Mtambuzi
Platinum Member
- Oct 29, 2008
- 8,809
- 15,443
Ukipita nje ya nyumba hizo za ibada na kusikia sauti inayopazwa kwa nguvu na msisitizo ikisema "Bwana Yesu Asifiwe" na waumini wakiitikia kwa shwangwe na vigelegele "amen" unaweza kuhamasika na kuona kweli watu wameamka na wanamtafuta Mungu kupitia kwenye makanisa haya yanayochipua kila uchao, lakini kumbe nyuma ya kauli hizo kuna matendo ya dhulma kwa wanyonge wanaojinyima na kumtolea Mungu ambapo jasho lao hilo linaishia kwa viongozi wao waliojivika utukufu wakati ni mbwa mwitu waliojivika ngozi ya kondoo.
Kwa nchini Marekani wenzetu wana mfumo mzuri wa kufatilia sadaka zinazotolewa na waumini katika makanisa ya jamii yao na katika utafiti ulifanywa hivi karibuni umebaini ubadhirifu mkubwa uliofanywa katika makanisa kumi ya Wamarekani wenye asili ya Afrika nchini humo.
Katika utafiti uliofanywa na taasisi moja ya BSL Consumer Expenditure Survey ilibaini kwamba Wamarekani wenye asili ya Afrika hutumia kiasi cha dola 683 kwa mwaka kwa ajili ya michango ya kiimani ambapo yaweza kuwa ni zaka na sadaka. kwa hiyo katika utafiti huo taasisi hiyo imebaini kwamba tangu mwaka 1980 makanisa ya Wamarekani wenye asili ya Afrika nchini humo yalijikusanyia kiasi cha dola 420 bilioni kutoka kwa waumini wake, na kama unaamini kwamba michango hiyo imetumika katika shughuli halali za kanisa, bila shaka utakuwa unajidanganya.
Hapa chini kuna makanisa kumi nchini humo yametajwa kuwa yamefanya ubadhirifu mkubwa katika matumizi ya fedha za zaka na sadaka kutoka kwa waaumini wake.
Goodwill Baptist Church (South Carolina)
Pasta John Albert Jackson Sr. 63, hajasalimika katika kashfa hii, waumini wa kanisa hilo lililoko katika viunga vya Madison S.C waligundua upotevu wa dola 66,657 wakati wa kipindi cha uongozi wake katika kanisa hilo uliodumu wka miaka 19. baada ya kubanwa na wazee wa kanisa hili kuhusu upotevu huo wa kiasi kikubwa cha dola, Pasta huyo alijiuzulu hapo mnamo mwaka 2011.
Hata hivyo kujiuzulu kwake hakukumnusuru, kwani mnamo gosti 2013 yeye na mwanaye wa kiume walifunguliwa mashitaka kujibu tuhuma hizo
City of Refuge Presbyterian Church (Texas
Kanisa hili lilipata kashfa ya upotevu wa kiasi cha dola 200,000 na Pasta wa kanisa hilo Russeli Thomas, 55, hakuepuka kunywa kikombe hicho, ilibainika kwamba alikuwa ameficha kiasi cha dola 284,503 katika akaunti yake ya siri kwa kipindi cha miaka miwili. Hata hivyo alikamatwa na kufunguliwa mashitaka kwa wizi huo, na sasa anaomba aonewe huruma na baraza la wazee wa kanisa hilo
New Birth Baptist Church (Georgia)
Hapa kulikuwa na ule mchezo wa DECI, bwana mmoja aliyetajwa kwa jina la Ephrem Taylor ambaye awali alitambulishwa katika kanisa hilo na Pastor Eddie Long alianzisha utapeli aina ya DECI ambapo kwa wenzetu huko Marekani wanauita Ponzi Scheme, na jina hilo lilitokana na Muitaliano mmoja huko nchini Marekani aliayeanzisha utapeli huo miaka ya 1930, na kuishia kufungwa. Awali kijana wa kiume wa mchungaji huyo alijizolea kiasi cha dola 11 Milioni, kutoka katika matawi ya kanisa hilo yaliyopo katika majimbo takriban 40. Hata hivyo Taylor naye kwa kutumia utapeli wake wa DECI alimshawishi mama mmoja ambaye alikuwa ni muumini wa kanisa hilo kuwekeza kisi cha dola 122,000 kama mpango wa akiba yake ya maisha kwa ahadi ya kuja kuvuna baadaye, lakini Taylor alitoweka na kiasi hicho kusikojulikana, na taarifa za utapeli huo zilikuja kuvuja mwaka 2012. katika hukumu yake dhidi ya Taylor, Jaji alimhukumu alipe kiasi hicho cha fedha
Life Reach Ministries (Illinois)
Mchungaji Howard Richmond, 53, anayemiliki kanisa hilo katika viunga vya mji wa Aurora. Huyu bwana alikuwa na ndoto kubwa kubwa katika malengo yake. Huyu aliwashawishi waumini wake wasaidie kuchangia mradi mkubwa kwa ajili ya kanisa lake, ambapo muumini mmoja alimpa kiasi cha dola milioni moja. walimuamini sana na walijua huyo ndiye kiongozi wao na waliamini kwamba ni mtu muaminifu anayesimamia maandiko matakatifu. wakati waumini wakatarajia mradi huo wa kanisa utakua na kuanza kuwanufaisha, lakini mchungaji huyo aliutelekeza mradi huo na kuanza maisha ya kifahari kwa kujinunulia magari ya thamani, vito vya thamani na sfari za kitalii katika visiwa vya Hawaii huku akiw ana matumizi makubw ana ya fujo katika mahotekli makubw aya kifahari. safari yake ya kustarehe ilikoma baada ya kuhukumiwa kifungo cha miaka 12 jela.
Macedonia Baptist Church (ohio)
Katika kanisa hili Mchungaji Quentin L. Respress, 44, alipatikana na hatia ya ubadhirifu wa kiasi cha dola 54,081, kwa matumizi yake mwenyewe. katika hukumu ya kesi yake aliamriwa kulipa kiasi cha dola 54,000.
New Mt. Zion Missionary Baptist Church (Florida)
Hapa Pasta Joe Seephis Hardie, 68, alijizolea kiasi cha dola 100,000 kutoka katika kanisa hilo. mnamo Agosti 2013 alipatikana na hatia ya matumizi mabaya ya fedha na kusafirisha fedha harama kuanzia mwaka 2007, 2008 na mwaka 2009.
Bethel Institutional Missionary Baptist Church (Texas)
Pasta Charles Gilford na mkewe Adriane Gilford hawa waliiba kiasi cha dola 430,000 kutoka katika kanisa hilo. Walishitakiwa kwa kosa hilo.
St. Paul Christian Methodist Episcopal Church (Illinois)
Pasta Bernard Johnson, 47, huyu alifuja kiasi cha dola 50,000 kuanzia mwaka 2008 hadi mwak 2010 na mwezi uliopita alihukumiwa kifungo cha miaka 15 gerezani, hata hivyo aliamriwa kulipa kiasi cha dola 10,000
New Hope Missionary Baptist Chuch (Florida)
Pasta John Murff, 37, huyu alijichotea kiasi cha dola 5,567 katika kanisa hilo kwa matuimizi yake binafsi ya kulipia bili za umeme na muda wa hewani wa simu zake za mkononi pamoja na matumizi mengine. Aliachiwa kutoka gerezani mnamo May 2014 baada ya kulipa dhamana ya kisai cha dola 1,000.
Hilltop Apostolic Church (California)
Pasta Bruce Anthony Stark alifanya ubadhirifu katika kanisa hilo wa kiasi cha dola 100,000 na ubadhifu huo unahusicha pia wizi wa fedha, magari na kipande cha ardhi cha kanisa hilo. Pasta huyu alihukumiwa kifungo cha miaka mitatu jela
Kwa hisani yenu naomba Mods msiuhamishie huu uzi katika jukwaa la dini........
CC: Asprin, Nyani Ngabu, Kiranga, snowhite, Fixed Point, Husninyo, The Boss, Mr Rocky, Arushaone, Mungi, ayanda, mwekundu, Pasco, ICHANA, miss neddy, miss chagga, Kongosho, Munkari, MankaM, Tina, Tina, sister, Paloma, Kaizer, Ruttashobolwa, Mentor, kabanga, Elli
