Zitto, Mdee na Heche, wahojiwa na Kamati ya Bunge ya Haki, Kinga, Maadili na Madaraka ya Bunge

[singidadodoma]

MBUNGE wa Kigoma Mjini, Kabwe Zitto (ACT-Wazalendo) na wenzake wawili, jana wamehojiwa na Mwenyekiti wa Kamati ya Bunge ya Haki, Kinga, Maadili na Madaraka ya Bunge, George Mkuchika kwa kufanya fujo bungeni kuhusu suala la Bunge kutorushwa ‘live’.

Mbali na Zitto, wengine waliohojiwa ni pamoja na Mbunge wa Kawe, Halima Mdee (Chadema) na Mbunge wa Tarime Vijijini, John Heche (Chadema). Wabunge hao walihojiwa kwa tuhuma za kufanya fujo bungeni wakati ilipotolewa hoja ya Bunge kutorushwa moja kwa moja ‘live’, akiwa pamoja na wabunge wawili; Mdee na Heche.

Chanzo cha uhakika kutoka ndani ya kamati hiyo, kimesema Zitto alihojiwa na kamati hiyo kwa muda wa zaidi ya saa moja kwa makosa mbalimbali, ikiwamo kufanya fujo bungeni Januari 27, mwaka huu.

Habari Leo

Taarifa hizo zilieleza kuwa Zitto alifanya fujo hizo baada ya Mwenyekiti wa Bunge, Andrew Chenge, kuahirisha kujadili hoja ya serikali iliyowasilishwa na Waziri wa Habari, Utamaduni, Sanaa na Michezo, Nape Nnauye, kuhusu Bunge kutorushwa ‘live’.

Hatua hiyo inatokana na hoja iliyowasilishwa na Zitto aliyetaka kuahirishwa kujadili hotuba ya Rais kutokana na kauli ya Waziri Nape ya kutorushwa matangazo ya moja kwa moja ya Bunge.

Zitto, alihojiwa na kamati hiyo ya Mkuchika kwa kilichoelezwa alisimama na kuomba mwongozo kuhusu jambo ambalo limekwishatolewa uamuzi kinyume na Kanuni ya 72 (1) na 68 (10 ya Kanuni za Kudumu za Bunge toleo la Januari 2016.

Mbali na hilo pia anadaiwa kusimama na kuzungumza bila utaratibu kinyume na Kanuni ya 60 (2) na 12 ya Kanuni za Kudumu za Bunge, jambo ambalo lilileta fujo na kuvunja shughuli za Bunge.

Katika barua za mwito zilizosainiwa na Katibu wa Bunge, Dk Thomas Kashilillah, Mei 12, mwaka huu, inaelezwa kwamba pamoja na mambo mengine na Mwenyekiti wa Bunge kumsihi mbunge huyo bado aliendelea kuzungumza na kusimama ikiwa ni kuonesha dharau kwa mamlaka ya Spika na shughuli za Bunge kinyume na kifungu namba 24 (d) na (e) cha Sheria ya Kinga na Haki za Bunge.

Barua hiyo ilieleza kuwa kutokana na vitendo hivyo vinavyokiuka Sheria ya Haki, Kinga na Madaraka ya Bunge, Sura namba 296 na Kanuni za Bunge, wabunge hao walionywa kuwa endapo wasingefika mbele ya kamati hiyo jana hatua za kisheria zingechukuliwa dhidi yao kwa mujibu wa kifungu cha 15 na 31 (1)(a) na sheria ya Kinga, Madaraka na Haki za Bunge.

 

[tajirijasiri]

Yaani Chenge wa Escrow na Rada amekuwa na haki zaidi kuliko Haki ya Wananchi kupata matangazo ya Bunge live?

Kumbe Haki ni kwa Watuhumiwa wa Rushwa na Ufisadi Tu?

Mbona kwenye kutumbua majipu hazifuatwi hizo Sheria kanuni na Taratibu za Utumishi wa umma?

Chama Cha Majipu (CCM) kimekosa pumzi.

 

[kiloriti]

Hiyo,ndo,serikali ya HAPA UNAFIKI TU

 

[katibu wa jamii]

Hii ndio Tanzania

 

[babtut]

Vitu vingine vinachekesha na kusikitisha

 

[Simiyu Yetu]

Wajibu tuhuma zao hakuna kuwachekea kabisa walizoea kutunga uongo.

 

[mwita ke mwita]

YAANI CHENGE NDIE PILATO

 

[mzalendo15]

Bila kusahau kwa hisani ya "Nimesoma sheria, Sheria naijua!!! a.k.a mita 200.
Kweli wamefanikiwa kutetea maslahi ya chama.

 

[Emc2]

Halafu hiyo ya kinga ya bunge imekaa vibaya sana. Hawa wajichunge maana kinga inaweza ikaondilewa na ukawa kama raia. Mbunge anakinga akimheshimu spika maana spika ndiye kinga ya wabunge.

Ndugai anawapa semina za mwisho mwisho na baada ya hapo kanuni zitaanza kutumika kisawa sawa. Na wakileta vya kuleta kinga itaondolewa.

 

[Yohana Kilimba]

CCM WHY,MNAPENDA KUJIDHALILISHA?

 

[Shark]

YAANI CHENGE NDIE PILATO

Mkuu hii ingependeza kama ungeiandika hivi, yule waliyemkamata wizi wa escrow na radar ndo pilato wao

 

[Gut]

Halafu hiyo ya kinga ya bunge imekaa vibaya sana. Hawa wajichunge maana kinga inaweza ikaondilewa na ukawa kama raia. Mbunge anakinga akimheshimu spika maana spika ndiye kinga ya wabunge.

Ndugai anawapa semina za mwisho mwisho na baada ya hapo kanuni zitaanza kutumika kisawa sawa. Na wakileta vya kuleta kinga itaondolewa.

Acha mikwara ya kichaa cha dogi.

 

[MUGASHA THE HERO]

hivi cku hizi ukiongea fact unaonekana unaleta vurugu? daaaaaaaa Tanzania yangu cjui yaelekea wapi sasa

 

[Bujibuji Simba Nyamaume]

Halafu hiyo ya kinga ya bunge imekaa vibaya sana. Hawa wajichunge maana kinga inaweza ikaondilewa na ukawa kama raia. Mbunge anakinga akimheshimu spika maana spika ndiye kinga ya wabunge.

Ndugai anawapa semina za mwisho mwisho na baada ya hapo kanuni zitaanza kutumika kisawa sawa. Na wakileta vya kuleta kinga itaondolewa.

Ndio mbinu yenu ya kudhibiti upinzani?

 

[Zero Hours]

Tanzania ya viwanda ipo kwenye hpa kaz 2.

 

[Gut]

Tanzania ya viwanda ipo kwenye hpa kaz 2.

Mkuu viwanda vya nadharia labda.

 

[KIHIYERENI]

Wizara ya bunge la bunge jmt.

 

[Mkumbwa Jr]

Halafu hiyo ya kinga ya bunge imekaa vibaya sana. Hawa wajichunge maana kinga inaweza ikaondilewa na ukawa kama raia. Mbunge anakinga akimheshimu spika maana spika ndiye kinga ya wabunge.

Ndugai anawapa semina za mwisho mwisho na baada ya hapo kanuni zitaanza kutumika kisawa sawa. Na wakileta vya kuleta kinga itaondolewa.

 

[Mkumbwa Jr]

Andiko lako sijalielewa mkuu

 

[Safari_ni_Safari]