Tunajiandaa kusherehekea nini miaka 50 ya uhuru?

[MPIGA ZEZE]

Ukisoma tahariri ya gazeti la Nipashe (May 19, 2011) iliyobeba swali la “Aibu hii ya ukosefu madawati hadi lini?” kama kweli una moyo wa binadamu utasikia machozi yanakububujika kama sio kwa nje, basi ni kwa ndani. Tahariri inajadili kwa kina na kutumia mifano halisi kama mojawapo ya shule ya jijini Dar kwamba “Watoto wa Kitanzania 2,346 wananolewa bongo zao katika shule hiyo, yenye wavulana 1,135 na wasichana 1,211. Idadi halisi ya wanafunzi wanaokalia madawati machache 200 yaliyopo huku kukiwa na upungufu mkubwa wa madawati 578. Kwa maelezo mengine ni asilimia 38.8 tu ya wanafunzi wote wanaokalia madawati, ambayo hata hivyo si madawati bora kwa maana halisi ya ubora.” Niliisoma nikabubujikwa na machozi. Nilibubujikwa na machozi kwa sababu siku chache kabla ya hapo niliishakutana na picha katika blogu ya Father Kidevu (mrokim.blospot) iliyokuwa ikionesha darasa la shule moja ya msingi jijini Dar likiwa na watoto waliobanana katika madawati machache yaliyomo na wengine wakiwa wamekaa sakafuni!!! Kwa hakika nilijiuliza 'ninasikia kelele nyingi za miaka 50 ya uhuru wa Tanganyika – je tunafurahia nini?


Hoja: kwa nini tusiishinikize serikali kutumia theluthi mbili ya mabilioni walioyatenga kwa ajili ya ‘kuserebukia’ miaka 50 ya uhuru ikatumika kununulia madawati ya watoto wa shule za msingi kama njia sahihi ya kusherehekea uhuru wa Tanganyika? Kauli mbiu iwe “Kila mtoto wa shule ya msingi akalie dawati”.

 

[T.K]

Halafu mtu anasimama jukwaani anaahidi eti kila mwanafunzi atapatiwa Laptop na watu wenye akili wanamshangilia!.....haina maana kufanya bethdei ya marehemu, hiyo Tanganyika ni marehemu tulishaizika bora hata wanzanzibari wanayo zanzibar yao, so ni upuuzi tu kusherekea nchi ambayo haipo