Acha CHADEMA ilipie makosa ya hisabati za kisiasa

[50thebe]

Wakuu wanabodi

Niende moja kwa moja kwenye hoja

Lengo la msingi la chama cha siasa ni kuingia kutwaa dola. Ima kwa hila au halali. Uchaguzi wa mbinu za halali ima za hila inategemea sana mazingira ya kisiasa ya wakati husika kwenye nchi. Hapa nyumbani kwa iliyokuwa Tanganyika upo ushahidi namna TANU ilifanikisha kutwaa dola kwa njia ambazo ni sahihi kuita ni njia halali za mazungumzo na chaguzi za hapa na pale. Huko Zanzibar, tunafahamu ASP ilivyotumia njia za hila kupindua serikali dhalimu ya Sultani na kutwaa dola. Itoshe kusema mbinu zote hizi huongozwa na hisabati za kisiasa. Ni nini hutokea ikiwa chama cha siasa kinapofanya makosa ya hisabati za kisiasa?

Chama Cha Demokrasia na Maendeleo (CHADEMA) kwa miaka karibu 17 sasa kimejinabaisha kuwa ni chama bora, chenye sera na mipango mikakati madhubuti, chenye watu wenye maono mujarabu (wakipenda kujiita wenye akili kubwa) na chenye uthubutu wa kutosha kuikosoa na kuikaripia serikali ya Chama Cha Mapinduzi. Kishindo cha CHADEMA pale chama hiki kilipokuwa kikiitisha mikutano ama ya kanda ama kitaifa, kiliibua mvumo kwa rika na makundi yote ya Watanzania. Ilifika mahali Watanzania bila kujali imani, itikadi ama asili zao walipata matumaini mapya na siasa zetu wakiamini chama hiki ni mkombozi mpya. Hata viongozi waandamizi wa CHADEMA walitumia sana neno hili la ukombozi wa pili upo njiani kujinasua na CCM.

Makosa ya hisabati za kisiasa za CHADEMA yana historia ndefu. Kwa ufupi, moja ya makosa ya hisabati za kisiasa ya awali ya CHADEMA yalidhihirika wakati wa chaguzi za ndani za chama. Uchaguzi wa BAVICHA Taifa 2014 uliibua makundi ndani ya chama. Zipo taarifa zisizo rasmi kwamba baadhi ya washindi wa uchaguzi huu hawakupewa ushirikiano wa kutosha uongozi wa makao makuu, ilhali baadhi ya washindwa walipewa "recognition" iliyoibua mashaka ndani ya chama. Kama haitoshi, hakuna ushahidi wa kutosha kuonesha namna gani uongozi wa CHADEMA taifa ulishughulikia ipasavyo mpasuko uliojitokeza kabla, wakati na baada ya uchaguzi wa BAVICHA Taifa 2014.

Kosa lingine la hisabati za kisiasa kwa CHADEMA lilidhihirika baada ya kuruhusu Dr Wilbroad Slaa kuondoka kufuatia ujio wa Mh Lowassa na kundi lake la M4U maarufu "ulipo tupo. CHADEMA kama chama kilichojitanabaisha kuwa na nia ya kutwaa dola, kilifanya kosa kubwa la kisiasa kumwacha Dr Slaa ajitenge na chama. Binafsi ni miongoni mwa wanaoamini kwamba ujio wa Mh Lowassa ndani ya chama hiki haukutokea kwa bahati mbaya. Bali ni suala lililopangwa na kuratibiwa vyema kwa muda mrefu na baadhi ya viongozi waandamizi wa CHADEMA. Hivyo ni sahihi kuhitimiha kwamba Dr Slaa alishtushwa na ujio wa wageni hawa maana hakuwa amejiandaa ama kuandaliwa mapema kuwapokea. Ikiwa Katibu Mkuu huyu angeandaliwa mapema kuwa Mh Lowassa ataletwa chamani, kisha kupewa hadhi ya ugombea uraisi wa Jamhuri ya Muungano, upo uwezekano mkubwa kwamba Dr Slaa asingeondoka CHADEMA, na pengine muda huu ninavyoandika, CHADEMA ndio kingekuwa chama dola hapa Tanzania. Hili likuwa ni kosa jingine la hisabati za kisiasa linalokigharimu chama hiki.

Kama haitoshi, ujio wa Mh Lowassa na timu yake ulipokelewa kwa namna tofauti na wanachama wa CHADEMA. Ilifika wakati kukawa na tetesi za uwepo wa CHADEMA asili na CHADEMA academia. Hapa tunapata kosa jingine la msingi sana. Lipi? Hakuna ushahidi wa kutosha unaothibitisha kwamba viongozi waandamizi wa chama taifa walifanya jitihada za makusudi kuunganisha wanachama wake wageni na wale wa zamani. Ni wazi ipo sintofahamu ya nani hasa ni mfaidika nambari moja na ujenzi wa CHADEMA huko mashinani. Ni hawa wanachama wapya waliokuja na Mh Lowassa ama ni wale wa wanachama wa imani waliojengwa na uongozi wa Dr Slaa? Kosa la msingi hapa ni kushindwa kwa uongozi wa CHADEMA taifa kuja na mkakati wa kuwaweka sawa wanachama wake ili wasahau makosa yaliyopita, na kuganga yajayo. Kwa mfano, chama kilipaswa kuwa na mikakati ya kuwajenga upya wanachama wake kuhusu mwelekeo wa siasa za chama baada ya ujio wa Mh Lowassa, lakini mpaka sasa hakuna kitu kama hicho. Kiasi kwamba wanachama hawaelewi ni nini msimamo wa chama kuhusu kuisimamia serikali, na ni zipi agenda za kukisemea chama.

Kosa jingine hisabati za kisiasa la chama hiki ni kule kung'ang'ania mbinu iliyotumika kuidhiti CCM iliyokuwa ikiongozwa na Jakaya Kikwete, kwamba serikali inakandamiza demokrasia na kwamba serikali inafuja rasilimali za taifa na kwamba kila mradi wa serikali umegubikwa na rushwa. Maajabu kabisa. Kama nilivyoandika hapo juu, mbinu na mipango mikakati ya kisiasa inategemea zaidi hali ya kisiasa ya nchi. Hali ya siasa ya nchi inakuwa influenced na kiongozi anayetawala wakati huo. Kwa mfano, hoja tajwa zilizotumika kumdhibiti Mh Jakaya Kikwete na serikali yake, haziwezi kufua dafu kwa utawala huu wa Mh Magufuli. Kuhusu Mh Magufuli, utawala wake unagusa maisha ya kila siku kwa kila Mtanzania, utawala wa Magufuli unagusa na kubadilisha mahusiano kati ya mtu na mtu hapa nchini.

Mathalani, uhusiano wa raia na askari polisi ama uhusiano wa raia na watumishi wa umma umebadilika sana hivi sasa. Pia, utawala huu wa Magufuli namna taasisi za kijamii na mifumo inayoziongoza imebadilika sana. Upo ushahidi wa kutosha kuhusu namna taasisi za elimu zinavyojiongoza, idara za afya, mahakama, magereza na hata mifumo ya kibenki na masoko umebadilika sana. Vile vile, ijapokuwa ni mapema kuhitimisha, lakini zipo ishara kadhaa zinazoonesha kwamba jamii yetu inaanza kubadilika. Walau kwa kiasi kikubwa Watanzania wanaanza kuwa 'honest" na yale wanayoyasema na kutenda. Ujanja ujanja unaanza kutoweka taratibu. Sasa kwenye utawala huu wa Magufuli, huwezi kuiyumbusha serikali, taasisi zake ama asasi za kiraia, ama vikundi vya kijamii ama mtu mmoja mmoja kwa hoja nyepesi nyepesi za kisiasa. Hivyo, CHADEMA wanaendelea kufanya kosa kubwa sana kwenye hisabati za kisiasa kwa kuendelea kutumia mbinu zile zile za "name and shame" kwenye utawala huu. Maana umbua umbua haina nafasi tena.

Kosa jingine la hisabati za kisiasa wanalofanya CHADEMA wakati huu ni kususia hizi chaguzi za marudio. Mbaya zaidi, kundi la CHADEMA mitandaoni wanaungana na viongozi waandamizi wa CHADEMA bila kuhoji. Aibu sana kwa vijana wasomi wa chama hiki kuunga mkono pendekezo hili mfu la viongozi wakuu wa CHADEMA. Kimsingi, chaguzi hizi zinafanyika kwa sababu ni takwa ni kikatiba inapotea eneo fulani, ama jimbo ama kata haina mwakilishi. Sasa viongozi wakuu wa CHADEMA wanaposusia mahitaji ya kikatiba ni hatari sana. Mbaya zaidi, viongozi wakuu wa chama hiki hawafanyi jitihada zozote za makusudi, zenye mvumo kijamii ili kusukuma mabadiliko ya sheria ya uchaguzi. Badala yake wanasusa. Viongozi wanaosusia hitaji la kikatiba badala ya kupigania maboresho ya kikatiba wanaendelea kuthibitisha kwamba hawatoshi kuaminiwa kukabidhiwa dola.

Haya ni baadhi tu ya makosa ya msingi ya kihisabati za kisiasa ambayo CHADEMA wanafanya kila uchao. Humu sijagusia makosa ya kisiasa kwenye matumizi ya ruzuku za chama. Hili nitajadili wakati mwingine. Yapo makosa ya kihasabati za kisiasa kuhusu nafasi za viti maalumu vya udiwani ama ubunge. Yapo makosa kwenye teuzi mbali mbali za ndani ya chama ambazo baadhi ya wana CHADEMA wenyewe wameripoti humu, rejea "Vijana wa CHADEMA Tarime na utumwa ndani ya chama". Yapo makosa lukuki ya hisabati za kisiasa ambayo kwa weledi wa wana CHADEMA wakiwamo akina @Tundu Lissu @John Mnyika @Tumaini Makene wangeweza kuyasemea kukinusuru chama. Maana kuisema vibaya CCM hakuifanyi CHADEMA iwe madhubuti.

Mwisho, ikiwapendeza wana CHADEMA na wapenda demokrasia hapa Tanzania na wachambuzi wa siasa za Tanzania akina @Pascal Mayalla @Nguruvi3 @Lizaboni muendelee kuwaekeza CHADEMA kwamba ili chama kiwe madhubuti, kiweze kushika dola lazima kiwe na uvumilivu. Kiwavumilie wanasiasa wenye maono kama akina Kitila Mkumbo Zitto Kabwe @Samso Mwimgamba na wenzao wa calibre hiyo. Ima chama kikishindwa kuwavumilia wanasiasa wa namna hii, chama kiunde utaratibu mzuri wa kuhakikisha vijana wa namna hii hawaondoki chamani. Yaani chama kiwe na reserve list ya wanasiasa. Chama Cha Mapinduzi kinafanikiwa kuwa reserve list kwa vile chama hiki kikongwe kinao utaratibu wa kutekeleza haya. Maana yake ni kwamba hata kama CCM haina resources za kuwatunza wanasiasa wake, bado kinao mfumo makini wa kuwavutia wanachama mahiri. Ndio maana CCM ni chama pekee kilichokuwa tegemeo la kweli la Watanzania.

Baada ya machache haya, itoshe kusema kwamba, Ikiwa CHADEMA haitokubali kubadilika na kuendana na siasa mamboleo, chama hiki kitaendelea kuugulia maumivu ya makosa ya kihisabati za kisiasa huku wakiendelea kuilaumu CCM. Fursa ya CCM kuua upinzani ni fursa ambayo CHADEMA wanaitaka sana ili kuifuta CCM kwenye medani ya siasa za Tanzania. Binafsi sishtuki wala sishangai kuona chama dola (CCM) ikiendelea kutumia makosa ya CHADEMA kujiimarisha.

Niwatakie nyote mapumziko mema ya msimu wa sikukuu za Chrismas na mwaka mpya.

50thebe

 

[Consigliere]

Siasa ni siasa na hisabati ni hisabati.

 

[50thebe]

Siasa ni siasa na hisabati ni hisabati.

Ndio hivyo tena.

Waambieni Watanzania kwamba CHADEMA ni chama cha siasa kisichokuwa na lengo la kutwaa dola. Msiwapotezee muda Watanzania. Wala msiwasababishie majeraha ya mwili na msongo wa mawazo kwa matumaini hewa.

Basi.

 

[Emc2]

Uchambuzi mzuri. Lakini vijana wa CHADEMA watakupiga matusi ya nguoni.
Siasa ni Sayansi, Chadema wanajua kucheza Disco tu.

 

[komamgo]

Chadema kwisha . Wamepoteza nafasi kwa mikono yao wenyewe.

 

[Bayyo]

Siku hizi ni ku scrow kwanza uzi kujua urefu,,, ukiwa km huu wa kwako tunasubiri wenye moyo wa kusoma riwaya wasummarize

 

[Emc2]

CCM ni kubwa na inautaratibu mzuri

 

[shungurui]

Hizo hesabu zako mbona hazi balance, naona Kuna facts zingine umeziacha.

Maana kwa hoja zako ni kwamba hizo ndio zimepelekea kushindwa kuingia madarakani wakati huohuo facts nyingine umeziacha ili kukizi matakwa yako.

Anyway tuseme ndio kweli hizo hoja zako ndio zimepelekea chadema kushindwa.

Kwa hizo hoja zako ndio zimeipa uharibifu ccm kutumia tiss,jwtz nec na police kupora ushindi.

Vp kihusu kuzuia mikutano mikutano ya kisiasa.

Bado mtu anaapa kulinda katiba within a second anaivunja.

Mazee unaleta hesabu zako hakikisha zimebalance.

Pia tambua uwanjani kuna timu mbili na refa, sasa hata kama mmejipanga namna gani kama refa anapendelea upande mmoja mtashindwa tu.

Inawezekana huko chadema kukawa kuna chagamoto ambazo hazikwepeki kama binadamu je uko ugambani nao wako perfect ndio maana wao wanashinda uchaguzi?

 

[M-mbabe]

ningekuwa mimi ndiyo serekali ya CCM ningeomba sana upinzani uendelee kuwepo.
ukifa upinzani wa kisiasa (ambao ni rasmi) kuna hatari ya kutokea ombwe na mwishowe kuibuka kwa upinzani wa kiporipori mithili ya ule wa Bokoharam!

 

[Emc2]

Hizo hesabu zako mbona hazi balance, naona Kuna facts zingine umeziacha.

Maana kwa hoja zako ni kwamba hizo ndio zimepelekea kushindwa kuingia madarakani wakati huohuo facts nyingine umeziacha ili kukizi matakwa yako.

Anyway tuseme ndio kweli hizo hoja zako ndio zimepelekea chadema kushindwa.

Kwa hizo hoja zako ndio zimeipa uharibifu ccm kutumia tiss,jwtz nec na police kupora ushindi.

Vp kihusu kuzuia mikutano mikutano ya kisiasa.

Bado mtu anaapa kulinda katiba within a second anaivunja.

Mazee unaleta hesabu zako hakikisha zimebalance.

Pia tambua uwanjani kuna timu mbili na refa, sasa hata kama mmejipanga namna gani kama refa anapendelea upande mmoja mtashindwa tu.

Inawezekana huko chadema kukawa kuna chagamoto ambazo hazikwepeki kama binadamu je uko ugambani nao wako perfect ndio maana wao wanashinda uchaguzi?

Ukusubiri facts kwenye siasa chama chako kinakufa asubuhi.
Na huenda hujamuelewa mwandishi wa hii thread. Na ninaona unarudia makosa yaleyale ya CHADEMA. Badala ya kujiimarisha unatumia muda mrefu kulaumu CCM, eti inatumia vyombo vya dola. Big mistake usitegemee CCM ikuhurumie uweze kuiangusha.
Bado hujazielewa hoja za mwandishi. Rejea alipoongelea ASP na TANU.

 

[Emc2]

NEC ya CCM

 

[shungurui]

Ukusubiri facts kwenye siasa chama chako kinakufa asubuhi.
Na huenda hujamuelewa mwandishi wa hii thread. Na ninaona unarudia makosa yaleyale ya CHADEMA. Badala ya kujiimarisha unatumia muda mrefu kulaumu CCM, eti inatumia vyombo vya dola. Big mistake usitegemee CCM ikuhurumie uweze kuiangusha.
Bado hujazielewa hoja za mwandishi. Rejea alipoongelea ASP na TANU.

Bila facts huwezi kufanya chochote ni sawa na mwili usio na kichwa, mwishowe hautakuwa na specific direction na hilo ndilo mnalolitaka mnajaribu kutwisti ukweli ili watu wasiangalie kiini cha tatizo, hayo mwingine ni njanja yenu kuleta mada zenye kutwisti ukweli ili kupeleka ukawa katika wrong direction.

 

[Emc2]

Bila facts huwezi kufanya chochote ni sawa na mwili usio na kichwa, mwishowe hautakuwa na specific direction na hilo ndilo mnalolitaka mnajaribu kutwisti ukweli ili watu wasiangalie kiini cha tatizo, hayo mwingine ni njanja yenu kuleta mada zenye kutwisti ukweli ili kupeleka ukawa katika wrong direction.

Facts za siasa ni tofauti na facts zako hizo. Siasa ni sayansi.

 

[shungurui]

Facts za siasa ni tofauti na facts zako hizo. Siasa ni sayansi.

Kwa sayansi ndio haina facts, waambie hii hesabu imebuma.

 

[funaku]

Wazee wa vyuma legevu hawawezi kukuelewa

 

[Emc2]

Kwa sayansi ndio haina facts, waambie hii hesabu imebuma.

Nimekueleza facts zako hizo unazozileta hapa kwenye siasa siyo facts.
1. Unafikiri CCM iwahurumie chadema ili waiangushe?
2. Mwandishi kasema halali au hila ndio facts za siasa.

Sasa wewe mwenzangu umekalia kuilaumu CCM, unategemea CCM wasitumie TISS kwa nini?

 

[alfred mathew]

Upinzani utaendelea kuwepo no matter what

 

[shungurui]

Nimekueleza facts zako hizo unazozileta hapa kwenye siasa siyo facts.
1. Unafikiri CCM iwahurumie chadema ili waiangushe?
2. Mwandishi kasema halali au hila ndio facts za siasa.

Sasa wewe mwenzangu umekalia kuilaumu CCM, unategemea CCM wasitumie TISS kwa nini?

Nimesema hisabati lazima ibalance vinginevyo itakiwa siyo isabati.sas huwezi ukaishia kutazima upande mmoja wa shiringi wakati shiringi inapande mbili, ukifanya hiyo utaishia kusema kuwa shilingi ina kichwa tu au mkia tu, badala kusema shilingi ina kichwa na mkia.

 

[50thebe]

Hizo hesabu zako mbona hazi balance, naona Kuna facts zingine umeziacha.

Maana kwa hoja zako ni kwamba hizo ndio zimepelekea kushindwa kuingia madarakani wakati huohuo facts nyingine umeziacha ili kukizi matakwa yako.

Anyway tuseme ndio kweli hizo hoja zako ndio zimepelekea chadema kushindwa.

Kwa hizo hoja zako ndio zimeipa uharibifu ccm kutumia tiss,jwtz nec na police kupora ushindi.

Vp kihusu kuzuia mikutano mikutano ya kisiasa.

Bado mtu anaapa kulinda katiba within a second anaivunja.

Mazee unaleta hesabu zako hakikisha zimebalance.

Pia tambua uwanjani kuna timu mbili na refa, sasa hata kama mmejipanga namna gani kama refa anapendelea upande mmoja mtashindwa tu.

Inawezekana huko chadema kukawa kuna chagamoto ambazo hazikwepeki kama binadamu je uko ugambani nao wako perfect ndio maana wao wanashinda uchaguzi?

Mkuu shungurui

Vijana wenye fikra kama hizi zako hawaisaidii CHADEMA. Zaidi wanachangia kudumaa kwa demokrasia ya vyama vingi maana wamekijita kuleta majibu rahisi kwenye maswali magumu.

Hivi unaweza kutueleza ni lini CCM iliruhusu CHADEMA iendeshe kampeni za Operations Sangara, Movement4Change na nyinginezo? Ni lini CCM ilitoa kibali kwa CHADEMA kuandaa na kusoma hadharani orodha ya mafisadi?

Wapi imeandikwa kwamba serikali ya CCM imetoa ruhusa na kibali kwa CHADEMA kuchokoza, kuibua na kuchochea mjadala wa kitaifa kuhusu hitaji la katiba mpya?

Sasa inakuwaje CHADEMA ya Leo haina mikakati madhubuti kama tulivyozoea?

Ni aibu sana kwa vijana wa calibre ya shungurui kuilaumu CCM wakati CHADEMA inajitapa hadharani ati madiwani na wabunge wake wananunuliwa. Sasa ikiwa viongozi waandamizi wa CHADEMA wanatiwa mfukoni na CCM, wataweza kulinda rasilimali za nchi wakikabidhiwa dola?

Jiongezeni shungurui muelewe haya mambo na mwelekeo wa siasa za nchi yetu.

 

[ndayilagije]

ningekuwa mimi ndiyo serekali ya CCM ningeomba sana upinzani uendelee kuwepo.
ukifa upinzani wa kisiasa (ambao ni rasmi) kuna hatari ya kutokea ombwe na mwishowe kuibuka kwa upinzani wa kiporipori mithili ya ule wa Bokoharam!

Kumbuka. Wewe si wao na walishawahi kuwa peke yao,wanajua jinsi ya kushughulika na hilo. Usisahau huwa Kuna CCM Zanzibar na bara na kunawakati hali haiwi shwari sana,hii haiwezi kuwa sababu ya kukutakeni kwanza,pili mnapoapa kuwaua (erase) usitarajie wao waape kuwalinda.