Yamebaki masaa Nani bingwa England leo?

[Kibo10]

Pazia la Ligi Kuu England linafungwa leo jioni kwa michezo yote 10 kupigwa katika muda mmoja, ambapo burudani zaidi ni kupatikana kwa bingwa katika michezo ya mwisho.

England inakuwa miongoni mwa ligi chache zilizomalizika hadi sasa kwa mshindi kujulikana baada ya mechi za mwisho wa msimu, ambapo Manchester City wanapewa nafasi kubwa kutokana na wingi wa mabao yao na kuwa kileleni mwa msimamo wa Ligi Kuu England.

Kabla ya michezo ya leo, Manchester City iko kileleni ikiwa na pointi 83, ikiwa na pointi mbili juu ya Liverpool, ambao wanaomba City ifungwe katika mchezo huo dhidi ya West Ham nao waishinde Newcastle leo ili watwae ubingwa.

Kocha wa City, Manuel Pellegrini alisema: “Natarajia kushinda. Hatufikirii kupata pointi moja pekee bali tunataka kushinda kabisa. Tutaifunga West Ham na kutwaa ubingwa.”

Lakini Kocha wa West Ham, Sam Allardyce ‘Big Sam’ hana mpango wa kuiachia City kirahisi kutwaa ubingwa, huku akitaka kumpa raha nahodha wa Liverpool, Steven Gerrard kutwaa taji lake la kwanza la Ligi Kuu katika maisha yake.

 

[Skype]

Kiukweli mechi itakua ngumu sana kwa Man city dhidi ya wagonga nyundo west ham. Nasema hivi kwa kua sioni uwezekano wa man city kumfunga kirahisi west ham vilevile bado west ham wanaonekana kuwa wazuri na lolote laweza kutokea. Ikitokea man city wakaanza kufungwa basi hawataweza kurudisha goli/magoli kiurahisi na huenda wakapoteza mchezo.

Upande wa pili Liverpool wanayo nafasi ya kushinda mchezo wa leo dhidi ya newcastle endapo tu watafanikiwa kupata magoli ndani ya dk 45 za kwanza na endapo tu wataweza kurejea na nguvu ileile ya kipindi cha kwanza maana wana tatizo la kuchoka sana kipindi cha pili na hawana wachezaji mbadala wa uhakika.

Yote kwa yote nategemea mechi hizi mbili kutawaliwa na kasi kubwa na shinikizo la hali ya juu kwa kila timu, hasa man c na liva, la kutaka kushinda.

Tusubiri dakika 90 ila nashawishika kusema kua kuna uwezekano mkubwa sana kwa Man city kutwaa taji kwa kua anahitaji sare ya aina yoyote ile.