Shabiki wa Yanga afariki uwanjani

[Deo Corleone]

VINARA wa Ligi Kuu ya Vodacom, Azam FC, jana walizidi kulinda rekodi yao ya kutopoteza mchezo, baada ya kuwalazimisha mabingwa watetezi Yanga sare ya bao 1-1 kwenye Uwanja wa Taifa jijini Dar es Salaam, huku jinamizi la kukosa penalti likizidi kuwaandama Wanajangwani hao.

Katika mchezo huo uliokuwa mkali, ilishuhudiwa Hamis Kiiza akikosa penalti muhimu ambayo huenda ingewapa pointi tatu muhimu na kupunguza uwiano wa pointi na vinara hao wa Ligi Kuu. Hii imekuja ikiwa ni takriban wiki moja na ushei, Said Bahanuzi alipokosa penalti muhimu katika mchezo wa Ligi ya Mabingwa Afrika dhidi Al Ahly ya Misri.

Katika mchezo wa jana, Yanga walijipatia bao lao dakika ya 14, likifungwa na Didier Kavumbagu, akimalizia mpira uliotemwa na Kipa Aishi Manula, baada ya kutokea piga ni kupige langoni mwa Azam FC.

Azam walijibu dakika ya 22, lakini shuti la Kipre Tchetche liligonga mwamba kabla ya Kipa Manula kuokoa mchomo wa Emmanuel Okwi dakika ya 30. Dakika ya 35, Kocha Hans Van Puiljim alionekana akimlalamikia mwamuzi, Hashim Abdallah.

Hadi Mwamuzi Hashim Abdallah akipuliza filimbi kuashiria mapumziko, Yanga walikuwa mbele kwa bao hilo moja.

Kipindi cha pili kabla ya kuanza, nyavu katika lango la Azam ziliachia na kutaka kuanguka, jambo lililomlazimu mwamuzi Abdallah kuanza kuzifunga akisaidiana na wachezaji, ambako David Mwantika, alipanda juu kuziweka sawa.

Yanga walianza kipindi hicho kwa kasi na dakika ya 58, Okwi alishindwa kutumia nafasi ya kufunga, baada ya Kipa Manula kuanguka na shuti lake kupaa, kabla ya dakika ya 60, Hamis Kiiza, kushindwa kuitendea haki krosi ya Joshua na kichwa chake kutoka nje.

Dakika ya 69, Yanga walipata penalti baada ya Erasto Nyoni kuunawa mpira eneo la hatari, lakini mkwaju wa Kiiza ulichezwa na Kipa Manula. Kutokana na kosa hilo, Nyoni alilimwa kadi nyekundu baada ya kupewa ya pili ya njano.

Alikuwa ni mtokea benchi, Kelvin Friday, dakika ya 83, alipoisawazishia Azam bao kwa shuti kali nje ya 18 na kumshinda kipa Juma Kaseja. Bao hilo liliwaamsha mashabiki wa Azam na wale wa Simba na kuanza kuimba CCM…CCM…CCM…

Hii ni sare ya pili mfululizo kwa Yanga, baada ya Jumamosi iliyopita kung'ang'aniwa sare tasa na Mtibwa Sugar mjini Morogoro, huku Azam ikitoka kuichabanga Coastal Union mabao 4-0.

Yanga: Juma Kaseja, Juma Abdul, Oscar Joshua, Nadir Haroub ‘Cannavaro', Kelvin Yondani, Frank Domayo ‘Chumvi', Simon Msuva, Hassan Dilunga, Didier Kavumbagu, Hamisi Kizza na Emmanuel Okwi.

Azam FC: Aishi Manula, Erasto Nyoni, Gardiel Michael, Said Moradi, David Mwantika, Kipre Balou, Himid Mao, Salum Abubakar ‘Sure Boy', John Bocco, Kipre Tchetche, Hamis Mcha ‘Viali'/ Kelvin Friday.

Mara baada ya mpira kumalizika, mashabiki wanaosadikiwa kuwa wa Azam, walijipanga nje ya uwanja na kulifuata basi la Azam huku wakiimba Sure Boy hatukutaki… Sure Boy hatukutaki… wakidai amekosa nafasi nyingi za kufunga.

Katika hali ya majonzi, shabiki mmoja aliyejulikana kwa jina la Deodatus Isaya ambaye ni Meneja wa Baa ya Rose Hill ya Segerea, alifariki dunia uwanjani hapo.

Kwa mujibu wa Daktari, Nassoro Matuzya, shabiki huyo wa Yanga alianza kuishiwa nguvu mara baada ya Yanga kupata bao, ambako alishangilia kwa nguvu kabla ya hali hiyo kumkumba na kuchukuliwa na wahudumu wa Msalaba Mwekundu na kwenda kupewa huduma kwenye vyumba maalumu uwanjani hapo, lakini wakati akiendelea kupewa huduma ya kwanza alifariki dunia na mwili wake kwenda kuhifadhiwa katika Hospitali ya Temeke.

Source: Tanzania Daima

 

[LEGE]

watakufa sana mwaka huuu r.I.p meneja wa bar

 

[Exorcist]

Duuh..!! huu ushabiki huu..?! R.I.P

 

[pingu mkoka]

Ndo shabiki wa kweli huyo
R.I.P

 

[pingu mkoka]

Ndo shabiki wa kweli huyo
R.I.P mume wa sajenti wa magereza

 

[Deo Corleone]

watakufa sana mwaka huuu r.I.p meneja wa bar

Kwanini?

 

[Daudi Mchambuzi]

may God feed him honey.

 

[mwallu]

ndio maana sipendi kuangalia mpira

R.I.P shabiki

 

[Deo Corleone]

Ndo shabiki wa kweli huyo
R.I.P mume wa sajenti wa magereza

SASA ANAKUFAJE WAKATI TIMU YAKE ndo ilikua imefunga goli?

 

[rafael mtuvenge]

Watu wantembea na maradhi hawajijui huo ushabiki hapo km sababu tu

 

[miss chagga]

mwili dhaifu lakini roho........ alale mahali pema peponi amina

 

[GENTAMYCINE]

SASA ANAKUFAJE WAKATI TIMU YAKE ndo ilikua imefunga goli?

Tuache Uwongo na Ndiyo Maana Kila Siku Naungana Na Rais Mstaafu Mkapa Kuwadharau Baadhi Ya Waandishi wa Habari Wa Tanzania Kwa Upotoshaji wa Taarifa. Ukweli Ni Kwamba Aliyefariki Jana Hakuwa Shabiki wa Yanga Bali Alikuwa ni Shabiki tu Wa Mpira na Alikuwa Amekaa ktk Jukwaa ambalo Mashabiki wa Simba Hukaa na Alikuwa Amejichanganya na Lile Kundi La Ushangiliaji La Azam na Presha Ilimpanda Ghafla Ndipo Alipopigiwa Simu Msimamizi Wa Kituo cha Dar Wilfred Kidau ambaye Alishughulika Upesi Kuwataarifu Pale Watu wa Huduma Ya Kwanza Ndiyo Wakaenda Kumbeba na Bahati Mbaya au Nzuri Sikuwa Mbali na Mwandishi Aliyeripoti Tukio Hilo na Hata Wakati Anapitishwa Pale Karibu na VIP B Mwandishi huyu Alikuwepo na baadae Wambura Aliwaita Waandishi Wote na Kuwapa Taarifa Ya Kifo na Hakusema Kuwa Alikuwa Ni Mshabiki wa Azam au Yanga na Kwa Udadisi Wangu wa Kina Marehemu Alikuwa Ni Mshabiki Wa Kutupwa Wa Simba na Alikuwa na Matumaini Makubwa Kuwa Azam ingeifunga Yanga ili Kuweza Kutengeneza Njia Nzuri Kwa Timu Yake Ya Simba ambayo Kwa Sasa Tumepachikwa Jina Jipya na Ambalo Naona Litatuletea Sana Shida La "MBUMBUMBU" Kweli na Hakika Tutu Vengere Ismail Aden Rage Ametuachia Wana Simba Legacy Ya Kutuita MBUMBUMBU na Sijui Ni Kwanini Viongozi Wetu Simba Huwa Wanatutusi Sana Kwani Nakumbuka hata Hassan Hassanol Alishawahi Nae Kutuita Wana Simba Wote Ni Mabaa Medi Sasa Nina Wasiwasi Na Kiongozi Ajaye Asije tu Akatuita Wanasimba Wote Ni MALIBERARI Hakika Hapo Kitanuka na Hata Mimi GENTAMYCINE Sitokubali. Ila Jina La MBUMBUMBU Wana Simba Wenzangu Limetukalia Vibaya na Tutawakoma Wana Yanga na Matusi Niliyotukanwa Jana Uwanjani Taifa Yote Hayakuniuma Kwani Ni Ya Kawaida Kwangu ila Kitendo Cha Kuambiwa MBUMBUMBU Kimeniumiza Sana. Rage Unaona Unavyotutesa Sasa Humu Mitaani??????????

 

[Deo Corleone]

Haahaaa GENTAMCYNE HUYO MSOMALI ANAWAONEA SANA!

 

[adakiss23]

Yanga wamemtoa kafara

 

[MWASA78]

hofu yangu isije kuwa ni tule Meneja wa Bar ya mtaani kwetu inayoitwa Rose Hill pale Segerea....kama ni yeye RIP KAMA SI YEYE APUMZIKE KWA AMANI , jIONI NITAENDA KUULIZA KAMA KUNA MSIBA.

 

[Deo Corleone]

hofu yangu isije kuwa ni tule meneja wa bar ya mtaani kwetu inayoitwa rose hill pale segerea....kama ni yeye rip kama si yeye apumzike kwa amani , jioni nitaenda kuuliza kama kuna msiba.

utatupa feedback!

 

[Gogoo]

Bora hawakushinda misri tingepoteza wapendwa wetu kumbe

 

[Ng'wale]

hofu yangu isije kuwa ni tule Meneja wa Bar ya mtaani kwetu inayoitwa Rose Hill pale Segerea....kama ni yeye RIP KAMA SI YEYE APUMZIKE KWA AMANI , jIONI NITAENDA KUULIZA KAMA KUNA MSIBA.

Umeisoma vizuri/yote hiyo taarifa??? Mbona ndani ya taarifa hiyo imetajwa hiyo bar ya ROSE HILL na kwamba ni ya SEGEREA??? Au unajaribu ''KUBASHIRI''??? Kama ndivyo naona ''umepatia''

 

[Bantu Lady]

RIP Isaya. Shabiki wetu wa ukweli.

 

[figganigga]