Wizi mkubwa wa Laptop mabasi ya Iringa-Dar

[Bill Ricky]

Kupitia huduma ya mitandao ya kijamii Dr. Felician B. Kilahama, anayo masikitiko makubwa sana kutokana na kitendo cha baadhi ya watu wasiokuwa na nia njema walisababisha apoteze begi lake lililokuwa na vifaavyake muhimu sana.

Hali hii ilitokea tarehe 06 Julai 2014 akiwa njiani kutoka Iringa na ilikuwa kati ya Morogoro na Picha ya ndege-Kibaha ilipodhihirika kuwa hilo begi ambalo lilikuwa na vifaa muhimu likawa halipo sehemu ambako alilihifadhi.

Vifaa hivyo ni pamoja na: Laptop computa, camera (canon ndogo), kisanduku cha miwani ya kusomea kikiwa na miwani pamoja na modems za internent mbili: Voda na Zantel, funguo za nyumbani, simu yenye njia mbili: tigo na zantel, flash discs kadhaa, nyaraka muhimu na dawa kadhaa za kisukari na BP.Kusema kweli hali ya kuibiwa kwa begi hiyo ilijulikana baada ya kufika Picha ya ndege Kibaha na kijana mmoja akawa anateremka hapo na akasema amaibiwa computa yake.

Ndipo Dr. Kilahama aliposhtuka na akaangalia sehemu aliyokuwa amehifadhia begi lake ikawa halioni na kutafuta kila sehemu bila ya mafanikio. Hivyo kuashiria kuwa limeibiwa.Pia Msafiri mwingine naye akaona sehemu alipoweka comuta yake haipo loooo! kikawa ni kilio.

Inasemekana wanaume wawili waliteremkia sehemu ya Mlandizi na kwa kuwa ilikuwa saa tatu usiku na ilikuwa giza lakini baadhi ya abiria waliowaona wameteremka na mabegi yanayodhaniwa kuwa ni hayo yaliyoptea.Kwa hali hiyo wakazi wa Mlandizi wanaombwa kuwa wadadisi kwa watu watakaoonekana wakiuza vitu kama hivyo.

Waliochukua vitu hivyo wanefanya kitendo cha kinyama na nidhahiri kuwa hawatatumia vitu hivyo bali watauza.Wakazi wa Mlandizi na maeneo mengineyo wanatahadharishwa kuwa waangalifu katika hili.Watakao ona dalili zozote za picha au nyaraka zinazohusu Dr. Kilahama watoe taarifa kwa kituo cha karibu –Police au kwa viongozi wa eneo husika.

Pia ikitokea kuwa nyaraka au dawa zimetupwa mahali tafadhali peleka kwa viongozi au kituo cha polisi au piga simu 0783 007400 au 0756 007400.

Tafadhali sana tushirikiane katika hili na tufichue wahalifu wa aina hii. Yeyeote atakayeoneka ametumia picha kutoka kwa camera iliyoibiwa au kukutwa na nyaraka zisizomhusu ajiulize mara mbili hali itakuwaje?

Asante sana kwa ushirikiano wenu mzuri.

 

[masopakyindi]

Pole sana Dr Kilahama, unajulikana sana kwa uanaharakati wako wa kutunza uoto wa asili.
Hata hivyo nakulaumu kwa kutumia usafiri usio na hadhi yako, najua ni hali ya kazi na maisha.

Lakini kupoteza vifaa hivyo muhimu kwa kazi yako, hasa content za uafiti ni hasara kubwa sana.
Nakushauri wakati mwingine hata kukodi gari kwa laki tatu au nne ni gharama ndogo kuliko uthamani wako.

 

[Sometimes]

Pole sana Dk. Kilahama. Wenye mabasi ya abiria wangekuwa na utaratibu wa kuweka tags kwa kila mzigo wa abiria, angalau ungepunguza kwa kiasi wizi kama huo! (japo tunaambiwa hata kwenye ndege, mizigo yenye tags nayo huwa inapotea)

 

[SHIEKA]

Pole sana Dr Kilahama. Yameshatokea la kufanya ni sisi kujifunza kutokana na mkasa wako.
Mimi nasafiri sana na laptop yangu siiachi nyuma na haijapata kuibwa.Pengine ninalofanya limesaidia
kuokoa laptop yangu isiibwe.Kama nasafiri na bus nafanya yafuatayo:
1. Kamwe siachi begi la laptop lionekane hadharani.
2. Natafuta boksi lenye ukubwa wa kubeba laptop.Naiweka laptop humo.Ikibaki nafasi najazia matambara na kufunga boksi vizuri kwa kamba ya kudu.
3.Naweka boksi kwenye luggage rack ya bus kama kawaida.
4. Kila bus linaposhusha abiria macho yangu yote nayaweka kwenye boksi.
Naamini kabisa huu mtindo umeokoa laptop yangu kwenye safari za mabus. Ninaamini ningening'iniza begi
la laptop begani ingeshanyakuliwa siku nyiiiingi maana zinaibiwaga mno.

 

[MESTOD]

Dah, inahuzunisha sana. Nakumbuka mwaka 2009 niliishawahi ibiwa kwa namna hiyo hiyo, gari iliharibika kibaha, baada ya kutengamaa nikashituka kuona flash iliyokuwa kwenye beg la laptop ipo kwenye kiti.

Hawa huwa wapo kazini, siyo wote kwenye mabasi ni wasafiri, wengine hizo ni ofisi zao!

 

[SHIEKA]

Pole sana Dk. Kilahama. Wenye mabasi ya abiria wangekuwa na utaratibu wa kuweka tags kwa kila mzigo wa abiria, angalau ungepunguza kwa kiasi wizi kama huo! (japo tunaambiwa hata kwenye ndege, mizigo yenye tags nayo huwa inapotea)

Kwenye ndege ndo kabisaa! Wafanyakazi wa uwanja wa ndege ni maexpert wa kuchomoa vitu vya thamani kwenye mabegi. Kuna staili yao ya kuchakachua zip za mabegi (sitoisema hapa) na kuchukua akitakacho.

 

[mfianchi]

Mimi niliwahi kuibiwa laptop,camera,simu,pasipoti na nyaraka nyingine kwenye basi pale Arusha stand asubuhi ndani kulikuwa na abiria kama watano hivi sasa nilikuwa na mizigo mingi nilipokaa kwenye kiti na kuanza kupanga mizigo mingine nikawa nimeweka bag la laptop juu yangu kwenye carrier kile kitendo cha kugeuka sikuona beg la laptop tena na hata nilipowabana jamaa waliokaa nyuma yangu waksema nao hawajaona.Tokea wakati huo nikibeba laptop au kitu cha maana napakata kama mtoto mchanga.

 

[Kigogo]

Huyu si mkurugenzi wa wizara huyu? Gari lake la kazini liko wapi mpaka anapanda basi tena usiku? Ona sasa wameiba dawa zake za kisukari na flas kadhaa