Ungekuwa wewe ungefanya nini? Nimemuona akichota mchanga wenye nyayo zangu

[Jodeo]

Ni miaka karibu miwili sijaenda nyumbani kutokana na harakati mbali mbali za utafutaji.

Last December nikasema lazima niende nyumbani hata kama ni kwa wiki moja tu.

Baada ya kufika home kama ilivyo kawaida ya jamii zetu tunatembelea watu muhimu hususani majirani n.k miongoni mwao ni mama mjane ambaye alifiwa na mume wake wakati huo mie nikiwa mbali na hivyo sikupata nafasi ya kuwapa pole.

Jioni moja baada ya Christmas na mwaka mpya nikaenda kumsalimia huyo mama mjane na kumpa chochote kama pole ya msiba. Wakati maongezi yanaendelea kati yetu, ghafla nikahisi mabadiliko ndani mwangu ba kuhisi jambo baya linataka kutendeka. Hivyo nikakosa amani na nikatamani kuondoka haraka iwezekanavyo.

Wakati ananisindikiza na baada ya kuagana nje ya geti la nyumba yake, Mimi nikaondoka. LAKINI BAADA YA HATUA CHACHE NIKASIKIA SAUTI NDANI YANGU IKISEMA "GEUKA". Kweli nikageuka, NIKAMWONA YULE MAMA AKICHOTA MCHANGA WA NYAYO ZANGU NA BILA KUPOTEZA MUDA AKAINGIA NDANI.

Nilipigwa na butwaa na kukosa cha kufanya. Nikaendelea na safari kurudi nyumbani. Ilikuwa majira ya saa mbili Usiku nikamkuta mama yangu (wa kambo) akiwa sebuleni anaangalia taarifa ya habari. Nikamsalimia na kisha nikampa na salamu zake kutoka kwa jirani yake (yule mama mjane a.k.a mchota nyayo).

Mama akazipokea zile salamu lakini akakazia kusema;" USIPENDE KWENDA KWENDA HUKO!". Hilo jibu lilinimaliza kabisa baada ya kukumbuka tukio lililotokea muda mfupi (LA kuchotwa mchanga wa nyayo zangu). Nikajipa moyo maisha yakaendelea.

Sasa takribani miezi mitatu tangu wakati huo mambo yangu kiukweli hayaendi sawa kabisa. Kila nikijitahidi issue haziendi yani. Ndipo nikakumbuka watu husema kwamba kuna mambo ya uchawi wa mchanga na nilipokumbuka hilo tukio nikasema lazima niwajuze wana JF maana hawakosagi neno.

Hivyo basi naomba kuuliza yafuatayo;

1. Ungekuwa wewe ungefanya nini siku unaona mtu anachota mchanga wa nyayo zako?

2. Kuna uwezekano kwamba kuna mambo ya kiswahili yalifanyika kupitia mchanga huo kiasi cha kuharibu issues zangu ambazo kwa Sasa haziko sawa kabisa?

3. Kama ni jibu ni ndiyo hapo na. 3. Suluhisho ni nini?

Naomba kuwasilisha nakala hii kwa; MSHANA JR, MZIZI MKAVU, MTU MZITO, JICHAWI na wote wana jf.

Nakumbuka MISS NATAFUTA aliwahi kusema;" watu wanaweza kukufunga usifanye jambo lolote humu duniani".


Natanguliza shukrani kwa wote.

~Jodeo~

 

[Husna Muba]

Ngoja waje waganga Wa jf

 

[Mwanga Lutila]

Hizo mambo za kuchota nyao za watu zipo sana.

Kosa kubwa ulilolifanya ni pale ulipomuona anauzoa huo unyayo na kisha kupotezea, ungemkomalia pale pale.

 

[Jodeo]

Hizo mambo za kuchota nyao za watu zipo sana.

Kosa kubwa ulilolifanya ni pale ulipomuona anauzoa huo unyayo na kisha kupotezea, ungemkomalia pale pale.

mshana jr

Inawezekana kurekebisha kwa Sasa?

 

[dadaake]

Ila nawe ni mzembe mtu uliona kabisa kwann hukuhoji?haya ulishindwa ht kushare na mamaako wa kambo?
Sasa basi kazana kusali sana jiweke safi mbele za Mungu pia mshirikishe hii habari watu wa huko kijijin kwenu hasa mama

 

[e2n]

Pole sana ila kama ni mkristo hilo jambo bado hujachelewa Fanya yafuatayo.
1. Nenda kwa Mchungaji kamuelezee na akufanyie maombi ya kukufungua kwenye hiko kifungo.

2. Kama we we unaimani na unaweza kujisimamia mwenyewe ingia kwenye mfungo wa siku saba huku ukiwa kwenye hali ya maombi na kuaoma neno ukivunja hiyo roho na kufungua hiko kifungo.

Ila kama sio mkristo au huamini katika haya wasubiri akina mshana Jr watakupa ya upande WA pili ambayo siyajui

 

[Kete Ngumu]

Wacha tu akufanye chochote maana hutumii akili, umeacha kumwambia mamako wa kambo aliekutahadharisha kuhusu huyo jirani, unakuja kutuletea ushirikina huku.

 

[mkorinto]

Mama yako anamjua vizuri huyo, mwambie ajue atafanya nini.

 

[Prince Kunta]

Ila nijuavyo mimi ukishamuona tu mtu anakufanyia jambo kama ilo basi ile nguvu yake ya ule uchawi atakaokufanyia unapungua...mimi nilishawahi kunyolewa nywele nikamtaarifu mama akaniambia nipake majivu sehemu niliyo nyolewa

 

[nchemime]

ungemwambia kama huo mchanga hautatosha aje auchukue na huo uliokanyagia

 

[Jodeo]

Pole sana ila kama ni mkristo hilo jambo bado hujachelewa Fanya yafuatayo.
1. Nenda kwa Mchungaji kamuelezee na akufanyie maombi ya kukufungua kwenye hiko kifungo.

2. Kama we we unaimani na unaweza kujisimamia mwenyewe ingia kwenye mfungo wa siku saba huku ukiwa kwenye hali ya maombi na kuaoma neno ukivunja hiyo roho na kufungua hiko kifungo.

Ila kama sio mkristo au huamini katika haya wasubiri akina mshana Jr watakupa ya upande WA pili ambayo siyajui

Nashukuru sana ndugu Mungu akubariki.

 

[muhomakilo jr]

Inawezekana kurekebisha kwa Sasa?

Fanya safari tena,nenda kwa yule mama,mwambie mama nimekuja ili uchukue unyayo tena,maana ule wa mwanzo nadhani haujakutosha...

 

[Smart911]

Pole sana...

 

[Duterte]

Ningekuwa mimi kesho yake ningemshushia Fuso nzima ya mchanga hapo mbele ya geti lake mkuu.