Tafadhali soma ni muhimu

[Nasakadoo]

Nawasalimia wapendwa katika BWANA na ALLAH (S.A.W)… Heri ya Mwaka mpya 2016 na mbarikiwe wote mtakaosoma uzi wangu huu wa kwanza kwa Mwaka huu hapa.

Baada ya Salamu,naomba tena nitoe feedback fupi kuhusu Jukwaa hili na Nilichokiambulia,n.k.
Ukifuatilia baadhi ya Threads zangu nimekuwa nikihangaika kuomba kazi,kutafuta kazi… huku nikijiainisha nina kiwango gani cha elimu,na ninapenda kada ipi,na ninaweza ku fit wapi.
Wadau wengi humu mlisifia uandishi wangu,mlikomenti kuwa mnaniombea nipate kazi.… nami nilishukuru,lakini sasa cha Muhimu ni pale baadhi ya Watu walipoguswa na kunijia PM tukazungumza na wengine baadhi walinipigia simu maana namba yangu ilikuwa wazi.

Kusema Ukweli wadau naomba niwaambie kuwa sikuwahi kubahatika kupata kazi kutokana na hao. Kwanza nilikuwa napewa ahadi nzuri za kupewa kazi,ila mwishowe miadi inayeyuka, mtu anajikomiti kabisa kuwa tutaonana labda siku fulani,siku ya siku ikifika zinakuwa ni kalenda kila kukicha. Nilikuwa napiga simu mpaka wengine hawapokei,wanakata. Ila ukija kwenye Comments zao wanaonesha kweli wanataka kunisaidia na wana moyo na wameguswa,ila in reality mimi niliona kama sikutendewa kama nilivyodhani. Sasa sikujua kama ni kwangu tu,au na kwa wengine watafuta ajira nao ilikuwa inakuwa hivyo. (Kiukweli inauma)

Moja ya sababu zao wale niliobahatika kuwasiliana nao, zilikuwa kwanza kama zinarandana.
-Kwa sasa nipo nje ya Nchi ila soon nitarudi,nitahakikisha tumeonana nikushughulikie.
-Nipo Mkoani kikazi,ila next week nitakuwa Dar,make sure tunaonana.
-Kati ya Noah au Bajaj unapendelea ipi ili wiki kesho tuonane tupeane mkataba uanze kazi,najua unahangaika sana nitakusaidia.
-Kuna duka za Hardware lakini siyo Dar,ni Mkoani kama unaweza tufanye maarifa uje.
-Kuna Site najenga,unaweza kuja kusimamia maana mimi huwa natoka toka. Kama utaweza itakuwa poa sana Jumamosi tukutane kwa sasa nipo Bagamoyo…
-Bajaj ipo tayari, kama una uwezo wa kuleta hesabu ya Tsh 25,000-30,000 kwa siku tuwasiliane mkuu nikukabidhi chombo…(Wakati inafahamika kabisa kwenye bajaji hesabu yake ni 15,000,17,000 ikizidi sana ni Elfu 20,000kulingana na maeneo ya kazi)....
-N.k. NA NILIKUWA NAKUBALI MASHARTI .

Wakuu,ndugu zangu kama mlivyoona,nimejaribu kuainisha baadhi ya Majibu na ahadi zilizokuwa zinatoka kwa waliotaka kunipa kazi… lakini hao wote imebaki hivyo hivyo mpaka leo hii unasoma haya maandishi. Offcourse,wapo wawili watatu ambao tumeonana wakanielelekeza niombe kazi kwa njia ipi,kama washauri yaani. Lakini yote kwa yote sikupata kazi,nimebaki kama nilivyo hadi mwaka 2015 umeisha.

Baada ya feedback hiyo,sasa naomba tena, Natafuta AJIRA…KAZI…KIBARUA…
Nilishajieleza sana,na kada zangu ni za kawaida yaani siyo za elimu ya Juu sana
√Dreva wa Gari za kawaida.
√Dreva wa Bajaj hasa TVS KING.
√Kuuza duka la aina yoyote isipokuwa duka la dawa za binadamu na mifugo.
√Kusimamia miradi mbali mbali, mfano Restaurant,Bar and Pubs,Sites,etc…

Nipo Mbezi ya Kimara,jinsia yangu ni Me. Umri wangu miaka 26/27. Namba yangu ya simu ni 0718 651 174.
Na ukifungua baadhi ya link kwa Jina la @Nasakadoo utaona maelezo yangu kwa kina. Ila ili kuokoa muda,naomba ni paste hapa chini maelezo yangu nikiomba kwa mara ya mwisho mwaka 2015..

Nitayaweka kama comment, au mods watanisaidia namna ya kuunganisha....

 

[Nasakadoo]

Nawasalimia wadau wote wa humu…
Mimi nina shida kwako wewe unayesoma uzi huu,tafadhali naomba uusome mpaka mwisho ili uweze kunielewa na nitashukuru sana.

Mimi ni Kijana,jinsia yangu ME najitokeza hapa kupata msaada wowote za Kazi ama kuwezeshwa kuweza kujiajiri(Capital).
Nina Umri wa miaka 26 sasa, naishi Mbezi Dar Es Salaam. Elimu yangu ni ya Sekondari nikiwa na Cheti cha Kumaliza Elimu ya Sekondari, pia nina Leseni ya Udereva Madaraja ya A,B,D&E, niliyoipata toka mwaka 2013…

NAOMBA KAZI/NATAFUTA KAZI;
Hapa nia yangu ni kwamba naomba mwenye connections za kazi aniangalie kwa jicho la tatu… sina kazi kwa sasa na kwa muda sasa, unaweza kuwa wewe Binafsi,Taasisi,Kampuni, au una mtu unamfahamu anatafuta mtu kumwajili… tafadhali naomba usinipite.

Kada ambazo nazimudu kwa Ufanisi ni hizi zifuatazo…
I) Restaurant/Bar/Shop/Small Firms&Projects Supervising;
-Hapa ninaweza kusimamia miradi kama hiyo,kama kusimamia Manunuzi na Matumizi,usalama wa Mali na Ufanisi kwa Ufanyaji kazi… Mfano kufuatilia Vitu vya Mgahawa,kufuatilia Mahitaji ya Bar na kuandaa mahesabu pale Counter (Loss & Profit Account),kusimamia mradi kama vile kwenye Sites,n.k.

II) DRIVER;
- Hapa kwa Mujibu wa Leseni yangu inaniruhusu kuandesha magari yoote isipokuwa ya Abiria, ie Mabasi ya Mkoa,na Hizi Dala dala…
Ila nina uwezo wa kuendesha gari,hasa size za kati… Auto na Manual Transmission… Mfano Noah, Pick Up, Canter,na Magari Mengine ya Size hizo.
Unaweza ukawa wewe pia unahitaji Dreva wa kukupeleka kazini,au kupeleka watoto wako Shule,au kwenda Shamba,ama kuendesha gari la Kampuni, mimi niko tayari kwa kazi hiyo… please nipe kazi.

III) SHOPKEEPER.
-Hapa ni kwenye kusimama dukani kama muuzaji wa Bidhaa husika. Nina uwezo mzuri wa kufanya kazi ya kuuza Dukani..
Laweza kuwa Duka la Nguo aina zote, Spare Parts (Vipuli),Duka la Nafaka, Duka la Vyakula vya Mifugo, Duka la Dawa za Binadamu(Pharmacy),Duka la Bidhaa Mchanganyiko, n.k. I'm sure nina fit. Na nina uzoefu somehow.

KUWEZESHWA KUJIAJIRI:

-Hapa pia ni kama Plan B endapo Plan A ya hapo juu haitafanikiwa…
Naomba kwa mtu yeyote mwenye Uwezo Kifedha aweze kuniwezesha nijiajiri… naweza kukopeshwa ama nikasaidiwa kama Msamaria mwema atapatikana.
Kwamba, Mtu akininunulia Bajaji (TVS King) halafu tukakabidhiana, kwa mkataba maalum… nikawa ninamletea Hesabu mfano ya Tsh 15,000 au 17,000 kwa siku… sawa na Tsh 105,000/- kwa wiki moja hadi Tsh 119,000/-.

Nadhani kwa hesabu hiyo nitakuwa nami nabaki na chochote mfukoni cha kujikimu,huku na Wewe Bosi nikileta hesabu yako…
Lakini pia mimi ni Dreva mzuri wa Bajaj. Au nielekezwe ni Taasisi ipi inayoweza kunikopesha Chombo hicho kwa riba nafuu na masharti nafuu ili niweze kufanya kazi…
-Au Gari ndogo mfano Suzuki Carry(Kirikuu) au Canter, nipewe nifanye kazi kwa makubaliano tutakuwa tumewekeana.

To mention a few, nadhani nimeeleweka ndugu zangu… naombeni mnisaidie niweze kutoka hapa nilipo maana nina majukumu mbele yangu yamenisubiri na nimekwama kwa sababu hiyo.

ANOTHER SKILLS WHICH I'M PROUD OF...
*Computer Literate
*Communication Skills &
*Good Orator

Natanguliza shukrani na Mungu atawainua wote watakaoniwezesha kufanikisha hitaji langu.
Namba yangu ya Simu ni
+255 718 651 174.
N.B: Nipo Tayari kwa Mwajiri kujiridhisha na mimi kwa njia yoyote ile ambayo yeye ataona inafaa na ya kuaminika ili kuondoa wasi wasi.

SHUKRANI.
13 November 2015.

 

[Daata]

Nathibitisha kuwa nimesoma