Wako wapi Kabourou, Tambwe, Nsanzugwanko na Lamwai?

[mayoscissors]

KATIKA muktadha wa mjadala unaoendelea sasa hivi katika jamii, nimependa kujua walipo baadhi ya wanasiasa hawa waliowahi kuvuma katika vyama vya upinzani.

Yuko wapi Dk. Walid Aman Kabourou? Aliwahi kuwa Mbunge wa Kigoma Mjini kwa tiketi ya CHADEMA. Amewahi pia kuwa Katibu Mkuu wa CHADEMA.

Ni mmoja wa wasomi wachache wa awali waliovutiwa na kushiriki siasa za mageuzi. Hivi ndiye alikuwa mbunge wa kwanza wa mageuzi?

Kuna mtu kaniambia kuwa siku hizi Dk. Kabourou ni mwanachama wa Chama Cha Mapinduzi (CCM). Eti ndiye Mwenyekiti wa CCM Mkoa wa Kigoma? Siamini. Naomba wenye kujua zaidi wanieleze.

Nimemkumbuka pia Dk. Masumbuko Lamwai, msomi wa sheria, wakili mahiri aliyewika kisiasa akiwa Mwenyekiti wa NCCR-Mageuzi Mkoa wa Dar es Salaam. Alikuwa pia Mkurugenzi wa Sheria wa chama hicho. Ndiye alikuwa Mbunge wa Ubungo kupitia NCCR-Mageuzi 1995-2000.

Siku hizi hasikiki katika siasa. Hata mahakamani hasikiki kama zamani. Nimesikia naye alishajiunga na kuwa mwanachama wa CCM. Sijasikia kama alipata cheo. Sijui alipo, na alichonacho kisiasa.

Sijamsahau Daniel Nsanzugwanko aliyekuwa Naibu Katibu Mkuu wa NCCR-Mageuzi. Sijui aliko siku hizi, lakini nimeambiwa alishakuwa Mwana CCM, na alipata ubunge wa Kasulu Mashariki (2005-2010), akapata unaibu waziri, baadaye Rais Jakaya Kikwete ‘akamtupa.' Yuko wapi siku hizi?

Wapo wengi lakini nitataja wachache kama mifano. Sitamsahau Thomas Ngawaiya, aliyewahi kuwa Katibu Mwenezi wa Tanzania Labour Party (TLP), na Mbunge wa Moshi Vijijini kupitia TLP.

Nimeambiwa naye alisharejea CCM baada ya kukosana na Augustine Mrema, na sasa amepewa cheo cha Mwenyekiti wa CCM Mkoa wa Kilimanjaro.

Namkumbuka pia Tambwe Hiza, aliyewahi kugombea ubunge wa Temeke mara kadhaa kupitia NCCR-Mageuzi na Civic United Front (CUF).

Mwanasiasa huyu machachari, mwenye maneno makali, aliwahi kujiapiza kwa jina la mama yake mzazi kwamba asingeweza kurudi CCM.

Sijui alisahau? Maana nimeambiwa naye siku hizi ni mwanachama wa CCM, na katika miaka michache iliyopita alikuwa amepewa fursa ya kuwa naibu kiongozi wa kitengo cha propaganda ndani ya CCM, Makao Makuu.

Siku hizi simsikii. Nani anayejua Tambwe Hiza yuko wapi, anafanya nini?

Lililo wazi ni kwamba wote hawa na wengine waliofuata mkondo huo, waliwahi kuwa wanasiasa mahiri wapenda mageuzi.

Mambo yalipokuwa magumu, mabadiliko yakawa na mikikimikiki mizito, wakayakimbia, wakaanza kuwa maadui wa mageuzi.

Wakabadilika na kuwa Wana CCM wasioamini katika mabadiliko. Wakashangilia udhaifu wa mfumo mkongwe waliokuwa wanaupinga siku zote. Baadhi yao wakapewa vyeo, wakautumikia. Wakawa wasaliti wa mabadiliko, na mageuzi.

Ndiyo, wameendelea kuishi na kufanya siasa. Lakini heshima yao mbele ya umma si ile ile waliyokuwa nayo. Imeshuka. Ndiyo maana hatuwasikii tena. Hata wanapojaribu kusikika, hawasikilizwi kama ilivyokuwa zamani.

Wamejiua kisiasa. Na baadhi yao bado wanatafuta wengine wa kufa nao kisiasa!

Kubwa kuliko yote ni kwamba jamii haiwaamini tena, maana wamekuwa ni watu wa ndimi mbili kama nyoka. Wanasifia maovu yale yale ambayo wamekuwa wanayachambua na kuyalaani. Wanashambulia wenzao wale wale wanaoshikilia msimamo wa awali, kwa kigezo kuwa wao ni wapenda demokrasia, wenzao ni wahafidhina.

Wanatushangaa na sisi tunaokataa kujiunga nao kushangilia uovu wa mfumo mkongwe, na kushambulia wakosoaji wa mfumo huo. Wamegeuka mabingwa wa kushambulia wana mageuzi na wapenda mabadiliko, na wanataka tuwaamini kwamba wao ndio sahihi.

Hapana. Hebu tuelezane ukweli. Uongozi una sifa nyingi kwa wanaoutaka. Si uwezo wa kifedha. Si umahiri wa kujenga hoja. Si ushawishi kwa umma. Si wingi wa miaka ya kuzaliwa au ya kufanya siasa. Si usomi wa darasani.
Ipo sifa kuu moja ambayo kiongozi au mwanachama yeyote akiikosa, hata kama anazo nyingi zilizobaki, hatapewa uongozi na watu wake.

Sifa hiyo ni kuaminika. Kama huaminiki kwa watu unaowaongoza au wanaopaswa kukupa uongozi, hautaupata.
Na wakikupa fursa hiyo bila kujua, baadaye wakagundua kuwa huaminiki, hata kama una sifa zote zilizobaki, watakunyang'anya fursa hiyo.

Naamini kwamba hawa niliowataja hapo juu, na baadhi ya wanasiasa wenye hulka za namna hiyo, wamepata shida kwa kushindwa kujiaminisha kwa wenzao. Hawakuaminika kwenye vyama vyao vya awali. Baadhi yao wakawahi kujiondoa. Wengine wanaondolewa kwa nguvu au kiufundi. Wengine wakaondoka upinzani na kujiunga ‘CCM kwa sababu ya njaa zao', kama alivyosema mzee Yusuf Makamba siku alipowapokea Dk. Kabourou na Tambwe.

Ndiyo maana hata huko walikokimbilia hawakupata heshima ile ile waliyokuwa nayo wakiwa kwenye upinzani. Baadhi ya waliopewa fursa za uongozi, walinyang'anywa baada ya muda mfupi.

Ndiyo maana wapo wengi waliosahaulika kisiasa. Wamejiua, na wengine wamejizika kisiasa. Usishangae kwamba nauliza: Wako wapi siku hizi? Wana anuani zipi? Wametufunza nini?

Ni wazi, haya si maswali magumu. Lakini je, yanaweza kutufikirisha?

Imeandikwa na Ansbert Ngurumo, Tanzania Daima

 

[Chabruma]

we Google tu utawapata. au wasearch kwenye fb

 

[Alfred Daud Pigangoma]

Huko walipo wanamsubili Zitto aende... Sasa kabla Zitto hajaenda mwambie akifika na kuwakuta akufahamishe hali zao....:msela::msela::msela::msela::msela::mimba::mimba::whoo::whoo::whoo::mvutaji::mvutaji:

 

[Duble Chris]

aliyefanikiwa ni Wasira pekee !

 

[schlumberger]

Suala la kuaminika ni moja lakini suala LA kutumika ni jingine...
Pia miongoni mwa sababu zilizowafanya hao waondoke ni kugundua kuwa walikuwa wanatumika kwa maslahi ya wenye chama.....

 

[Zanzibar-ASP]

Inadaiwa Wote hao wako ndani ya ofisi za CCM wakifuta vumbi na 'kupika chai' za viongozi wakitaifa.

 

[mayoscissors]

umewaonea sana...pamoja na udhaifu wao yaani kutokuwa na msimamo au ktutokuwa na misingi imara kwenye maauzi yao sidhani kama watakuwa wanafanya kzai hiyo

Inadaiwa Wote hao wako ndani ya ofisi za CCM wakifuta vumbi na 'kupika chai' za viongozi wakitaifa.

 

[hans79]

Wanalipa gharama za usalitii.

 

[King Kong III]

Zzk ndio anawafuata wote hao!! Hizza yupo lumbumba mpika chai.

 

[JAKOBO]

Dk Kabourou tunaye kwenye kahawa jioni ujiji wakati mwingine huwa namuona duka moja wanauza pombe kali akinunua viroba vya Value

 

[JAKOBO]

Dk A.Kabourou ndie mwenyekiti wa Ccm mkoa wa kigoma yupo anajaribu kuona kama ataweza kujenga chama upya mana hata mbunge wa jimbo hili hawapikwi chungu kimoja

 

[Riziki Magembe]

Wana jamvi wanasiasa machachali tajwa hapo juu enzi zao walikua hawakamatiki lakini siwasikii siku hizi katika gemu la siasa,wamepotelea wapi na wanafanya nini?je wanasiasa vijana kama shoza,mtela,mkumbo na zitto wanayapi ya kujifunza toka kwao?

 

[The Businessman]

Ukiamua Kuwa Mpinzani Kuwa Mpinza Kwelikweli, Kwa Tanzania Ukiwa Mpinzani Ukaja Ukahamia Chama Tawala Basi Ndio Tukusahau Kwenye Ulingo Wa Siasa. Hao Uliowataja Baadhi Yao Wanaanzisha Mada Za Kukashfu Chama Walichokua Awali Ili Tu Wasisahaulike Kama Bado Wapo

 

[mwekundu]

Zitto kabwe ni wa mwisho kutoka CDM

 

[bujash]

walishasahaulika katika ulingo wa siasa,hakuna mafanikio yawezayo kupatikana kwa njia za mkato.wanatoa funzo kubwa kwa wanasisa waganga njaa wanaopenda kuhamahama kusaka masilahi binafsi na umaarufu wa kijinga.Ni muhimu vijana wakatafakari na kuepuka makosa kama hayo yaliyofanywa na hao kina Lamwai,Bangenda,kitila na zito.Siasa haihitaji ujanjaujanja na tamaa.

 

[Bobuk]

If you're traitor you will never succeed. Even the Almighty God hates traitors.

 

[mkafrend]

Wewe uko wapi? Kabla ya hapo ulipo ulikuwa mfuasi wa chama gani?

Basi pasi kupapasa ni kwamba hakuna mtu anayelazimishwa kuendelea kuwa mwanachama wa chama fulani kwa sababu zifuatazo:

• Matumaini ya kisiasa kule unakohamia kabla hujaingia yanaonekana mazuri ukishaingia unagundua kwamba kila ulichotamani hakiko ktk uzito ule
• Hulka za ubabaishaji kwa watendaji wakuu ndani ya chama zimekuwa za kawaida kwenye vyama vya upinzani - Rejea mgogoro wa Zitto na Mbowe na Slaa (Hofu ya kuangushwa)
• Matokeo linganifu - mtu anaanza kupima pande zote mbili kisha anapogundua kuwa upande fulani unavuja kama chandarua anaamua kuondoka

Nimalizie kwa kusema kuwa:
Unapouliza mahali walipo ndugu uliowataja, nao wanauliza mahali ulipo wewe leo kwani ni dhahili kuwa kabla ya hapo ulipo ulikuwa sehemu nyingine!

 

[mkafrend]

Zitto kabwe ni wa mwisho kutoka CDM

Viva ndugu! Nami pia nitakuwa wa mwisho kuhamia CDM!

 

[mkafrend]

Zzk ndio anawafuata wote hao!! Hizza yupo lumbumba mpika chai.

Sema atawafuata akiwa wa mwisho! Halafu ongeza kusema kuwa siku Hizza akiwa mpika chai wewe utakuwa mkaanga mwosha magari kizota!

 

[Erythrocyte]

KWA MARA YA MWISHO NILIMUONA tambwe hiza AKIWA ANAENDESHA BALOON ILIYOCHOKA MNO , WALA HAIKUWA NA TAA ! NILIMHURUMIA SANA ! KWELI DUNIA HAINA HURUMA .