Serikali inajifunza nini kuhusu Watu wa Chini?

[Peter Mwaihola]

Rais wa Taifa la Marekani Joe Biden ametangaza Msamaha wa kiasi cha dolla 10,000 za kimarekani kwa wadaiwa wa mikopo ya elimu ya juu wenye kipato cha chini na cha Kati.

Uamuzi huo unalenga kutoa nafuu ya maisha kwa wananchi wa Hali ya Kati na ya chini ambao walisomeshwa kwa mkopo wa Serikali ya shirikisho la marekani.

Biden alibainisha kuwa msamaha huo utakuwa chachu kwa wananchi kupambana na ugumu wa maisha ya ajira zao na kuwapa nafasi ya kutumia mishahara yao vizuri.

Kupitia Kurasa zake za mitandao ya kijamii Biden amechapisha ujumbe alioupata kutoka kwa mwanamke mmoja ambae alimwandikia ili kumpongeza kwa hatua hiyo ya kutoa msamaha.

"Mimi na mume wangu wote ni waalimu, kwa msamaha huu wa deni Sasa tunaweza kuishi mwezi hadi mwezi kwa kujiamini na kuanzisha familia, deni hili lilikua linaturudisha nyuma Asante Rais Biden" alihitimisha mwanamke huyo mdogo.

Kitendo hiki kimewagusa wananchi wa Marekani kwa ujumla sio tu wale wa kipato cha chini bali hata wale wa kipato cha juu ambao hawanufaiki na msamaha huo.

Wakati hayo yanaendelea huko nchini Marekani kwa Tanzania mambo ni tofauti malalamiko kuhusu tozo za Miamala ya simu na benki yameteka vijiwe na mitandao ya kijamii.

Serikali inajaribu kutoa ufafanuzi lakini hauonekani kuwa na mashiko kwa raia walio wengi isipokuwa Viongozi wenye dhamana ya serikali kuu.

Suala la tozo limekua gumzo kwa mwaka wa pili mfululizo licha ya serikali kuongeza mshahara kwa watumishi wa kiima cha chini lakini bado chumvi ya tozo inatiririka kwenye kidonda kuamsha malalamiko.

Je serikali yetu inajifunza nini kuhusu maisha ya watu wa chini?

Peter Mwaihola ni Mwandishi wa habari na Mchambuzi wa masuala ya Siasa na jamii.

 

[Smart911]

Inapendeza kwao, ila inasikitisha kwetu...

 

[Peter Mwaihola]

Inapendeza kwao, ila inasikitisha kwetu...

Inauma

 

[Bhikalamba]

Wangepunguza makato, toka 15% hadi 8% kama ilivyokuwa awali kabla ya 'Yule' ambaye aliitwa na 'YEYE'

 

[Igombe fisherman]

Za chini chini no kwamba songesha watasamehe madeni yao kwa asilimia 60 January mosi mwaka kesho. Hivyo mteja wa vodacom nibora ukakopa asilimia 100 ya kiwango chako cha mkopo ili uje ufutiwe asilimia 60 na mambo yakae sawa. Hebu fikilia mfano kama kiwango chako cha songesha ni 200000 we kopa yote kisha wakuwekee ribs yao asilimia kumi ya mkopo ambayo itakuwa tsh 20000. Kisha asilimia 45 ya ribs itaongezeka kila baada ya masaa24 toka sekunde ya mkopo hiyo itakuwa ni tsh 9000. Ukikopa kesho itakuwa na deni la 220000 kesho kutwa deni litakuwa 229000 Siku inayofuata deni litakuwa 238000 tarehe 1 deni linakuwa 247000 kisha unafutiwa 60% ya hill deni ambayo itakuwa zaidi ya 140000 hivyo deni linabaki chini ya 110000. Teh unatoa hela uloyoweka chini ya godoro unaenda kwa wakala unawalipa 110000 wanakata yao unabaki na machenji kwenye account yako na unabaki na zaidi ya tsh 80000 kwa ajiri ya mwaka mpya. Halo vodacom watakuwa wamekununulia bia zaidi ya 40 za mwaka mpya ndugu yangu changamka

 

[Peter Mwaihola]

Za chini chini no kwamba songesha watasamehe madeni yao kwa asilimia 60 January mosi mwaka kesho. Hivyo mteja wa vodacom nibora ukakopa asilimia 100 ya kiwango chako cha mkopo ili uje ufutiwe asilimia 60 na mambo yakae sawa. Hebu fikilia mfano kama kiwango chako cha songesha ni 200000 we kopa yote kisha wakuwekee ribs yao asilimia kumi ya mkopo ambayo itakuwa tsh 20000. Kisha asilimia 45 ya ribs itaongezeka kila baada ya masaa24 toka sekunde ya mkopo hiyo itakuwa ni tsh 9000. Ukikopa kesho itakuwa na deni la 220000 kesho kutwa deni litakuwa 229000 Siku inayofuata deni litakuwa 238000 tarehe 1 deni linakuwa 247000 kisha unafutiwa 60% ya hill deni ambayo itakuwa zaidi ya 140000 hivyo deni linabaki chini ya 110000. Teh unatoa hela uloyoweka chini ya godoro unaenda kwa wakala unawalipa 110000 wanakata yao unabaki na machenji kwenye account yako na unabaki na zaidi ya tsh 80000 kwa ajiri ya mwaka mpya. Halo vodacom watakuwa wamekununulia bia zaidi ya 40 za mwaka mpya ndugu yangu changamka

[emoji23]