hakuna jipya,hakuna aliye safi na salama ndani ya serikali hii dhalimu,kama mkuu wa kaya ana kashifa ya kugawa nyumba za serikali tena kwa vimada,uyu anashindwaje kuusika na izo kashifa?

Wewe ndio mchafu kifikra

 

[MchunguZI]

SERIKALI imetoa siku saba kwa gazeti la Dira ya Mtanzania kumuomba radhi Katibu Mkuu Kiongozi Balozi Ombeni Sefue na serikali baada ya kuchapisha taarifa ya uongo na uzushi katika gazeti lao toleo namba 404 la Februari 29.

Akizungumza na waandishi wa habari jana jijini Dar es Salaam Msemaji wa Serikali Assah Mwambene alisema, endapo gazeti hilo lina ushahidi wa uchafu huo wapeleke kwenye vyombo vinavyohusika ikiwemo Sekretarieti ya Maadili na Taasisi ya Kuzuia na Kupambana na Rushwa (TAKUKURU) vinginevyo hatua zitachukuliwa dhidi yao ikiwemo kuwapeleka Mahakamani, kufungiwa au kusimamishwa kuchapisha kwa muda usiofahamika.

Habari Leo

Kuna mambo hayaeleweki ktk nchi hii kabisa!! Aliyetuhumiwa ni Ombeni Sefue na siyo Serikali. Inakuwaje anayejibu ni msemaji wa serikali??? Aaachiwe yeye mwenyewe ajibu.

Kama ni mahakamani, aende yeye mwenyewe Sefue. Kwa madaraka aliyonayo naona kabisa akijaribu kumtumia Mwambene mtumishi wa umma kulinda jina la mtu binafsi.