Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Zama Mpya: Blogu Yamu-endorse Dkt Slaa

Discussion in 'Uchaguzi Tanzania' started by KULIKONI UGHAIB, Aug 23, 2010.

  1. KULIKONI UGHAIB

    KULIKONI UGHAIB JF-Expert Member

    #1
    Aug 23, 2010
    Joined: Dec 12, 2007
    Messages: 204
    Likes Received: 30
    Trophy Points: 45
    Blogu hii ya KULIKONI UGHAIBUNI inafungua ukurasa mpya na kuweka historia ya kipekee katika fani ya habari nchini Tanzania kwa kutangaza hadharani kuwa inam-endorse mgombea urais wa Jamhuri ya Muungano wa Tanzania kwa tiketi ya Chadema,Dokta Wilbroad Slaa.

    Kuna sababu lukuki za kufanya hivyo lakini hapa nitaziorodhesha chache.Kwanza,blogu hii inataka kuachana na unafiki unaojidhihirisha katika baadhi ya vyombo vya habari vyetu ambapo wahusika wanadai hawafungamani na upande wowote lakini matendo yao yanawasuta kwa kupendelea chama tawala huku wakivibinya kwa nguvu baadhi ya vyama vya upinzani.Hapa simsimangi mtu bali nadhani ni vema kuweka msimamo wazi ili kama chombo cha habari ni wakala wa CCM na JK basi ni vema wasomaji wakafahamishwa bayana.

    Pili,blogu hii inaamini kuwa kila Mtanzania mwenye uchungu wa dhati kwa nchi yetu anapaswa kumsapoti Dkt Slaa.Katika utumishi wake kwa umma,mgombea huyo wa Chadema ametuthibitishia kuwa ni mtetezi halisi wa haki za wanyonge na ustawi wa taifa letu.Ni nani asiyefahamu namna Dkt Slaa alivyohatarisha maisha yake kwa “kuwavua nguo mafisadi hadharani” alipotangaza ile “list of shame”?Walitishia kumpeleka mahakamani lakini hakuna mmoja wao aliyediriki kufanya hivyo,na sanasana baadhi yao wakaishia kuburuzwa mahakamani na serikali katika “kujikosha”.Blogu hii inaamini kuwa Dokta Slaa ni mkombozi na suluhisho mwafaka la matatizo lukuki yanayotukabili.

    Tatu,binafsi naamini kuwa mgombea wa CCM,Jakaya Mrisho Kikwete,ameshindwa kabisa kutimiza matarajio ya Watanzania licha ya ahadi lukuki alizozitoa wakati wa kampeni zake mwaka 2005 na anazoendelea kuzitoa hadi leo.Ungetegemea kuwa mwezi huu wa toba Kikwete angemwogopa Mola wake na kutubu kwa Watanzania kwamba kuna maeneo mengi tu ambapo yeye na chama chake wamewaangusha Watanzania.Lakini kama ilivyo jeuri ya wanasiasa wengi wa Kiafrika,JK ameendeleza wimbo wa “mafanikio ya Awamu ya Nne”.Yani hata kushamiri kwa ufisadi na “uchakachuaji” wa kura za maoni ndani ya CCM ni mafanikio!

    Sababu ya nne inashabihiana na hiyo ya tatu.Naamini kuwa afya ya mgombea wa CCM,Jakaya Kikwete,inapaswa kuwekwa kwenye darubini na wapiga kura wanapofanya maamuzi ya kumchagua rais wa awamu ya tano.JK ameshaanguka hadharani mara tatu na kila mara tunapewa excuse moja baada ya nyingine.Mwaka 2005 tuliambiwa “swaumu na uchovu wa kampeni”.Alipoanguka Mwanza tuliambiwa uchovu wa safari (kana kwamba safari hizo ni zile za Wamachinga wanaotembea juani kwa mguu!).Na jana kaanguka tena jukwaani halafu tunaambiwa sababu ni swaumu.Kwani Makamba hajafunga?Au Rais Karume naye “kobe”?Kuna tatizo zaidi ya swaumu au uchovu lakini kwa vile viongozi wetu wamezowea sifa na sio kasoro basi kuweka hadharani kinachomsibu kiongozi huyo inaonekana ni sawa na uhaini.Blogu hii imaanimi kuwa ili Tanzania ijikwamue katika lindi la umasikini wa kutupwa,sambamba na kukabiliana na janga la ufisadi,tunahitaji kiongozi mwenye afya timilifu,kimwili na kiakili.Hatujui JK ameshaanguka matra ngapi asipokuwa hadharani lakini haihitaji hata cheti cha short course ya utabibu kumaizi kuwa JK ana matatizo ya kiafya yanayofichwa,aidha kutokana na uoga wa wanaopaswa kuujulisha umma kuhusu hilo au maagizo yake mwenyewe kuwa “yuko fiti”.All in all,uzito wa matatizo yanayoikabili Tanzania unahitaji mtu aliye fiti kweli,na sio kwa anavyodhani yeye au anavyotaka umma uamini hivyo ilhali ni kinyume na hali halisi.

    Kama nilivyoandika mwanzoni,kuna sababu nyingi zilizopelekea blogu hii kuamua kum-endorse Dkt Slaa lakini chache zilizotajwa hapo juu zinawakilisha hizo nyingine.Nawakaribisha ndugu zangu wa Chadema kuitumia blogu hii kufikisha habari kwa Watanzania pasipo hofu ya kuwa habari hizo zitachujwa,kuminywa au “kuchakachuliwa”.

    Natambua bayana kuwa baadhi ya wasomaji wa blogu hii sio wafuasi wa Dkt Slaa au Chadema lakini napenda kuwakikishia kuwa endorsement hii haimaanishi kashfa,matusi,dharau au mambo yasiyofaa dhidi ya wagombea wa vyama vingine.Kuweka wazi msimamo wangu haimaanishi chuki dhidi ya vyama hivyo na wagombea wake bali ni imani yangu kuhusu nani anayeweza kuipatia Tanzania “uhuru wa pili” (mapambano dhidi ya Watanzania wenzetu wanaotafuna raslimali zetu zaidi ya alivyofanya mkoloni).

    Mwisho,nawahamasisha bloga wenzangu na vyombo vingine vya habari kwa ujumla kuweka bayana misimamo yao ili kuepuka lawama zinazoweza kujitokeza pale habari za vyama flani zinaponyimwa fursa katika vyombo hivyo.Endorsement ya mgombea au chama ni jambo la kawaida katika nchi za Magharibi lakini hii ni mara ya kwanza kwa chombo cha habari cha Kitanzania kufanya hivyo,na kwa hakika najivunia kuweka historia hiyo
     
  2. PakaJimmy

    PakaJimmy JF-Expert Member

    #2
    Aug 23, 2010
    Joined: Apr 29, 2009
    Messages: 16,234
    Likes Received: 103
    Trophy Points: 160
    Yup, blogu hii imewasili katika wakati sahihi, na sijaona kitu tofauti na ukweli kumhusu Slaa!

    Kwa mtu kama JK huwezi kuandika kwa ufasaha habari zake coz he keeps changing overnight!
    Leo Atakwambia sihitaji kura za wafanyakazi, kesho anasema hakumaanisha hivyo..oooops!..
     
  3. M

    MC JF-Expert Member

    #3
    Aug 23, 2010
    Joined: Oct 5, 2007
    Messages: 740
    Likes Received: 12
    Trophy Points: 35
    Asante Mkuu,

    Tuko pamoja!
     
  4. B

    BENSON MSEMWA Member

    #4
    Aug 23, 2010
    Joined: Aug 10, 2010
    Messages: 30
    Likes Received: 0
    Trophy Points: 0
    ana hofu ya mungu ambayo itamsaidia kuwatumikia wananchi vyema kwani hana roho mtakavitu bali mtakatifu
     
  5. Quinine

    Quinine JF-Expert Member

    #5
    Aug 23, 2010
    Joined: Jul 26, 2010
    Messages: 6,493
    Likes Received: 2,504
    Trophy Points: 280
    Asante KU, nimetembelea blog yako lakini sijaona sehemu ya ku log in au ni mtu yeyote tu anaweza kupost bila hata kuwa member, kitu kingine jaribu kuweka back ground ya page rangi nyingine sidhani kama rangi nyeusi pale inafaa,

    another thing mbona nimeona kuna topic moja tu je kama unataka kupost topic tofauti utafanyaje, ni hayo kwa sasa, but it is a good idea to be open, kuliko kubaki unasena media yangu haifungamani na itikadi yeyote ilhali matendo ni tofauti kabisa, kwa hilo nakupongeza.

    nakumbuka hata kwenye uchaguzi uliopita wa UK gazeti moja mashuhuri nchini humo 'THE SUN' kwenye dakika za mwisho liligeuka ghafula na kum endorse Cameron na chama chake na kuwaacha watu wakishangaa akiwemo ex PM Brown, shukran.
     
  6. The Son of Man

    The Son of Man JF-Expert Member

    #6
    Aug 23, 2010
    Joined: Feb 9, 2010
    Messages: 10,952
    Likes Received: 357
    Trophy Points: 180
    Big up!
     
  7. Nyani Ngabu

    Nyani Ngabu Platinum Member

    #7
    Aug 23, 2010
    Joined: May 15, 2006
    Messages: 65,138
    Likes Received: 16,102
    Trophy Points: 280
    Safi sana! Huu ndio ujasiri ninaoupenda.
     
  8. Kiranga

    Kiranga JF-Expert Member

    #8
    Aug 23, 2010
    Joined: Jan 29, 2009
    Messages: 34,583
    Likes Received: 5,629
    Trophy Points: 280
    Mazee blogger,

    How do you say "endorse" in Swahili ? If you want to tell people that you are knowledgeable and influential enough to officially endorse a presidential candidate, you should at least have a working command of their language.
     
  9. M-mbabe

    M-mbabe JF-Expert Member

    #9
    Aug 23, 2010
    Joined: Oct 29, 2009
    Messages: 2,842
    Likes Received: 747
    Trophy Points: 280
    hakumaanisha hivyo = alikuwa ANATANIA
    Ahahahaaaa!!!

     
  10. m

    mwita ke mwita JF-Expert Member

    #10
    Aug 23, 2010
    Joined: Aug 13, 2010
    Messages: 4,181
    Likes Received: 528
    Trophy Points: 280
    safi sana kwa globu hii nimeitembeleo ila inabidi waiboreshe zaidi iwe kisayansi
     
  11. PakaJimmy

    PakaJimmy JF-Expert Member

    #11
    Aug 23, 2010
    Joined: Apr 29, 2009
    Messages: 16,234
    Likes Received: 103
    Trophy Points: 160
    In short it has been understood, disregarding that word on the heading!...anyone very conversant with swahili version please do the needful!
     
  12. Nyani Ngabu

    Nyani Ngabu Platinum Member

    #12
    Aug 23, 2010
    Joined: May 15, 2006
    Messages: 65,138
    Likes Received: 16,102
    Trophy Points: 280
    Endorse = (ku)unga mkono/ fagilia
     
  13. Kibunango

    Kibunango JF-Expert Member

    #13
    Aug 23, 2010
    Joined: Aug 29, 2006
    Messages: 7,558
    Likes Received: 122
    Trophy Points: 160
    Mambo ya kawaida haya, cha ajabu sijakiona bado!
     
  14. Nyani Ngabu

    Nyani Ngabu Platinum Member

    #14
    Aug 23, 2010
    Joined: May 15, 2006
    Messages: 65,138
    Likes Received: 16,102
    Trophy Points: 280
    Say that in English...
     
  15. Sir R

    Sir R JF-Expert Member

    #15
    Aug 23, 2010
    Joined: Oct 23, 2009
    Messages: 2,177
    Likes Received: 2
    Trophy Points: 135
    Nafarijika kuona kuna wenye ujasiri wa kumuunga mkono mgombea wa kambi ya upinzani kupitia chombo chake cha habari.

    Naomba rangi ya background isiwe nyeusi, inaumiza macho.
     
  16. Kiranga

    Kiranga JF-Expert Member

    #16
    Aug 23, 2010
    Joined: Jan 29, 2009
    Messages: 34,583
    Likes Received: 5,629
    Trophy Points: 280
    Kuunga mkono ni "support" ambayo si sawa na "endorse". Kufagilia ni slang/ colloquial, na hata ukiikubali ni support zaidi ya endorse.

    Nipeni mji.
     
  17. Kachanchabuseta

    Kachanchabuseta JF-Expert Member

    #17
    Aug 23, 2010
    Joined: Mar 8, 2010
    Messages: 7,290
    Likes Received: 3
    Trophy Points: 135
    big up

    Slaa is our hope
     
  18. Nyani Ngabu

    Nyani Ngabu Platinum Member

    #18
    Aug 24, 2010
    Joined: May 15, 2006
    Messages: 65,138
    Likes Received: 16,102
    Trophy Points: 280
    Neno moja linaweza likawa na maana zaidi ya moja kutegemea na muktadha wa matumizi.

    Hivi ku endorse check ni sawa na kum endorse candidate?

    Hebu ona hapa:

    for 'endorse': 1

    -ridhia verb Root -ridhi accept, endorse, support, back up, agree, concur, consent, approve, agree to

    -ridhi verb consent, approve
    kuridhia infinitive Stem -ridhia

    Halafu kuna sehemu nimeona maana yake ni ku "idhinisha"....Sasa wasemaje bwana Kiranga....

     
  19. Nyambala

    Nyambala JF-Expert Member

    #19
    Aug 24, 2010
    Joined: Oct 10, 2007
    Messages: 4,468
    Likes Received: 10
    Trophy Points: 135
    Mkuu unaonaje ukitutafsiria, sounds like you know the word in question ila unasubiri kupewa mji!
     
  20. Nyani Ngabu

    Nyani Ngabu Platinum Member

    #20
    Aug 24, 2010
    Joined: May 15, 2006
    Messages: 65,138
    Likes Received: 16,102
    Trophy Points: 280
    Tafsiri ya moja kwa moja sidhani kama utapata inayoridhisha na ndio maana nikasema ni muhimu sana kuangalia muktadha la sivyo vitu vitakuwa lost in translation...
     
Loading...