Polisi wamsafisha Nassari

Polisi wamsafisha Nassari

Medical Dictionary

JF-Expert Member
Joined
Mar 12, 2012
Posts
1,060
Reaction score
309
JESHI la Polisi Mkoa wa Arusha, limemsafisha Mbunge wa Arumeru Mashariki, Joshua Nassari (CHADEMA), kuwa hakuhusika katika tukio la kufyatua risasi hewani kama ilivyodaiwa na baadhi ya vyombo vya habari jana. Badala yake, Kamanda wa Polisi Mkoa, Liberatus Sabas, alisema kuwa wanamhoji mjumbe wa mkutano Muu wa Chama cha Mapinduzi (CCM) kupitia Wilaya ya Arusha, Godfrey Mwalusamba, kuhusiana na tukio hilo. Kufuatia hatua hiyo, Nassari ametoa siku 14 kwa magazeti ya Uhuru na Habari Leo kukanusha taarifa walizoandika wakimhusisha na tukio hilo kwenye Kata ya Daraja Mbili siku ya Jumapili, vinginevyo atayashitaki Baraza la Habari nchini (MCT).

Katika mkutano wake na waandishi wa habari, Kamanda Sabas alisema kuwa Mwalusamba alifyatua risasi hewani kwa lengo la kumuokoa mwanamke mmoja ambaye jina lake hakulitaja, ambaye alikuwa akishambuliwa na kundi la vijana wakimtuhumu kuwa alikuwa akigawa fedha kwa wapiga kura. Alisema kuwa kwenye tukio hilo, Musa Khamisi, alijeruhiwa kwa kukatwa na panga ambapo jumla ya watu wanane walikamatwa na tayari walifikishwa mahakamani jana kujibu mashitaka ya kujeruhi na shambulio la aibu.

Naye Nassari, aliwaambia waandishi wa habari kuwa amefikia uamuzi wa kuyataka magazeti hayo kukanusha habari hizo kwa uzito uleule waliotumia kuzitangaza baada ya kutafakari na kujiridhisha kuwa habari hizo ziliandikwa kwa hila, zikiwa na lengo la kumchafua.

"Magazeti hayo yameandika kuwa nilifyatua risasi saa saba mchana Kata ya Daraja Mbili wakati muda huo nilikuwa Kata ya Bangata nikiwa wakala mkuu wa uchaguzi, siku hiyo nilipita Kata ya Daraja Mbili saa mbili asubuhi kwa ajili ya kushusha mawakala kisha nikaondoka," alisema. Alisema kuwa habari hiyo iliyoandikwa na gazeti la CCM na lile la Serikali iliandikwa kimkakati kwa lengo la kumchafua yeye binafsi na chama chake huku akiweka bayana kuwa huo ni mwendelezo wa hila anazofanyiwa tangu anyakue ushindi wa jimbo hilo.


Source:tanzania daima
 
Magazeti ya Wajinga hayo!
Ishu ni kwamba Magazeti yenyewe yakanushe habari hizo kwa heading kama walizotoa wakati wakifanya umbea!
Hivi hawa Wahariri kweli ni professionals!
 
Magazeti ya Wajinga hayo!
Ishu ni kwamba Magazeti yenyewe yakanushe habari hizo kwa heading kama walizotoa wakati wakifanya umbea!
Hivi hawa Wahariri kweli ni professionals!

Hilo ndilo tatizo la kufanya kazi wakati mtu anawaza cheo siku sijazo. Wahariri professionals walipaswa kuhoji wahusika kwanza ili kuijiridhaisha pasipokuacha mashaka kabla ya kwenda mitamboni.
 
Kwani hilo Baraza la habari (MCT) lipo wapi kuachia uongo na uchochezi unaofanywa na magazeti ya CCM na Serikali yake? Hivi kweli yangekuwa magazeti mengine na yamemchafua kiongozi wa CCM na chama chake MCT ingeyaachia hayo magazeti? Hizi double standard zimetufanya tuondoe hata ile chembe ya imani tuliyokuwa nayo kwa serikali yetu na vyombo vyake.
 
Yaani sasa hivi hata matonya angeweza kuwa Mhariri. Nchi limeoza kila sekta aisee.
 
Magazeti ya Wajinga hayo!
Ishu ni kwamba Magazeti yenyewe yakanushe habari hizo kwa heading kama walizotoa wakati wakifanya umbea!
Hivi hawa Wahariri kweli ni professionals!

Kweli wahariri na magazeti yao wamejichafua sana. Hata makanjanja wasiokuwa na elimu ya kutosha katika uandishi wa habari huwa wanajitahidi ku-balance habari. Hawa wanaonekana kabisa wanafanya kazi ya UDAKU ili kuikuwadia CCM.
 
Nasema kila siku hatuna Waandishi Wa habari Bali wachafuzi Wa habari.. Sijui lini Tanzania itatoka..
 
Awapeleke mahakamani! its a defamation.
 
Hivi kumbe hata mimi naweza tu kumiliki silaha,,,manake naona siku hizi kila mtu ana kitu cha moto.
 
hapa suala muhimu ni kuwaswaga mahakamani halafu unadai bonge la FIDIA....kwa nini watu hawajui kutumia OPPORTUNITIES ku make monye jamani??
 
Hivi mlitegemea Uhuru na Habarileo waandike kuwa
aliyefanya vurugu ni kada wa CCM? Waandishi wa
magazeti haya na wahariri wao wanatekeleza kile cha
"mtumikie kafiri upate mradi wako"...
 
Uhuru na habari leo ni magazeti yanayonunuliwa na serikali na mashirika ya umma kwa lazima! yakisambazwa maofisini yanatupwa kwenye dust bin au wanapewa masecretary,mesenger.Ni ubadhirifu wa kodi yetu kununua magazeti ambayo hayasomwi kwa walengwa!
 
Magazeti yaandikayo ukweli yanafungiwa sasa haya ya uongo ndio yanaachwa? hivi hawa uhuru walishiriki yale maandamano ya waandishi wa habari kupinga kuuwawa kwa Mwangosi?
 
Back
Top Bottom