Vituko vya Jerry Silaa na Eugene Mwaiposa barabara ya Mombasa - Moshi bar

[GUMISHA]

Wanajamvi,

Nimeshangazwa sana na watu hawa. Wiki 7 (karibu miezi 2) zilizopita lilipita gari la matangazo njia yote kutoka Mombasa hadi Moshi Bar likitaarifu kuanza kujengwa kwa kiwango cha lami varabara ya Mombasa - Moshi Bar. Tangazo lilikuwa. Hivi " Mstahiki Meya wa Manispaa ya Ilala Mh Jerry Slaa anawatangazia kuanza kwa ujenzi kwa kiwango cha lami barabara ya Mombasa - Moshi Bar. Anawaomba wananchi kutoa ushirikiano kwa wakandarasi ".

Siku inayofuata tukaona grader likifanya kazi ya kusawazisha barabara iliyokuwa imeharibika vibaya. Baada ya siku mbili tukamwona Mbunge wa Ukonga Mh. Eugene Mwaiposa akitinga na shangingi lake ambapo alisimama maeneo ya Kota na kufanya mazungumzo (mkutano?) na kundi la wananchi waliokuwa maeneo hayo. Yeye alisema kazi ya ku-grade barabara ilikuwa sio sehemu ya ujenzi wa barabara kwa kiwango cha lami bali ilikuwa ni matengenezo ya Dharura toka mfuko wa maafa. Akijibu swali toka kwa mpigakura wake kuhusu kutolewa kwa fidia ya Nyumba zilizotakiwa kuvunjwa kupisha upanuzi wa barabara hiyo, alikwenda mbali kwa kusema hakuna dalili za kulipwa fidia hivi karibuni kwa kuwa hakuna fedha yoyote iliyotengwa na mamlaka husika kwa kazi hiyo. Aliwataka wote walioguswa na zoezi hilo kuendeleza maeneo hayo kama kawaida na kusema iwapo serikali ikitaka kufanya zoezi hilo basi litaanza upya. Siku inayofuata tuliona vifusi vikimwagwa ktk baadhi ya sehemu za barabara hiyo.

Baada ya zoezi hilo la vifusi hakuna kilichoendelea hadi leo. Ukipita barabara sehemu hiyo ni marundo ya vifusi barabarani ambayo sasa imekuwa KERO kubwa kwa watumiaji wa barabara hiyo. Magari na pikipiki vinasubiriana kupita maeneo hayo na kusababisha misongamano isiyokuwa na kichwa wala miguu. Kwa kweli wakazi wa maeneo haya meshindwa kuwaelewa watendaji wanaosimamia zoezi hili. NS inashindwa kuingia akilini kwa nini wamefanya hivi. Hivi lengo ilikuwa ni nini? Kama kuna tatizo ni lipi hilo? Kwa nini wansnchi wasishirikishwe angalau kusambaza vifusi hivyo Kama bajeti imebana?

Nina maswali kadhaa kwa waheshimiwa hawa yaani Jerry Slaa na Eugene Mwaiposa:
1. Barabara inatengenezwa na Manispaa ya Ilala au na Jerry Slaa? Kama ni Manispaa kwa nini atajwe yeye utafikiri fedha inatoka mfukoni mwake?
2. Pamoja na wasiwasi wa kunyang'anywa jimbo na Mh Jerry Slaa, Mh Mwaiposa amepata wapi uhalali wa kuwaruhusu wananchi kuendeleza maeneo yaliyowekwa X?
3. Hivi nini ilikuwa lengo la kazi hiyo ya barabara? Kutengeneza barabara au Kuwatamanisha na kuwaletea usumbufu wa aina mpya?
4. Kwa yeyote anayehusika na kuleta kifusi ktk barabara hii, kwa nini kifusi hakijasambazwa hadi leo?

 

[KIM JONG]

Wasanii hao. Jerry Slaa anataka kugombea ubunge jimbo la Ilala. Mwaiposa kaa chonjo?

Kuhusu vifusi hawana jipya hao. Kote wanafanya mchezo huo. Contractor katoa kishika uchumba adinyang'anywe kazi. ..

 

[Kibanga Ampiga Mkoloni]

Chukueni hiko kifusi muendeleze ujenzi kwenye miji yenu.

 

[Fitinamwiko]

Natamani sana kama CCM wangekuwa wanashindana katika maendeleo kwa wananchi

 

[Buldoza]

Nilicheka juzi maeneo ya Kakola, Bulyanhulu. Baada ya kuwadanganya kuwaletea lami wananchi kwa muda mrefu, wananchi wakataka kuandamana. Walichokifanya wasanii wetu hawa wa ccm, wakakaa kitako na kitunga uongo kisha wakakodi jamaa wa baiskeli anayetoaga matangazo kwa mic na kuzunguka mitaa yote.
Namnukùu " HATARI YA LAMI, HATARI YA LAMI. MITA ISHIRINI NA TANO KILA UPANDE NYUMBA ZOTE ITABIDI ZIBOMOLEWE ILI LAMI IJENGWE". Mwisho wa kunukuu,
Wananchi masikini ya Mungu walio pembezoni mwa barabara wakawa wa kwanza kuipinga lami wenyewe!
Miccm sasa inakenua tu pesa zinazotolewa na mgodi inaziswaka tartiiibu!!!

 

[Kimbunga]

Katika siasa unaweza kufanya chochote ili mradi upate!!

 

[eddy]

Nilicheka juzi maeneo ya
Kakola, Bulyanhulu. Baada ya kuwadanganya kuwaletea lami wananchi kwa
muda mrefu, wananchi wakataka kuandamana. Walichokifanya wasanii wetu
hawa wa ccm, wakakaa kitako na kitunga uongo kisha wakakodi jamaa wa
baiskeli anayetoaga matangazo kwa mic na kuzunguka mitaa yote.
Namnukùu " HATARI YA LAMI, HATARI YA LAMI. MITA ISHIRINI NA TANO KILA
UPANDE NYUMBA ZOTE ITABIDI ZIBOMOLEWE ILI LAMI IJENGWE". Mwisho wa
kunukuu,
Wananchi masikini ya Mungu walio pembezoni mwa barabara wakawa wa kwanza
kuipinga lami wenyewe!
Miccm sasa inakenua tu pesa zinazotolewa na mgodi inaziswaka
tartiiibu!!!

serikali yote ya kakola ni chadema ccm wanahusikaje? kuanzia mwenyekiti wa kijiji diwani na wdc yote ni chadema,

 

[Mh370]

That's why tuliuliza miradi ya DMDP ya benki ya dunia imeishia wapi? As Watu wameishiwa kuchorewa nyumba tu! Ila kwa kweli wangefanikiwa kujenga huo miradi ccm wangepeta dsm bila kupingwa.

 

[Kocha]

Katika siasa unaweza kufanya chochote ili mradi upate!!

Duh hii hatari Mkuu ....chochote

 

[Shekizongoro]

Mi nkajua Kenya

 

[Lutifya]

Mkuu mimi ni mkaaji wa Kipunguni B. Walianza kwa mbwembwe kujaza kifusi naona sasa wameviacha bila kusambaza kiasi kwamba imeleta kero sana kwa sisi watumiaji wa barabara husika.

 

[EmmanuelDankeni]

Mama Mwaiposa ,Jerry Slaa,Ccm,.Wanaukonga ninawashauri msiwape kura hao wote uwezo wao,akili zao zinafanana,Huyo jerry Umeya umemshinda ataweza ubunge?.-Ikataeni ccm kwa ujumla wake.

 

[KIM JONG]

Lakini nimejiuliza sana. Kwa nini basi kama walikuwa hawajawa tayari kuleta usumbufu hivyo? Si wangeishia kukwangua tu? Wamelazimishwa na nani kuleta kifusi na kukibwaga kisha kuondoka? Halafu hivi viongozi hawapati mrejesho wa kazi au mpaka watu waandamane ndo wapate mrejesho?

 

[KIM JONG]

Poleni sana wana mnaoishi huko!

 

[GUMISHA]

Ndugu zangu Jana naona wakandarasi wamekuja kusawazisha. Naamini Uzi huu utakuwa umedaidia maana hata jinsi kazi ilivyofanyika yaonekana ilikuwa ya harakaharaka yaani BORA LIENDE tu. Inaonekana jamaa wamefanya harakaharaka kazi ionekane imefanyika. Sio nzuri kihivyo lakini yeyote aliyefanikisha hili tunamshukuru. Wahesjimiwa EUGENE MWAIPOSA NA JERRY SLAA karibuni jimbo letu la UKONGA lakini mlete ahadi za ukweli sio utapeli.

 

[Lutifya]

Mkuu GUMISHA, Naona jana wameanza kuzawazisha vifusi. kiukweli mkandarasi kuna maeneo kiwango cha barabara kalipua.

 

[the locksman]

Nimepita leo mitaa hiyo kulikua na usumbufu mkubwa sana, mvua ilikua inanyesha nimesikia mkandalasi kafunga barabara kwenda moshi bar ameanza kuchimba kwa ajili ya kujenga barabara kwa kiwango cha lami. Ikabidi tuzunguke ili tupite njia za uchochoro, kwa mkazi mmoja nikasikia anasema sijui barabara yenyewe kama itafika moshi bar. Anaejua zaidi anaweza kutujuza zaidi

 

[KIM JONG]

Ni kweli mkandarasi kaanza kazi na kafunga sehemu ya barabara. Kwa bahati mbaya hakuna juhudi zozote zilizofanyika ili kutoa alternative. Kwa hiyo watu wanasumbuka ilw mbaya! Kila mtu anahaha kutafuta njia ili afike barabara kubwa. Sijui tumulaumu Mkandarasi au waliompa kazi? Kwa bahati mbaya wenye dhamana huwafanya watu kama majuha hivi! Kwa hiyo wanaganya tu wanavyoona basi. Habari ya wskazi - shauri yao! Baseman hivyo kwa sababu siku zote ndivyo wanavyofanya. JAMANI BADILIKENI MTUMIE AKILI ZENU KUFANYAVKAZI KI-WELEDI.

Ingawa ni hoja tofauti huwezi amini, wakazi wa KIPUNGUNI wsna SIKU 3 BILA UMEME!!! Siku chache zilizopita UMEME ulikosekana kwa siku 5 mfululizo!!!!

WENYE MADARAKA PAMOJA NA KUWA TUKO KIMYA TUNAUMIA SANA ILA TUNAAMINI KIMYA CHETU NI LAANA KWENU.... Iko siku nasi ruralipiza...

 

[KIM JONG]

Waheshimiwa Eugene Mwaiposa na Jerry Slaa malizeni basi kujenga Hiyo barabara ya Mombasa hadi Moshi Bar kama mlivyoahidi. Wananchi wanawaangalia tu. Vinginevyo mtakuja Anza kukurupuka ikifika Karibu na uchaguzi nasi tutakuwa tunawasanifu tu...

Wenyewe ni mashahidi jamaa wa UKAWA wanakuja kasi sana!!! Shauri yenu, nimesema....