Ponda aonya ushawishi wa wafanya biashara kwenye siasa

[tonicimmobility]

Katibu wa Taasisi na Jumuiya za Kiislamu Tanzania, Sheikh Ponda Issa Ponda, ameeleza wasiwasi wake kuhusu wafanyabiashara wenye ushawishi mkubwa serikalini akisema hali hiyo ni tishio kwa maslahi ya wananchi wa kawaida.

Akizungumza katika mahojiano maalum na mtangazaji Wilberforce Ngoto kupitia kipindi cha Maswali na Majibu kinachorushwa na Jambo TV, Sheikh Ponda ambaye pia ni mwanachama wa ACT-Wazalendo, amejibu swali kuhusu mtazamo wake kuhusiana na wafanyabiashara wakubwa kuchangia harambee ya Chama Cha Mapinduzi (CCM).

Soma pia: Shehe Issa Ponda kushinda jimbo la Temeke mchana kweupe - Mikiki katika kutetea wanyonge ndio turufu yake Temeke

Sheikh Ponda amesema kuwa ni hatari kwa taifa pale wafanyabiashara wanapopewa nafasi au ushawishi mkubwa katika maamuzi ya serikali kwa sababu wanapendelea maslahi yao binafsi kuliko maslahi ya wananchi wa hali ya chini.

“Wafanyabiashara katika mataifa yote ukiwaacha wakawa na ushawishi katika serikali wanatengeneza tatizo kubwa kwasababu wao ni watu wa maslahi na maisha, wanajali maisha yao, huwa hawamjali mtu wa maisha ya chini”, amesema Sheikh Ponda.

 

[Nangu Nyau]

Dunia kote siasa na utawala ni Mali ya Elites kuanzia USA, Russia mpaka China.
Watu strong wenye hela na ushawishi ndio wanakuwa sehemu ya maamuzi makubwa.

Tofauti ya kwingineko na huku ni mipaka na controlling ya interference hata kwenye mambo madogo madogo na uwezo mdogo wa akili wa elites wengi.

Russia wanaitwa Oligarchs akina Abrahamovic na matyacoon wengine waliotengenezwa na mfumo na kuwa nyuma ya Putin, USA kuna akina Musk, Bill nk.

ndani ya mitaa ya Benghazi Libya.