Barua kwako Spika Job Ndugai

[cha1509]

.

Mh.Ndugai,pole na majukumu ya kila siku.

Mimi ni miongoni mwa raia wanaotafakari bila kupata majibu juu ya maamuzi ya bunge lako la kutofanya kazi na CAG

Mh.Spika sitaki kusema kati yako wewe na CAG nani mkubwa kwa mwenzia au nani ana nguvu kisheria,wewe umepewa mamlaka na sheria ya bunge ,yeye amepewa mamlaka ,kinga na katiba na sheria ya ukaguzi wa umma ya 2008 .

Maana nakumbuka ulisema wewe ndiye BOSS wake lakini jambo la kushangaza Bunge kukuondoa wewe kama ni spika ni vyepesi kuliko kuondolewa CAG Assad njia ya kumuondoa ni ndefu mno,leo hii Bunge limekataa kufanya nae kazi Ila bado yupo ofisi.

Mh.Spika jana umesema umesitisha kufanya kazi na Assad sio ofisi ya CAG ,Mh.Spika hoja sio Assad Bunge halijawahi fanya kazi na Asad ,ila Bunge hufanya kazi na CAG . Mgogoro uliopo sio Ndugai na Assad , mgogoro uliopo ni Assad kama CAG na Ndugai kama Spika wa bunge , mgogoro huu ni wa kiofisi ,ofisi ya Bunge na Ofisi ya CAG ,hivyo ukikataa fanya kazi na CAG Assad umekataa kufanya kazi na Ofisi ya CAG Assad ,nakumbuka CAG hana Naibu .Kinga ya ofisi ya CAG ipo kikatiba kupitia CAG.Ofisi haiwezi kufanya kazi na kuwa na kinga bila CAG,hakuna ofisi ya CAG bila CAG.

Mh.Spika nadhani unamtega Mh.Rais kuwa kisheria sasa anapaswa kuunda tume ya uchunguzi dhidi ya CAG juu ya shutma zako,Mh.Spika hilo sio jambo rahisi sababu shutma dhidi ya CAG zinapaswa kuwa za kikatiba ibara ya 144 (2) ,kama ameshindwa tekeleza majukumu yake, kama amevunja na ameenda kinyume na sheria ya maadili ya watumishi wa umma.

Mh.Spika shutma zako dhidi ya CAG zinaangukia wapi katika sababu hapo juu za kumuondoa?,labda utasema ni kuvunja sheria ya maadili ya viongozi wa umma .Na je, kusema Bunge ni dhaifu ni kuvunja sheria ya maadili ya viongozi?

Kwa tafsiri nyepesi tume hii ksma itaundwa haitakuwa na shutma za kikatiba zakichunguza ,zaidi ya shutma zako za neno "DHAIFU" .

Mh.Spika yaani Mh.Rais aunde
tume yenye majaji wa mahakama kuu ya ndani na ya nje kutoka nchi ya jumuiya ya madola (Commonwealth) waje kufanya uchunguzi wa shutma dhidi ya CAG kwa kutamka tuu neno dhaifu ?,hakika omba Mungu Mh.Rais asiunde tume hiyo kwa hekma zake kwani itadhihirisha zaidi ya udhaifu wako na namna ambavyo Bunge halina mamlaka ya kumuwajibisha CAG.

Mh.Spika unajua kuwa Spika wa bunge la India (Congress leader) Mr.Kapil Sabal aliibua hoja dhidi ya CAG 2019 February ni pale tuu kulipokuwa na maslahi ya taifa Bunge lao lilimtikisa CAG Rajiv Mehrish kipindi cha utoaji wa taarifa ya kashfa ya rushwa itwayo *Rafale Jet deal* kusema hapaswi kuichunguza kashfa hiyo sababu na yeye alikuwepo katika timu ya mashauriano ya ununuzi wa ndege hizo za Rafale Jets nchini ufaransa akiwa katibu wa fedha wa wizara.

Ni tofauti na wewe una mtikisa CAG kwa kusema Bunge ni dhaifu ,nina maana una mtikisa CAG kwa sababu ndogo sana zaidi yote umepata CAG mzuri, mnyenyekevu,pole,mwenye hofu ya Mungu ,muwazi hakika ungemtumia ungelipa heshima Bunge kupitia uangalizi imara wa fedha za umma (Strong parliamentary oversight of public financial management).

Mh.Spika unafahamu fika kuwa kinga ya CAG ni kwasababu ya unyeti wa majukumu yake ili afanye kazi kwa uhuru,kwa utulivu ,bila kuingiliwa na kutikiswa sababu anafanya kazi ya kukagua matumizi ya kodi na fedha za watanzania hadi katika ofisi na idara za mapapa bila kumpa kinga hiyo angefanya kazi kwa hofu ,uoga,kujipendekeza,kuficha madudu kuhofia kuondolewa ndio maana akapewa kinga na hana maslahi yeyote ya kuajiriwa akimaliza kuhudumu katika nafasi hiyo. Ila umeamua kumtikisa bila kujua kuwa athari zitakazo patikana sio kwa Assad au CAG na wala sio kwa Ndugai au spika ni kwa umma wa watanzania.

Mh.Spika unafahamu fika kuwa Bunge (Legislature ) ndio moyo wa mchakato wa uangalizi matumizi ya fedha za umma (Public financial management) kupitia ofisi ya mkaguzi (SAI-Supreme auditor institution ) na PAC ila hujaona umuhimu wa kusimamia kikamilifu uangalizi wa fedha za umma (oversight) badala yake umeamua kumtikisa CAG ,pamoja na kinga zake zote alizonazo kikatiba umeamua kumtikisa kwa makusudi.

Shukrani yangu ni hayo.

Abdul Nondo

abdulnondo10@gmail.com

Sent using Jamii Forums mobile app

 

[cha1509]

*UFAFANUZI WA KISHERIA KUHUSU MAMLAKA NA MIPAKA YA MDHIBITI NA MKAGUZI MKUU WA HESABU ZA SERIKALI (CONTORLLER AND AUDITOR GENERAL – CAG)*
Ofisi ya Mdhibiti na Mkaguzi Mkuu wa Serikali ni ofisi ambayo imeundwa kikatiba kupitia Ibara ya 143 na 144 ya Katiba ya Jamhuri ya Muungano wa Tanzania ya mwaka 1977 kama ilivyorekebishwa mara kwa mara.

Ibara hiyo kwa ufupi inaeleza ifuatavyo;

143.-(1) Kutakuwa na Mdhibiti na Mkaguzi Mkuu wa Hesabu za Serikali wa Jamhuri ya Muungano. (2) Mdhibiti na Mkaguzi Mkuu wa Hesabu atakuwa na jukumu juu ya mambo yafuatayo:

(a) kuhakikisha kwamba fedha zozote zinazokusudiwa kutolewa kutoka Mfuko Mkuu wa Hazina ya Serikali matumizi yake yameidhinishwa na kwamba zitatolewa kwa mujibu wa masharti ya ibara ya 136 ya Katiba hii, na iwapo atatosheka kwamba masharti hayo yatatekelezwa ipasavyo, basi ataidhinisha fedha hizo zitolewe;

(b) kuhakikisha kwamba fedha zote ambazo matumizi yake yameidhinishwa yatokane na fedha zilizomo katika Mfuko Mkuu wa Hazina ya Serikali au fedha ambazo matumizi yake yameidhinishwa na sheria iliyotungwa na Bunge, na ambazo zimetumika, zimetumiwa kwa ajili ya shughuli zilizo husika na matumizi ya fedha hizo na kwamba matumizi hayo yamefanywa kwa kufuata idhini iliyotolewa kuhusu matumizi hayo; na

(c) angalau mara moja kila mwaka kufanya ukaguzi na kutoa taarifa juu ya ukaguzi wa hesabu za Serikali ya Jamhuri ya Muungano, hesabu zinazosimamiwa na watumishi wote wa Serikali ya Jamhuri ya Muungano na hesabu za Mahakama zote za Jamhuri ya Muungano na hesabu zinazosimamiwa na Katibu wa Bunge.

(3) Mdhibiti na Mkaguzi Mkuu wa Hesabu na kila mtumishi wa Serikali aliyeruhusiwa na Mdhibiti na Mkaguzi Mkuu wa Hesabu atakuwa na haki ya kuchunguza vitabu, kumbukumbu, hati nyinginezo zote zinazohusika na hesabu za aina yoyote iliyotajwa katika ibara ndogo ya (2) ya ibara hii.

(4) Mdhibiti na Mkaguzi Mkuu wa Hesabu atawasilisha kwa Rais kila taarifa atakayotoa kwa mujibu wa masharti ya ibara ndogo ya (2) ya ibara hii. Baada ya kupokea taarifa hiyo Rais atawaagiza watu wanaohusika wawasilishe taarifa hiyo kwenye kikao cha kwanza cha Bunge kitakachofanyika baada ya Rais kupokea taarifa hiyo na itabidi iwasilishwe katika kikao hicho kabla ya kupita siku saba tangu siku ile kilipoanza kikao hicho. Iwapo Rais hatachukua hatua za kuwasilisha taarifa hiyo kwa Spika wa Bunge (au Naibu wa Spika ikiwa kiti cha Spika ki wazi wakati huo au ikiwa kwa sababu yoyote Spika hawezi Katiba ya Jamhuri ya Muungano wa Tanzania kutekeleza shughuli za kazi yake) ambaye atawasilisha taarifa hiyo kwenye Bunge.

(5) Mdhibiti na Mkaguzi Mkuu wa Hesabu atakuwa pia na jukumu la kutekeleza kazi na shughuli nyingine, na atakuwa na madaraka mengine ya namna mbalimbali, kama itakavyoelezwa na sheria kuhusu hesabu za Serikali ya Jamhuri ya Muungano au hesabu za vyombo vya Umma au hesabu za Mashirika.

(6) Katika kutekeleza madaraka yake kwa mujibu wa masharti ya ibara ndogo ya (2), (3) na (4) ya ibara hii, Mdhibiti na Mkaguzi Mkuu wa Hesabu hatalazimika kufuata amri au maagizo ya mtu mwingine yeyote au idara yoyote ya Serikali, lakini maelezo hayo ya ibara hii ndogo hayataizuia Mahakama nayo kutumia madaraka yake kwa ajili ya kuchunguza kama Mdhibiti na Mkaguzi Mkuu wa Hesabu ametekeleza madaraka yake kwa mujibu wa masharti ya Katiba hii au sivyo.

Uwajibikaji/Kuwajibishwa kwake

i.Mdhibiti na Mkaguzi Mkuu wa Hesabu za Serikali anawajibika kwa Rais sio kwa Bunge. Ibara ya 143 (4). Bungeni huwasilisha taarifa ambayo imetoka kwa Rais.

ii.Mdhibiti na Mkaguzi Mkuu wa Hesabu za Serikai halazimiki kufuata Maagizo ya mtu yeyote Ibara ya 143 (6).

iii.Mahakama ina uwezo wa kuchunguza kama Mdhibiti na Mkaguzi Mkuu wa Hesabu za Serikali ametekeleza madaraka yake kwa mujibu wa masharti ya Katiba hii ama sivyo. Ibara ya 143 (6).

iv.Mdhibiti na Mkaguzi Mkuu wa Hesabu za Serikali ataondoka kazini kwa yafuatayo;

a.Kustaafu

b.Kuugua

c.Kwa sababu ya tabia mbaya, au kwa kuvunja masharti ya sheria ya Maadili ya Viongozi wa Umma. Ibara ya 144

v. Kuondolewa kazini kwa Mdhibiti na Mkaguzi Mkuu wa Hesabu za Serikali ni mchakato mrefu unaoanza na Rais kuteua Tume Maalum ambayo itakuwa na Mwenyekiti na Wajumbe wengine wasiopungua wawili. Ibara ya 144 (3).



Imetolewa Januari 8, 2019, na;

Bi. Anna Henga (Wakili)

Mkurugenzi Mtendaji

Kituo cha Sheria na Haki za Binadamu

Sent using Jamii Forums mobile app

 

[Mnondwe]

Akili za MBOGAMBOGA bana.

 

[joseph once]

.

Mh.Ndugai,pole na majukumu ya kila siku.

Mimi ni miongoni mwa raia wanaotafakari bila kupata majibu juu ya maamuzi ya bunge lako la kutofanya kazi na CAG

Mh.Spika sitaki kusema kati yako wewe na CAG nani mkubwa kwa mwenzia au nani ana nguvu kisheria,wewe umepewa mamlaka na sheria ya bunge ,yeye amepewa mamlaka ,kinga na katiba na sheria ya ukaguzi wa umma ya 2008 .

Maana nakumbuka ulisema wewe ndiye BOSS wake lakini jambo la kushangaza Bunge kukuondoa wewe kama ni spika ni vyepesi kuliko kuondolewa CAG Assad njia ya kumuondoa ni ndefu mno,leo hii Bunge limekataa kufanya nae kazi Ila bado yupo ofisi.

Mh.Spika jana umesema umesitisha kufanya kazi na Assad sio ofisi ya CAG ,Mh.Spika hoja sio Assad Bunge halijawahi fanya kazi na Asad ,ila Bunge hufanya kazi na CAG . Mgogoro uliopo sio Ndugai na Assad , mgogoro uliopo ni Assad kama CAG na Ndugai kama Spika wa bunge , mgogoro huu ni wa kiofisi ,ofisi ya Bunge na Ofisi ya CAG ,hivyo ukikataa fanya kazi na CAG Assad umekataa kufanya kazi na Ofisi ya CAG Assad ,nakumbuka CAG hana Naibu .Kinga ya ofisi ya CAG ipo kikatiba kupitia CAG.Ofisi haiwezi kufanya kazi na kuwa na kinga bila CAG,hakuna ofisi ya CAG bila CAG.

Mh.Spika nadhani unamtega Mh.Rais kuwa kisheria sasa anapaswa kuunda tume ya uchunguzi dhidi ya CAG juu ya shutma zako,Mh.Spika hilo sio jambo rahisi sababu shutma dhidi ya CAG zinapaswa kuwa za kikatiba ibara ya 144 (2) ,kama ameshindwa tekeleza majukumu yake, kama amevunja na ameenda kinyume na sheria ya maadili ya watumishi wa umma.

Mh.Spika shutma zako dhidi ya CAG zinaangukia wapi katika sababu hapo juu za kumuondoa?,labda utasema ni kuvunja sheria ya maadili ya viongozi wa umma .Na je, kusema Bunge ni dhaifu ni kuvunja sheria ya maadili ya viongozi?

Kwa tafsiri nyepesi tume hii ksma itaundwa haitakuwa na shutma za kikatiba zakichunguza ,zaidi ya shutma zako za neno "DHAIFU" .

Mh.Spika yaani Mh.Rais aunde
tume yenye majaji wa mahakama kuu ya ndani na ya nje kutoka nchi ya jumuiya ya madola (Commonwealth) waje kufanya uchunguzi wa shutma dhidi ya CAG kwa kutamka tuu neno dhaifu ?,hakika omba Mungu Mh.Rais asiunde tume hiyo kwa hekma zake kwani itadhihirisha zaidi ya udhaifu wako na namna ambavyo Bunge halina mamlaka ya kumuwajibisha CAG.

Mh.Spika unajua kuwa Spika wa bunge la India (Congress leader) Mr.Kapil Sabal aliibua hoja dhidi ya CAG 2019 February ni pale tuu kulipokuwa na maslahi ya taifa Bunge lao lilimtikisa CAG Rajiv Mehrish kipindi cha utoaji wa taarifa ya kashfa ya rushwa itwayo *Rafale Jet deal* kusema hapaswi kuichunguza kashfa hiyo sababu na yeye alikuwepo katika timu ya mashauriano ya ununuzi wa ndege hizo za Rafale Jets nchini ufaransa akiwa katibu wa fedha wa wizara.

Ni tofauti na wewe una mtikisa CAG kwa kusema Bunge ni dhaifu ,nina maana una mtikisa CAG kwa sababu ndogo sana zaidi yote umepata CAG mzuri, mnyenyekevu,pole,mwenye hofu ya Mungu ,muwazi hakika ungemtumia ungelipa heshima Bunge kupitia uangalizi imara wa fedha za umma (Strong parliamentary oversight of public financial management).

Mh.Spika unafahamu fika kuwa kinga ya CAG ni kwasababu ya unyeti wa majukumu yake ili afanye kazi kwa uhuru,kwa utulivu ,bila kuingiliwa na kutikiswa sababu anafanya kazi ya kukagua matumizi ya kodi na fedha za watanzania hadi katika ofisi na idara za mapapa bila kumpa kinga hiyo angefanya kazi kwa hofu ,uoga,kujipendekeza,kuficha madudu kuhofia kuondolewa ndio maana akapewa kinga na hana maslahi yeyote ya kuajiriwa akimaliza kuhudumu katika nafasi hiyo. Ila umeamua kumtikisa bila kujua kuwa athari zitakazo patikana sio kwa Assad au CAG na wala sio kwa Ndugai au spika ni kwa umma wa watanzania.

Mh.Spika unafahamu fika kuwa Bunge (Legislature ) ndio moyo wa mchakato wa uangalizi matumizi ya fedha za umma (Public financial management) kupitia ofisi ya mkaguzi (SAI-Supreme auditor institution ) na PAC ila hujaona umuhimu wa kusimamia kikamilifu uangalizi wa fedha za umma (oversight) badala yake umeamua kumtikisa CAG ,pamoja na kinga zake zote alizonazo kikatiba umeamua kumtikisa kwa makusudi.

Shukrani yangu ni hayo.

Abdul Nondo

abdulnondo10@gmail.com

Sent using Jamii Forums mobile app

Maneno
Kuntu
Kabisa...
Ngoja tusubiri
Wale
Wa
kuunga
Mkono
Juhudi

Sent using Jamii Forums mobile app

 

[mtzedi]

Mtu anaumbuka mchana kweupe.

 

[Sonkuno]

Ebu twende tu tutaona kule mbele

Sent using Jamii Forums mobile app

 

[Haludzedzele]

WaswAhili walituasa na kutuadilisha ni muhimu "Fikiri Kabla ya Kutenda"

 

[dega]

Madaraka ya KULEVYAA

Sent using Jamii Forums mobile app