Bibi wa miaka 65 (raia wa Nigeria) anaswa na Madawa ya Kulevya uwanja wa ndege Dar (JNIA)

Informer

JF-Expert Member
Jul 29, 2006
1,464
2,000
Bibi mmoja ambaye ni Mnaijeria, mwenye umri wa miaka 65, amekamatwa JNIA Dar na pipi 82 za heroin tumboni akienda Paris usiku wa kuamkia leo, Mei 22, 2014.

Kwa mujibu wa taarifa toka Polisi, amefanikiwa kuzitoa zote leo mchana.

===========


Bibi mmoja raia wa Nigeria, Olabisi Ibidun Cole (65) amevunja rekodi ya umri wa watu wanaokamatwa wakiwa na dawa za kulevya katika Uwanja wa Ndege wa Kimataifa wa Julius Nyerere (JNIA). Cole alikamatwa Jumatatu akiwa amemeza kete 82 aina ya heroini zilizokuwa zimefungwa kwenye karatasi zinazofanana na ganda la sigara, ambazo si rahisi kuonekana katika mitambo.

Habari zilizopatikana na kuthibitishwa na Mkuu wa Kitengo cha Kupambana na Dawa za Kulevya, Alfred Nzowa zimesema pamoja na mbinu zake na kujiamini, mwanamke huyo alikamatwa kutokana na ushirikiano wa vitengo mbalimbali vya uwanja wa ndege. Kamanda wa Polisi wa Uwanja wa Ndege, Hamisi Selemani alisema mwanamke huyo alikamatwa Mei 19, mwaka huu saa tisa alasiri akijiandaa kwenda Paris, Ufaransa kwa ndege ya Shirika la Ndege la Ethiopia.

Selemani alisema raia huyo aliwasili nchini Mei 15, mwaka huu na alikaa muda wote bila ya kuwa na shughuli yoyote, jambo ambalo lilitiliwa shaka na kumkamata. "Huyu mwanamke achana naye, akisimama mbele yako huwezi ukaamini kwa jinsi anavyojiamini. Alikuwa na mbinu mpya ya kufunga hizo kete. Kila moja ilifungwa kwa karatasi inayofanana na ganda la sigara," alisema Selemani. Alisema mwanamke huyo alitumia mbinu hiyo ili asigundulike wakati akikaguliwa kwa mitambo maalumu inayogundua dawa za kulevya.

Taarifa zaidi zinasema kuwa kutokana na mbinu yake ya ufungaji wa kete, mwanamke huyo alikuwa tayari amevuka hatua ya kwanza ya ukaguzi. Nzowa alisema baada ya kumhoji, mtuhumiwa huyo alidai kuwa aliingia nchini kwa ajili ya kutafuta soko la kuuza vipodozi na nguo. "Wakati tukiendelea kumhoji, Kikosi Kazi cha Kuthibiti Dawa za Kulevya kilibaini na kugundua kuwa alikuwa amemeza dawa za kulevya.

"Huyu ni mzee, lakini tumeshangaa kuona bado ana nguvu za kutosha na tulishangaa baada ya kutoa kete 20 kwa mara moja katika awamu ya kwanza, jambo hili si rahisi kutokana na umri wake," alisema Nzowa. Mtuhumiwa huyo aliyekuwa na hati ya kusafiria ya Nigeria, anaendelea kuhojiwa na upelelezi ukikamilika atafikishwa mahakamani.

Nzowa alisema kikosi chake kimejipanga kukabiliana na mbinu zote zinazobuniwa na wanaosafirisha dawa za kulevya.

Takwimu za kitengo cha dawa za kulevya cha polisi zinaonyesha kuwa kati ya Januari na Aprili mwaka huu, Cole ni mtu wa 26 kukamatwa katika uwanja huo na raia wa tano wa kigeni kukamatwa na dawa hizo. Raia wa kigeni wengine waliokamatwa kutoka nje ya nchi ni kutoka Marekani, Ugiriki, Kenya na Liberia na kesi zao zinaendelea.

Source: mwananchi.co.tz
 

aye

JF-Expert Member
Oct 6, 2010
2,094
2,000
why wanatokea tanzania?
nahisi kuna kiwanda bongo cha madawa
 

Manyerere Jackton

Verified Member
Dec 11, 2012
2,420
2,000
Kadanganya umri. Inawezekana amegushi umri. Amekamatwa na maofusa uhamiaji hapo uwanjani. wapeni pongezi uhamiaji
 

NasDaz

JF-Expert Member
May 6, 2009
11,274
2,000
it's nice host quite hard to doubt! na kwa umri huo wa kuheshimika lazima itakuwa wadau wamemchoma!
 

Toa taarifa ya maudhui yasiyofaa!

Kuna taarifa umeiona humu JamiiForums na haifai kubaki mtandaoni?
Fanya hivi...

Umesahau Password au akaunti yako?

Unapata ugumu kuikumbuka akaunti yako? Unakwama kuanzisha akaunti?
Contact us

Top Bottom