Background Check
JF-Expert Member
- Jun 28, 2019
- 378
- 577
UTANG'ARA AU UTAFUBAA
Zamani za kale, katika Ufalme mkubwa wa Singida, alizaliwa mtoto wa kifalme mwenye alama ya ajabu usoni jina lake aliitwa Kachimuu, mtoto wa malkia wa pili. Kabla hajazaliwa, waganga wa jadi walitoa unabii:
"Atakapong’aa, atakuwa mwangaza wa taifa,
lakini ikiwa hatatulia, ataliangamiza kwa moto wa roho yake."
Kwa hofu ya hatima hiyo, wazee wa baraza wanamficha mbali kule mlimani kwa Wanyaturu ili asije akaleta maafa.
Lakini hata kule alikokuwa mafichoni, Kachimuu hakukoma kutamani haki, ujasiri, na upendo.
Wakati huo huo, huko katika milima ya kusini mashariki ya Tanzania katika Ukoo wa Wangindo, binti mrembo wa kifalme alizaliwa. Akaitwa Kakema. Na yeye pia alitolewa unabii.
"Utakuwa nuru kwa mtemi atakayebadilisha dunia, lakini nuru yako itastawi tu ukiwa gizani."
Kwa hofu ya kisiasa, walitaka amwagiwe sumu, lakini mama wa Kakema alimtorosha usiku wa manane, akampeleka kule Mikindani, ambako alikulia kama mfanyabiashara wa manukato na nguo za kifahari.
Ndoa ya Hatima
Hatima huja kwa hila. Kachimuu na Kakema hukutana kwenye mji wa biashara Mbamba Bay wakiwa wamepotea kwenye misitu ya Litembo baada ya uvamizi. Wanalazimika kuoana kwa muda ili kuokoa maisha yao. Hawajui majina ya asili ya kila mmoja, lakini mioyo yao inatambua uhusiano wa rohoni.
Baada ya siku kadhaa, kila mmoja anarudi kwao. Kachimuu anarudi kwenye mji wa Singida, ambapo sasa ukoo wake unapigania kiti cha enzi. Kakema anarejea Lindi, lakini moyo wake bado unamtafuta "yule kijana wa msituni".
Vita vya Utemi na Mapenzi ya Siri
Kachimuu anakuwa kijana jasiri, mwenye ndoto ya kuunganisha jamii za Kati na Kusini mwa Tanzania. Lakini kaka zake Mtemi Daudi na Mtemi Chacha wanamwona kama tishio.
Wakati huo, Kakema anakuja Singida kama mfanyabiashara, bila kujua kuwa yule mtemi anayetaka mabadiliko ndiye mume wa zamani wa mkataba.
Mapenzi yao yanachanua tena lakini sasa yamefungwa kwenye minyororo ya majukumu ya kifalme, siasa, na hatari.
Mwisho wa Njia Mwanga au Wazimu?
Wazee wa Baraza wanamtaka Kachimuu amuoe binti wa ukoo mwingine wa kifalme lakini moyo wake unamkataa. Kakema anatakiwa kurudi kwao, la sivyo atauawa. Wanapaswa kuchagua: mapenzi au taifa?
Moyo au enzi?
🩸🩸🩸 TAMATI YA KUSISIMUA
Kachimuu anashinda vita ya kiti cha enzi. Anakuwa Mtemi Mkuu wa Ufalme wa Singida na Maziwa Makuu. Lakini kwa gharama ya kupoteza Kakema, anayelazimika kuondoka ili kulinda jina lake.
Miaka inapita. Kila mmoja ang’aa – lakini mioyo yao ina majeraha yasiyopona.
Chukua hii kutoka kwangu
Mtu mwenye nuru haogopi giza – maana ni giza hilo ndilo linaloonyesha uzuri wa mwangaza wake.
Hatima haifutwi kwa hofu, bali kwa ujasiri wa moyo unaopenda bila masharti.
Kuwa mtemi si kuvaa taji tu ni kujitoa sadaka kwa walio nyuma yako.
Sijui kama mnanielewa wakuu
Zamani za kale, katika Ufalme mkubwa wa Singida, alizaliwa mtoto wa kifalme mwenye alama ya ajabu usoni jina lake aliitwa Kachimuu, mtoto wa malkia wa pili. Kabla hajazaliwa, waganga wa jadi walitoa unabii:
"Atakapong’aa, atakuwa mwangaza wa taifa,
lakini ikiwa hatatulia, ataliangamiza kwa moto wa roho yake."
Kwa hofu ya hatima hiyo, wazee wa baraza wanamficha mbali kule mlimani kwa Wanyaturu ili asije akaleta maafa.
Lakini hata kule alikokuwa mafichoni, Kachimuu hakukoma kutamani haki, ujasiri, na upendo.
Wakati huo huo, huko katika milima ya kusini mashariki ya Tanzania katika Ukoo wa Wangindo, binti mrembo wa kifalme alizaliwa. Akaitwa Kakema. Na yeye pia alitolewa unabii.
"Utakuwa nuru kwa mtemi atakayebadilisha dunia, lakini nuru yako itastawi tu ukiwa gizani."
Kwa hofu ya kisiasa, walitaka amwagiwe sumu, lakini mama wa Kakema alimtorosha usiku wa manane, akampeleka kule Mikindani, ambako alikulia kama mfanyabiashara wa manukato na nguo za kifahari.
Ndoa ya Hatima
Hatima huja kwa hila. Kachimuu na Kakema hukutana kwenye mji wa biashara Mbamba Bay wakiwa wamepotea kwenye misitu ya Litembo baada ya uvamizi. Wanalazimika kuoana kwa muda ili kuokoa maisha yao. Hawajui majina ya asili ya kila mmoja, lakini mioyo yao inatambua uhusiano wa rohoni.
Baada ya siku kadhaa, kila mmoja anarudi kwao. Kachimuu anarudi kwenye mji wa Singida, ambapo sasa ukoo wake unapigania kiti cha enzi. Kakema anarejea Lindi, lakini moyo wake bado unamtafuta "yule kijana wa msituni".
Vita vya Utemi na Mapenzi ya Siri
Kachimuu anakuwa kijana jasiri, mwenye ndoto ya kuunganisha jamii za Kati na Kusini mwa Tanzania. Lakini kaka zake Mtemi Daudi na Mtemi Chacha wanamwona kama tishio.
Wakati huo, Kakema anakuja Singida kama mfanyabiashara, bila kujua kuwa yule mtemi anayetaka mabadiliko ndiye mume wa zamani wa mkataba.
Mapenzi yao yanachanua tena lakini sasa yamefungwa kwenye minyororo ya majukumu ya kifalme, siasa, na hatari.
Mwisho wa Njia Mwanga au Wazimu?
Wazee wa Baraza wanamtaka Kachimuu amuoe binti wa ukoo mwingine wa kifalme lakini moyo wake unamkataa. Kakema anatakiwa kurudi kwao, la sivyo atauawa. Wanapaswa kuchagua: mapenzi au taifa?
Moyo au enzi?
🩸🩸🩸 TAMATI YA KUSISIMUA
Kachimuu anashinda vita ya kiti cha enzi. Anakuwa Mtemi Mkuu wa Ufalme wa Singida na Maziwa Makuu. Lakini kwa gharama ya kupoteza Kakema, anayelazimika kuondoka ili kulinda jina lake.
Miaka inapita. Kila mmoja ang’aa – lakini mioyo yao ina majeraha yasiyopona.
Chukua hii kutoka kwangu
Mtu mwenye nuru haogopi giza – maana ni giza hilo ndilo linaloonyesha uzuri wa mwangaza wake.
Hatima haifutwi kwa hofu, bali kwa ujasiri wa moyo unaopenda bila masharti.
Kuwa mtemi si kuvaa taji tu ni kujitoa sadaka kwa walio nyuma yako.
Sijui kama mnanielewa wakuu
