Waziri Muhongo awataka wazawa kuwekeza kwenye Umeme

[Deo Corleone]

Wizara ya Nishati na Madini,imewaita wawekezaji wazawa kuwekeza kwenye uzalishaji wa umeme kupitia vyanzo vifuatavyo.
Gesi asilia
Makaa ya mawe
Umeme wa Maji.
Biogas
Na umeme wa upepo.

=========================

Dar es Salaam. Waziri wa Nishati na Madini, Profesa Sospeter Muhongo amewataka wawekezaji wa ndani wenye uwezo wa kuwekeza kwenye umeme, kujitokeza kuwania zabuni za kusambaza nishati hiyo.

Kauli ya Profesa Muhongo imekuja wakati akilaumiwa kwa madai ya kubagua wazawa kwenye uwekezaji wa vitalu vya gesi na mafuta kutokana na kauli yake kuwa hakuna Mtanzania mwenye uwezo wa kifedha kuweza kufanya kazi kwenye sekta hiyo.

Jana alitoa nafasi hiyo kwa wawekezaji wa ndani kuchangamkia eneo hilo ili kuleta mabadiliko katika kuimarisha usambazaji wa nishati hiyo muhimu.

Muhongo, akiwa ameongozana na katibu mkuu wa wizara hiyo, Mhandisi Omary Chambo na Naibu Waziri Medard Kalemani, alitoa wito huo alipoongea na waandishi wa habari baada ya kufanya kikao na wafanyakazi kwenye ofisi za makao makuu ya Tanesco.

Akijibu swali kuhusu ununuzi wa nguzo za umeme nje ya nchi badala ya kutumia zinazozalishwa na kampuni za ndani, Profesa alisema awali waliamini Watanzania wana uwezo wa kuzalisha nguzo za kutosha, lakini baadaye wakabaini kuwa si kweli.

Alisema mradi wa Usambazaji wa Umeme Vijijini (REA) kuhitaji nguzo nyingi na hivyo zinazozalishwa nchini hazitoshelezi mahitaji ya mradi huo.

Profesa Muhongo aliingia kwenye mgogoro na wafanyabiashara wa ndani kuhusu vitalu vya gesi na mafuta kutokana na kauli yake kwamba sekta hiyo inahitaji uwekezaji mkubwa wa kifedha na hivyo ni vigumu kwa wazawa kuingiza. Kilichowaudhi zaidi wazawa ni kauli yake kwamba wanaodai kubaguliwa ni madalali wa makampuni ya nje. Na suala hilo lilipoibuka bungeni wakati wa kashfa ya uchotwaji fedha kwenye Akaunti ya Tegeta Escrow, Profesa Muhongo aliwaelezea wabunge waliopaza sauti zao kutetea wazawa kuwa wanafanya marejesho ya fedha walizopewa na wafanyabiashara kwa kuzungumzia suala hilo bungeni.

Mbali na kutoa nafasi kwa wazawa, Profesa Muhongo aliagiza watumishi wote wa mashirika ya wizara hiyo kuhakikisha tatizo la kukatika mara kwa mara kwa umeme likome ifikapo Februari mwakani, na endapo itashindikana viongozi wa Shirika la Umeme (Tanesco) watawajibishwa.

Katika hatua nyingine, kaimu naibu mkurugenzi mtendaji wa usambaji umeme wa Tanesco, Mhandisi Sophia Mgonja amesema wameanzisha utaratibu mpya utakaowasaidia wateja wa shirika hilo kuwasiliana moja kwa moja na maofisa wawili ndani ya ofisi ya dharura nchi nzima.

Mhandisi Mgonja alisema katika kila ofisi ya kitengo cha dharura kutakuwa na ofisa wa huduma kwa wateja na mhandisi mmoja ambao watasimamia muda na ubora wa huduma wanazopata wateja baada ya kutoa taarifa za dharura.

Chanzo: Mwananchi

 

[Deo Corleone]

Okay, Wakwepa Kodi Wa Makontena Si Wanaruhusiwa Pia?

Umeelewa tangazo?

 

[Lady Ra]

Umeelewa tangazo?

Umeelewa Swali?

 

[Emmadogo]

Huyu muongo si alisema kuwa wawekezJi wa ndani hawana uwezo wa kuwekeza kwenye gesi labda kwenye juice tu. Au ndio lilikuwa tamko LA bosi wa zamani. Na sasa boss mpya anacheza sindimba nyingine yaani anakwenda KAMA mcheza shoo wa twanga

 

[pilipili kichaa]

Amebadilika baada ya kumaliza UDALALI? awamu ya udalali imekwisha hii sio ya udalali kama ile ya 4

 

[mgt software]

Haya sasa mengi ulaji huo

 

[wakimataifa.]

uwekezaji wa gesi na mafuta si mchezo bado mengi hawezi

 

[Crocodiletooth]

wizara imetoa tamko tungefurahi sasa kisikia wazawa wanajiunga na kujisogeza!
Ili kuonyesha mabavu yao!

 

[Deo Corleone]

Sera ya Magufuli ni kuinua wazawa.
Muhongo afuate hiyo

 

[Deo Corleone]

Umeelewa Swali?

Umeelewa swali langu kwake?

 

[buzu]

ameacha zarau

 

[aminiusiamini]

Muhongo lazima atan'gooka tu.Subirni mtaona.Naomba watu waache huu uzi tuone kama maneno yangu sio kweli.

 

[VIKWAZO]

Jamaa Tuwe tunasoma taarifa Kwa umakini kidogo, mgogoro wa Mr Mengi ulikuwa Kwenye kuwekeza katika kuchimba gesi,
Ili tangazo ni Kwa ajili ya kuzalisha Umeme Na sio kuchimba gesi au mafuta hivyo issue ya Prof Muhongo na Mr Mengi Bado iko palepale kwamba akawekeze Kwenye juice

 

[Real One]

ameacha zarau

Zarau = Dharau

 

[Elungata]

Hata kuwekeza kwenye umeme hawawezi mpaka wakadalalie nje,mitaji midogo

 

[Deo Corleone]

Jamaa Tuwe tunasoma taarifa Kwa umakini kidogo, mgogoro wa Mr Mengi ulikuwa Kwenye kuwekeza katika kuchimba gesi,
Ili tangazo ni Kwa ajili ya kuzalisha Umeme Na sio kuchimba gesi au mafuta hivyo issue ya Prof Muhongo na Mr Mengi Bado iko palepale kwamba akawekeze Kwenye juice

Gesi haitumiki kutengenezea umeme?

 

[Elungata]

Jamaa Tuwe tunasoma taarifa Kwa umakini kidogo, mgogoro wa Mr Mengi ulikuwa Kwenye kuwekeza katika kuchimba gesi,
Ili tangazo ni Kwa ajili ya kuzalisha Umeme Na sio kuchimba gesi au mafuta hivyo issue ya Prof Muhongo na Mr Mengi Bado iko palepale kwamba akawekeze Kwenye juice

mkuu wengi wazito sana kuelewa,ilimu,ilimu,ilimu

 

[masagati]

Mtaji unakopeka au unatafuta wabia.
Siku zote mtaji huwa siyo kikwazo kwa wenye uelewa!
Na wanao kili kushindwa siku zote ni wale ambao siyo watu wa fani husika kwa maana fikra zao ndiyo hufikia ukomo na kuona hakuna tena namna.

 

[Elungata]

uwekezaji wa gesi na mafuta si mchezo bado mengi hawezi

hata ya kuzalisha umeme hawezi,labda akatafute partiner nje ya nchi

 

[Gamba la Chuma]

Hata kuwekeza kwenye umeme hawawezi mpaka wakadalalie nje,mitaji midogo

Kwani dada angu wewe sio mzawa, au hujiamini km tangazo linakuhusu