Bodi ya mikopo vipi kwani?

[martial jb]

Habari wakuu

Kila mwaka serikali inatenga bajeti maalum kwa ajili ya wanufaika wa mikopo ya elimu ya juu kupitia taasisi yao(HESLB) ambapo kila mwaka wanafunzi si chini ya 150,000 wanakuwa wakinufaika na mikopo hiyo.

Bila ubishi mikopo ya elimu ya juu imeanza kuwa changamoto kwa wanufaika wa mwaka wa masomo 2021/2022, hii inatokana na mikopo hii kutokidhi vigezo vya walengwa au wanufaika, nadhani hili halina ubishi kwani mwaka huo wanafunzi wengi nchini wamekuwa wakilalamikia mikopo hiyo na hata idadi ya waliofanya appeal nadhani ilikuwa kubwa tu!

Ajabu sijaona mabadiliko yeyote makubwa na yenye tija yaliofanywa katika bajeti ya mwaka 2022/2023 ya mkopo kutokana na malalamiko hayo zaidi ya kuongezeka kwa bilioni 3 ( kutoka bilioni 570 kwenda 573 )
hii inamaanisha malalamiko ya wanafunzi hao hayakupewa kipaumbele chochote.

Mbali na hilo hii sera yenu ya mikopo kwa wanafunzi wote naona kama haina tija, ni sawa na kumwaga mtama kwenye kuku wengi, kwani toka awali mikopo ilikuw ikipewa kipaumbele kwa wanafunzi wa hali ya chini ambao wengi waliangaliwa wale waliosoma shule za kata na wale waliojikita na masomo ya sayansi, hii ilisaidia na ilipunguza malalamiko kwa mikopo hiyo kwani ilienda kwa wahitaji.

Serikali inapaswa kufahamu kuwa ni kundi kubwa la wanafunzi wa hali ya chini linaloshindwa kuendelea na masomo ya elimu ya juu, kutokana na mikopo duni inayotolewa kwa wanafunzi, naomba hili suala liangaliwe sana maana ishakuwa changamoto kubwa.

 

[Smart911]

Poleni sana....

 

[Rammyq]

Nakubaliana na wewe, LAKINI kusoma shule ya kata sio kipimo Cha umaskini.Kuna familia Wana Hali nzuri tu kiuchumi lakini wanapeleka Watoto shule za kata, hii inatokana wakati mwingine na muamko mdogo wa kielimu katika familia husika.

Mfumo wa zamani wa kuwapa kipaumbele vijana waliotoka familia duni ulikuwa mzuri lakini ulikuwa na changamoto nyingi.

Mfano Watanzania wengi ni wababaishaji, Kuna kipindi familia nyingi zenye uwezo mzuri tu ziliingizwa TASAF Kwa mchongo haliyakuwa familia hohehae zisizokuwa na connection zikiachwa, matokeo yake wale Watoto waliofaulu vizuri lakini familia zao hazipo kwenye mpango Wa TASAF walikuw treated na Bodi kuwa Wana uwezo mkubwa kiuchumi kuliko wale ambao familia zao zipo TASAF.

Kwangu Mimi huu mfumo wa Sasa wa wote kupata kidogo kidogo ni Bora zaidi maana ukitaka kuanza kutafuta wahitaji Watanzania wengi tuna uswahili mwingi, Niliwahi shuhudia mtu baba yake ana ukwasi mkubwa lakini akafanya connection akaandikiwa barua na afisa Ustawi wa jamii kuonyesha Hali ya familia Yao ni duni na alipata mkopo Asilimia 100.

MWISHO
Ifike tu hatua serikali itengeneze mazingira ambayo Kila mwananchi ataweza kumudu gharama za kusoma chuo kikuu Kwa fedha zake mwenyewe bila shida.

Sent from my Infinix X650 using JamiiForums mobile app