walevi wa mistari waacheni wapepesuke

[DaveSave]

kama mwaka unavyoanza na januari,
nawaza mistari najaza daftari naanza safari,
februari inanikuta kati ya bahari,
vilindi vya maji mawimbi upepo kwa manuari,
sigara mdomoni mfukoni najisachi,
natoa kibiriti namoka naiota machi, akiba inasoma dola zaidi ya elfu mbili,
haina noma naibana ili inifikishe aprili,
kama sikosei uelekeo sipotei,
nyakati zinasogea kuzinguka niko mei,
nashika kanuni hisia fikra na dhumuni,
nabuni michongo ubongo unawaza kufika juni, kama mbuni tuna mbawa ila hatupai,
wanasema hatufai vipi tutaishi kuona julai,
naota niko posti sina manoti nimeshalosti,
naambiwa nitaachwa huru itapofika agosti,
najihisi kama langa junki the ex-member,
najipanga nauona mwanga wa septemba, ramadhani nafunga sunnah nifanya toba,
nikingoja misosi iddi mosi oktoba,
usawa butu pesa inaniacha solemba,
ila bado nathubutu mpaka niibusu novemba,
mi ni mwarabu mwenzao japo sina kilemba,
asante mungu ndoto inakwisha mwisho wa desemba.....!

 

[PakaJimmy]

We broda unapoteza hela tu huku JF,...Nenda kachane mashairi uwe kama Dully!

 

[Erickb52]

Teh safi sanasana..una kipaji cha utunzi