BAKWATA yamruka shehe Alhadi, yamtetea Kinana

[Luqash]

​

BARAZA Kuu la Waislamu Tanzania (Bakwata), limekanusha kauli ya Shehe wa Mkoa wa Dar es Salaam, Alhad Mussa Salum ya kukosoa utaratibu wa kazi za Chama Cha Mapinduzi CCM), unaofanywa na Katibu Mkuu wa CCM, Abdulrahman Kinana.

Hayo yamo katika taarifa ya baraza hilo, iliyotolewa jana kwa vyombo vya habari jijini Dar es Salaam. Taarifa hiyo ilitolewa na Mufti wa Tanzania, Issa Shaaban Simba.

"BAKWATA inapenda kuutangazia umma wa Tanzania kuwa haina uhusiano wowote na kauli ya Shehe Alhad Mussa Salum dhidi ya Kinana. Kwa mujibu wa vyombo vya habari, Kinana ameonywa na Shehe Alhad aache tabia ya kuwakatisha tamaa viongozi wa serikali, akiwemo Waziri wa Maliasili na Utalii, Lazaro Nyalandu kwa kubeza kauli zake," ilisema taarifa.

Taarifa hiyo ilisisitiza: "Kauli ya Shehe Alhad Mussa Salum imevuka mipaka na taratibu zetu kama BAKWATA kwa kujiingiza katika shughuli za ndani za taasisi nyingine kwa kuwaelekeza namna ya kufanya kazi zao. BAKWATA haijamtuma kufanya hivyo".

Mufti katika taarifa hiyo alisema "BAKWATA, kama ilivyo CCM, kisheria ni taasisi na hapakuwa na sababu ya kumkashifu Mheshimiwa Kinana wakati anafanya kazi za chama chake. Kila taasisi iachwe ifanye kazi zake kufuatana na malengo na taratibu zake ili mradi haihatarishi amani na utulivu wa nchi yetu."

"Kwa niaba ya Baraza Kuu la Waislamu wa Tanzania, natoa pole kwa Mheshimiwa Kinana na Chama chake cha CCM kwa ujumla kwa kadhia hii", alisema Mufti Simba.

CHANZO: Habari Leo

 

[aikacharity]

Wote watatu wapo sahihi...Kinana, Shekh Alhad Musa na Mufti Simba

 

[KIKOSIKAZI]

Tumsubiri Gwajima aje kutoa vipande vyake

 

[OgwaluMapesa]

Taasisi ishakuwa vipande vipande

 

[Pumb]

gwajimaaaa

 

[Mkoroshokigoli]

Shida ya kuwa dekio la wanasiasa

 

[nguvu]

sheikh ponda kapigwa risasi na hakuna anaetafutwa hadi sasa wamekaa kimya, wapuuzi hao bakwata

 

[Abdulwahid]

Kila siku ujinga huu na ule, yule kampinga huyu, huyu kampinga yule, uchaguzi huu! Subiri tuone

 

[BONGOLALA]

Hayo tuu Masheikh wa Bakwata(laanatuh laah)ndiyo wanayoweza kuzungumza kwenye vyombo vya habari.Ama kweli Bakwata ni jumuia ya ccm

 

[Inside10]

tawi la ccm.

 

[East African Eagle]

sheikh ponda kapigwa risasi na hakuna anaetafutwa hadi sasa wamekaa kimya, wapuuzi hao bakwata

Kwani Ponda ni sheikh?

 

[nguvu]

Kwani Ponda ni sheikh?

hapana ni padri wa kanisa la mtakatifu joseph nchini congo

 

[mdetichia]

​

BARAZA Kuu la Waislamu Tanzania (Bakwata), limekanusha kauli ya Shehe wa Mkoa wa Dar es Salaam, Alhad Mussa Salum ya kukosoa utaratibu wa kazi za Chama Cha Mapinduzi CCM), unaofanywa na Katibu Mkuu wa CCM, Abdulrahman Kinana.

Hayo yamo katika taarifa ya baraza hilo, iliyotolewa jana kwa vyombo vya habari jijini Dar es Salaam. Taarifa hiyo ilitolewa na Mufti wa Tanzania, Issa Shaaban Simba.

“BAKWATA inapenda kuutangazia umma wa Tanzania kuwa haina uhusiano wowote na kauli ya Shehe Alhad Mussa Salum dhidi ya Kinana. Kwa mujibu wa vyombo vya habari, Kinana ameonywa na Shehe Alhad aache tabia ya kuwakatisha tamaa viongozi wa serikali, akiwemo Waziri wa Maliasili na Utalii, Lazaro Nyalandu kwa kubeza kauli zake,” ilisema taarifa.

Taarifa hiyo ilisisitiza: “Kauli ya Shehe Alhad Mussa Salum imevuka mipaka na taratibu zetu kama BAKWATA kwa kujiingiza katika shughuli za ndani za taasisi nyingine kwa kuwaelekeza namna ya kufanya kazi zao. BAKWATA haijamtuma kufanya hivyo”.

Mufti katika taarifa hiyo alisema “BAKWATA, kama ilivyo CCM, kisheria ni taasisi na hapakuwa na sababu ya kumkashifu Mheshimiwa Kinana wakati anafanya kazi za chama chake. Kila taasisi iachwe ifanye kazi zake kufuatana na malengo na taratibu zake ili mradi haihatarishi amani na utulivu wa nchi yetu.”

“Kwa niaba ya Baraza Kuu la Waislamu wa Tanzania, natoa pole kwa Mheshimiwa Kinana na Chama chake cha CCM kwa ujumla kwa kadhia hii”, alisema Mufti Simba.

CHANZO: Habari Leo

Ila kusema kweli kipindi cha uchaguzi waislam baadhi na mashekhe huwa ccm inawatumia vibaya sijui ni kusoma ama vipi lakini natoa mfano tu ya hao mashekhe waliomchangia lowasa akagombee urais huu ndio utumikaji sijui hawajielewi au ni huu umasikini wa kifikra na kimaisha tulionao ndio umewafikisha hapo walipo kwa kweli ni aibu kwa haya maigizo yanayoendelea.

 

[East African Eagle]

Mufti katika taarifa hiyo alisema "BAKWATA, kama ilivyo CCM, kisheria ni taasisi na hapakuwa na sababu ya kumkashifu Mheshimiwa Kinana wakati anafanya kazi za chama chake. Kila taasisi iachwe ifanye kazi zake kufuatana na malengo na taratibu zake ili mradi haihatarishi amani na utulivu wa nchi yetu."

MUFTI KAJIBU VIZURI
Wazee wa hekima waliobaki Tanzania.Huyo ndie Mufti kwa msiomjua.ANA HEKIMA MNO KATIKA MAJIBU YAKE.STATEMENT ZAKE AKITOA UNAJUA KWELI YEYE NI MUFTI SIO GWAJIMA AU KAKOBE AMBAO NI WAROPOKAJI.

 

[nanawoo]

Mhh ni shiidah baraza kuu la .........

 

[samora10]

Huu mwaka huu.... mmmh yangu macho na masikio

 

[POMPO]

Baraza kuu? Msemaji waka ni nani?

 

[Lupweko]

Kwani Ponda ni sheikh?

Kama anaitwa sheikh basi ni sheikh. Waisilamu sheikh ni yeyote atakayeitwa hivyo!

 

[serio]

following

 

[Bujibuji Simba Nyamaume]

Huyu jamaa ukimeo kaanza ling time