Bima bure kwa kila Mtanzania inawezekana

[Slim Mchuma]

Habari za mda wanajamii forums

Serikali yetu tukufu ikiamua kuwa bima bure inawezekana, hoja yangu itajikita kwenye namna kuu mbili ya kulifanikisha hili serikali inakusanya kodi ya ongezeko la thamani yaani (VAT) katika kiwango cha asilimia kumi na nane (18%) ambapo hapo inaweza ikawa asilimia kumi na sita (16%) ikaenda serikalini kama mapato na asilimia mbili (2%) ikaenda kuhudumia mfuko wa bima kwa kila mtanzania, ambapo kwa statistics mpaka quarter ya mwisho inayoishia mwaka 2021 - 2022 TRA wanaonyesha wamekusanya kiasi cha wastani wa billion 700 kama ongezeko la thamani kutoka kwa walipa wakodi wakubwa na wadogo, hili linawezekana.

Kupitia makato ya tozo ya miamala ya simu na benki, mijadala ilikua ni mikubwa kupitia tozo hizi, sasa ni wakati wa serikali yetu pia tukufu kuweza kutenga angalau ya asilimia tatu (3%) ya mapato yatokanayo na tozo ili iweze kusaidia mfuko wa afya na huduma ya bima kwa kila mtanzania.

Nawasilisha

 

[KENZY]

Haya ngoja sasa hiyo serikali ije ukuvalentine kwa hii hoja yako..😂

Chaajabu vitu kama hivi huwezi kuta serikali ikijibu au hata ikiashiria imeona bandiko lako na wanalichukuliaje hapa tutajadili sie tu ikibidi tutatukanana na wengine waliokomaa zaidi wanaweza hata kurogana!.

Napenda hoja hizi ziwe zinajibiwa na serikali moja kwa moja tusikae kujadili sisi tu hapa tukachoshana nawakati wahusika wapo..

Maxence Melo hamuwezi kuzileta hizo wizara husika ili wawe wanaona moja kwa moja na wajibu..? Nafikiri kuna kitu kinaweza fanyika.

 

[Huyu Mimi]

Ngoja tuone.

 

[ERoni]

Ni kweli kuwa universal health care plan inahitajika nchini, kuwe na plan ya Afya kwa wote, kama tozo zimefanikiwa na tunakatwa hadi kufikia billions of TSH, kwa nini serikali isije na mpango wa BIMA YA AFYA KWA WOTE?

Ugonjwa wa mwanasiasa na mwanamuziki mkongwe umeonyesha kuwa tunahitaji BIMA ya AFYA. Waje na solutions.

 

[1000 digits]

Bima Bado inakua changamoto mana Kuna mgongano mkubwa wa kimaslahi.
Kosa kubwa limekua ni kuruhusu Maduka binafsi ya dawa kuuza dawa Kwa Bei isiyoendana na Bei ya viwandani.

Serikali inatumia fedha nyingi sana Kununua dawa lakini Kuna ujanja mwingi sana wa watu wa bima ya afya na Madaktari wakati wa kutumia hizo bima.
Madawa yanauzwa Bei kubwa sana linapokuja suala la bima.
Serikali ilipaswa ianzishe mchakato wa kusimamia Bei za dawa kama ilivyo kwenye mafuta ya Petroli na nauli za mabasi.
Maduka ya Dawa yamekua kama Shule binafsi ambazo nyingi ni Mali ya Wale wale waliokalia viti vya juu. Wanawaza faida kubwa kwenye huduma za jamii.
Serikali imezungukwa na wahuni wengi ndio maana mambo Mengi kwenye huduma za jamii yanafeli na kuonekana kama hisani.

Mfano TU mpaka Sasa hivi serikali imeshindwa kuwabana wamiliki wa pikipiki kukata Bima Kwa lazima kama takwa la kisheria lilivyo Kwa vyombo vya motor. Pikipiki zipo nchi nzima Kwa mamilioni lakini asilimia kubwa au zote hazina Bima.wanoendesha hawana leseni. Hawapewi Elimu ya umuhimu wake zaidi wanatumika kisiasa wakati wa uchaguzi.

Bima ya Afya ingeweza kuwekwa kwenye Mabenki yote Kwa Wafanyabiashara wote Kwa kuanzia.
Wale wenye magari pangekua na bima ya Afya kwenye makampuni ya bima yote ili pawe na kiwango Kwa wale wasio na bima ya Afya.

Mashirika ya dini yote yangeruhusiwa kuwa na bima za afya Kwa waumini wao wasio na bima.
Siku hizi Sadaka ni nyingi sana zinatumika TU Kununua mice na vyombo vya music. Wangehamasishwa Sasa wawe na fungu la bima ya Afya Kwa maskini ili serikali nayo iongezee hapo.

Halmashauri zote zingetakiwa ziwe na fungu la bima ya Afya Kwa wazee mbali na ule usanii wa kusema kuwa wazee wamesamehewa gharama za Matibabu. Ule ni usanii tuu mana dawa hawapati.

Vyama vyote vya ushirika vilitakiwa viwe na bima ya Afya Kwa wanachama wake.

Vyama vyote vya siasa viwe na bima ya Afya Kwa viongozi wake na wanachama wenye kadi Maalumu.

Bima ya Afya inawezekana bila kuweka tozo.

Lakini tatizo Tuna viongozi wanaotumia muda wao mwingi na akili zao zote kupanga mikakati ya ushindi kwenye uchaguzi lakini hawana muda wa kufikiria namna ya kuweka mifumo imara ya kuwahudumia wananchi.
Uchaguzi ukipita watu wanapigiana simu kupongezana na ukiona Mtendaji Fulani yupo ziarani ujue wanawaza atakapolala na atakunywa pombe wapi na kama ni mwanaume atapata wapi wanamke. Ndiyo mikakati yao yaani kula Bata mpaka wanavimbiwa.