usiambini
JF-Expert Member
- Jan 12, 2013
- 627
- 558
WAKATI Dar es Salaam ikiongoza kwa kuwa na viwanda vingi nchini, imeelezwa kuwa, asilimia
90.4 ya wakazi wake hawana ajira.
Akiwasilisha hotuba yake bungeni mjini hapa jana kuhusu hali ya uchumi mwaka 2015 na mpango wa maendeleo wa taifa wa mwaka wa fedha 2015/16, Waziri wa Fedha na Mipango, Dk. Philip Mpango, alisema ni asilimia 9.6 pekee ya wakazi wa Dar es Salaam ndio walio na ajira licha ya mkoa huo kuwa na viwanda 516.
Mkoa huo unamiliki asilimia 29.2 ya viwanda vyote vilivyopo nchini ukifuatiwa na Arusha wenye viwanda 144 (asilimia 8.1), Shinyanga 101 (asilimia 5.7), Kilimanjaro 96 (asilimia 5.4) na Mwanza 88 (asilimia tano).
Akinukuu utafiti wa watu wenye uwezo wa kufanya kazi wa mwaka 2014, Dk. Mpango alisema watu wenye ajira katika jiji la Dar es Salaam walikuwa 1,927,367, sawa na asilimia 9.6 ya wakazi wote wa jiji hilo, wakati kwenye maeneo mengine ya mjini waliokuwa na ajira ni 5,131,422, sawa na asilimia 25.6 na maeneo ya vijijini walikuwa watu 12,971,350 (asilimia 64.8).
"Kutokana na utafiti huo, ilibainika kuwa, idadi kubwa ya kundi la watu walioajiriwa lilikuwa na umri wa kuanzia miaka 35 hadi 64, ambao walikuwa asilimia 42.5 ya waajiriwa wote," alisema Dk. Mpango.
Waziri huyo alieleza kuwa, utafiti huo ulionyesha nguvukazi ya taifa ilikuwa watu 25,750,116, sawa na asilimia 57 ya watu wote Tanzania Bara.
Alisema kati yao, wanawake walikuwa 13,390,678 (asilimia 52) na wanaume walikuwa 12,359,438 (asilimia 48).
Aidha, Dk. Mpango alisema katika utafiti huo ilibainika kuwa watu wenye uwezo wa kufanyakazi walikuwa 22,321,924, wakati wasio na uwezo wa kufanya kazi walikuwa 3,428,192.
Kati ya watu wenye uwezo wa kufanya kazi, Dk. Mpango alisema walioajiriwa walikuwa 20,030,139 na wasioajiriwa walikuwa 2,291,785."Sababu za watu wasio na uwezo wa kufanya kazi zilikuwa ni pamoja na ulemavu na ugonjwa wa muda mrefu," alisema.
Kuhusu uwiano wa ajira kitaifa, Waziri huyo alisema uwiano mkubwa zaidi ulikuwa kwenye maeneo ya vijijini (asilimia 82.2), wakati jiji la Dar es Salaam lilikuwa na uwiano mdogo zaidi wa asilimia 59.8).
Chanzo: Nipashe
90.4 ya wakazi wake hawana ajira.
Akiwasilisha hotuba yake bungeni mjini hapa jana kuhusu hali ya uchumi mwaka 2015 na mpango wa maendeleo wa taifa wa mwaka wa fedha 2015/16, Waziri wa Fedha na Mipango, Dk. Philip Mpango, alisema ni asilimia 9.6 pekee ya wakazi wa Dar es Salaam ndio walio na ajira licha ya mkoa huo kuwa na viwanda 516.
Mkoa huo unamiliki asilimia 29.2 ya viwanda vyote vilivyopo nchini ukifuatiwa na Arusha wenye viwanda 144 (asilimia 8.1), Shinyanga 101 (asilimia 5.7), Kilimanjaro 96 (asilimia 5.4) na Mwanza 88 (asilimia tano).
Akinukuu utafiti wa watu wenye uwezo wa kufanya kazi wa mwaka 2014, Dk. Mpango alisema watu wenye ajira katika jiji la Dar es Salaam walikuwa 1,927,367, sawa na asilimia 9.6 ya wakazi wote wa jiji hilo, wakati kwenye maeneo mengine ya mjini waliokuwa na ajira ni 5,131,422, sawa na asilimia 25.6 na maeneo ya vijijini walikuwa watu 12,971,350 (asilimia 64.8).
"Kutokana na utafiti huo, ilibainika kuwa, idadi kubwa ya kundi la watu walioajiriwa lilikuwa na umri wa kuanzia miaka 35 hadi 64, ambao walikuwa asilimia 42.5 ya waajiriwa wote," alisema Dk. Mpango.
Waziri huyo alieleza kuwa, utafiti huo ulionyesha nguvukazi ya taifa ilikuwa watu 25,750,116, sawa na asilimia 57 ya watu wote Tanzania Bara.
Alisema kati yao, wanawake walikuwa 13,390,678 (asilimia 52) na wanaume walikuwa 12,359,438 (asilimia 48).
Aidha, Dk. Mpango alisema katika utafiti huo ilibainika kuwa watu wenye uwezo wa kufanyakazi walikuwa 22,321,924, wakati wasio na uwezo wa kufanya kazi walikuwa 3,428,192.
Kati ya watu wenye uwezo wa kufanya kazi, Dk. Mpango alisema walioajiriwa walikuwa 20,030,139 na wasioajiriwa walikuwa 2,291,785."Sababu za watu wasio na uwezo wa kufanya kazi zilikuwa ni pamoja na ulemavu na ugonjwa wa muda mrefu," alisema.
Kuhusu uwiano wa ajira kitaifa, Waziri huyo alisema uwiano mkubwa zaidi ulikuwa kwenye maeneo ya vijijini (asilimia 82.2), wakati jiji la Dar es Salaam lilikuwa na uwiano mdogo zaidi wa asilimia 59.8).
Chanzo: Nipashe
