Waraka wa Pasaka kwa taifa kutoka Askofu Mwanamapinduzi

[Pfizer]

Ndugu Watanzania

Pasaka si hadithi ya kale ni moto wa ujasiri unaowaka hadi leo. Ni ukumbusho kwamba kuna wakati wa kunyamaza, na kuna wakati wa kusema: IMETOSHA. Huu ndio wakati huo.

Kwa muda mrefu, tumefundishwa kuvumilia. Tumeelezwa tusubiri. Tumehimizwa Amani hata pale haki inapokanyagwa mchana kweupe. Lakini Pasaka inatufundisha kitu tofauti: kwamba ukimya mbele ya dhuluma si hekima, bali ni ushiriki wa kuminya haki.

Tanzania yetu iko katika njia panda Kwa sasa!!.

Tumeona vipindi vya kubanwa kwa uhuru wa kukusanyika. Tumeona mijadala ya kitaifa ikififishwa kwa hofu. Tumeona vyombo vya habari vikitetemeshwa hadi kupoteza sauti yake kamili. Tumeona wananchi wakijiuliza maswali mengi kuliko wanavyopata majibu hasa kuhusu rasilimali zao, mustakabali wao, na haki yao ya kushiriki kikamilifu katika ujenzi wa taifa lao.

Haya yote si ajali, Ni dalili za taifa linalohitaji kuamka na kuchukua hatua mapema.

Yesu Kristo hakusulubiwa kwa sababu yaa makosalisulubiwa kwa sababu ya kusema ukweli usiopendwa na watawala. Alikataa kuupamba uongo. Alikataa kuogopa mamlaka. Alisimama. Na kwa kusimama kwake, alibadilisha historia Dunia Hadi Leo tunasherekea Pasaka.

Sasa swali ni hili: Je, sisi tutasimama kwa ajili ya HAKI, UKWELI na kupigania UHURU?

Tutapaza sauti bila kupepesa macho:

Hatutakubali taifa liishi kwa hofu.
Hatutakubali ukweli ubanwe kwa sheria au vitisho.
Hatutakubali uwajibikaji ugeuzwe maigizo.
Hatutakubali haki iwe kama kupewa zawadi badala ya msingi.
Hatutakubali UHURU wetu kunyimwa au kupunguzwa kimyakimya.

Haya si maneno ya jazba bali unapaswa kuwa msimamo Taifa.

Na msimamo huu unaambatana na hatua:

• Tunadai mazingira huru ya kisiasa na kijamii, ambako kila Mtanzania anaweza kusema bila kuhesabu gharama ya ujasiri wake.
• Tunadai vyombo vya habari visivyoyumba vinavyouliza maswali magumu na kupata majibu ya kweli.
• Tunadai uwazi usio na pazia katika rasilimali na maamuzi ya taifa. Hakuna kinachopaswa kufichwa kwa mwenye nchi.
• Tunadai uwajibikaji unaoonekana si hotuba, bali hatua. Si ahadi, bali matokeo.
• Tunadai heshima kwa utu wa kila Mtanzania bila kujali nafasi yake, mawazo yake, au sauti yake.

Ndugu Watanzania

Mapinduzi si vurugu. Mapinduzi ni msimamo wa ndani unaokataa kuendelea kuishi kwa uongo. Ni uamuzi wa pamoja wa kusema: hapa ndipo mstari unapoishia.

Na zaidi ya yote, mapinduzi ni safari ya kudai na kulinda UHURU uhuru wa mawazo, uhuru wa kusema, uhuru wa kuishi kwa heshima.

Pasaka hii isiishie kanisani. Iingie mitaani. Iingie kwenye mioyo. Iingie kwenye maamuzi yetu ya kila siku. Kila mmoja awe mwanga mahali alipo. Kila mmoja awe sauti pale panapohitajika ukweli.

Hatuombi ruhusa ya kusema kweli.
Hatuombi kibali cha kudai haki.
Hatuombi ridhaa ya kuwajibisha uongozi.
Hatuombi UHURU bali tunautambua, tunaulinda, na tunautetea.

Hizi si fadhila bali ni haki.

Na haki haitolewi bali huchukuliwa kwa ujasiri, kwa umoja, na kwa msimamo.

Mwanamapinduzi haogopi kivuli cha mamlaka.
Mwanamapinduzi hanyamazii ukweli.
Mwanamapinduzi hutetea UHURU wa wote.
Mwanamapinduzi husimama hata peke yake kwa sababu anajua kesho ya taifa haijengwi na waoga.

WITO KWA TAIFA LANGU

Simama, Mtanzania.
Simama kwa haki.
Simama kwa ukweli.
Simama kwa UHURU.

Kataa hofu.
Kataa ukimya.
Kataa dhuluma.

Ungana na wengine kwa sauti moja, kwa moyo mmoja, kwa lengo moja: kujenga taifa lenye haki, uwajibikaji na UHURU wa kweli.

Pasaka hii iwe alama ya kizazi kinachokataa kurithi hofu na kinachoamua kurithi ujasiri.

IMETOSHA.
SASA NI WAKATI WA KUSIMAMA. SASA NI WAKATI WA UHURU.

Mungu ibariki Tanzania. Mungu wabariki watu wake.

Imetolewa na:
Askofu Mwanamapinduzi
05/04/2026

 

[Dr wa Manesi]

Utakuwa na jipya gani zaidi ya kumchamba Samia tu?!!!!! Watoe waraka Kila mwezi kama vipi.

 

[Kiboko ya Mazwazwa]

Utakuwa na jipya gani zaidi ya kumchamba Samia tu?!!!!! Watoe waraka Kila mwezi kama vipi.

Nani anategemea utakoment tofauti na ujinga wenu wa buku saba. Chizi karogwa tena.

 

[Dr wa Manesi]

Nani anategemea utakoment tofauti na ujinga wenu wa buku saba. Chizi karogwa tena.

Nanyi nani atategemea muandike kitu kipya kwenye waraka wenu zaidi ya kumchamba Samia tu?!!! Nae ameshawaelewa siku hizi hata ajali, anaendelea na hamsini zake tu za kuitumikia nchi kwa mujibu wa katiba basi, hayo mengine mtajua wenyewe na kitima wenu mwenye chuki zilizopitiliza. Kama vipi muwekeeni sumu mufurahi maana si kwa kumsakama huko mtoto wa mwanamke mwenzenu.

 

[LOTH HEMA]

Waraka ni wa TEC tu ndio huogopewa na serikali, hawa wengine wakitoa nyaraka zao ni sawa na hakuna kitu

 

[Bikra unayo]

WALAKA ni kitu gani?

 

[GEBA2013]

Huyo askofu wa dhehebu gani

 

[Smart911]

Inapendeza...


Cc: Mahondaw

 

[Farolito]

Alisharudi nchini? maana waliotaka kumteka

 

[Farolito]

Huyo askofu wa dhehebu gani

Ufufuo na Uzima chini ya Gwajima

 

[Kalamu]

Nanyi nani atategemea muandike kitu kipya kwenye waraka wenu zaidi ya kumchamba Samia tu?!!! Nae ameshawaelewa siku hizi hata ajali, anaendelea na hamsini zake tu za kuitumikia nchi kwa mujibu wa katiba basi, hayo mengine mtajua wenyewe na kitima wenu mwenye chuki zilizopitiliza. Kama vipi muwekeeni sumu mufurahi maana si kwa kumsakama huko mtoto wa mwanamke mwenzenu.

Hizi komenti za kilevi.

Samia atumikie nchi kwa "mjibu wa katiba"? Katiba ya wapi hiyo inayoruhusu kutawala nchi kwa mabavu?
Ni katiba gani iliyomweka madarakani?

Sihitaji jibu toka kwako, kwa sababu najuwa huna.