Chama cha Ukombozi wa Umma (Chaumma) kimefanikiwa kupata wanachama wapya katika ziara ya kisiasa ya mtiania wa nafasi ya urais kupitia chama hicho, Salum Mwalimu, iliyofanyika leo Jumatatu, Agosti 18, 2025 mjini Makambako.
Miongoni mwa waliojiunga na chama hicho ni wanachama kutoka vyama tofauti, ambao wameamua kuhamia Chaumma wakieleza sababu mbalimbali ikiwemo kutamani mabadiliko ya kisiasa na kufurahishwa na sera zinazopigiwa chapuo na chama hicho.