Clouds yatoa ufafanuzi malipo ya TSh milioni 629 yaliyotajwa na CAG

[Kinuju]

Meneja wa fedha wa kampuni ya Clouds Media Group, Issa Masoud amesema walitoa vielelezo vyote ikiwa ni pamoja na stakabadhi kwa Wizara ya Maliasili na Utalii kufuatia malipo ya Sh 629.7 milioni kwa ajili ya matangazo ya tamasha la urithi mwaka 2018.

Masoud ametoa ufafanuzi huo leo Alhamisi Aprili 8, 2021 katika kipindi cha Traffik Jamz kinachorushwa na redio Clouds saa chache baada ya ripoti ya Mkaguzi Mkuu wa Hesabu za Serikali (CAG) kueleza kuwa Clouds ililipwa kiasi hicho cha fedha lakini hakukuwa na risiti zozote za kielektroniki zilizotolewa kuthibitisha malipo husika.

Katika ripoti hiyo ya CAG, imeeleza kuwa televisheni ya Clouds walilipwa Sh 629.7milioni na Shirika la Utangazaji la Taifa (TBC) Sh201.4 milioni kwa ajili ya kuonyesha matangazo ya tamasha hilo.

Akizungumza leo katika mkutano na waandishi wa habari mjini Dodoma CAG, Charles Kichere amesema kodi ya zuio ya Sh31 milioni na Sh10 milioni kutoka Clouds na TBC hazikukatwa kutoka katika malipo hayo.

"Wizara haikutimiza wajibu wake katika kukata hiyo kodi ya zuio, vilevile sikupewa ushahidi ukionyesha kuwa manunuzi ya huduma za matangazo kutoka TBC na Clouds yalipatikana kwa ushindani ulio sawa.”

“Pia nilibaini Sh487 milioni zilipelekwa kwenye taasisi saba kwa ajili ya utekelezaji wa tamasha hata hivyo hakukuwa na nyaraka zilizowasilishwa kwa wakaguzi kuthibitisha matumizi hayo,” amesema.

Chanzo: Mwananchi

 

[Earthmover]

WANYONGE mupoo. Ujinga Umaskini Maradhi ya ubongo nk

 

[myoyambendi]

Inawezekana...ila kwenye vitabu labda hesabu hazikufungwa...

 

[Aleyn]

Ifahamike kuwa ripot ya CAG inakuwa ni uhalisia wa kila jambo. Wakaguzi hawaondoki sehemu pasipo kupata maridhiano ya pande zote mbili kukubali.

Mfano mimi nimenunua kitu cha laki 3 na sina risiti. Mkaguzi akija kuuliza risit ipo wapi, nikamwambia sina au nikatoa ambayo ni nje ya utaratibu. Basi mkaguzi yeye ataandika ule uhalisia.

Ndo maana huwezi ukakuta mabenki, taasisi, vyama n.k vinapinga uhalisia wa ripoti ya mkaguzi.

Ifamike pia, kabla CAG hajasoma hizo hesabu zake, mashirika kama ATCL, TPA wanajua kabisa ni madudu gani katika mashirika yatakwenda kuwekwa wazi. Wanajua kabisa kuanzia sehemu ya kwanza mpaka ya mwisho.

Ni aibu kubwa kwa taifa kumjibu CAG kienyeji enyeji tu.

 

[Scars]

Huu sio muda wa kusawazisha fedheha kwa ufafanuzi, weka uthibitisho.

 

[aker2011]

Ila walilipwa sio?

 

[Mgibeon]

Si watoe z report ya siku husika tuone receipt inasemaje!

 

[Uswiss]

Nishasema CAG anatumika kisiasa.

 

[F9T]

"Million 600 walizolipwa na Kigwangala " duuh wanyonge mpooooo!!!!!

 

[mdukuzi]

Clouds acheni usanii mtajitetea TAKUKURU huko wakati Kigwangala atakapokuwa anahojiwa soon or later

 

[Torque vs HP]

Hayo majamaa kwa deals yako vzr.

Last week 24/7 yalikua yanaimba SHUJAA WA AFRIKA.

Wiki hii yanaimba NANI KAMA MAMA-Christian Bella.

Yanatafuta mchongo mwingine hapo.

 

[rodrick alexander]

Ifahamike kuwa ripot ya CAG inakuwa ni uhalisia wa kila jambo. Wakaguzi hawaondoki sehemu pasipo kupata maridhiano ya pande zote mbili kukubali...

Hawa wamejibu kama wanavyowajibu wasanii wa bongo fleva si ajabu wameenda kutengeneza risiti mtaani pia mbona hajazungumzia kodi ya zuio

 

[dali kimoko]

tunataka atuonyeshe EFD receipt ya TRA waache maneno.

 

[Samiaagain2025]

Inawezekana...ila kwenye vitabu labda hesabu hazikufungwa.

Wewe ni mmoja wao?

 

[Kinuju]

Unapokula kichwa mradi wa umeme kutoka bwawa la Nyerere ambao umefikia 50% itabidi watuambie umeme tutatoa wapi?.

Unapokula kichwa serikali kuhamia Dodoma na kusema ni hasara itabidi wajieleze.

Unapokula kichwa reli ya kisasa ambayo inakaribia Makutupora itabidi wajieleze kwa watanzania hiyo Tanzania ya viwanda itawexekana vipi.

Unapokula kichwa ujenzi wa meli mpya kwenye maziwa makuu itabidi watueleze watatusafirisha na nini?


Wanapokula kichwa ndege zetu itabidi tuwawekee video za kina Heche ,Lema,Lisu wakitukana serikali iliyoshindwa kununua ndege

Watakaposema wachimbaji wadogo, bodaboda na mama ntilie wafukuzwe itabidi watueleze wanafanya haya kwa faida ya nani?

Watakapoamua zahanati na hospitali zote zilizojengwa na Magufuli zifungwe ,itabidi watueleze tutaenda kutibiwa wapi?

Watakaposema wamefuta elimu bure itabidi watueleze kodi zetu zinafanya kazi gani?

Watakaposema lazima watanzania millioni 60 wachanjwe, itabidi watueleze wao mpaka sasa
hawajachanjwa
Nyungu hawajapiga,
Hawajajifungia ndani wanaenda kazini kila siku
Mbona hawajafa na corona sasa??

*Watakaohoji haya maelezo siyo Magufuli wala watoto wa Magufuli ni watanzania.

Anayedhani itakuwa rahisi kuuwa legacy ya Magufuli atakutana na nguvu ya uma.
*
Muda utaongea .

 

[Donnie Charlie]

Kama ni Masoud "cartoonist" itakuwa ni jokes tu

 

[kipara kipya]

Njia ya kumsafisha kigangwala holaa mmenoa!

 

[johnthebaptist]

Meneja wa fedha wa kampuni ya Clouds Media Group, Issa Masoud amesema walitoa vielelezo vyote ikiwa ni pamoja na stakabadhi kwa Wizara ya Maliasili na Utalii kufuatia malipo ya Sh 629.7 milioni kwa ajili ya matangazo ya tamasha la urithi mwaka 2018.

Masoud ametoa ufafanuzi huo leo Alhamisi Aprili 8, 2021 katika kipindi cha Traffik Jamz kinachorushwa na redio Clouds saa chache baada ya ripoti ya Mkaguzi Mkuu wa Hesabu za Serikali (CAG) kueleza kuwa Clouds ililipwa kiasi hicho cha fedha lakini hakukuwa na risiti zozote za kielektroniki zilizotolewa kuthibitisha malipo husika.

Katika ripoti hiyo ya CAG, imeeleza kuwa televisheni ya Clouds walilipwa Sh 629.7milioni na Shirika la Utangazaji la Taifa (TBC) Sh201.4 milioni kwa ajili ya kuonyesha matangazo ya tamasha hilo.

Akizungumza leo katika mkutano na waandishi wa habari mjini Dodoma CAG, Charles Kichere amesema kodi ya zuio ya Sh31 milioni na Sh10 milioni kutoka Clouds na TBC hazikukatwa kutoka katika malipo hayo.

"Wizara haikutimiza wajibu wake katika kukata hiyo kodi ya zuio, vilevile sikupewa ushahidi ukionyesha kuwa manunuzi ya huduma za matangazo kutoka TBC na Clouds yalipatikana kwa ushindani ulio sawa.”

“Pia nilibaini Sh487 milioni zilipelekwa kwenye taasisi saba kwa ajili ya utekelezaji wa tamasha hata hivyo hakukuwa na nyaraka zilizowasilishwa kwa wakaguzi kuthibitisha matumizi hayo,” amesema.

Chanzo: Mwananchi

Kipanya siyo wa kumwamini hata chembe!

 

[Mgibeon]

Njia ya kumsafisha kigangwala holaa mmenoa!

Mkuu hata wewe?

Haaha haah haaa!! Khaaa! Kweli kua uone!

Ujue kwa umri nilionao niliamini nishaona Lila kitu ya jua! Kumbe bado kabisaa!

 

[Kinuju]

Mkuu hata wewe?

Haaha haah haaa!! Khaaa! Kweli kua uone!

Ujue kwa umri nilionao niliamini nishaona Lila kitu ya jua! Kumbe bado kabisaa!

Ufisadi hautetewi