Ndoa ya shost ina miaka
mitano sasa, kumbe kuna kigori kinamkosesha raha mume wake, mume
amesharusha ndoana mtoto anatoa nje, siku ya siku mtoto ameingia line.
Mume mate yalimtoka, akifikiria alivyohangaika kurusha ndoana, basi
akapanga mpango wa kujimilikisha kigoli japo kwa siku tatu. Ofisini
alichukua likizo ya dharura, nyumbani akamuaga shost anakwenda Mwanza
kikazi.
Alijificha mjini hapahapa, kwenye machimbo ambayo ni nyumba ya kiongozi
mmoja wa serikali ameijenge kama retirement home hizo siku zijazo, ni
hekalu na kwasasa kwasababu hajahamia, ameamua kuifanya rest house.
Wenye pesa zao wengi huenda hapo kufanya yao wasiotaka yajulikane, kwani
wafanyakazi kuanzia mpishi, bar manager na house keeper wote ni
Wakenya. Wageni wengine wengi ni raia wa kigeni, kwani sehemu yenyewe
malipo ni kwa dola za kimarekani.
Mume ameingia na kigori kujiachia kwa raha zao, kumbe bwana mmoja wa
wahudumu ni binamu wa shost, si unajua kuna wale binamu ambae mama yake
na baba yako ni binamu, kizungu wanaitwa "2nd cousin". Binamu anamfahamu
shemeji yake kwani alimuona siku ya harusi, lakini hana ukaribu nae
sana. Baada ya kumuona anajivinjari na kigori, basi binamu alitafuta
number ya simu ya binamu akawa anawalia timing anapiga picha. Mara wako
kwenye swimming pool, wanalishana dining, wameshikana mikono wanatembea
kwenye garden, basi vurugu tupu.
Binamu alitafuta number ya simu ya mke wa jamaa,akampigia simu
kujitambulisha, na kumueleza kinachoendelea na picha akamtumia kwenye
whatsApp. Shost alipopata zile picha ngachoka! Alitafuta mtu akamuomba
apige simu kwa secretary kazini kutaka kuongea na fulani, secretary
akajibu boss amepata dharura ya kifamilia lakini atakaua ofisini J'tatu.
He shost ndio anagundua kumbe Mwanza ilikua danganya toto!
Baada ya maraha, wakaagana vizuri, mume akaenda kutafuta sato na sangara
mjini, kawapeleka nyumbani, akimkumbatia mkewe jinsi alivyomkumbuka!
Shost ananihadithia hasira zilimpanda hakujua afanye nini, lakini wakati
anasubiri uamuzi na kichwa chake, alimpikia mume wake chakula kizuri
tu. Wanafuga mbwa, alichukua sahani akawapakulia mbwa chakula wakala,
wakailamba basi shost hakuisafisha ile sahani, akampakulia mumewe
chakula kwenye sahani ile ile! Jamaa alipokua anakula kidogo moyo wake
ulipata faraja! Lakini hajajua achukue hatua gani bado.