Mama kumbuka siko hapa kwenye ushindani bali kutoa mtazamo chanya wa mgawanyo sawa wa maendeleo kwa nchi nzima. Wewe unaonenaka unajibu hoja yangu kwa ushindani wa simba na yanga, mimi siko huko. nashindwa kuelewa, are you serious or your just kidding me kwa kunionyesha daraja? Ukijaribu kuangalia miradi mingi ama nguvu kubwa inatumika kuendeleza Dar kuliko sehemu nyingine za nchi. Tatizo hili limeiacha watu wa nchi nzima wanapohitaji huduma za serekali kujikuta wanapaswa kuelekea Dar. Angalia wizara zote ziko Dar, makao makuu ya taasisi nyingi za umma yako Dar, watunga sera karibia wote wako Dar. Hali hii inawafanya hata watawala kufikiria kutatua zaidi matatizo ya Dar kwani asilimia 90 wanakaa Dar.
Hapo Dar kilichoshindikana ni kuhamishia mlima Kilimanjaro, Mbuga ya ngorongoro nk tu. Hoja yangu iko wazi, panua miji mingine kwa kupanua ama kuboresha miundo mbinu yake kama bandari, reli, viwanda na nikatolea mfano wa Tanga na Mtwara. Ukiweza kufanyia kazi mikoa hiyo automatically msongamano usio wa lazima hapo Dar utapungua na unatoa fursa ya maendeleo kwa maeneo mengine ya nchi. Sasa unaponionyesha daraja ndio umeua hoja yangu kwa jibu muafaka, ama hilo daraja limepunguza msongamano na watu kukimbilia hapo Dar? Ama wewe na wengine mmeamua kuufanyia kazi wimbo wa mwanamuziki Hamza Kalala wa kwamba tutabanana hapa hapa Dar? Ama kwa mfano mrahisi, imetokea mzazi ana familia ya watoto wengi, yakaanza kuzuka malalamiko kwa wanafamilia kwamba mmoja anapendelewa sana kwa kupewa kila kitu wakati wote wanahaki sawa, anatokea mpambe anajaribu kumtetea mzazi mwenye upendeleo kwa kuonyesha kiatu cha bei mbaya alichopewa mtoto mwingine ambaye hafanyiwi upendeleo. Ndio unachojaribu wewe kuua hoja kwa kunionyesha daraja, japo sipingi hilo daraja na sina haja ya kuwa mtovu wa fadhila, kwa hilo daraja napongeza.
Nadhani tujaribu kuweka ushabiki pembeni tunahitaji maendeleo ya uwiano kwa nchi nzima na sio kulimbikiza kila kitu sehemu moja. Matokeo yake ndio hayo hakuna mipango miji inayoeleweka ama inatekelezeka kwa shida kutokana na msongamano wa watu. Tujaribu kupunguza wizara kutoka hapo Dar na kuhamishia nyingine mikoa kama ya Mwanza, Arusha, Mbeya nk. Pia makao makuu ya taasisi za umma nyingi zinapaswa kupunguzwa hapo Dar nakuhamia sehemu mbalimbali za nchi ili kupanua ama kupeleka maendeleo kwa uwiano sehemu kubwa kama si yote ya nchi. Tukifanya hivyo kwa taasisi za umma, itachagiza na sekta binafsi kwenda sehemu hizo na watunga sera wataweza kuona kwa uhalisia nini kifanyike maeneo mengine ya nchi, na sio kutunga sera wakiwa maofisini hapo Dar. Matokeo yake kuwa na sera zisizotekelezeka sehemu kubwa ya nchi kwani watungaji hawajui uhalisia wa maeneo wanayoyatungia sera.