Kuna kipindi niliikumbuka sana hii makala,nikaitafuta nikaisoma tena.
Kaka yangu Nape, pengine hakujua ukubwa wa tataizo analopigana nalo na pia CCM ilikuwa imetafsiri tu kwamba kwa kuwa Nape alikuwa anapinga mambo mengi na kutafsiriwa na wenzake ndani ya chama kama vile mtu anayekichafua chama chake,wakaona ni bora wampe nafasi ya kukisafisha chama kile kile at the same time awe anavutia vijana wengi.Hii ya kwanza kwa kiasi fulani amejitahidi lakini huku tunakoelekea inabidi awe makjini asije akajikuta anatetea kile kile alichokuwa anapingana nacho.
Hali ya kisiasa iliyopo ndani ya chama inabidi awe makini na asimamie kidete kile anachoamini hata kama ni kwa gharama ya kufukuzwa ndani ya chama chake.Ana kazi ambayo ni nzito sana kwake ya kutafsiri ideology ya chama iendane na matendo na kuvuta loyality ya wafuasi wake hasa kipindi hiki ambacho chama kinakabiliwa na upinzani wa ndani na tishio lingine kubwa zaidi upinzani wa nje.
Hali iliyopo ni tete,safari ya urais na kushika dola 2015 kwa CCM imefungwa speed governer na makundi ya ufisadi ndani ya chama,makundi na au safu za madaraka(Mbio za urais) 2015.Kwa mantiki hiyo chama kinatakiwa sasa kivuke katika mtiani huu kwa kuwafukuza watuhumiwa wote wa ufisadi,again hapa sasa ndipo tutakapowazika kabla ya 2015.Kwa jinsi CCM walivyo desparate sasa inabidi wamuangukie Membe na magufuli(ambaye watanzania hawajamjua vizuri alivyo msanii) kwa sababu watataka kucheza na hisia za watu na uwezekano wa kumuweka candidate ambaye ni popular kwa wapiga kura na atakayetoa upinzani kwa mgombea wa Chadema.Hapa pia nako ni mtihani,hao wanaoitwa mapacha watatu watamwaga mboga na wataihujumu CCM beyond recovery.So nape hapa una kazi,hapa ndipo unapotakiwa kuonyesha unachosimamia na hapa ndipo utakapoonyesha nguvu na uwezo wako wa uenezi wa Itikadi ya chama chako
By now ulitakiwa uwe umeshaonyesha uwezo na kuchora a very principled line kuwa kama chama hakitakuwa tayari kufanya kazi katika line ya ideology and values za chama chako basi hiyo kazi utaachana nayo ili wewe usije ukaingia katika historia ya kuangusha chama chako CCM kitakaposhindwa uchaguzi mkuu wa mwaka 2015.Wasije wakakugeuza J.J Kamotho wa KANU ya 2002 Kenya.He came into terms with a tragic reality After December,2002 General election
So you need to take precautions by abandon the usual way of doing business in your party and other political institutions.Rather than stand up against the obvious abuse of responsibility by those in power, many leaders in our political Institutions openly frolic with political champions for the sake of cheap publicity, political influence and their share in the taxpayers' money. As such, they are publically condoning this greed and power-mongering by their very attitude, abandoning the role of torch-bearers in the political landscape in particular and to the Nation in General
It is one thing to make promises and be clueless about how to go about redeeming them; it is another to show you actually lack the spirit and will to want to redeem them in the first place. How do you hope to tackle corruption if you seek help from corrupt people to get into office in the first place?
I wish him luck. He probably can't be any worse than the rest but it is now so glaring that he is not any better, either. Let his supporters spare me the pain of reading any more propaganda. The game is over; I now see him for who he is. For me, he has just lost the little edge he had, that that Dr.kitila call "benefit of doubt."
Now Nape, inorder to bolister your movement,you need to be a lawyer, pyschologist and a smooth talker rolled in one but aiming on taking a tough stance at the end.
Hii ndo JF, hapana shaka ID kongwe zimepungua. Ok, basi poa tu.- Nape simama hapo hapo, CCM inahitaji mapinduzi makubwa sana kutoka within na somebody had to start somewhere, so far so good it is only a matter of time CCM nzima itabadilika, na hasa kwenye uchaguzi wa 2015 ambapo CCM ni lazima ibadilike maana hakuna choice nyingine isipokwua kubadilika tu!
- Bravo Nape! CCM inakuhitaji zaidi kuliko wakati wowote huko nyuma!
Willie @ NYC, USA.
- Ni mtizamo mmoja kati ya mitizamo mingi sana kuhusu Nape, symbolically kwa kumpa nafasi Nape, CCM imekubali kwamba ni wakati wa Vijana kushika usukani, kwa mara ya kwanza Nape ameitoa Chadema kwenye agenda ya ufisadi na sasa Chadema wanaonekana kwa mara ya kwanza kuanza kuwa Creative na hatimaye kuanza tena kuwa useful kwa taifa, kama walivyokuwa zamani!
Willie @ NYC, USA.
I dont see any strong candidate from CCM so far. Hasa ukizingatia sera ya udini ambayo inapandikizwa kwa kasi ndani ya CCM. On the other hand, I dont see any future to any CCM candidate as far as those corrupt guys are still in the system. Maana watafanya vilevile walivyofanya 2005 kumuangusha babako, Mwandosya, Kigoda na wengineo (nguvu ya pesa). Na to be frank, watanzania wengi bado ni masikini wanahitaji sana hizo tshirt za CCM, khanga na chumvi ambayo CCM huwa inatoa wakati wa kampeni. So mafisadi wakiamua kumweka mtu wao kwa njia ya pesa, watawaokota watanzania wengi tu? kwani Kikwete aliingiaje?
Mtu aliyekuwa amekataliwa na secretariat yote ya CCM, lakini mwisho wa siku akaja kuibuka kidedea. Ilitokeaje? Si ni hao hao akina Rostam na Lowassa ndo waliowaamulia watanzania rais wa kuwaongoza? Na sasa hivi mkiwaondoa, nawambieni wataweka rais wao ambaye akiingia tu, atahakiikisha kikwete anakaa segerea kama siyo ukonga. Nyie subirini. Nawaambieni CCM mna hali mbaya sana. Maana hiyo minyukano ya ndani ya CCM itawasababishia mpoteze mvuto mbele ya jamii na kuwapa nafasi upinzani.
W.J. Malecela,
Ni ajabu sana unaposema kwamba national politics huchezwa tofauti na michezo mingine duniani, lakini umeshindwa kuelewa kwa nini Nape amepewa nafasi hiyo ktk MCHEZO huu..unachukulia sana maanani kwamba huu sio mchezo wakati unajua fika ni mchezo unachezwa.
Hakuna kitu serious hapa mkuu wangu, haya ni mazingaombwe tu kwa sababu Kazi kubwa ya JK na cartel ilikuwa kuchukua madaraka tena uchaguzi ulopita.
RACHEL ndio karata kubwa ya Cartel ndani ya serikali hii EL as a brain, RA ktk takrima na CH mwanasheria ambao wote kwa pamoja wamekuwa pamoja toka ushindi wa kwanza dhidi ya Mkapa, Salim na pia kipenzi cha NEC na UWT (2005) ambaye alikuwa Malecela. Kama hawa cartel waliweza kumwondoa Malecela ktk kugombea urais mwaka 2005, wakamweka nje kabisa Kigoda, Salim akazikwa akiwa hai sidhani kama kuna chombo chochote nchini kinaweza kuwafukuza acha mbali kauli ya bwana mdogo Nape.. He is nobody! yeye alipo ni sawa na wale wachale wa sinema za kihindi au kichina ambao siku zote hukaa karibu na boss kuchokonoa huku na kule.
Huyu Mwamba amepita mule mule😆😆😆Unashinda uchaguzi ndani ya CCM kwa kujifanya wewe ni kada kuliko mmwingine yeyote, kwa ujanjaujanja, kwa kujipendekeza na kujipitishapitisha kwa baadhi ya wakubwa wanaoingia kwenye vikao muhimu vya CCM, kurubuni wajumbe wa vikao, ikiwemo kuwaficha wajumbe wa vikao hivyo.
Hahaaa siasa za majitakaHii ya Makonda nayo ni ya aina gani..
HahahaaaHuyu Mwamba amepita mule mule[emoji38][emoji38][emoji38]
Kitila kabla akili hazijakombwaNiliwahi kuandika haya hapa chini kwenye moja ya magazeti hapa nchini. Japokuwa malengo yalikuwa tofauti kidogo kipindi hicho, maudhui yake bado yanasimama. Nape ameanza kupambana na CCM muda kidogo na naona style yake haijabadilika, jambo linalomfanya aonekana 'odd out'. Wakati ule alishindwa kusimama sijui sasa tunapoelekea zile siku zao 90 kama ataweza. Kwa sasa, kama ningeandika tena hii makala, ningebadilisha tu neno Nchimbi na kuweka Lowasa na/au Chenge. Jikumbushe kama mie nilivyojikumbusha...
************************************************************************************************************
CCM ya Nape ni nadharia; ya Nchimbi ndiyo iliyopo
Kitila MkumboNimefuatilia, kama ilivyo kwa watanzania wengine, ‘mgogoro' wa kifikra na mtazamo kati ya aliyekuwa mgombea wa nafasi ya uenyekiti wa UVCCM, Nape Nnauye, na Mwenyekiti anayemaliza muda wake katika umoja huo, Emmanuel Nchimbi. Hata hivyo nikiri mapema kabisa kuwa sielewi mantiki ya mgogoro huu na hatimaye mjadala uliofuatia na unaoendelea. Nisichoelewa hasa ni msingi wa dhamira ya Nape katika hoja yake ya kupinga mkataba wa mradi wa ujenzi wa jengo la makao makuu ya UVCCM, ambayo imevutia hisia za watu wengi, ndani na nje ya CCM.
Najiuliza maswali mawili. Mosi, je, Nape ameibua hoja ya kupinga mkataba ‘haramu' wa mradi wa ujenzi wa jengo la UVCCM kama karata na turufu ya kumwezesha kushinda kiti cha uenyekiti wa umoja huo? Pili, je, ni kweli kwamba Nape ni miongoni mwa wana CCM wachache "waliokoka" na kujiunga na kundi kubwa la wananchi wanaochukizwa na kukerwa na mwenendo wa ufisadi miongoni mwa viongozi waandamizi wa CCM na serikali yake? Kama msingi wa hoja ya Nape ni ule wa kwanza, wa kutumia hoja yake kama turufu ya kuvuta hisia za wana UVCCM wenzake ili wamchague kuwa mwenyekiti wao, ni wazi kuwa amekwishashindwa kabla hajaanza. Kwa msingi huu, anachojaribu kufanya Nape ni kuvunja misingi mama ya kanuni za ushindani ndani ya CCM. Nape anataka achaguliwe kwa misingi ya hoja za kimantiki, uadilifu, ustaraabu, ukweli, uwazi, uhuru na kujitegemea katika kufikiri, na, zaidi ya yote, kutanguliza utaifa dhidi ya uchama na ukada. Yote hii ni misingi mizuri, lakini sio misingi ya CCM na ndipo upofu wa Nape ulipo. Kwa hoja zake, Nape anajaribu kuweka mlo safi katikati ya jalala la taka. Hautanoga na wala hataufaidi mlo huo, na zaidi ya yote anajiweka katika mazingira hatari ya kuambukizwa vijidudu hatari vitakavyompelekea augue ugonjwa hatari wa matumbo!
Anachofanya Nape ni kupingana na misingi ya kanuni za msingi za kutafuta madaraka ndani ya CCM, ambazo, kwa uchache kabisa, ni pamoja na ubabaishaji, uzandiki, ujanjaujanja, njia za mkato, unafiki, ghiliba, kujipendekeza, kuiba wajumbe na kuwaficha, na muhimu zaidi kuliko zote, kutanguliza ukada na uchama dhidi ya uwezo wa kiuongozi na kiutendaji na uzalendo kwa nchi. Hii ndio CCM ambayo Nape anajaribu kuibomoa na ambayo Nchimbi na wenzake akina Makamba wanaipigania. Kwa hiyo utaona kwamba CCM ambayo Nape anajaribu kuipigania haipo, ni ndharia; iliyopo ni ile CCM ambayo Nchimbi na Makamba wanajaribu kuilinda kwa mafanikio makubwa.
Niliwahi kuwa mwanachama na kada wa CCM kwa muda kidogo na nilijaribu kugombea nyadhifa kadhaa katika UVCCM, na,kwa bahati nzuri, nilishindwa zote! Kwa uzoefu nilioupata ni kwamba hushindi uchaguzi ndani ya CCM kwa kuwa na uwezo au kwa kujenga hoja za kimantiki zinazoweka maslahi ya nchi mbele. Unashinda uchaguzi ndani ya CCM kwa kujifanya wewe ni kada kuliko mmwingine yeyote, kwa ujanjaujanja, kwa kujipendekeza na kujipitishapitisha kwa baadhi ya wakubwa wanaoingia kwenye vikao muhimu vya CCM, kurubuni wajumbe wa vikao, ikiwemo kuwaficha wajumbe wa vikao hivyo. Ukitaka kushindwa kirahisi katika uchaguzi wa CCM uonyeshe uwezo na utangulize mambo ya taifa mbele badala ya ukada. Kama kuna kiongozi wa CCM aliyeshinda uchaguzi ndani ya chama hicho kwa kujenga hoja za kutetea maslahi ya taifa dhidi ya ukada awe wa kwanza kujibu makala hii.
Nape, na wana CCM wengine makini, wanajua vizuri sana kwamba ingekuwa ni swala la uwezo na kutanguliza maslahi ya taifa, Rais Kikwete asingewashinda Salim Ahmed Salim, Mark Mwandosya, na hata Frederick Sumaye. Pamoja na mambo mengine, sifa kubwa iliyomfanya Rais Kikwete awashinde wenzake katika kinyang'anyiro cha kugombea urais ni ukada wake wa muda mrefu katika CCM. Kwa hiyo katika CCM ukada ndio sifa mama na kigezo muhimu cha kuweza kuchaguliwa. Ndio kusema Nape anapojaribu kutanguliza utaifa, tena kwa kuzomea ufisadi ambayo ni nguzo muhimu ya kuwepo kwa CCM, kama turufu ya kutaka achaguliwe kuwa mwenyekiti wa UVCCM anajaribu kukata mbuyu kwa uwembe. Hataweza; atajikata mwenyewe na kuuacha mbuyu umesimama kidete.
Pengine tumpe Nape ile wazungu wanaita "the benefit of doubt". Kwamba Nape ni miongoni mwa wana CCM wachache waliokoka hivi karibuni, na ameamua kujitoa mwili na roho katika kujiunga na majemadari wa vita dhidi ya ufisadi. Kuokoka kupo sio tu katika siasa na dini, lakini pia katika nyanja nyingine za maisha ya kijamii. Lakini unapoamua kuokoka lazima ujue na uzingatie misingi ya wokovu, vinginevyo utaanguka tena. Kuokaka kisiasa na kidini kunahitaji ujasiri wa kukubali kusutwa na kuacha mazoea. Ili ukamilishe wokovu lazima ukubali kubadilika kimwili na kiroho.
Ninachokiona hapa ni kwamba Nape amekwisha kutoka CCM kiroho, kiakili na kisaikolojia lakini bado amebaki kimwili. Hili ni tatizo linalowakumba wana CCM wengi. Ninaamini kuna wana CCM wengi waliokwisha kukihama chama chao kiroho, kiakili na kisaikolojia, lakini wameendelea kubaki huko kimwili kwa kukosa ujasiri au kwa sababu zingine, ikwemo kuamini kwamba ipo siku CCM itadilika. Nikiri kuwa mimi ni mojawapo ambaye ilinichukua takribani miaka mitano kuhama CCM kimwili. Nilikuwa nimeachana na CCM kiroho, kiakili na kisaikolojia tangu mwaka 2000, lakini ilinichukua miaka mitano hadi 2005 nilipoamua kujitoa hadi mwili na kujiunga na CHADEMA.
Binafsi nilijitoa CCM baada ya kujiridhisha bila shaka kuwa CCM imefikia hatua ya usugu, na haiwezekani kubadilika. Ni hatua ambayo vyama dada kama KANU, ZANU-PF na UNIP vilipitia, na ambayo ni wananchi pekee wenye uwezo wa kuibadilisha. Kama kweli tumechoshwa na madhira ya CCM, ikiwemo ufisadi, inabidi tufike mahala tukubali kuachana na CCM. Kuendelea kuibakisha CCM madarakani ni kukubaliana kwamba, pamoja na kwamba tumeumia kama nchi, bado tunaweza kuendelea kuwavumilia CCM, hatujaumia vya kutosha. Kufikiri kwamba CCM inaweza kubadilika ni njia nzuri ya kujiridhisha kisaikolojia baada ya kushindwa kuitoa madarakani, lakini haisaidii kubadili hali ya mambo katika nchi yetu.
Kwa hiyo Nape ana mambo mawili ya kuchagua. Mosi, anaweza akaendelea kubaki CCM kimwili na kuisaliti dhamira yake ya ndani na akaendelea kupiga kelele za ufisadi, ambazo zitazidi kumtenga na wenzake ambao "hawajaokoka" katika CCM, na hivyo kuendelea kuonekana kituko! Pili, anaweza akavaa ujasiri na akatoa mwili wake katika CCM na kujiunga na majemadari wengine walioamua kupigania maslahi ya nchi hii badala ya ukada na uchama. Tumemuonya, uamuzi ni wake.
kitilam@yahoo.com
0754 301 908