8. “Uchumi wa JKT usingetoa ajira - ungezaa UTAIFA.”

[CHAGOSI GERALD]

Watu wengi hawajui kwamba ajira ni kitu kidogo sana ukilinganisha na utengenezaji wa utaifa. Taifa halijengwi na mishahara, halisimami kwa posho, halihifadhiwi na mabango; taifa linajengwa na umoja wa fikra, nidhamu ya kufanya kazi, na maono ya pamoja.

Na JKT - ile ya mwalimu, si hii kambi ya sasa - ilikuwa injini ya kutengeneza kitu ambacho hakuna chuo duniani kinachoweza kufundisha:
Utaifa.

JKT ilikuwa kiwanda cha roho moja, si tu ajira moja

Ajira unampa mtu kazi.
Lakini utaifa unampa mtu sababu ya kuishi, sababu ya kujitoa, sababu ya kuitetea nchi yake bila kulipwa.

Utaifa unamfanya kijana asiwe kibaraka wa vyama, mataifa makubwa, au madalali.
Anakuwa mtu anayejua:

“Kama si mimi, hakuna atakayejenga taifa langu.”

Hapo ndipo JKT ilipokuwa na nguvu ya kutisha.

Mfumo uliogopa vijana wakifikia hatua ya kusema hivyo.
Kwa sababu kijana aliyefunzwa utaifa anakuwa mgumu kununuliwa, mgumu kudanganywa, mgumu kutumiwa kama mfanyakazi wa propaganda.

Ajira iliwapa hofu.
Lakini utaifa uliwapa jinamizi.

JKT haikutakiwa kuandaa wafanyakazi

- ilitakiwa kuandaa viongozi.

Na hapa ndipo siri inafichuka:
Wanasiasa wengi mahili, wenye roho pana, wenye akili zenye uthubutu - walipita JKT.

Waliopitia halisi, ile ya zamani, si hii ya parade tu.
Hata kama leo wana mapungufu, hawana utu, ni madalali - bado akili zao, uthubutu wao, na wepesi wao wa kutengeneza hoja unatoka JKT.

Mfano?
Wapo viongozi waliokaaa JKT kwa miaka miwili, wakapitia mafunzo yaliyowafanya kuwa na uthubutu ambao watu wa kawaida hawana.

Wapo wanaharakati mahili leo wanaoweza kuzungumza kwa hoja nzito, waliowahi kuonja JKT siku zile - wakipata nidhamu ya ubongo ambayo hakuna chuo cha siasa kinachotoa.

Wapo wanasiasa wabaya sana, lakini uwezo wao wa kujenga hoja, kupambana, kuongoza, na kusimama mbele ya umati unatoka JKT.

Utaifa una tabia hii:
Humpa mtu uwezo hata kama hajaitumia kwa wema.
Hata mwizi akiwa na nidhamu ya kijeshi anaiba kama mjanja.
Hata msaliti akiwa na uzalendo wa kale anaweza kutumia vibaya ile nguvu.

JKT ilikuwa shamba la viongozi - sio shamba la ajira.

Utaifa unamzidi ajira kwa nguvu ya kiakili.
Utaifa unamfundisha kijana kuwa:
~kazi ni wajibu, sio njia ya kupata mshahara
taifa ni mali ya watu, si ya chama
~viongozi ni watumishi, si miungu
~rasilimali ni za vizazi, si za genge la watu sita
~kujitolea ni heshima, si upumbavu
~uthubutu ni wajibu, sio kiburi

Kijana mwenye utaifa ana akili ya kuuliza maswali ya msingi:

“Mbona madini yetu yako chini ya kampuni ya nje?”
“Mbona kampuni ya usafiri si ya taifa?”
“Mbona tunapeleka vijana kwenye parade badala ya viwanda?”
“Kwanini nchi yangu ionekane maskini ilhali ina kila kitu?”

Ajira haiulizi maswali haya.
Ajira hufuata maagizo.
Utaifa hufuata ukweli.

Mfumo uliogopa kizazi kilichojitambua,
Kwa sababu ukitoa vijana ambao wanajua:
-wao ndio nguvu ya taifa
-wao ndio mifupa ya uchumi
-wao ndio watunga katiba
-wao ndio watetezi wa rasilimali
-wao si makundi ya vyama bali taifa moja

basi mfumo unavunjika ndani ya wiki moja.

Hii ndiyo sababu JKT iligeuzwa kuwa kambi:
ya parade, amri, uniform na mikutano isiyozaa chochote.
Mfumo uliogopa ile taswira ya JKT ya mwalimu:
yenye viwanda, yenye mashamba, yenye makampuni, yenye benki, yenye airlines, yenye uchumi, yenye ushirika wa kitaifa, yenye vijana walio huru kiakili

Nyerere alitaka viwanda, mfumo uliweka ‘vyumba vya kulala’
JKT ilitakiwa kuwa:
“Taasisi ya Taifa la Kesho.”

Sio “mahali pa kulala kwa mujibu wa ratiba.”

Mwalimu alitaka vijana wajenge uchumi, wajitengeneze, wajimudu, waongoze sekta.
Mfumo ukabadilisha kuwa:

“kambi ya kutunza vijana”
badala ya
“taasisi ya kuzalisha viongozi na utaifa”.

Hili ndilo kosa lililotuzalia taifa linalosubiri ajira badala ya kutengeneza uchumi.

Ndiyo, Mbaya Awe Mbaya, Lakini JKT Ilishawahi Kutengeneza Miamba

Wanasiasa wengi leo ni madalali, ndiyo.
Wanaharakati wengi leo ni kelele tu, ndiyo.
Siasa ni biashara ya nje, ndiyo.

Lakini uwezo wao wa hoja, uthubutu wao, nguvu yao ya ushawishi - yote hayo yalipasuliwa JKT zamani.

Hiyo ndiyo nguvu ya utaifa.
Hata ukimpa mtu mwovu uwezo, ataonekana kama simba.
Na ukimpa mtu mzuri uwezo, atajenga taifa.

Hivyo swali halisi si “tutatoa ajira gani kupitia JKT?”
La.
Swali ni:
Tutamzalisha vipi MTANZANIA kupitia JKT?

Kwa sababu taifa bila utaifa ni genge la watu.
Lakini JKT bila ajira bado inaweza kuzaa taifa kamili.

 

[GemMaster II]

Umeandika upuuzi na mavi matupu bora sijasoma uzi wote.

Hawa viongozi wa leo ndio wamepita huko JKT tena ile JKT ya mwaka mzima na nchi imekuwa shamba la bibi,wafiraji,watekaji,kuua raia kwao ni kugusa tu.

Una habari kikwete alikuwa luten kanali wa jeshi lakini amekuwa mtu wa hovyo.

JKT ni utapeli kama utapeli mwengine na ufujaji wa kodi zetu, kazi kuwatongoza serengeti kwa kuwarubuni na kuwatishia adhabu za kubeba dunia.

 

[HARUFU]

 

[CHAGOSI GERALD]

Umeandika upuuzi na mavi matupu bora sijasoma uzi wote.

Hawa viongozi wa leo ndio wamepita huko JKT tena ile JKT ya mwaka mzima na nchi imekuwa shamba la bibi,wafiraji,watekaji,kuua raia kwao ni kugusa tu.

Una habari kikwete alikuwa luten kanali wa jeshi lakini amekuwa mtu wa hovyo.

JKT ni utapeli kama utapeli mwengine na ufujaji wa kodi zetu, kazi kuwatongoza serengeti kwa kuwarubuni na kuwatishia adhabu za kubeba dunia.

Ndio upumbavu wangu unaonekana pale ambapo hujasoma yote lakini ungesoma yote hakika ungejua wewe ni mpumbafu kiasi gani.