Habari wakuu
Napenda nichukue nafasi hii kueleza nilicho jifunza siku ya Leo,huenda miongoni mwetu yupo atakaye guswa na somo hili
Nanukuu mafundisho
UAMINIFU
Kuna maana nyingi sana za uamifu,nitaziweka nilizo jifunza siku ya Leo,nawe kama unajua maana zaidi ya nilizoorodhesha hapa unaweza ongezea katika comment ili tuendelee kuongeza maarifa.
Maana za uaminifu
1_Ni kutekeleza jambo lolote kadri inavyo paswa kutekeleza.
2_kufanya jambo kikamilifu,vizuri na kwa uhakika bila kupindisha kama inavyopaswa.
3_ni neema ya MUNGU kwa watu wote waliookoka na wasiokoka
4_Ni tunda la roho ambalo kwa waliookoka ni lazima liwepo,maana usipo kuwa mwaminifu huna roho wa Mungu ndani yako.
Wagalatia 5:22
Lakini tunda la Roho ni upendo,furaha,amani,uvumilivu,utu wema,fadhili,UAMINIFU.
Mf,ukiwa mwaminifu kazini unapandishwa cheo,ukiwa mwaminifu kwa Mungu unakusaidia kuendelea kiimani na kiroho
Kuna wakati watu wa kawaida wanachoka kuwa waaminifu,lakini wale waliookoka lazima wasichoke kuwa waaminifu sababu uaminifu ni tunda la roho lili ndani yao waliookoka
Nikizungumzia waliookoka ni wale walio kubali na kukiri kwa ulimi wao kwamba Yesu kristo ni BWANA na mwokozi wa maisha yao.
Luka 16:10-12
Aliye mwaminifu katika lililo dogo sana,huwa mwaminifu katika lililo kubwa pia;na aliye dhalimu katika lililo dogo,huwa dhalimu katika lililo kubwa pia11Basi kama nyinyi hamkua waaminifu katika Mali ya udhalimu ni nani atakaye wapa amana ya kweli?12Na kama hamkuwa waaminifu katika Mali ya mtu mwingine,ni nani atakaye wapa iliyo wenu wenyewe?.
Hii inaonesha kwa namna gani tunapaswa kuwa waaminifu.
Mungu anataka tuwe waaminifu katika mambo yote,maana aliye mwaminifu katika jambo dogo huwa mwaminifu katika kubwa pia mf kuwa waaminifu katika
Kazi
Familia
Shughuli zetu za kila siku
lile jambo unalolidharau na kuliona dogo,usilidharau lifanye kwa uaminifu
Kuwa mwanifu katika
Ndoa
Kwa watoto wako
Kazini
Katika biashara
Kilimo
Mungu atakupandisha kutoka ngazi ya chini hadi ya juu
Hata wakati wa shida endelea kuwa mwaminifu soma mifano katika biblia mf wa ayubu alipata majaribu lakini alibaki kuwa mwaminifu mbele za Mungu.
Yusuph alipata shida lakini alibaki kuwa mwaminifu mbele za Mungu
Kumbuka jambo lolote usifanye kwa ajili ya binadamu,ili akuone,Fanya kwa ajili ya Mungu maana anatuona na anaona hadi yasirini yaliofichika ambayo mwanadamu hawezi kuona
Zaburi 12:1
BWANA,uokoe,maana mcha Mungu amekoma,maana waaminifu wametoweka katika wanadamu.