Wagombea ubunge CCM watoa ya moyoni

[elivina shambuni]

WAGOMBEA ubunge kwenye uchaguzi mdogo wa majimbo matatu kwa tiketi ya Chama Cha Mapinduzi (CCM), wameainisha vipaumbele vyao katika kuwahudumia wananchi na wameipongeza Kamati Kuu ya CCM kwa kuwapitisha.

Juzi Kamati Kuu ya Halmashauri Kuu ya Taifa (NEC) ya CCM katika kikacho chake chini ya Mwenyekiti wa Taifa wa chama hicho, Rais John Magufuli iliwapitisha wagombea hao, wawili wakiwa wametokea Chama cha Demokrasia na Maendeleo (Chadema).

Waliotokea Chadema ni Mwita Waitara anayewania Jimbo la Ukonga, Dar es Salaam ambalo alikuwa Mbunge wake kabla na Julius Kalanga wa Jimbo la Monduli, Arusha ambaye pia alikuwa Mbunge kwenye jimbo hilo.

Mgombea wa tatu ni Timotheo Mzava aliyekuwa Katibu Tawala (DAS) wa Wilaya ya Arumeru mkoani Arusha, anawania Ubunge wa Jimbo la Korogwe Vijijini lililokuwa chini ya Stephen Ngonyani maarufu ‘Profesa Maji Marefu’ aliyefariki dunia.

Akizungumza na HabariLeo, Kalanga alikitaka Chadema kutojisumbua kusimamisha mgombea kwenye jimbo hilo la Monduli huku akijinadi kuwa atashinda kwa asilimia 100.

Amesema, kwa vile kabla ya kujiunga na Chadema alikuwa CCM, kurejea kwake katika chama hicho kunamfanya kujiona kama simba aliyerejea msituni kwa kuwa anajua mbinu zote za kisiasa za kuwashinda washindani wake kwenye uchaguzi huo.

Alisema, kwa kuwa uamuzi wake wa kurejea CCM umelenga kuwaletea wananchi maendeleo, aliwataka kumuunga mkono ili awatatulie kero zao za muda mefu.

Alivitaja vipaumbele vyake vikubwa viwili kuwa ni kutatua migogoro ya ardhi na kuwatafutia maji wananchi.

Mzava ametaja vipaumbele vyake kuwa ni kusimamia maendeleo ya kilimo cha chai, ujenzi wa barabara, upatikanaji wa maji na uendelezaji wa mashamba.

Amesema, atawaongoza wananchi hao kwa mbinu mbalimbali kwa kutekeleza majukumu yake ya kibunge huku akisisitiza kushirikiana na wananchi katika kufanikisha hilo.

Mgombea wa Ukonga, Waitara amesema jimbo la Ukonga ni kati ya majimbo ya mjini yanayokabiliwa na changamoto kadhaa za kimaendeleo.

Amesema, kutokana na kuwapo kwake chama cha upinzani, alishindwa kutatua baadhi ya kero na kwa sasa jukumu ambalo CCM imempatia ni kutatua kero hizo na kuleta maendeleo.

"Sikuhamia CCM kwa kununuliwa ila nilivutiwa na sera na mbinu zake za kuleta maendeleo na kwa kuwa wamenipitisha nimejipanga kufanya kweli.”amesema.

 

[Omary Ndama]

Kwani muda wa kampeni umesharuhusiwa na NEC, wangekuwa na wa-Chadema saa hizi wangekuwa wanatafutwa na Difender.....

 

[Prince Kunta]

Yaani wanaongea ni kama hawakuwahi kuwa wabunge wa hayo majimbo kabla huu ni ujinga

 

[Shembaruku]

Tanzania yetu 😭😭😭😭😭😭

 

[mrangi]

Kwani muda wa kampeni umesharuhusiwa na NEC, wangekuwa na wa-Chadema saa hizi wangekuwa wanatafutwa na Difender.....

CCM wao hawana Muda wao wanajiamulia tu

Ova

 

[pilipili kichaa]

Yaani wanaongea ni kama hawakuwahi kuwa wabunge wa hayo majibo kabla huu ni ujiga

Hii inaitwa 'tatu mzuka jazz bend' usishangae sana Mkuu.

 

[Jurrasic Park]

Siku ubalozi wa Marekani ukitoa bunduki mimi ntamlipua nayo mtu

 

[kigogo warioba]

Siku ubalozi wa Marekani ukitoa bunduki mimi ntamlipua nayo mtu

mkuu wataanza kugawa lini?

 

[ndege JOHN]

Wananchi wafanye maamuzi sahihi 2020

 

[Bugota]

wanasiasa wamezoea kuchezea akili za wananchi. This will end soon.

 

[mtepa andrew]

kama wote wamewahi kuwa wabunge, usipoteze mda kusubiri kitu kipya watakachofanya wagombea hawa wa CCM

 

[PureView zeiss]

Leo hii kuna mkurugenzi yupi ataweza kumtangaza mpinzani ameshinda???sisi wananchi hatuna mpango wa kupiga kura tena

 

[Mohamed Bwembwera]

Kwani muda wa kampeni umesharuhusiwa na NEC, wangekuwa na wa-Chadema saa hizi wangekuwa wanatafutwa na Difender.....

Hawafanyi campaign bali wanaelezea tuu