Wewe uko nyuma sana. Madini, ardhi, mbuga na wanyama wake vinayoyoma, mashule na elimu kwa ujumla havina hadhi, mahospitali unaenda tu kufia hapo. Barabara za mabilioni ni vichochoro na rangi ya lami, halafu unasema hawajamaliza hadi kizazi cha nne kijacho. Wewe ni mtanzania kweli? Ni nchi gani duniani ambapo viongozi wanamaliza kabisa mahaspitali then wanafungasha kila leo kwenda kutibiwa ng'ambo kwa gharama za wapiga kura wao? Tusijidangane wajukuu zetu, watoto wao, na majukuu zao hawana kitu hapa Tanzania. CCM na genge lake limeshakomba kila kitu. Ni wapi uliona viongozi wakihonga bodaboda, daladala, malori, nk kuwapeleka watu kwenye mikutano ya hadhara? Ni wapi uliona polisi wakiua waandishi wa habari na raia wasio na hatia kisha serikali isichukue hatua stahiki? Angalia Kamuhanda na wenzake wako wapi? Tunajidanganya sana sisi watanzania. Tumeshawaingiza vizazi vinne vijavyo matatani kwa kuwaruhusu mafisadi kuiongoza nchi. Tunadidimia kama watu wanaozama na vizazi vyao kwenye mafuriko na hawadhubutu kuchukua hatua hali wakijua mauti hayataepukika. Yako wapi hata yale maadili ya kawaida tu kati yetu? Tujikubali, tubadilike na kuchagua viongozi wenye utu.
