Kama tutaweza kuachana na mambo yao yote waliyotuletea basi tuwatangaze kuwa ni watu wabaya sana.
Lakini kama mambo mambo waliyotuletea ndiyo tunayoyatumia kwa manufaa binafsi na familia binafsi . Na kwa hakika wanufaika Wakuu wa mifumo ya kikoloni ni watawala sio wananchi. Mwananchi wa kawaida hata pasipokua na mfumo wowote anaishi tu na kulima viazi vyake vya asili na kula hana shida ya kupanda midege kwenda ulaya au matreni ya mwendo kasi. Hayo yote ni taamaa zetu za kutaka kuwa kama wakoloni wetu unaowakejeli.
Kama pia tutaweza kuachana na utawala na mifumo ya kikoloni ya kuwa na mihimili mitatu ya dola basi tutawakeji na kuwaambia waachane na sisi. Turudi kwa machifu wetu wa zamani tuanze kuporana mifugo na wanawake. Kila kabila lijitawale kupitia machifu.
Yani Chifua Mazengo awe na nchi yake na Chifu Kimweri nchi yake.
Mkwawa awe na nchi yake na Mirambo nchi yake.
Tuachane na silaha walizowaletea watawala wanaozitumia kiwaangamiza wananchi wao kwa mabomu na marugu na risasi za moto za Mzungu na mwarabu.
Turudi kwenye zana zetu za asili za ngao na pinde na mishale na mikuki.
Tusihangaile tena na matumizi ya miundo mbinu iliyoanzishwa na serikali ya mkoloni.
Karibu miji yote ya mikoa na wilaya ilianzishwa na wakoloni.
Master plani za miji mingi na maeneo yenye rasilimali zilianinishwa na ramani za wakoloni.
Tuachane na mipaka aloanzisha mkoloni twende Uganda tukachimbe dhahabu tukiulizwa tujibu majibu mepesi kuwa hatutaki mambo yaliyoasisiwa na wakoloni.
Kifupi tu ni kwamba kama mifumo yote tunayotumia kuanzia ramani za nchi zetu na mifumo ya kidola na kiutawala ni ile ya mkoloni waliyotuletea tukaipenda na kuamua kuwafukuza ili tutawaliwe na wakoloni wenzetu weusi basi ni lazima kukubali kukosolewa na hata kuongozwa na kushauriwa na waasisi wa mifumo ya kuendesha kile kinachoitwa serikali na mifumo iliyowekwa kikatiba mana waasisi wa hiyo mifumo ni yao wazungu.
Lakini haiwezekani kujiendesha kama kisiwa wakati tunatumia mifumo yao yote kuanzia ulinzi ,mawasiliano , mahakama,bunge,dini na hata kipimo cha maendeleo ni kile kinachotokana na elimu ya mkoloni.
Hata rasilimali zetu wateja wake ni hao wakoloni wetu wa zamani. Bila mkoloni wetu kuweka thamani ya Tanzanite basi hayo madini yatabaki kama mbaazi.
Kwa sasa dunia ni kijiji tuache kuhubiri chuki dhidi ya binadamu wenzetu. Tusiiaminishe jamii yetu iliyojaa wajinga wengi kuwa adui yetu mkubwa ni mzungu wakati hatuna elimu ya kutosha wala teknolojia. Tuwape watu wetu elimu bora lakini sio kuwachonganisha na binadamu wenzetu .
Ndio maana Trump anachukiwa karibu dunia nzima kwa sababu ya matamko yake ya kibaguzi na ya kujenga chuki na dharau kwa binadamu wengine.
Nchi yetu ni maskini. Walitawala watangulizi wengine na wakaimarisha diplomasia na nchi nyingine na tukaendelea kuishi kwa amani kwenye nchi yetu.
Hata sisi tunapenda watoto wetu nao waende huko ng'ambo kupata elimu na ujuzi zaidi ili nao waje kuwa mawaziri na makatibu wa wizara. Nyie mmeshiba na familia zenu na mnategemea siasa muda wote kula mema ya nchi. Acheni taifa letu liendelee kuwa na mahusiano mazuri na mataifa mengine yaliyoendelea. Na muwaachi watufundishe namna bora ya kufanya ukoloni sio huu wa kutiana umaskini na vitisho kwa kupendeleana wakati sisi wote ni waafrika. Kosa moja anafanya mtu Fulani anaachwa kama vile ni mkoloni mzungu kati ya watumwa waafrika.
Sent using
Jamii Forums mobile app
