Wanasiasa wana msemo 'HATUJAFIKIA HUKO' Yaani level ya kuwa transparent hivyo. Tofauti kubwa kati ya wenzetu na sisi ni kuwa wenzetu wanafanya siasa ili historia iwakumbuke kwa mazuri waliyoifanyia jamii, sisi tunafanya siasa ili mkono uende kinywani.
Unapokuwa umechaguliwa na wananchi na pia wananchi haohao kuwa na nguvu ya kukuacha uchaguzi ujao, IKULU si mahala pa kudumu na kupafungafunga ila ni mahala pa kuonesha wananchi jinsi serikali yao ilivyomakini. Ila unapokuwa na mtu anayetiliwa shaka ushindi wake kuwa amechakachua basi ni lazima mambo wayapeleke undergroung. Yaani Tanzania watu wanaona IKULU ni mali ya wateule wa CCM, wakati wenzetu ikulu ni mali ya wananchi.
Tazama Ikulu ya Marekani inaongozwa na vijana wadogo sana, katibu muhtasi wa raia ana miaka 28, sisi huku kwetu hupewi nafasi hiyo mpaka uwe na uhusiano na mtu na mtu huyo awe na uhusiano na mtu halafu TISS wakuchunguze kuanzia ulipobebewa mimba mpaka ulivyo sasa hivi na wakati mwingine wanaambulia stori za majungu. Unapokuwa unazunguukwa na wazee IKULU basi akili zako zinakuwa goigoi.
Ni kweli rais anatakiwa kupewa ulinzi wa hali ya juu kwani si wote watakaonufaika na maamuzi yake hasa katika nchi inayoongozwa na mtu mmoja mwenye nguvu za ajabu kikatiba kama Tanzania, nafikiri ni wakati sasa wakajiweka pembeni wawaachie vijana waipeleke nchi kule wanakoitaka.
