Mtambuzi
Platinum Member
- Oct 29, 2008
- 8,809
- 15,443
Mwaka 1990 wakati nafunga ndoa na mume wangu sikutarajia kwamba , ningekuja siku moja kumfumania na mwanamke yeyote. Alianza kunisimulia mama huyu, ambaye hapa ningependa mumfahamu kama mama Sikuzani. Alishusha pumzi na kisha kuendelea na simulizi yake ya mkasa uliompata muongo mmoja uliopita
Huyu mwanamke alikuwa ni mama wa mtoto mmoja. Hakuwa na ndoa na kazi yake ilikuwa ni kutumwa kufanya kazi za watu pale mtaani na kulipwa kidogo. Kazi kama kuchota maji, kulimia bustani na nyingine za aina hiyo. Alikuwa ni mwanamke ambaye amejipiga mahuru, yaani hakuwa anajali sana kuhusu mwili wake wala nguo.Sifa yake kubwa ni makalio makubwa tu, lakini hakuwa na sura wala kitu kingine ambacho mtu anaweza kusema kwamba, kinaweza kumbabaisha sana mwanaume.
Mimi ni mwanmke, hivyo sijui mwanaume anavutiwa na kitu gani kwa mwanamke linapokuja suala la kujaamiana. Nakumbuka ilikuwa ni Mwaka 2000, nikiwa nimetoka kazini kwenye muda wa saa kumi siku ya jumamosi, niliamua kutoingia ndani kwanza. Niliona nipite hadi kwenye mabanda yangu ya kuku, ili kuona kama kijana anayenisaidia kazi alikuwa amefanya kazi zake vizuri. Nilipofika kwenye banda kubwa nilikuta mlango ukiwa wazi na nilijua ni yule kijana wangu wa kazi. Sikutaka kumsumbua, nilijua yuko kazini, hivyo niliona nikabadilishe nguo na kula kwanza ndio nirudi mabandani.Lakini wakati nataka kugeuza ili nirudi, nilisikia minongono.
Niliamua kurudi nione ni akina nani wanaonongona. Nilifika mlangoni na kuchungulia bandani. Niliona nilichokuwa nataka kukiona, lakini hakikuwa nilichokuwa nimekitarajia. Hakuwa mtumishi wetu bali mume wangu wa ndoa. Alikuwa amemkumbatia yule mwanamke mchafu wa mtaa. Alikuwa anamnganganiza kumvua nguo na yule mwanamke alikuwa hataki. Halafu badala ya kunongona, yule mwanamke aliongea kwa nguvu. Hebu mheshimu mkeo we baba, ndio nini unataka kufanya. Halafu wewe afisa mzima utatembeaje na mimi. Kwanza siamini.. Mume wangu naye aliongea kwa sauti kidogo. wewe ndiye mwanamke halisi, hujipodoi, huna nywele za bandia, hunukii pafyum, unanukia harufu halisi ya mwanamke... Tunaita kuku wa kienyeji, usijali, maofisa wengi wanapenda wanawake kama wewe... Halafu niliona yule mwanamke akitupa kanga zake pembeni na mume wangu alianza kuhangaika kuvua shati.
Nilijihisi kama vile nimenaswa na umeme na pumzi zilisimama na nilipotaka kuwakemea nilijikuta nimekwama. Nilipojitahidi kutaka kuwafuata nilijikuta sina nguvu kabisa.Bahati nzuri, yule mwanamke alitupa jicho mlangoni na kuniona. Alishtuka sana na kuinama na kukusanya nguo zake. Sijui zilitoka wapi nguvu zile.nilikurupuka na kwenda kumvaa yule mwanamke na kumwangusha chini, halafu nilimpiga hasa, huku mume wangu akiwa amesimama asijue la kufanya. Yule mwanamke alikuwa kipiga mayowe ya kuomba msaada, na ndipo mume wangu alipopata ujasiri wa kunishika ili nisiendelee kumtia adabu yule mwanamke hayawani.
Nilimgeuzia mume wangu kibao na kuanza kumvurumishia mangumi mfululizo, hakumudu kujibu mapigo zaidi ya kujitahidi kujikinga uso nisimtie ngeu. Kumbe siku zote nilikuwa sijui kwamba nina nguvu kiasi kile. Ilibidi kijana wetu wa kazi ambaye ndio kwanza alikuwa anarudi kutoka mjini alikokuwa ametumwa na mume wangu ili ampe nafasi ya kufanya uibilisi wake aingilie ule ugomvi na kuamua.Yule mwanamke mchafu wa mtaa alishakimbia zake na kutokomea kusikojulikana, na hata kijana wetu wa kazi hakuweza kujua chanzo cha ugomvi wetu.
Tukio lile lilikuwa ni chungu sana kwangu na sitakuja kulisahau kamwe. Bado niko na mume wangu, lakini tangu siku hiyo, amebadilika sana.