Tuhuma za rushwa ndani ya mchakato wa CCM: Funzo kwa Taifa zima

[Fredrick J Mbwambo]

Kama mwanachama wa chama cha upinzani, nimekuwa nikifuatilia kwa makini mwenendo wa siasa ndani ya vyama vyote, si kwa ajili ya kushangilia mapungufu ya wengine, bali kwa kutambua kuwa mustakabali wa Taifa letu hutegemea afya ya kisiasa ya kila upande.

Hivyo basi, matukio yanayoripotiwa kutokea ndani ya mchakato wa mchujo wa Chama Cha Mapinduzi (CCM) katika Wilaya ya Mkuranga hayawezi kupuuzwa kimya kimya. Taarifa zenye ushahidi wa picha na risiti zinataja kwa wazi kuwepo kwa viashiria vya rushwa, upendeleo na hujuma dhidi ya baadhi ya watia nia kuanzia ngazi ya udiwani hadi ubunge.

Hii ni hali ya kusikitisha. Si kwa sababu imetokea ndani ya CCM, bali kwa sababu inadhihirisha udhaifu wa kina katika mfumo wa kisiasa ambao tunapaswa kuuimarisha kama Taifa.

Tukubaliane:

Demokrasia ya kweli haijengwi kwa maneno, bali kwa vitendo vinavyoonyesha uwazi, haki, na usawa kwa wote—ndani na nje ya vyama vya siasa.

Kwa hiyo, naomba niseme kwa unyenyekevu lakini kwa msimamo thabiti:

Mageuzi ya kisiasa—hasa katika mfumo wa uchaguzi—si jukumu la vyama vya upinzani pekee. Ni wajibu wa wote, hasa wale walio madarakani na wanaoendesha mchakato wa ndani ya vyama vyao.

Kama CCM haijitathmini kwa kina na kushughulikia kwa ujasiri matukio kama haya ya Mkuranga, basi itaendelea kulea maumivu ya ndani yanayokula mizizi ya uhalali wake wa kisiasa.

Haki haianzi kwenye kura za wananchi—inaanza kwenye kura za ndani ya vyama.
Na pasipo haki, hakuna amani ya kweli.

 

[Erythrocyte]

Bila Rushwa ccm hutoboi

 

[kawombe]

CCM ndio kilanja wa rushwa.
Kazi ni kipimo cha utu

 

[mwanamabadiliko]

Ni kweli akibisha akamuulize madaraka Nyerere alipata kura o

 

[Earthmover]

Watakaopanga foleni ni Wajinga waliotukuka tangu kuanza kwa Dunia mpaka mwisho wake...

 

[kipati3]

Mkuranga huko kuna mkuu wa wilaya
Anapita kukusanya pesa ktk viwanda anatia mfukoni 😄😄

 

[The Thugs001]

Ccm na Rushwa za uchaguzi ni mapacha