The Father of All
JF-Expert Member
- Feb 26, 2012
- 11,099
- 13,710
Auawa kwa kuiba mabati ya ujenzi wa msikiti
Na Sonyo Mwenkale
Wananchi wa Kijiji cha Kwankonje Kata ya Kwankonje wilayani Handeni Mkoa wa Tanga, wamemuua mwanakijiji mwenzao, Msingwa Bakari (28) kwa tuhuma za kuiba mabati saba yanayodaiwa ni ya ujenzi wa msikiti.
...umati wa watu walizunguka ofisi na kuanza kuchoma moto ofisi alimohifadhiwa mtuhumiwa, alisema Mwenyekiti wa serikali ya kijiji hicho, Ali Bakari.
Mtu huyo anayedaiwa kuwa alikuwa mwizi sugu katika eneo hilo, aliuawa kwa kupigwa mawe, magongo na fimbo, baada ya wanakijiji hao kuchoma moto ofisi ya serikali ya kijiji alimokuwa amehifadhiwa muda mfupi baada ya kukamatwa.
Taarifa zilizopatikana kutoka kijijini hapo na kuthibitishwa na Mkuu wa Wilaya ya Handeni, Muhingo Rweyemamu, zilieleza kwamba tukio hilo lilitokea saa 2:30 usiku wa Oktoba 26, baada ya mtu huyo kudaiwa kuiba mabati hayo yaliyokuwa nyumbani kwa Sheikh mmoja katika eneo hilo.
Mwenyekiti wa serikali ya kijiji hicho, Ali Bakari ambaye ni mdogo wa marehemu, alisema kwamba juhudi za kumuokoa ili asiuawe na wananchi hao zilishindikana kwa madai kwamba wanakijiji walikuwa wengi walivamia ofisi hiyo na kuichoma moto kwa kutumia mafuta ya petroli.
Jitihada zetu za kuwatuliza zilishindwa baada ya wananchi kuchoma moto ofisi kwa kutumia petroli, Msingwa alipoona vile jengo linaungua aliruka na kutoka nje, tukaendelea na jitihada za kumlinda, lakini kuna Sheikh mmoja alianza kumshambulia baada ya wananchi kuona vile ni kama imehalalishwa wakamshambulia kwa mawe, vigogo pamoja na fimbo hadi mauti yalipomfika, alisema.
Alisema polisi walipofika walikuta ameshauawa na kuondoka na mwili wa marehemu kuupeleka katika Hospitali ya Wilaya ya Handeni.
Kufuatia tukio hilo Mkuu wa wilaya hiyo Rweyemamu, amewaonya wananchi kuepuka kujichukulia sheria mkononi kuua watu kwa visingizio vya hasira kali, akisema mwenye mamlaka hayo ni mahakama pekee.
Wajua mtu leo ni mwizi lakini anaweza akaacha baadaye akawa mtu mwema katika jamii na inawezekana akawa hata kiongozi na msaada mkubwa kwa jamii. Lakini hatua waliyochukua si sahihi kabisa nataka ikome isitokee tena maeneo mengine Handeni, alisema.
CHANZO: NIPASHE JUMAPILI
Na Sonyo Mwenkale
Wananchi wa Kijiji cha Kwankonje Kata ya Kwankonje wilayani Handeni Mkoa wa Tanga, wamemuua mwanakijiji mwenzao, Msingwa Bakari (28) kwa tuhuma za kuiba mabati saba yanayodaiwa ni ya ujenzi wa msikiti.
...umati wa watu walizunguka ofisi na kuanza kuchoma moto ofisi alimohifadhiwa mtuhumiwa, alisema Mwenyekiti wa serikali ya kijiji hicho, Ali Bakari.
Mtu huyo anayedaiwa kuwa alikuwa mwizi sugu katika eneo hilo, aliuawa kwa kupigwa mawe, magongo na fimbo, baada ya wanakijiji hao kuchoma moto ofisi ya serikali ya kijiji alimokuwa amehifadhiwa muda mfupi baada ya kukamatwa.
Taarifa zilizopatikana kutoka kijijini hapo na kuthibitishwa na Mkuu wa Wilaya ya Handeni, Muhingo Rweyemamu, zilieleza kwamba tukio hilo lilitokea saa 2:30 usiku wa Oktoba 26, baada ya mtu huyo kudaiwa kuiba mabati hayo yaliyokuwa nyumbani kwa Sheikh mmoja katika eneo hilo.
Mwenyekiti wa serikali ya kijiji hicho, Ali Bakari ambaye ni mdogo wa marehemu, alisema kwamba juhudi za kumuokoa ili asiuawe na wananchi hao zilishindikana kwa madai kwamba wanakijiji walikuwa wengi walivamia ofisi hiyo na kuichoma moto kwa kutumia mafuta ya petroli.
Jitihada zetu za kuwatuliza zilishindwa baada ya wananchi kuchoma moto ofisi kwa kutumia petroli, Msingwa alipoona vile jengo linaungua aliruka na kutoka nje, tukaendelea na jitihada za kumlinda, lakini kuna Sheikh mmoja alianza kumshambulia baada ya wananchi kuona vile ni kama imehalalishwa wakamshambulia kwa mawe, vigogo pamoja na fimbo hadi mauti yalipomfika, alisema.
Alisema polisi walipofika walikuta ameshauawa na kuondoka na mwili wa marehemu kuupeleka katika Hospitali ya Wilaya ya Handeni.
Kufuatia tukio hilo Mkuu wa wilaya hiyo Rweyemamu, amewaonya wananchi kuepuka kujichukulia sheria mkononi kuua watu kwa visingizio vya hasira kali, akisema mwenye mamlaka hayo ni mahakama pekee.
Wajua mtu leo ni mwizi lakini anaweza akaacha baadaye akawa mtu mwema katika jamii na inawezekana akawa hata kiongozi na msaada mkubwa kwa jamii. Lakini hatua waliyochukua si sahihi kabisa nataka ikome isitokee tena maeneo mengine Handeni, alisema.
CHANZO: NIPASHE JUMAPILI
