Rais Samia, kwa nafasi yake, amejitahidi katika mengi, kaharibu katika machache, lakini yaliyo ya msingi:
1) Amejitahidi kuhimiza mazingira rafiki ya uwekezaji lakini kahimiza kwa mdomo. Mwekezaji makini hawezi kuzingatia. Rais, nenda katazame sheria na sera ya uwekezaji. Ukaweke msingi huko. Tunatakiwa kuwa na sheria rafiki ya uwekezaji, isiyobadilika ovyo ovyo, isiyoweza kuchezewa ovyo ovyo na Rais, kama ilivyokuwa wakati wa awamu ya 5.
2) Amejitahidi kuhimiza haki za msingi bila kugusa sheria, na hapo inaonekana ni usanii, blabla na unafiki. Kama tunataka nchi yetu iwe nchi inayojali haki, demokrasia na uhuru wa watu, ni lazima kurudi kuitazama katiba na sheria zetu. Lazima tuangalie sheria iliyounda Jeshi la Polisi maana kwa sasa taasisi hii ndiyo inayoongoza kwa kuvunja sheria na kukanyaga haki za msingi za raia. Lazima kuangalia sheria iliyounda mahakama, TISS, DPP, na Bunge. Taasisi hizi badala ya kuwa huru, kwa sasa zinafanya kazi kama taasisi vikaragosi vya Serikali na Rais.
3) Rais kajitahidi kufanya mabadiliko madogo madogo lakini ameamua kuning'inia kwa miguu juu ya kamba nyembamba inayotenganisha haki na dhuluma. Anataka asiangukiwe na jumba bovu lililojengwa na awamu ya 5, lakini ameendelea kusimama ndani karibia na mlango wa jumba bovu. Hujuma na uovu dhidi ya makomandoo, Mbowe, wanaoitwa wahujumu uchumi, ni jumba bovu lililojengwa na awamu ya 5, Rais amesimama ndani ya jumba bovu, karibia na mlango wa kutokea, kuta za jumba bovu zinaendelea kumeguka, naye anapiga kelele kuwa karibu litaniangukia, lakini hatoki nje ya jumba bovu. Mh. Rais Samia, ukitaka usidondokewe na jumva bovu, toka nje ya jumba hilo bovu, liache lianguke, ujenge nyumba imara. Rais akumbuke kuwa uongozi ni mbio za kupokezana vijiti, mkimbiaji anayesifiwa sana au kukaumiwa, ama kwa kupata au kokosa ushindi ni yule aliyepokea kijiti mwishoni na kuhitimisha mbio. Uovu, ubaya na uzuri wa mbio zinazoendelea sasa, au utakupa heshima na sifa wewe au kukuharibia heshima na sifa wewe, hata kama makosa yalifanywa na aliyeanza kukimbia.
Rais Samia, kama una dhamira njema , nenda zaidi kwenye mambo ya msingi, huko ndiko utumie muda na akili yako zaidi. Jenga mfumo utakaozuia Polisi kuwa chombo cha ugandamizaji, jenga mfumo utakaoifanya mahakama iwe huru, iongozwe na watu waadilifu na wenye weledi kuliko ilivyo sada, na itende haki. Jenga mfumo utakaozuia DPP kumfungulia mtu yeyote kesi, bila kujali mtu huyo ni mhalifu au mtu mwema. Jenga mfumo utajaowezesha kuwa na Bunge huru lenye wabunge wenye uwezo na weledi, kuliko hawa ambao kwa kiasi kikubwa ni wateule wa watu watatu, Jenga mfumo utakaozuia Rais kuingilia na kuzifanya taasisi zilizotakiwa kuwa huru, kuwa mali yake binafsi.
Jumba bovu unaloishi ndani yake, ni mifumo mibaya ya utawala. Madamu ni jumba bovu, lazima litakuangukia. Hatujui ni lini, lakini usipotoka humo, tuna uhakika litakuangukia.
1) Amejitahidi kuhimiza mazingira rafiki ya uwekezaji lakini kahimiza kwa mdomo. Mwekezaji makini hawezi kuzingatia. Rais, nenda katazame sheria na sera ya uwekezaji. Ukaweke msingi huko. Tunatakiwa kuwa na sheria rafiki ya uwekezaji, isiyobadilika ovyo ovyo, isiyoweza kuchezewa ovyo ovyo na Rais, kama ilivyokuwa wakati wa awamu ya 5.
2) Amejitahidi kuhimiza haki za msingi bila kugusa sheria, na hapo inaonekana ni usanii, blabla na unafiki. Kama tunataka nchi yetu iwe nchi inayojali haki, demokrasia na uhuru wa watu, ni lazima kurudi kuitazama katiba na sheria zetu. Lazima tuangalie sheria iliyounda Jeshi la Polisi maana kwa sasa taasisi hii ndiyo inayoongoza kwa kuvunja sheria na kukanyaga haki za msingi za raia. Lazima kuangalia sheria iliyounda mahakama, TISS, DPP, na Bunge. Taasisi hizi badala ya kuwa huru, kwa sasa zinafanya kazi kama taasisi vikaragosi vya Serikali na Rais.
3) Rais kajitahidi kufanya mabadiliko madogo madogo lakini ameamua kuning'inia kwa miguu juu ya kamba nyembamba inayotenganisha haki na dhuluma. Anataka asiangukiwe na jumba bovu lililojengwa na awamu ya 5, lakini ameendelea kusimama ndani karibia na mlango wa jumba bovu. Hujuma na uovu dhidi ya makomandoo, Mbowe, wanaoitwa wahujumu uchumi, ni jumba bovu lililojengwa na awamu ya 5, Rais amesimama ndani ya jumba bovu, karibia na mlango wa kutokea, kuta za jumba bovu zinaendelea kumeguka, naye anapiga kelele kuwa karibu litaniangukia, lakini hatoki nje ya jumba bovu. Mh. Rais Samia, ukitaka usidondokewe na jumva bovu, toka nje ya jumba hilo bovu, liache lianguke, ujenge nyumba imara. Rais akumbuke kuwa uongozi ni mbio za kupokezana vijiti, mkimbiaji anayesifiwa sana au kukaumiwa, ama kwa kupata au kokosa ushindi ni yule aliyepokea kijiti mwishoni na kuhitimisha mbio. Uovu, ubaya na uzuri wa mbio zinazoendelea sasa, au utakupa heshima na sifa wewe au kukuharibia heshima na sifa wewe, hata kama makosa yalifanywa na aliyeanza kukimbia.
Rais Samia, kama una dhamira njema , nenda zaidi kwenye mambo ya msingi, huko ndiko utumie muda na akili yako zaidi. Jenga mfumo utakaozuia Polisi kuwa chombo cha ugandamizaji, jenga mfumo utakaoifanya mahakama iwe huru, iongozwe na watu waadilifu na wenye weledi kuliko ilivyo sada, na itende haki. Jenga mfumo utakaozuia DPP kumfungulia mtu yeyote kesi, bila kujali mtu huyo ni mhalifu au mtu mwema. Jenga mfumo utajaowezesha kuwa na Bunge huru lenye wabunge wenye uwezo na weledi, kuliko hawa ambao kwa kiasi kikubwa ni wateule wa watu watatu, Jenga mfumo utakaozuia Rais kuingilia na kuzifanya taasisi zilizotakiwa kuwa huru, kuwa mali yake binafsi.
Jumba bovu unaloishi ndani yake, ni mifumo mibaya ya utawala. Madamu ni jumba bovu, lazima litakuangukia. Hatujui ni lini, lakini usipotoka humo, tuna uhakika litakuangukia.
